Frjáls verslun - 01.08.2007, Qupperneq 62

62 F R J Á L S V E R S L U N • 8 . T B L . 2 0 0 7
EIMSK_KALLAR_FV 28.9.2007 13:51 Page 1
Composite
C M Y CM MY CY CMY K
„Við ætlum að gera nafnið betur þekkt en nú er en þetta er
eiginlega ekki mikið vandamál vegna þess að þeir sem skipta
við okkur vita hverjir við erum og vita hvað Glitnir stendur
fyrir,“ segir verðandi bankastjóri í Noregi. Og það verða um 20
starfsstöðvar í Noregi en tæpast þannig að gamlar konur gangi
inn í Glitnir Bank og leggja inn ellilífeyrinn. Glitnir verður
áfram fjárfestingabanki með lán til afmarkaðra greina atvinnu-
lífsins sem höfuðverkefni.
Þetta verður líka augljóst ef fólk á götunni er spurt. Daginn
fyrir markaðsdaginn er haldið svokallað Glitnir Oslomarathon.
Nafnið Glitnir og rauður litur bankans er um allan bæ. Allir sjá
þetta en fáir tengja Glitni við peninga og allra síst við íslenska
peninga.
Margir halda að Glitnir sé vörumerki fyrir íþróttaskó. Ef
til vill keppinautur Nike um að hylja tær og iljar hlaupaglaðra
karla og kvenna.
Sumir halda að þetta sé nýtt merki fyrir ölkelduvatn. Fyrir á
markaði í Noregi er vatn sem heitir Glitre. Ef til vill er Glitnir
eitthvað svoleiðis.
Við berum þetta vandamál undir Morten Björnsen. Hann
hlær en segir til varnar: „Í Álasundi vita allir hvað Glitnir Bank
er. Þar erum við þekkt vörumerki!“
Þekktur í viðskiptahópnum
Við höldum áfram að ganga á Morten um stöðu bankans.
Verður hann var við vantrú á að íslenskt fjarmálafyrirtækið geti
verið eitthvað annað en bóla?
„Já og nei,“ svarar hann. Fólk veit ekki mikið um fjármála-
starfsemi á Íslandi. Þess vegna veit það ekki hvað það á að
halda. Viðskiptavinir okkar í þeim greinum sem eru sérsvið
okkar vita hvað við erum og hvað við getum. Þegar komið er
út fyrir þær greinar er oft stutt í klisjur um illa fengna rússneska
peninga og uppblásinn efnahag.
Og Morten heldur áfram:
„Það sem skiptir máli fyrir íslensk fjármálafyrirtæki er að
halda sínu striki. Og núna í haust er gaman að geta bent á
að húsnæðislánakreppan í Bandaríkjunum og Bretlandi hefur
engin áhrif á Glitni. Við erum ekki í þessum áhættulánum, en
Danirnir sem hafa gangrýnt Íslendingana mest - ha? - þeir fá
viðvörun frá matsfyrirtækjunum!“
Fælni og framsækni
En víkjum aftur í salinn á Hótel Continental þar sem Lárus
Welding er að kynna núverandi og væntanlegum fjárfestum
stöðu fyrirtækisins. Glitnir er minni en Kaupþing og Lands-
bankinn. Og Glitnir er enn með meirihluta af starfsemi sinni
heima á Íslandi. Glitnir hefur farið sér hægar en íslensku keppi-
nautarnir.
G L I T N I R Í N O R E G I
Óslóarmaraþonið er nú öðru sinni kennt við Glitni.
Þátttakendur voru nær fimm þúsund en borgarbúar
eiga oft erfitt með að átta sig á hvað Glitnir er. Eru
þetta nýir íþróttaskór?
Sigrún Kjartansdóttir
kom frá Íslandi að sjá
til þess að allt væri
á réttum stað og til
reiðu á fundinum.