Morgunblaðið - 06.09.1984, Síða 17

MORGUNBLAÐIÐ, FIMMTUDAGUR 6. SEPTEMBER 1984
17
Matthías Bjarnason við opnun húss Krabbameinsfélagsins.
væri ekkert við að athuga, ef ekki
væri um að ræða verulegan fjölda
ótímabærra dauðsfalla, þ.e.a.s.
dauðsfalla fólks á miöjum aldri og
yngra.
A hverju ári deyja um og yfir
300 manns úr krabbameini, en um
600 ný tilfelli eru skráð á ári
hverju. Þessar tölur hafa ekki
breyst verulega síðustu ár, a.m.k.
ekki lækkað verulega.
Upplýsingar Krabbameinsfé-
lagsins sjálfs sýna að nýgengi til
dæmis brjóstakrabbameins hefur
aukist síðustu 30 ár; hins vegar
hefur nýgengi leghálskrabba-
meins minnkað og dánartíðni af
völdum þess hefur lækkað mjög
verulega, sem rennir sterkum
stoðum undir gagnsemi þeirrar
sjúkdómaleitar sem Krabba-
meinsfélagið hefur rekið.
Á síðustu árum hefur af hálfu
ríkisvaldsins verið reynt að bæta
aðstöðu til krabbameinsmeðferðar
og hefur verið gert átak til að
koma upp meðferðaraðstöðu á
Landspítala sem er í líkingu við
það sem annars staðar gerist.
Deild með sérstökum yfirlækni
hefur verið stofnuð vegna þessa
verkefnis, en það skortir bæði hús-
næði og tækjabúnað til að deildin
geti verið rekin með þeim krafti
og myndarbrag sem þarf.
Vissulega eru ekki allir sann-
færðir um að krabbameinsmeð-
ferðin skili þeim árangri sem til er
stofnað, en eins og er er það sú
eina leið sem við þekkjum til að
berjast við sjúkdóminn þegar
hann er kominn.
Það er spurt víða í heiminum í
dag hvar lausnarorðið liggi í sam-
bandi við krabbamein og margar
getgátur eru á lofti. Við höfum
ekki getað lagt mikinn skerf í þær
rannsóknir, en ég tel að sú rann-
sóknarstarfsemi sem fram hefur
farið á Rannsóknastofu Háskólans
i frumulíffræði á eðli illkynja
ástands krabbameinsfrumna sé
þess eðlis að hann eigi aö styðja,
því til mikils er að vinna sé lausn-
arorðið þar.
Margir telja að með ákveðnu
forvarnarstarfi sé hægt að seinka
tilkomu krabbameins, eða ef til
vill fyrirbyggja það, og því hefur
Alþjóðaheilbrigðismálastofnunin
tekið þetta mál upp sérstaklega í
samvinnu við nokkrar þjóðir, þar
á meðal ísland.
Fyrr á þessu ári undirritaði ég
samning við Alþjóðaheilbrigðis-
málastofnunina um þátttöku ís-
lands og samvinnu við Alþjóða-
heilbrigðismálastofnunina um
forvarnarstarf vegna langvinnra
sjúkdóma.
Hér er um að ræða verkefni,
sem spannar ekki aðeins það svið,
sem Krabbameinsfélag íslands
hefur fengist við, heldur einnig
fleiri sjúkdómasvið og vill
Alþjóðaheilbrigðismálastofnunin
með þessu nýja verkefni kanna,
hvort forvarnarstarf á í framtíð-
inni að beinast að einstökum sjúk-
dómum eða sjúkdómaflokkum.
Ráðuneytið hefur þegar leitað
samvinnu við Krabbameinsfélag
fslands í þessu máli og væntir það
góðs af því samstarfi.
Alveg á næstu dögum mun þetta
starf hefjast en hér er að sjálf-
sögðu um langtímamarkmið að
ræða og til verður að koma sam-
vinna fjölmargra aðila til þess að
sá árangur náist, sem til er ætlast.
Ég óska Krabbameinsfélagi Is-
lands til hamingju með þessi
glæsilegu nýju húsakynni og ég
óska starfsfólki félagsins til ham-
ingju með gjörbreytta starfsað-
stöðu.
Ég vænti þess að sú góða sam-
vinna, sem verið hefur milli heil-
brigðisyfirvalda og Krabbameins-
félagsins, haldist, því vissulega
vinnum við öll að sama markmiði.
1 , A Í|
\ - ‘ ‘Jm v

wr fíJapíj&S'.
BORÐLAMPAR
HENGILAMPAR
VEGGLAMPAR
OLÍUOFNAR
GASLUKTIR
OLÍUHANDLUKTIR
OLÍULAMPAR
10, 15, 20 LÍNA
VASALJÓS
LUKTIR
FJÖLBREYTT ÚRVAL
ARINSETT
FÍSBELGIR
VIOARKÖRFUR
NEISTAHLÍFAR
ARINVIÐUR
SLONGU-
KLEMMUR
nota hinir vandlátu.
Stæröir trá ^“—12“.
YALE
KRAFT-
BLAKKIR
% TONN
Vh TONN
3TONN
6TONN
ANANAUSTUM
SÍMI 28855
Opið iaugardaga 9—12