Frjáls verslun - 01.08.2007, Síða 248

248 F R J Á L S V E R S L U N • 8 . T B L . 2 0 0 7
Gröfin sem birtast hér til hliðar og á næstu síðum eru úr Þjóðarpúls-inum, sem er þekktasta afurð Capa-
cent Gallup á Íslandi. Blaðið hefur komið
út mánaðarlega frá ársbyrjun 1993 og birt
niðurstöður kannana um fylgi stjórnmála-
flokka og viðhorf landsmanna til hinna ýmsu
mála sem jafnan vekja mikla athygli. Snorri
Örn Árnason hefur umsjón með útgáfu
Þjóðarpúlsins:
„Meginmarkmið Gallup með útgáfu
Þjóðarpúlsins hefur verið að kanna viðhorf
þjóðarinnar til þeirra þjóðfélagsmála sem
ber hæst hverju sinni á óhlutdrægan hátt. Þá
hefur í gegnum árin verið fylgst með þróun
á ýmsum sviðum, t.d. á mánaðarlegu fylgi
stjórnmálaflokka og tvisvar á ári er mæld
ánægja með störf ráðherra. Þjóðarpúlsinn
gefur því mikilvægar upplýsingar um stöðu
þjóðfélagsmála. Það getur þó verið gúrkutíð
í Þjóðarpúlsinum eins og hjá öðrum miðlum
og þá komum við stundum að dægurmálum
sem landinn lætur sig varða.“
Snorri Örn Árnason er með mastersgráðu
í félagsfræði frá Háskóla Íslands og hefur
starfað hjá úrvinnsludeild Capacent Gallup
í tvö ár: „Eins og aðrar kannanir Capacent
Gallups þá lítur Þjóðarpúlsinn ströngum ISO
gæðastöðlum og því er vandað sérstaklega til
verka við alla framkvæmd þeirra. Úrtakið er
valið með tilviljanakenndum hætti úr þjóð-
skrá og t.d. er fylgi stjórnmálaflokka mælt yfir
mánaðarlangt tímabil, á þann hátt að hringt
er í a.m.k. 2000 Íslendinga á aldrinum 18 til
75 ára, af öllu landinu. Aðrar kannanir sem
birtast í Þjóðarpúlsinum eru jafnan fram-
kvæmdar á sama hátt, nema hringt er í tvær
vikur í senn í 1200 til 1400 manns. Svarhlut-
fallið er að jafnaði ríflega 61%. Gætt er fyllsta
hlutleysis í spurningagerð og úrvinnslu gagna
þannig að niðurstöður séu réttmætar. Við hjá
Gallup teljum þær niðurstöður sem birtast í
Þjóðarpúlsinum því mjög áreiðanlegar.
Starf mitt felur í sér að semja spurningar
fyrir hvert tölublað og því er eins gott að
fylgjast vel með þjóðfélagsumræðunni og
reyna að grípa á lofti réttu málin á réttum
tíma. Ég er þó ekki einn í þessu, heldur erum
við fjögur sem komum að útgáfunni með
einum eða öðrum hætti og höfum samráð
um spurningarnar áður en þær eru lagðar
fyrir landsmenn. Þegar þær hafa síðan farið í
gegnum gagnaöflun þá tek ég við gögnunum
og vinn úr þeim myndir og texta og set upp
tölublaðið hverju sinni. Jón Karl Árnason og
Matthías Þorvaldsson hafa annast fylgistöl-
urnar og haldið utan um þróun þeirra mála.
Rannsóknarstjóri Gallup, Guðbjörg Andrea
Jónsdóttir, hefur svo vakandi auga með öllu
saman sem ábyrgðarmaður Þjóðarpúlsins.“
Þegar Snorri er spurður hvort einhverjar
niðurstöður hafi komið honum á óvart segir
hann nokkrar niðurstöður á þessu ári hafi
vakið sérstaka athygli hans. „Mér fannst t.d.
áhugavert hvað mikill meirihluti þjóðarinnar
var ósáttur við frávísun í máli forstjóra olíufé-
laganna eins og kom fram í Þjóðarpúlsinum í
mars. Einnig kom mér á óvart hvað traust til
Alþingis og dómskerfisins mæltist lágt, en það
fór verulega lækkandi frá árinu áður. Loks var
athyglisvert að sjá hvað landsmönnum finnst
lítil samkeppni þrífast á helstu mörkuðum
hér á landi. Síðan er það umhugsunarvert að
drjúgur meirihluti þjóðarinnar er andvígur
sölu orkufyrirtækja til einkaaðila. Kosning-
arnar í maí eru að sjálfsögðu minnisstæðar
og ýmsar niðurstöður tengdar þeim, en fylgis-
kannanir Capacent Gallup síðustu dagana
fyrir kosningar hafa jafnan verið mjög nálægt
kosningaúrslitunum og það var engin breyt-
ing þar á.“
TÖKUM PÚLSINN Á ÞJÓÐINNI
Þ J Ó Ð A R P Ú L S G A L L U P
Snorri Örn Árnason: „Starf mitt felur í sér að
semja spurningar fyrir hvert tölublað og því
er eins gott að fylgjast vel með þjóðfélags-
umræðunni og reyna að grípa á lofti réttu
málin á réttum tíma.“
TEXTI: HILMAR KARLSSON • MYND: GEIR ÓLAFSSON
Snorri Örn Árnason, umsjónarmaður með útgáfu Þjóðarpúls Gallup