Frjáls verslun - 01.08.2007, Side 210

KYNNING210 F R J Á L S V E R S L U N • 8 . T B L . 2 0 0 7
VGK-Hönnun verkfræðistofa
Öflugt fyrirtæki sem
sameinar öll svið verkfræðinnar
VGK-Hönnun verkfræðistofa er alhliða ráðgjafar- og þekkingar-
fyrirtæki. Fyrirtækið byggir á traustum grunni verkfræðistofanna
VGK hf. og Hönnunar hf. en þær voru báðar stofnaðar árið 1963 og
sameinuðust í ársbyrjun 2007. Með sameiningunni varð til stærsta
verkfræðistofa landsins sem getur boðið viðskiptavinum sínum fleiri
og betri heildarlausnir, bæði hérlendis og erlendis. Framkvæmdastjóri
VGK-Hönnunar innanlands er Eyjólfur Árni Rafnsson en Runólfur
Maack er framkvæmdastjóri erlendra verkefna.
„Fyrirtækin voru um margt ólík á markaðinum. VGK var stór
vélaverkfræðistofa og þjónaði iðnaðinum og var einnig í jarðvarma.
Hönnun var frekar hefðbundin byggingaverkfræðistofa í hönnun
mannvirkja og skrifstofuhúsnæðis. Hönnun hafði að vísu keypt litla
vélaverkfræðistofu árið 2000 og byggt upp öflugt vélaverkfræðisvið en
var samt á öðru sviði heldur en VGK og fyrirtækin mættust aldrei á
markaðinum. Með sameiningunni varð til mjög öflugt verkfræðifyrir-
tæki með breitt svið og 240 til 250 starfsmenn að meðaltali, í sumar
voru þeir hátt í 300,“ segir Eyjólfur Árni.
Fjölbreytt þjónusta
VGK-Hönnun hefur annast ráðgjöf og alhliða verkfræðiþjónustu
vegna fjölda mannvirkja á liðnum árum. Má nefna hönnun vatns-
afls- og jarðvarmavirkjana og orkuvirkja þeim tengdum, burðarvirkja,
lagna og loftræstikerfa í opinberar byggingar, íbúðar- og atvinnu-
húsnæði. Þá hefur fyrirtækið annast margvísleg verkefni er lúta að
rannsóknum á jarðhita og jarðfræði, umhverfismati vegna fram-
kvæmda, gæða- og öryggismálum svo og verkefnastjórnun og eftirliti
á sviði byggingastjórnunar. Einnig hefur hluti af starfseminni verið
alhliða verkfræðiþjónusta fyrir sveitarfélög, t.d. vegna umferðamann-
virkja og veitukerfa, einnig við gerð hafnarmannvirkja og matsgerðir
fyrir opinberar stofnanir og einkaaðila.
„Við störfum á öllum sviðum verkfræðinnar, misstórir eftir sviðum
og segja má að við séum þátttakendur í öllum stærstu verkefnum á
Íslandi. Við erum með tvær starfsstöðvar í Reykjavík, að Grensásvegi 1
og Laugavegi 178. Hafinn er undirbúningur stækkunar á Grensásveg-
inum og ætlunin er að starfsemin í Reykjavík verði öll á einum stað.
Starfsstöðvar eru einnig á Akranesi, Akureyri, Egilsstöðum, Reyðar-
firði, Kirkjubæjarklaustri, Hvolsvelli, Selfossi og í Reykjanesbæ.“
Verkefni innan lands og utan
VGK-Hönnun hefur leitað verkefna á erlendri grundu og gengið vel í
þeim efnum: „Sameiningin gerði okkur mun öflugri þegar kemur að
því að leita verkefna erlendis og einn tilgangurinn með sameiningunni
var að styrkja okkur í útrásinni. Við höfum undanfarin ár m.a. verið
að vinna á Grænlandi í tengslum við vatnaflsvirkjun, í Ungverjalandi
í jarðhitamálum, endurbyggingu gamals álvers frá grunni í Svíþjóð og
verið á Filipseyjum. Stefnt er að mun fleiri verkefnum erlendis, sér-
staklega í jarðvarma, en þar eru spennandi hlutir að gerast.
Á innlendum vettvangi eru mörg stór verkefni í gangi og önnur
framundan. Við munum stýra hópi nokkurra verkfræðistofa í Hellis-
heiðarvirkjun, erum að vinna með danskri verkfræðistofu að hönnun
Tónlistar- og ráðstefnuhallar, erum í verkfræðihönnun fyrir nýbygg-
ingu Háskólans í Reykjavík, við hönnun virkjana í neðri Þjórsá og
við hönnun gatna og veitna í nýju íbúðahverfi í við Úlfarsfell. VGK-
hönnun er aðili að verfræðifyrirtækinu HRV sem er undirverktakar
hjá Bechtel í Fjarðaáli.“
Sóknartækifæri
Hluti af starfsemi VGK-Hönnunar er á rannsóknarsviði. Fyrirtækið á
vel útbúna rannsóknar- og prófunarstofu til athugunar á jarðefnum,
bergi og steinsteypu og einnig býr fyrirtækið yfir færanlegri rannsókn-