Morgunblaðið - 08.03.1985, Blaðsíða 41

MORGUNBLAÐIÐ, FÖSTUDAGUR 8. MARZ 1985
41
Einar Þór Agn-
arsson - Minning
F«ddur 15. september 1960
Dáinn 1. mars 1985
Ég kem í auðmýkt Kristur hár
og krýp, sem barnið smærri en smár.
Ég þrái frið og þyrstur bið.
Ó, miskunna þú mér.
Þessa fallegu bæn, er sóknar-
prestur okkar Patreksfirðinga,
séra Einar heitinn Sturlaugsson
prófastur orti, dettur mér í hug,
að ég gæti lagt í munn míns elsku-
lega frænda, Einars Þórs Agn-
arssonar, sem nú er kvaddur svo
ungur að árum, aðeins 24 ára gam-
all. Hann er búinn að fá frið —
lausn frá þeim þjáningum, sem
hrjáð hafa hann um langt skeið,
þjáningum, sem hafa lagt marga
góða og greinda menn að velli um
aldur fram. Því er sárt til þess að
vita að svo góðar gáfur, sem Ein-
ari voru gefnar, skyldu ekki fá
notið sín.
Baráttan var löng og ströng,
þrátt fyrir einlægan vilja og mikla
viðleitni til að standa uppréttur í
ólgusjó lífsins. Ég hef oft hugsað
til míns gamla vinar og heimilis-
læknis, Jónasar heitins Sveinsson-
ar, náfrænda Einars Þórs, er hann
valdi titil á endurminningabók
sína, „Lífið er dásamlegt", að við
gætum öll sagt svona. En því mið-
ur er því ekki til að dreifa. Margir
góðir menn lögðu sitt af mörkum
honum til hjálpar og biðjum við
þeim guðs blessunar fyrir.
Margar hugljúfar minningar
hrannast upp, sem ekki gleymast.
Um lítinn, glaðlyndan strák-
hnokka, sem var kvikur á fæti,
sérstaklega greindur og orðhepp-
inn og fljótur til þroska. Guðs-
neistinn lifir dauðann, annars
væri lítill tilgangur með þessu lífi.
Við stöndum eftir með stórar
spurningar. Hvers vegna hann?
Hvers vegna vegnar þessum vel,
öðrum ekki? Þessi heilbrigður,
hinn ekki? Hvers vegna eiga ekki
allir sama lífsmunstur? Við trúum
því, að tilgangur sé bak við allt
þetta óréttlæti, sem okkur finnst.
Blessuð sé minning elsku frænda
míns. Ég bið guð að blessa hinn
munaðarlausa vin, sem hér er
kvaddur með Einari inn í Ijóssins
heima þar sem þeir eru búnir að
öðlast frið og blessun. Ég minnist
orða bróður hans, sem sagði við
mig: „Þeir áttu marga vini, sem
kveðja þá núna og ef ljós kviknar
hjá einum þeirra til hjálpar, þá er
vel farið."
Um leið og ég og mitt fólk vott-
um foreldrum Einars Þórs og
systkinum hans dýpstu samúð, þá
leyfi ég mér fyrir þeirra hönd að
senda hjónunum Kristjáni Frið-
bergssyni og konu hans, frú Jó-
hönnu, ómældar þakkir fyrir alla
þá umönnun, hjálp og kærleik er
þau hafa sýnt Einari Þór í gegnum
öll árin. Sömuleiðis séra Arelíusi
Níelssyni. Guð blessi þau. Sérstak-
ar blessunaróskir til þín, elsku
systir mín.
Einar Þór Agnarsson fæddist
15. september 1960. Einn af fjór-
um börnum þeirra hjóna, Elín-
borgar Þórarinsdóttur (Bjarna-
sonar fiskimatsmanns og Guð-
mundínu Einarsdóttur frá
Stakkadal, Rauðasandshr.) og
Agnars Einarssonar (Jónassonar
f.v. sýslumanns Barðstrendinga og
h.k. Ragnheiðar Kristjánsdóttur
frá Skarði, Skarðströnd). Þau
hjónin Elínborg og Agnar slitu
samvistum. Agnar giftist aftur
hinni ágætustu konu, Ólöfu
Björnsdóttur hárgreiðsludömu,
sem hefur reynst þeim börnunum
vel.
