Tímarit hjúkrunarfræðinga - 01.05.2004, Síða 28

Valgeröur Katrín Jónsdóttir
# m m m m m \
Hjúkrunarfræðingar og annað heilbrigðisstarfsfólk hefur í
flestum tilfellum búið við þá stöðu að meiri eftirsókn er
eftir að fá það til starfa en framboð starfsmanna hefur ver-
ið. Þetta hefur haft í för með sér að hjúkrunarfræðingar
hafa t.d. lítið þurft að leita eftir þjónustu ráöningarskrif-
stofa. Þær breytingar, sem nú standa yfir á Landspítala-há-
skólasjúkrahúsi, geta þó breytt þeirri stöðu sem verið hef-
ur. Davíð Freyr Oddsson er guðfræðingur að mennt og
starfar sem ráðgjafi hjá Mannafli. Ritstjóri Tímarits hjúkr-
unarfrœðinga sótti Davíð heim á skrifstofur Mannafls til að
fá upplýsingar um hvernig hann hefur aðstoðaö fólk og
fyrirtæki þar sem endurskipulagning á sér staö.
Davíð segir það í flestum tilfellum mikið áfall fyrir fólk að
missa vinnuna. Það veldur vanda, sárindum og tilfinningaróti
bæði hjá þeim sem sagt er upp og hinum sem eftir eru á
vinnustaðnum. Við endurskipulagningu fyrirtækja er oft stór-
um hópi fólks sagt upp og Davíð segir þá aðstoð, sem hann
bjóði upp á, ekki felast í því að útvega fólki vinnu heldur að-
stoða það við að koma undir sig fótunum að nýju, hjálpa því
við að loka sig ekki af og draga sig inn í skel sína, endurmeta
stöðuna og hjálpa fólki við að búa sig undir að leita að nýju
starfi. „Fólk, sem kemur hingað, er í sumum tilfellum niður-
brotið og fer í gegnum ákveðið sorgarferli. Fæstir eru búnir að
sætta sig við orðinn hlut. En aðrir Iíta meira á uppsögnina sem
möguleika og tækifæri og eru fljótari að feta sig inn á nýjar
slóðir," segir Davíð.
Margvíslegir erfiðleikar fylgja uppsögnum. Davíð nefnir vanda
þeirra sem þurfa að segja fólki upp, það sé síður en svo auð-
velt og hann hafi rætt við marga í þeirri stöðu.
Þá er það vandi hinna sem eftir eru því þeir jafn-
vel líta svo á að hópurinn, sem sagt er upp, fái
góða aðhlynningu og sé aðstoðaður við að fá ný
tækifæri en hinir sitji eftir í gömlu störfunum.
En starf Davíðs snýst þó fyrst og fremst um sam-
og að leyfa fólki að tjá sig um það sem
er efst í huga.
Boðið er upp á þrjú viðtöl. I fyrsta viðtalinu eru
málin skoðuð og rædd með tilliti til ástands og
stöðu viðkomandi. Einstaklingurinn fær tæki-
færi til að ræða afstöðu sína til uppsagnarinnar,
hvernig honum líður og umfjöllun um hvað telst
eðlilegt í þeim efnum. Þá er rætt um afstöðu
hans til framtíðarinnar og væntinga hans. í öðru
viðtalinu er gerð greining á sterkum hliðum og
veikum hjá viðmælandanum og markmiðum
hans. Boðið er upp á persónuleikapróf til að
greina styrk og veikleika auk árangursríkrar
markmiðssetningar. Markmið viðtalsins er að
einstaklingurinn átti sig betur á hvað hann hef-
ur fram að færa og hvar hann þarf að styrkja sig,
miðað við framtíðarmarkmið sín. Einstaklingar
gera aðgerðaráætlun til að fylgja eftir markmið-
um. Boðið er upp á tvenns konar próf, persónu-
leikapróf fyrir stjórnendur og sérfræðinga og
styrkleikamat fyrir starfsmenn í þjónustu, sölu
og almennum skrifstofustörfum. I þriðja viðtal-
inu er gerð greining á markaðsstöðu, aðstoð við
gerð ferilskrár og ráðgjöf varðandi starfsviðtöl.
Tímarit hjúkrunarfræöinga 2. tbl. 80. árg. 2004