Morgunblaðið - 08.03.1985, Blaðsíða 56

&eila
siadfest ianstraiist
Ofuð 10.00-2.00
FOSTUDAGUR 8. MARZ 1985
VERÐ í LAUSASÖLU 25 KR.
Ný aðferð
til blóð-
flutninga
til innyfla
ÍSLENSKIR læknar björguðu lífi 65
ára gamallar konu á Landspítalanum
með nýrri aðferð til að leiða blóð til
innyfia eftir að hefðbundnar aðferðir
höfðu brugðist. Aðgerð þessi hefur
vakið athygli erlendis og meðal ann-
ars frá henni sagt í tímaritum um
vísindi.
Aðgerðin var framkvæmd fyrir
tæpum þremur árum. Sjúklingur-
inn, 65 ára gömul kona, þjáðist af
sjaldgæfum sjúkdómi, sem lýsti sér
í því að tvær af þremur blóðæðum
til þarma og lifrar voru stíflaöar. Af
þessum sökum gat hún ekki melt þá
fæðu sem hún neytti. Sjúklingurinn
var fyrst sendur til London, þar sem
hefðbundin skurðaðgerö var fram-
kvæmd. Sú skurðaðgerð mistókst og
var reynt að lagfæra það sem úr-
skeiðis fór í annarri skurðaðgerð
hér heima, en dugði ekki til. Það var
þá sem þremur læknum á Landspít-
alanum hugkvæmdist að taka hluta
af blóðrásinni til hægri fótar og
leiða til innyfla með því að koma
fyrir gerviæð. Sú aðgerð tókst þann-
ig að sjúklingurinn getur nú hugsað
um sig sjálfur, þrátt fyrir að hann
kvarti um þróttleysi.
Sjá nánar á miAopnu, bls. 28/29.
Drukknaði við
köfun á Dalvík
DALÐASLYS varð á Dalvík í gær-
morgun er maður um fertugt drukkn-
aði þar við köfun.
Tildrög slyssins voru þau að unn-
ið var að hreinsun leiðslu sem ligg-
ur frá fiskeldisstöð, sem er á Dalvík
og í sjó fram. Maðurinn var í
kafarabúningi og vann við að
hreinsa síur í leiðslunni, þegar slys-
ið varð. Hann var ekki vanur köfun,
en ekki er vitað nánar með hvaða
hætti slysið bar að.
Ekki er hægt að skýra frá nafni
mannsins að svo stöddu.
Maður fékk
skot í lærið
MAÐUR særðist á læri er skot hljjóp
úr riffii í heimahúsi á Flateyri við Ön-
undarfjörð í gærmorgun.
Tildrög slyssins voru með þeim
hætti, að tveir menn sátu að
drykkju í heimahúsi. Húsráðandi
vildi koma gesti sínum út, en hann
var tregur til að fara. Sótti þá hús-
ráðandi riffil og hugðist ógna gesti
sinum til að yfirgefa húsið, en ekki
vildi betur til en svo að skot hljóp
úr rifflinum og í læri gestsins.
Hann var fluttur í sjúkrahúsið á
ísafirði, þar sem gert var að sárum
hans, en húsráðandi var í gærkvöldi
í gæslu lögreglunnar á ísafirði.
Morgunblaðiö/ KAX.
HVASSVIÐRI SUNNANLANDS
Suðaustan hvassviðri gekk yfir landið í
gær. Að sögn Trausta Jónssonar veðurfræð-
ings var veðrið að snúa sér í gærkveldi,
fyrst í sunnan og síðan suðvestanátt, sem
hefði getað valdið erfiðleikum í höfnum
suðvestan- og sunnanlands, en stór-
straumsflóð var klukkan sjö í morgun.
Trausti sagði að spáð væri suðvestanátt og
éljum í dag sunnanlands, en björtu veðri
norðaustanlands. Ekki yrði hvassara en
8—10 vindstig. Myndina tók Ijósmyndari
Morgunblaðsins RAX af briminu í Grinda-
vík um kvöldmatarleytið í gær, en þar gekk
sjór yfir bryggjur, varnargarða og báta á
tímabili.
Spá góðu
laxveiðisumri
Fiskifræðingar Veiðimála-
stofnunar telja allar líkur á að
næsta sumar verði gott laxveiði-
ár.
Finnur Garðarsson, fiski-
fræðingur, sagði blm. að þeir
gerðu ráð fyrir að sumarið yrði
ólíkt sl. sumri, þ.e. að í stað
stórlaxagangna snemmsumars
kæmu miklar smálaxagöngur
þegar liði á sumarið. Taldi
hann að veiðin yrði heldur treg
í byrjun veiðitímabilsins en í
júlí ætti hún að fara að glæðast
og verða góð það sem eftir er
vegna smálaxagangna sem þá
væri búist við að skiluðu sér í
árnar. Þessi sami árgangur
ætti hinsvegar að skila sér sem
stórlax sumarið 1986.
Lækka vextirnir um
næstu mánaðamót?
Eðlilegt að taka vexti til endurskoðunar í mánuðinum, segir
forsætisráðherra, og telur vel koma til greina að taka lánskjara-
vísitölu úr sambandi fari verðbólga niður í 10—12%
BIÍIST er við nokkurri vaxtalækkun um næstu mánaðamót.
