Frjáls verslun - 01.08.2007, Page 60
60 F R J Á L S V E R S L U N • 8 . T B L . 2 0 0 7
Og starfsemi Glitnis í Noregi verður frá áramótum - þegar
Albatrosinn er lentur - undir einni stjórn með einum yfirmanni
í landinu. Það er Morten Björnsen.
Og Albatrosinum er ekki ætlað að synda hingað og þangað í
reiðileysi um höfnina í Ósló. Frá næsta hausti - það er haustinu
2008 - kjagar hann á land á Tjuvholmen, nýju hverfi skrifstofa
og lúxusíbúða við vestanverða höfnina. Eitt fyrirtæki á einum
stað í einu húsi undir einni stjórn með einn forstjóra. Þetta var
kjarninn í boðskapnum til fjárfesta á markaðsdeginum á Hotel
Continental í Ósló.
Þetta nýja hverfi er landfræðilegt framhald af Akersbryggju,
þar sem svo ágætir menn sem Kjell Inge Rökke hafa skrifstofur.
Þarna á vesturbryggjunum við höfnina í Ósló er fjármálahverfi
alls Noregs í mótun.
Erfið ákvörðun
Og flutningur til Tjuvholmen verður ekki átakalaus. BN-bank,
sem er stærsti bitinn á borði Glitnismanna í Noregi, á í raun og
veru heima í Þrándheimi. Bæjarstjórn þar hefur barist fyrir því
að bankinn haldi áfram að eiga heima þar. Bjarni Ármannsson
varð einu sinni að fara til Þrándheims gagngert til að sannfæra
heimamenn um að hann ætlaði ekki að flytja „einu fjármála-
stofnun bæjarins“ burt og til Óslóar.
Morten Björnsen segir að það verði heldur ekki gert. Deild
fasteignalána í Glitnir Bank verði áfram með höfuðstöðvar í
Þrándheimi – en yfirstjórnin fer til Óslóar. Það fer í reynd eins
og Þrándheimsbúar óttuðust þegar erlendir fjárfestar tóku að
ásælast gömlu bankana sem voru í bænum. Fokusbanken lenti
á hendi Dana og BN-bank verður nú borinn úr bænum á skildi
íslensku víkinganna!
Upp um minnst fjögur sæti
Og hver er metnaður Lárusar og Mortens fyrir hönd Glitnis í
Noregi? Bankinn á að komast í röð fimm stærstu í landinu á
næstu þremur árum eða þar bil. Núna er Glitnir 8 til 9 stærsta
fjármálafyrirtæki í Noregi. Ætlunin er að klifra upp um fjögur
sæti og koma næst á eftir Den norske Bank, Nordea, Fokus-
bank og Handelsbanken. Núna eru staðbundnar samsteyptur
sparisjóða næstar á eftir stóru bönkunum en Glitnir ætlar að
skjóta þeim öllum ref fyrir rass. Glitnismenn eiga brekku eftir
áður en komið er í hóp fimm stærstu – og hún er brött.
Eitt stærsta verkefnið er að kynna vörumerkið Glitnir fyrir
Norðmönnum. Fáir vita hvað Glitnir er. Það stafar af því að
eins og nú er háttað er Glitnir tæpast viðskiptabanki í Noregi
og alls ekki almennur viðskiptabanki.
Eiginlegar bankaafgreiðslur eru bara tvær og þær eru ekki
áberandi og kúnnarnir eru ekki heldur áberandi. Þeir sem
skipta við Glitni eru fjárfestar, kaupendur hlutabréfa, útgerðar-
menn sem þurfa lán, kaupendur fasteigna og fiskeldismenn.
Hinn venjulegi borgari hefur ekki viðskipti sín hjá Glitni,
nema þeir sem fengið hafa húsnæðislán hjá BN-bank.
Hlaupaskórnir Glitnir
Þegar Morgen Björnsen hefur lokið kynningu sinni spyrjum
við hann einmitt um þetta með kynninguna á vörumerkinu
Glitni. Er það vandamál?
Áberandi var hversu margir mættu á markaðsdag Glitnis. Það var húsfyllir.Ber er hver að baki nema sér bróður eigi.
Björn Richard Johansen kynningastjóri
Glitnis að baki Lárusi Welding.
G L I T N I R Í N O R E G I