Frjáls verslun - 01.08.2007, Side 72

72 F R J Á L S V E R S L U N • 8 . T B L . 2 0 0 7
S
ú kemur tíð að allir viðurkenna að fyrirtæki ná því
aðeins árangri að þau beri gæfu til að þróa starfsum-
hverfi sem laðar fram það sem býr í hverjum ein-
staklingi, orku hans og krafta. Fyrirtæki sem virða
þetta ekki dragast aftur úr,“ sagði Sir John Whitmore
á ráðstefnunni Mannauður sem Háskólinn í Reykjavík
skipulagði 25. september á Hótel Nordica.
Í nútíma þjóðfélögum hefur náðst mikill árangur í að þjálfa upp
vitsmunagreind. Við vitum hvernig á að læra og tileinka sér nýja
þekkingu. En dugar þetta á komandi árum? Nei! Rannsóknir Daniels
Golemans og fl. hafa leitt í ljós að tilfinningagreind ræður mestu um
forystuhæfileika og er mikilvægasta gáfa forystumanna framtíðarinnar.
Niðurstöður þessara rannsókna hafa leitt okkur fyrir sjónir nauðsyn
þess að umskapa meðvitund einstaklingsins og að lofa honum að
þroskast til hagsbóta fyrir vinnustað sinn, fyrirtækið og þjóðfélagið í
heild. Markþjálfun er tæki til að stuðla að þessari umbreytingu.
Breyttur skilningur
Síðustu þrettán árin hef ég einbeitt mér að því að þroska árvekni,
meðvitund og árangurshvöt hjá fólki. Aftur og aftur hefur það komið
mér á óvart hvað það að hlusta á tilfinningarnar, treysta innsæinu,
jafnframt því sem það léttir okkur lífið. Það eru tilfinningarnar sem
leiða okkur skjótast fram á við. Vandi okkar nútímamanna er að
fæstir hafa lært þennan leik með tilfinningarnar. Síðustu 30 árin í
það minnsta hafa verið skrifaðar bækur um þetta efni en yfirleitt
treystir fólk sér almennt séð ekki til að hlusta á þessi nýju ráð. Hinn
nýi stjórnunarstíll skelfir flesta. Það þarf hugrekki til að þora að taka
fyrsta skrefið í átt að stjórnunarstíl sem byggir á trúnaðartrausti.
Veldi óttans
Í veldi óttans byggist forysta stjórnenda á því að beita beinum eða
óbeinum hótunum. Þeir segja sem svo: „Ef þú gerir ekki svona og
svona mun þetta eða hitt gerast.“ Reglur eru margar og skammir tíðar.
Í veldi óttans gildi sú regla að það sé gott að starfsfólkið sé svolítið hrætt
við stjórann svo það finni ekki upp á einhverju sjálft en einbeiti sér að
því að hlýða. Starfsmennirnir leggja eins lítið af mörkum og þeir kom-
ast upp með, forðast að vekja á sér athygli og verða til vandræða. Því
fer fjarri að þekking og sköpunargáfa einstaklingsins komi að notum
og sjálfstæðri hugsun sé haldið niðri. Veldi óttans ýtir undir kvíða og
streitu og veldur vanmetakennd. Starfsgleði er lítil sem engin.
Matilda Gregersdotter
er frumkvöðull
á sviði markþjálfunar
(coaching) á Íslandi.
Hún þjálfar stjórn-
endur til forystu
í framtíðinni.
TIL FORYSTU FALLNIR
Í FRAMTÍÐINNI TEXTI: MATILDA GREGERSDOTTERMYND: PÁLL KJARTANSSON