Sveitarstjórnarmál - 01.09.1995, Blaðsíða 19

F U LLTRÚARÁÐS F U N DI R
Jöfnunarsjóður sveitarfélaga
Að tillögu nefndarinnar samþykkti fundurinn svo-
fellda ályktun um Jöfnunarsjóð sveitarfélaga:
„I nóvember á síðasta ári voru lagðar fram tillögur og
greinargerð nefndar sem skipuð var af félagsmálaráð-
herra til að endurskoða ákvæði reglugerðar Jöfnunar-
sjóðs sveitarfélaga. I tillögunum er gert ráð fyrir veru-
legum breytingum á reglum um greiðslu jöfnunarfram-
laga úr sjóðnum.
Fulltrúaráðið telur nauðsynlegt að sem fyrst fari fram
kynning á tillögum nefndarinnar og tillögum um skil-
greint hlutverk jöfnunarsjóðsins vegna yfirtöku sveitar-
félaga á öllum grunnskólakostnaði.
Jöfnunarsjóði sveitarfélaga er einnig ætlað að gegna
mikilvægu hlutverki í tengslum við yfirfærslu alls
grunnskólakostnaðar til sveitarfélaga og nauðsynlegt er
að efla sjóðinn sérstaklega til að mæta misjöfnum að-
stæðum í sveitarfélögunum vegna þess yfirgripsmikla
verkefnis.
I þeirri vinnu sem framundan er til undirbúnings yfir-
færslunni þarf því að skilgreina ítarlega hlutverk sjóðs-
ins í því sambandi og ætla honurn auknar tekjur með
breytingum á tekjustofnalögum sveitarfélaga.
Fulltrúaráðið hvetur til þess að félagsmálaráðuneytið
og Samband íslenskra sveitarfélaga efni til slíkra kynn-
ingarfunda um breytingar á reglum jöfnunarsjóðsins og
nýtt hlutverk hans varðandi rekstur grunnskóla. Kynn-
ingarfundimir verði haldnir fyrir sveitarstjómarmenn í
öllum landshlutum í samráði við landshlutasamtök
sveitarfélaga."
Umh verfismál
Pá var að tillögu sömu nefndar samþykkt svofelld
ályktun um umhverfismál:
„Fulltrúaráðið telur að umhverfismál í víðum skiln-
ingi verði meðal allra brýnustu viðfangsefna sveitarfé-
laganna á næstu ámm.
Sveitarfélögin hafa mikilvægu hlutverki að gegna í
umhverfismálum. Fulltrúaráðið hvetur þau til að taka
náttúmvemd á sínu svæði til sérstakrar umfjöllunar í til-
efni Náttúmvemdarárs Evrópu 1995. Jafnframt em þau
hvött til að eiga gott samstarf við einstaklinga og félaga-
samtök sem leggja umhverfis- og náttúruvemdarmálum
lið og styðja viðleitni þeirra við hreinsun umhverfis,
skógrækt og uppgræðslu lands svo sem kostur er.
Hreint umhverfi og óspillt náttúra eru meðal verð-
mætustu lífsgæða hverrar þjóðar og sveitarfélögin gegna
mikilvægu hlutverki í varðveislu þeirra verðmæta. í því
sambandi er ástæða til að minna á hina miklu jarðvegs-
og gróðureyðingu sem orðið hefur hér á landi og fram-
hald verður á ef ekki er snúist til vamar.
Með úttektum og skýrslum um ástand sorpeyðingar í
landshlutunum hefur verið lagður góður grunnur að úr-
bótum í förgun sorps og annars úrgangs, sem ætti að
auðvelda sveitarfélögunum ákvarðanatöku um varanleg-
ar úrbætur í þeim málum.
Jafnframt vinna sveitarfélögin nú víða að frágangi frá-
veitna og með lögum um fjárhagslegan stuðning ríkisins
við fráveituframkvæmdir sveitarfélaga er komið að
nokkm til móts við það sjónarmið að mörg sveitarfélögin
eiga erfitt með að uppfylla kröfur í lögum og reglugerð-
um um mengunarvamir, sem hafa í för með sér veruleg-
an kostnað.
Fulltrúaráðið leggur áherslu á að viðleitni sveitarfélag-
anna til að vinna að úrbótum í umhverfismálum þarf að
njóta stuðnings ríkisvalds og umhverfisyfirvalda og að
innheimta skatta hamli ekki framfömm á þessu sviði.“
Atvinnumál
Svofelld ályktun var loks samþykkt um atvinnumál:
„A undanförnum árum hafa sveitarfélögin í landinu
brugðist við vaxandi atvinnuleysi með margvíslegum
hætti og þau em þeir aðilar í þjóðfélaginu sem lagt hafa
mesta áherslu á og náð bestum árangri til að draga úr at-
vinnuleysi.
Sveitarfélögin áttu á árinu 1993 frumkvæði að sam-
starfi við Atvinnuleysistryggingasjóð og tillögugerð um
ný vinnubrögð og breyttar áherslur í starfsemi sjóðsins,
sem leitt hefur til þess að fjöldi einstaklinga á atvinnu-
leysisskrá hefur fengið vinnu um lengri eða skemmri
tíma.
I samræmi við yfirlýsingu ríkisstjómarinnar og sam-
bandsins frá 12. desember 1994 beinir fulltrúaráðið því
til sveitarfélaganna að á árinu 1995 haldi þau áfram sam-
starfi við Atvinnuleysistryggingasjóð urn átaksverkefni
fyrir fólk á atvinnuleysisskrá til að draga úr atvinnuleysi,
en sjóðurinn hefur heimild til að styrkja slík verkefni
með sambærilegum hætti og verið hefur.
Fulltrúaráðið fagnar yfirlýsingu félagsmálaráðherra
um endurskoðun laga um Atvinnuleysistryggingasjóð.
Fulltrúaráðið telur brýnt að lögð verði áhersla á að sjóð-
urinn hafi ótvíræðar heimildir til samstarfs við sveitarfé-
lög um átaksverkefni fyrir atvinnulausa, þjálfun og nám-
skeið fyrir atvinnulaust fólk, aðstoð við að útvega því
vinnu og aðlagast nýjum störfum. Ennfremur verði í
þessu sambandi lögð áhersla á að koma á skipulögðu
starfsnámi í tengslum við fyrirtæki og allur undirbúning-
ur þess unninn í nánu samráði við fyrirtæki og mennta-
stofnanir.
Fulltrúaráðið minnir á að á undanfömum þremur ámm
hafa átaksverkefni fyrir atvinnulausa kostað sveitarfélög-
in verulega mikla fjármuni til viðbótar þeim greiðslum
sem þau hafa innt af hendi til Atvinnuleysistrygg-
ingasjóðs. Jafnframt hafa sveitarfélögin lagt fram mikla
fjármuni til atvinnulífsins til að tryggja áframhaldandi
rekstur ýmissa atvinnufyrirtækja.
Fulltrúaráðið ítrekar þá skoðun sína að það sé fremur
hlutverk sveitarfélaga að skapa atvinnufyrirtækjum
ákjósanlegt rekstrarumhverfi heldur en að styrkja þau
með fjárframlögum og ábyrgðum. Staðreyndin er sú að
1 45