Frjáls verslun - 01.08.2007, Blaðsíða 49
F R J Á L S V E R S L U N • 8 . T B L . 2 0 0 7 49
B
oðskapur okkar er sá að enginn eigi að geta óhultur
og áhyggjulaus brotið á þeim mikilvægu hags-
munum almennings sem samkeppnislögunum er
ætlað að standa vörð um,“ segir Páll Gunnar Páls-
son, forstjóri Samkeppniseftirlitsins. Hann telur
jafnframt að framkvæmd samkeppnislaganna hafi styrkst með
því breytta skipulagi sem varð með gildistöku nýrra samkeppnis-
laga í byrjun júlí 2005.
Samkeppniseftirlitið hefur verið þó nokkuð í sviðsljósinu á
undanförnum mánuðum og misserum vegna ákvarðana sinna
í ýmsum málum sem það hefur haft til rannsóknar. Svo virðist
sem aukin harka sé að færast í eftirlitið.
Af og til berast af því fréttir að starfsmenn þess hafi farið inn
í fyrirtæki og lagt þar hald á gögn og af fréttum að dæma hefur
slíkum húsrannsóknum farið fjölgandi á síðustu mánuðum og
misserum. Þá virðast mál, sem tengjast úrskurðum stofnunar-
innar, í auknum mæli fara fyrir dómstóla.
„Við, sem hér störfum, höfum haft það að leiðarljósi að
styrkja samkeppniseftirlitið í landinu og standa vörð um þá ríku
almannahagsmuni sem felast í virkri samkeppni.“
Páll Gunnar segir að það sé margt verkið óunnið og það sé
aldrei svo að menn séu komnir á áfangastað í þessari vinnu.
„Við finnum að eftir því sem þessu starfi vindur fram, þá
eykst skilningur á mikilvægi þessa málaflokks. Umræðan er með
öðrum hætti en hún var fyrir aðeins nokkrum árum og það er
auðvitað mjög mikilvægur liður í okkar starfi að við finnum að
skilningur atvinnulífsins á mikilvægi þess að fylgja samkeppnis-
lögunum er að aukast.“
Hann segir að hugmyndin með breytingum á fyrirkomulagi
samkeppniseftirlits hafi verið sú að gera eftirlitið skilvirkara,
viðbragðsfljótara og styrkja það með skilvirkari stjórnsýslu. Álit
þeirra, sem starfa hjá stofnuninni, sé að umræddar breytingar
hafi skilað tilætluðum árangri.
– Hvernig er búið að stofnuninni?
„Aðstaðan hefur batnað til muna. Við erum komin í húsnæði
sem hentar okkur mjög vel. Þá hefur það verið markmið stjórn-
valda, ekki síst nú upp á síðkastið, að styrkja Samkeppniseftir-
litið og við höfum fylgt þeirri stefnumótun. Það er einkum
þrennt sem þarf til að tryggja greiða framkvæmd samkeppnis-
laganna. Í fyrsta lagi þarf góð og skýr samkeppnislög. Í öðru lagi
þarf fjármuni til þess að sinna eftirliti og í þriðja lagi þarf svo að
spila eins vel úr þessu tvennu, lögunum og fjármununum, og
hægt er. Fyrri tvö atriðin eru á forræði stjórnvalda en það er svo
okkar sem hér störfum að fylgja eftir stefnumörkun stjórnvalda
af bestu getu. Ég er út af fyrir sig ánægður með það hvernig að
þessu er búið. Sl. vor var samkeppnislögunum breytt og þau
styrkt verulega og einnig hefur verið vilji til að veita meiri fjár-
munum inn í eftirlitið. Í báðum tilvikum á það þó við að betur
má ef duga skal. Samkeppnisumhverfið hér og þróun mark-
aðarins og samkeppnisréttarins er með þeim hætti að það þarf
stöðugt að huga að frekari endurbótum á samkeppnislögunum.
Að þeim er verið að vinna í viðskiptaráðuneytinu. Hvað varðar
fjármunina þá held ég að það verði aldrei hægt að segja að nú sé
nóg komið. Það verður að meta það frá einum tíma til annars
hvað sé hæfilegt að veita miklu fé til þessa eftirlits. Vel má vera
VIÐTAL: EIRÍKUR ST. EIRÍKSSON • MYND: GEIR ÓLAFSSON
S A M K E P P N I S M Á L
BROT Á SAMKEPPNIS-
LÖGUM VARÐA ALLT
AÐ 6 ÁRA FANGELSI