Sveitarstjórnarmál - 01.09.1995, Blaðsíða 23
VERKASKIPTI RIKIS OG SVEITARFÉLAGA
tekjustofna sveitarfélaga. Meta þarf kostnað við þá þætti
sem flytjast frá ríki til sveitarfélaga og undirbúa breyt-
ingar á skiptingu skatttekna. í þessu sambandi þarf t.d.
að huga sérstaklega að hlutverki Jöfnunarsjóðs sveitar-
félaga. Meta þarf hvort breyta þurfi reglum um úthlutun
úr sjóðnum og einnig hvemig háttað skuli framlögum í
hann.
I þetta verkefni verður einnig skipaður sérstakur
starfshópur. Báðir þessir starfshópar hafa nefndarálit til
hliðsjónar og grundvallar.
3. Þriðja stórmálið eru fagleg mál. Grunnskólalögin
gera ráð fyrir að fræðsluskrifstofur verði lagðar niður í
núverandi mynd og að flest þau verkefni og skyldur,
sem hafa verið í umsjá fræðslustjóra, færist til sveitarfé-
laga.
Hér er um að ræða mjög fjölbreytileg verkefni, allt frá
fjármálalegri umsýslu til margvíslegrar stoðþjónustu við
starfsmenn skóla. Áætlanagerð, fjármál, launamál, ráðn-
ingar starfsmanna, sérkennsla, sálfræðiþjónusta,
kennsluráðgjöf, skólaþróun eru nokkur dæmi um mál í
þessum flokki sem sveitarfélög munu bera ábyrgð á
þegar lögin um grunnskóla koma að fullu til fram-
kvæmda.
Ymsar hugmyndir eru á lofti um hvemig þessum mál-
um verði best fyrir komið hjá sveitarfélögum án þess að
þjónusta skerðist frá því sem verið hefur. í þessum
flokki mála er fyrir hendi dýrmæt reynsla á fræðsluskrif-
stofum en fyrirkomulag og útfærsla kann að verða með
mismunandi hætti eftir aðstæðum í sveitarfélögum eða
vilja sveitarstjóma til að reka sameiginlega þá lágmarks-
Unniö höröum höndum á fundinum. Viö fremsta borö sitja, taliö
frá vinstri, Hálfdán Kristjánsson, bæjarstjóri á Ólafsfiröi, Hjalti
Jóhannesson, framkvæmdastjóri EYPINGS, og Einar Njálsson,
bæjarstjóri á Húsavík og formaöur EYPINGS. Viö næsta borö
sitja Luövík Hjalti Jónsson, viöskiptafræöingur á skrifstofu
sambandsins, Gísli Bragi Hjartarson, bæjarfulitrúi á Akureyri,
og Jónas Jónsson, oddviti Ásahrepps, og í öftustu sætaröö
Hrólfur Kjartansson, deildarstjóri í menntamálaráöuneytinu,
Trausti Porsteinsson, námsstjóri á Noröurlandi eystra, Bragi
Michaelson, bæjarfulltrúi t Kópavogi, og Ellert Eiríksson, bæjar-
stjóri i Keflavík-Njarövík-Höfnum.
Vel tekiö eftir á fundinum. Viö fremsta borö sitja, taliö frá vinstri,
Bjarni Þór Einarsson, framkvæmdastjóri Sambands sveitarfé-
laga í Noröurlandskjördæmi vestra (SSNV), Guðmundur Haukur
Sigurösson, hreppsnefndarmaöur á Hvammstanga, Ingibjörg
Hafstaö, oddviti Staðarsveitar í Skagafiröi, og Björn Sigur-
björnsson, formaöur bæjarráös á Sauðárkróki og formaöur
SSNV. Viö annaö borö Albert Eymundsson formaöur og Björn
Hafþór Guðmundsson, framkvæmdastjóri Sambands sveitarfé-
laga í Austurlandskjördæmi, Kristján Magnússon á Vopnafiröi,
nýskipaöur formaður stjórnar Lánasjóös sveitarfélaga, og Anna
Pála Víglundsdóttir, hreppsnefndarfulltrúi i Vopnafjaröarhreppi.
Viö þriöja borð eru Arnbjörg Sveinsdóttir, formaöur bæjarráös á
Seyöisfirði og alþingismaöur Austfiröinga, Ásbjörn Guöjóns-
son, bæjarfulltrúi á Eskifiröi, og Gísli Sv. Árnason, forseti bæj-
arstjórnar Hornafjaröarbæjar. Viö aftasta boröiö sitja Ingvar
Viktorsson, bæjarfulltrúi í Hafnarfirði, Guömundur Bjarnason,
bæjarstjóri i Neskaupstaö, og Magnús Karel Hannesson, oddviti
Eyrarbakkahrepps.
sérfræðiþjónustu sem 42. gr. grunnskólalaga gerir sveit-
arfélögum skylt að sjá skólum fyrir.
I þessu sambandi er rétt að minna á sérskóla og sér-
deildir en rekstur þeirra færist á hendur sveitarfélaga
samkvæmt 38. gr. laganna. Hér þurfa að koma til skýrar
reglur um á hvern hátt þessir skólar verði reknir svo
tryggt sé að öll böm sem þess þurfa getið notið þeirra.
Menntamálaráðherra hefur ákveðið að skipa sérstakan
starfshóp í þennan málaflokk. Verkefni hópsins verður
fyrst og fremst að aðstoða sveitarfélög við að taka við
þessum málum og byggja sérfræðiþjónustu upp sam-
kvæmt ákvæðum laganna.
Eg hef staldrað hér við þrjá meginflokka mála sem
vinna þarf í og ráða til lykta fyrir 1. ágúst 1996. Enda
þótt þegar hafi verið fjallað um þessi mál við undirbún-
ing laganna er ljóst að verkefnin framundan eru afar um-
fangsmikil og flókin. Það er einnig augljóst að samhæfa
og samræma þarf vinnu þeirra þriggja hópa sem ég gat
um hér að framan og em að hefja störf um þessar mund-
ir. Það er m.a. verkefni verkefnisstjómar.
Önnur verkefni
Enn er ýmislegt ótalið sem leiðir af grunnskólalögun-
um 1995. Viðamikil verkefni önnur falla innan verksviðs
1 49