Frjáls verslun - 01.08.2007, Side 193

F R J Á L S V E R S L U N • 8 . T B L . 2 0 0 7 193
Heildarvirði samningsins er um 6 milljarðar
króna. Fyrirhugað er að fyrstu verkefni nýju
boranna hefjist á vegum Hekla Energy í
Suður-Þýskalandi nú fyrir árslok. Þar verður
borað niður á allt að 5.000 m dýpi til að ná
í nægjanlegan hita en til samanburðar hefur
lengst verið borað hér á landi niður á 2.500
- 3.000 m.
Víðtæk vakning Á tímum þverrandi kol-
efnisorkuframleiðslu og vaxandi mengunar
af hennar völdum, er áherslan að færast yfir
á orku sem aflað er með vistvænum hætti.
Mikil vakning er nú í þróun á nýtingu
umhverfisvænnar orku um gjörvalla Evrópu
og þar beinist athyglin æ meir að jarðhita.
Jarðvarmi er hagkvæm og umhverfisvæn
leið til að framleiða orku og einungis lítið
brot jarðhita í heiminum hefur þegar verið
nýtt. Horft er til þess að aukin nýting jarð-
hita muni í framtíðinni stuðla að hagvexti
og atvinnumöguleikum í sátt við samfélagið,
m.a. vegna krafna um að draga úr útblæstri
gróðurhúsalofttegunda. Af þeim ástæðum
eru framundan fjölmörg áhugaverð verk-
efni á sviði jarðhitanýtingar til orkufram-
leiðslu. Samningurinn við Herrenknecht
Vertical gerir Jarðborunum kleift að sækja
inn á þennan markað af fullum krafti og
flytja þannig út íslenskt hugvit, reynslu og
árangur.
Góðar undirtektir Markaðsstarf Jarðbor-
ana hefur gengið afar vel. Vart hefur orðið
verulegs áhuga víða um heim, sérstaklega í
Þýskalandi, og viðræður við nokkra áhuga-
sama aðila þar í landi eru þegar komnar
áleiðis. Við markaðsstarfið skiptir miklu
orðspor Íslendinga varðandi nýtingu jarð-
varma og sá sess sem Jarðboranir hafa áunnið
sér sem sérfræðingar í forystu á alþjóðlegan
mælikvarða. Kaup Jarðborana á tæknibúnaði
frá hinu virta þýska fyrirtæki Herrenknecht
ásamt ráðningu Thor Növig leggja einnig
drjúgt af mörkum í markaðsstarfinu ytra.
Sterkur heimamarkaður stökkpall-
urinn Að sögn Bents S. Einarssonar, for-
stjóra Jarðborana, er það mjög spennandi
verkefni að sameina í einum átakspunkti sér-
hæfðan þýskan hátæknibúnað og dýrmæta
sérþekkingu Jarðborana. „Sem sérþekkingar-
fyrirtæki á sviði jarðvarma mun Hekla
Energy gegna mikilvægu hlutverki innan
evrópsks boriðnaðar í náinni framtíð. Þýsku
borarnir gefa okkur nýja vídd í markaðs-
sókn en raunveruleg útflutningsvara okkar
er sérstök aðferðafræði og reynsla af öflun
jarðhita við afar krefjandi aðstæður á Íslandi
og að hluta til á Azoreyjum. Sívaxandi verk-
efni Jarðborana undanfarin ár, og þá einkum
vegna orkuöflunar til stóriðju, eru megin-
forsenda þessarar nýju markaðssóknar okkar.
Sterkt bakland, sterkur heimamarkaður og
mikil þekking á jarðhitaborunum gefur fyrir-
tækinu forskot til útrásar á þessu sviði sem
öðrum.“
Hlíðasmára 1 • 201 Kópavogur
Sími: 585 5200 • Fax: 585 5201
jbinfo@jardboranir.is • www.jardboranir.is
„Við markaðsstarfið skiptir miklu
orðspor Íslendinga varðandi nýtingu
jarðvarma og sá sess sem Jarðboranir
hafa áunnið sér sem sérfræðingar í
forystu á alþjóðlegan mælikvarða.“