Forsætisráðherra sagði í samtali við Mbl. í gær, að hann teldi eðlilegt að
vextir yrðu teknir til endurskoðunar nú í mánuðinum, með hliðsjón af
lækkandi verðbólgu og lækkandi lánskjaravísitölu.
Steingrímur sagði að allar lík-
ur væru á að verðbólguspá Þjóð-
hagsstofnunar fyrir þetta ár
myndi rætast, þannig að búist
er við að hún verði á milli 20 og
25% á árinu. „Mér er sagt að allt
bendi til þess að lánskjaravísi-
talan verði miklum mun lægri í
febrúar en hún var í janúar, en
þá var hún um 35%,“ sagði for-
sætisráðherra í samtali við
Morgunblaðið í gær.
Dr. Jóhannes Nordal Seðla-
bankastjóri sagði í samtali við
blm. Mbl. í gærkveldi að með
hliðsjón af þeirri þróun sem ver-
ið hefði á verðbólgu, væri líklegt
að vextir lækkuðu með vorinu,
en ekki sagðist hann á þessu
stigi geta sagt hvenær það yrði,
eða hve mikið.
Forsætisráðherra sagði að
mjög mikið væri verið að vinna í
vísitölumálum nú og sem flestir
möguleikar væru skoðaðir. „Það
getur vel verið að það sé skyn-
samlegt frá sálrænu sjónarmiði
að taka lánskjaravísitöluna úr
sambandi," sagði forsætisráð-
herra, „en ef svo fer sem hag-
fræðingar spá, að kaupmáttur-
inn eigi ekki að skerðast meira,
þá er engin hagsbót af því fyrir
launþega að taka lánskjara-
Kennarar aftur tíl starfa?
Mæli með því ef ég tel tryggingu kennara næga segir formaður HÍK
„EF LOFORÐ fæst um sérstaka leidréttingu fyrir kennara þá mun ég
mælast til þess við félagsmenn HÍK að þeir snúi aftur til starfa," sagði
Kristján Thorlacius, formaður Hins islenska kennarafélags, í gær.
Samninganefnd ríkisins og HÍK
ræddu í gær um niðurstöður
endurmatsnefndar, sem gerði út-
tekt á starfi kennara. „Við erum
að reyna að komast að einhverri
niðurstöðu, en erum ekki enn á
eitt sáttir," sagði Kristján. „Ef
það verður hins vegar tryggt að
kröfur kennara verða virtar, þá
verður leitað til félagsmanna
HÍK. Telji þeir trygginguna næga,
þá munu þeir væntanlega snúa
aftur til starfa. Sjálfur mun ég þá
mæla með því, því það er ekki ann-
að sjáanlegt en að fiest félög fari
með sín mál um endanlega röðun í
launaflokka fyrir Kjaradóm.“
Indriði H. Þorláksson, formaður
samninganefndar ríkisins, sagði
að viðræður nefndarinnar og HIK
væru ekki enn komnar á það stig
að samið verði eitthvert plagg sem
tryggir kennurum að sérkröfur
þeirra verði teknar til greina.
„Samninganefnd ríkisins hefur
hins vegar sagt það áður að tillit
yrði tekið til þeirra upplýsinga
sem fram kæmu í skýrslu mennt-
amálaráðuneytisins og nú erum
við að reyna að komast að niður-
stöðu um túlkun skýrslunnar,"
sagði Indriði. „Ég geri mér engar
hugmyndir um það hvort kennar-
ar hefja störf aftur fljótlega.
Samningamál nú snúast ekki ein-
göngu um þá.“
vísitöluna í burtu. Mér finnst vel
koma til greina, þegar verðbólg-
an er komin niður á viðunandi
stig, eins og 10 til 12%, að af-
nema lánskjaravísitöluna. Það
myndi auðvitað aðeins eiga við
um nýjar skuldbindingar, því
það væri ekki hægt að afnema
hana aftur í tímann."
Heimildir Morgunblaðsins
herma að ráðamenn þjóðarinnar
geri sér vonir um að lánskjara-
vísitalan þegar hún birtist næst,
um 20. mars, verði í kringum
25% á heilu ári. Þegar hún hafi
verið birt megi búast við
ákvörðunum um vaxta-
breytingar þar sem hún ræður
miklu um vaxtaákvarðanir.
Jafnframt munu engar veru-
legar verðhækkanir vera fyrir-
hugaðar í bráð, þannig að sam-
kvæmt sömu heimildum ætti
lánskjaravísitala fljótlega að
vera komin niður í um 12% á
ári.
„Við reiknum með því að vext-
ir lækki töluvert nú bráðlega,
þar sem verðbólgan er á hraðri
niðurleið," sagði Valur Valsson
bankastjóri Iðnaðarbankans í
samtali við Morgunblaðið. „Það
liggur í augum uppi, að það
verða einhverjar vaxtabreyt-
ingar, þegar verðbólgan fer að
lækka verulega," sagði Matthías
Á. Mathiesen viðskipta- og
bankaráðherra í samtali við
blm. Mbl.