Félagi Einars Þórs, Sturla
Steinsson, var einstæðingur. Hann
missti móður sína mjög ungur og
stuttu síðar föður sinn. Hann varð
því að heyja sína hörðu lífsbaráttu
að mestu leyti óstuddur, a.m.k. án
foreldrahlýju. Blessuð sé minning
hans.
Mér finnst vel viðeigandi að
enda þessar fátæklegu línur með
bæninni þeirra og okkar.
Guð gefi mér æðruleysi,
til að sætta mig við það sem ég fæ ekki breytt.
Kjark til að breyta því sem ég get breytt
og vit til að greina þar á milli.
Eisa H. Þórarinsdóttir
Einar Þór fæddist í Reykjavík
15. september 1960 sonur Agnars
Einarssonar og Elinborgar Þórar-
insdóttur.
Við fráfall frænda míns unga
rifjast upp löngu liðnar stundir.
Þegar Einar fæddist var ég ungl-
ingsstelpa alls óvön svona lítilli
mannveru. Hann varð mér strax
mjög kær. Ég sá hann vaxa frá
vöggubarni til lítils hnokka sem
var fullur atorku og fjörs, við-
kvæmni og væntumþykju.
Atvikin höguðu því svo að Einar
var tekinn í fóstur ungur að árum,
fjarri foreldrum, eldri systkinum
og öðrum skyldmennum. Seint
verður sú gáta ráðin hvort ein eða
önnur tilvik í lífi mannsins breyti
þar öllu um lífsbrautina — ein-
staklingnum til góðs eða ills —
gæfu eða glötunar.
Fram að unglingsárum Einars
gat ég fylgst með honum, þar til
hann fór sínar eigin leiðir. Þá var
engum fært að fylgja honum eftir.
Þeim sem vona og trúa, þegar
dauðann ber að höndum, að bjart-
ari og betri heimur taki við er það
huggun harmi gegn.
Von mín er sú að frændi minn
Einar Þór sé nú loksins genginn
þær brautir gæfu og friðar sem
hann höndlaði ekki í þessum
heimi.
Blessun fylgi góðum dreng.
Guðrún Sverrisdóttir
Kirkjur á
íandsbyggöinni
Messur
EGILSSTAÐAKIRKJA: Barna-
messa sunnudag kl. 11 og messa
kl. 14. Kaffisali að messu lok-
inni. Sóknarprestur.
HVAMMSTANGAKIRKJA:
Barnamessa kl. 11. Sr. Guðni
Þór Ólafsson.
KIRKJIJHVOLSPRESTAKALL:
Sunnudagaskóli^ í Hábæjar-
kirkju kl. 10.30 og guðsþjónusta
kl. 14. Foreldrar fermingar-
barna taka þátt í guðsþjónust-
unni. Auður Eir Vilhjálmsdótt-
ir sóknarprestur.
MELSTAÐAKIRKJA: Barna-
messa kl. 14. Sr. Guðni Þór
Ólafsson.
SEY DISFJ A RÐARKIRK J A:
Kirkjuskólinn á morgun, laug-
ardag kl. 11. Guðsþjónusta
sunnudag kl. 14. Organisti Sig-
urbjörg Helgadóttir. Sr. Magn-
ús Björnsson.
SIGLUFJARÐARKIRKJA: Dag-
ur aldraðra. Guðsþjónusta kl.
14. Jóhann Þorvaldsson fyrrv.
skólastjóri predikar. Eftir
messu er opið hús fyrir aldraða
á vegum félagsmálaráðs. Æsku-
lýðsfél. sjá um skemmtiatriðin.
Verður einnig sýnd kvikmynd
sem tekin var á sl. sumri í ferð
út á Siglunes. Kaffiveitingar.
Sr. Vigfús Þór Árnason.
VÍKIJRPRESTAKALL: Á morg-
un, laugardag kirkjuskólinn i
Vík kl. 11. Barnaguðsþjónusta á
sunnudag kl. 14 í Skeiðflatar-
kirkju. Föstudagsguðsþjónusta
næstkomandi fimmtudag 14.
mars kl. 20.30. Sóknarprestur.