Sveitarstjórnarmál - 01.09.1995, Blaðsíða 11
AFMÆLI
söfnun íslandskorta fyrir um það bil 30 árum.
Islands er getið á landakortum allt frá því um árið
1000 e. Kr., en lögun þess er í litlu samræmi við raun-
veruleikann fyrr en kort Guðbrands biskups Þorláksson-
ar kemur til. Það birtist fyrst í hinu fræga kortasafni
Abrahams Orteliusar, Theatrium orbis terrarum, árið
1590. Fimm árum síðar birtist kortið í nokkuð breyttri
gerð í kortasafni Gerhards Mercators, eða árið 1595.
Kjartan Gunnarsson, sem hér er viðsladdur, hefur
safnað þessum kortum víða erlendis, einkum í London,
París og Kaupmannahöfn. Kjartan gerðist snemma fé-
lagsmaður í alþjóðlegum samtökum kortasafnara,
„International Map Collector Society“, sem stofnuð
voru í London seint á 8. áratugnum, og hefur setið í
stjórn þeirra.
Gjöfin styrkir vonandi það markmið að koma upp sér-
stakri kortadeild í þjóðdeild Landsbókasafns Islands -
Háskólabókasafni. Þessi fágætu og gömlu Islandskort
gegna ennfremur því mikilvæga hlutverki að auðvelda
fræðimönnum rannsóknir á sögu landsins, landa- og
náttúrufræði þess og tengslum Islands við aðrar þjóðir.
Haraldur Sigurðsson, fyri-verandi bókavörður og höf-
undur hins stórmerka rits, „Kortasögu íslands", segir eft-
irfarandi í fylgiritinu „Kortasafn Háskóla íslands", sem
kom út með Arbók Háskóla íslands 1979-1980: „Sam-
anburður Islandskorta frá ýmsum tímum sýnir okkur lít-
inn þátt í viðleitni mannsins að átta sig á umhverfi sínu
og þoka sér áleiðis frá fjarstæðukenndum hugmyndum
til vaxandi raunsæis og traustara yfirlits."
Þetta eru orð að sönnu og augljóst að sá mikli menn-
ingarfjársjóður, bækur, blöð, tímarit og landakort, sem
hér eru í þessari stofnun og aðgengileg fyrir alla, kennir
þjóðinni að virða sjálfa sig og trúa á sjálfa sig og framtíð
sína.
Eg vil hér með fyrir hönd þeirra 170 sveitarfélaga, sem
eru í Sambandi íslenskra sveitarfélaga, biðja Einar Sig-
urðsson, yfirbókavörð Landsbókasafns Islands - Há-
skólabókasafns, að veita þessari gjöf viðtöku og láta í
ljós þá von stjómar sambandsins, fyrir hönd sveitarfélag-
anna í landinu, að þessi gjöf styrki þann grunn sem safn-
ið starfar á og geri það hæfara til að rækja í senn skyldur
sínar við fortíð, nútíð og framtíð.“
Fyrrverandi formenn heiðraðir
Heiöursmerki sambandsins afhent í lokahófi fulltrúaráösfundarins 10. júní. Á myndinni eru,
taliö frá vinstri, Vilhjálmur P. Vilhjálmsson, Jón G. Tómasson og kona hans, Sigurlaug Jó-
hannesdóttir hjúkrunarfræöingur, og hjónin Sigríður Gyöa Siguröardóttir myndlistarmaöur og
Sigurgeir Sigurösson. Ljósm. Kristján Logason.
Á fimmtíu ára afmæli sam-
bandsins voru þrír fyrrverandi
formenn sambandsins heiðraðir
með merki sambandsins sem
slegið hefur verið úr gylltum
málmi.
Tveir þeirra, Jón G. Tómas-
son, fv. borgarritari og nú ríkis-
lögmaður, og Sigurgeir Sig-
urðsson, bæjarstjóri Seltjamar-
nesbæjar, voru í kvöldverðar-
hófi, sem haldið var að loknuni
51. fundi fullrúaráðsins, og
voru þeim þá afhent gullmerki
því til staðfestingar. Hinn þriðji,
Bjöm Friðfinnsson, fékk afhent
slíkt merki er hann kom til
landsins nokkru eftir afmælið.
Jón G. Tómasson var for-
maður sambandsins kjörtímbil-
ið 1978-1982, Bjöm Friðfinns-
son árin 1982-1987 og Sigur-
geir Sigurðsson árin 1987-1990.
Jón G. Tómasson hafði áður en hann varð formaður
verið varafulltrúi í stjóm sambandsins árin 1967-1978
og síðan á ný árin 1982-1990 og loks átti hann sæti sem
aðalmaður í stjórninni á síðasta kjörtímabili, árin
1990-1994.
Sigurgeir átti sæti í stjóminni sem aðalmaður frá árinu
1978 til ársins 1990 og var varaformaður 1983-1987.
1 37