Sveitarstjórnarmál - 01.09.1995, Blaðsíða 62

LAUNAMAL
Eigum viö þá aö fallast á þetta tll samkomulags? Samningar á
lokastigi 13. mai sl. Á myndinni eru, taliö frá vinstri, ingimundur
Sigurpálsson, bæjarstjóri i Garöabæ, og Gunnar Rafn Sigur-
björnsson, bæjarritari í Hafnarfiröi, úr stjórn Launanefndar
sveitarfélaga, og Lúövik Hjalti Jónsson, starfsmaöur Launa-
nefndarinnar. Unnar Stefánsson tók myndirnar sem birtast meö
frásögninni.
í júnímánuði var gengið frá kjarasamningi við Félag
íslenskra leikskólakennara. Samningurinn er hliðstæður
samningi Reykjavíkurborgar og ríkisins við félagið og
var samið um sömu launatöflu og röðun í launaflokka
og í þeim samningi. Samningar launanefndar og
Reykjavíkurborgar við félagið eru nú mjög svipaðir en
talsverður munur var á þessum samningum fyrir
nokkrum árum þegar aðilar gerðu samanburð á þeim.
Ennfremur hefur launanefnd samið við Alþýðusam-
band Suðurlands vegna ófaglærðs starfsfólks á dvalar-
heimilum á Suðurlandi, Verkalýðsfélagið Árvakur
vegna ófaglærðs starfsfólks á dvalarheimilinu Hulduhlíð
á Eskifirði og Landssamband slökkviliðsmanna.
Nokkrum samningum er ólokið, þar á meðal samning-
um við Félag tónlistarskólakennara og verkalýðsfélög á
Vestfjörðum. Launanefnd hefur nú borist umboð frá
sveitarfélögunum til að semja við Félag tæknifræðinga
en viðræður við félagið eru elcki hafnar.
Allir samningar launanefndar, sem gerðir hafa verið
að undanfömu, gilda til ársloka 1996.
UMHVERFISMÁL
Samráðsnefnd um skógrækt
Á fulltrúafundi skógræktarfélag-
anna 22. apríl sl. flutti Vilhjálmur Þ.
Vilhjálmsson erindi í tilefni af skóg-
ræktardegi á Náttúruvemdarári Evr-
ópu þann 12. ágúst. í erindi sínu
fjallaði Vilhjálmur um mikilvægi
þess að auka samstarf sveitarfélaga
og skógræktarfélaga og lagði fram
tilteknar hugmyndir þar um. I fram-
haldi af fundinum skrifaði Skóg-
ræktarfélag Islands sambandinu
hinn 11. maí þar sem lagt er til að
komið verði á laggimar sameigin-
legri nefnd beggja aðila til þess að
fjalla um samvinnu sveitarfélaga og
skógræktarfélaga. Lagt var til að
nefndin skilaði tillögum fyrir aðal-
fund Skógræktarfélagsins, sem
haldinn verður á Egilsstöðum 1.-3.
september nk.
Stjórn sambandsins hefur tekið
undir þessar hugmyndir og tilnefnt í
slíka samráðsnefnd um skógrækt
þau Magnús Gunnarsson, bæjarfull-
trúa í Hafnarfirði, og Sigríði Jens-
dóttur, forseta bæjarstjórnar á Sel-
fossi. Af hálfu Skógræktarfélags Is-
lands hafa verið tilnefndir þeir
Björn Ámason, fv. bæjarverkfræð-
ingur í Hafnarfirði, sem á sæti í
stjórn Skógræktarfélags íslands,
Hallgrímur Indriðason, fram-
kvæmdastjóri Skógræktarfélags Ey-
firðinga, og Brynjólfur Jónsson,
framkvæmdastjóri Skógræktarfélags
Islands.
I tillögu Skógræktarfélags Islands
um æskileg umfjöllunaratriði í slíkri
samráðsnefnd eru tilgreind fimm at-
riði:
1) Skipulag og áætlanagerð. Með
áætlanagerð sem unnin er í sam-
ræmi við aðalskipulag og oft í sam-
vinnu við hlutaðeigendur eða lands-
lagsarkitekta sé leitast við að tryggja
skynsamlega landnýtingu í sátt við
fjölmörg sjónarmið, svo sem mótun
umhverfisins og varðveislu sér-
stæðra einkenna.
2) Atvinnustarfsemi - unglinga-
vinna. Skógrækt og uppgræðsla
veitir m.a. unglingum atvinnu á
þeim árstíma sem skólafólk leitar á
vinnumarkaðinn.
3) Útivistarsvæði - skógrækt og
viðhald. Með fjölgun útivistarskóga
skapist aukin vinna við umhirðu og
grisjun.
4) Fræðsla og námskeiðahald.
Fræðsla um skógrækt og upp-
græðslu er mikilvæg. Þegar sveitar-
félögin hafa yfirtekið að fullu rekst-
ur grunnskóla í landinu skapist nýir
möguleika á samstarfi.
5) Ný skógræktarsvæði. Víða um
land vantar nýtt land undir skóg-
rækt. Skortur á friðuðu landi er
mestur á höfuðborgarsvæðinu.
Sveitarfélög gætu hlutast til um að
land í eigu þeirra og ríkisins yrði
látið í té undir skógrækt.
I erindinu er talið að verulega
mikill áhugi sé hjá skógræktarfélög-
um að auka samvinnu við sveitarfé-
lögin um land allt.
Samstarfsnefnd sambandsins og
Skógræktarfélags Islands er nýr
vettvangur sem ekki ætti að vanta
viðfangsefni samkvæmt framan-
sögðu. Nefndin hefur þegar tekið til
starfa.
1 88