Morgunblaðið - 17.08.1985, Blaðsíða 13
MORGUNBLAÐID, LAUGARDAGUR 17. ÁGÚST 1985
13
Fulltrúi forseta Rotary International, Ernst Breitsholtz frá SviþjóA, sæmir
Rótarýmanninn Torfa Hjartarson heiöursmerki Paul Harris á umdæmisþing-
inu sem haldið var í júní.
þó verið tekið til atkvæðagreiðslu
á hverju löggjafarþingi Rotary
International, sem haldin eru
þriðja hvert ár, en tillögurnar um
aðild kvenna hafa hingað til verið
felldar með allmiklum atkvæða-
mun. Til þessa hafa íslendingar
hins vegar verið æði beggja blands
í afstöðu sinni," upplýsti Sigurður.
nÉg er því mjög hlynntur að
konum verði boðin þátttaka í
störfum Rótarýs, á sama hátt og
körlum," sagði Sigurður, „enda
fráleitt eins og þjóðfelagi okkar er
háttað að geta ekki boðið konu,
sem veitir mikilvægri stofnun for-
stöðu, aðgang að samstarfi í fé-
lagsskap okkar sakir kynferðis
síns. Ég er sannfærður um að um
aldamótin verður búið að breyta
þessu,“ bætti hann við. Þess má þó
geta að starfandi er hér á landi
félagsskapur kvenna, Innra hjólið,
sem tengist Rótarý. Ekki er þó um
Rótarýklúbb að ræða heldur sam-
tök kvenna, sem giftar eru mönn-
um innan hreyfingarinnar.
AÖ þjóna
fremur en þiggja
Þegar Sigurður var að því
spurður hvaða gagn hann hefði
haft af Rótarýaðild sinni var hann
fljótur að minna á einkunnarorð
félagsskaparins, „Service Above
Self“ — að þjóna fremur en að
þiggja. Hins vegar væri líka til
annað slagorð innan hreyfingar-
innar — „He profits most who
serves best“, sem mætti útleggja
„Sá sem þjónar best, þénar mest“
og taldi Sigurður þetta hafa
reynst orð að sönnu. Að vísu hefðu
gagnrýnendur Rótarýs reynt að
túlka þetta svo, að hér væri komin
sönnun þess að hreyfingin hefði
það markmið að afla félögum sín-
um fjárhagslegs ábata, en því færi
alls fjarri. „Það er hægt að hagn-
ast, þó ekki skili ágóðinn sér í
seðlum," sagði Sigurður. „Þetta
þýðir einfaldlega að sá, sem er
reiðubúinn til að leggja eitthvað á
sig fyrir aðra, mun fá það endur-
goldið," bætti hann við.
Benti Sigurður á að unnt væri
að láta gott af sér leiða með öðru
en fjárgjöfum, þótt vissulega væru
þær góðra gjalda verðar, en gagn-
stætt öðrum þjónustuklúbbum
stæði Rótarý ekki fyrir söfnunum
meðal almennings — heldur héldi
sig innan hreyfingarinnar. „Lions-
menn, t.d., eru manna duglegastir
við líknarstörf, á borð við fjár-
safnanir fyrir sjúkrahústækjum
og því um líku og eiga þeir sann-
arlega þakkir skyldar fyrir. Vissu-
lega styðjum við þá, sem einstakl-
ingar, en innan okkar félagsskap-
ar beitum við okkur að ýmsu öðru,
líka á alþjóða vettvangi, því í
mörg horn er að líta.
Smækkuð mynd af
þjóðfélaginu
Aðspurður kvaðst Sigurður hafa
gengið í Rótarý árið 1969 og starf-
að síðan í Rótarýklúbbi Reykja-
víkur. Fundir I klúbbunum eru
haldnir vikulega og er mætingar-
skylda ströng. Að vísu eru menn
ekki látnir hætta, nema mætingar
fari niður fyrir ákveðið lágmark.
Ætlast er til að félagar gefi upp
fullgilda ástæðu fyrir fjarveru
sinni og þeir sæki fundi hjá öðrum
Rótarýklúbbum, þegar þeir eru á
ferðalagi utan sinnar heima-
byggðar. Sigurður sagði: „Þessi
ákvæði eru ekki út í hött. Maður
kynnist ekki sínum félögum, nema
með því að hitta þá og það sem
oftast. Svo hafa menn líka ævin-
lega eitthvert gagn af fundarsókn
— þeir hitta þarna ólíka menn
með misjöfn sjónarmið. Rótarý
velur sína félaga án tillits til þjóð-
ernis, stjórnmála- eða trúarskoð-
ana. Félagsskapurinn þroskar ein-
staklingana og kennir þeim að
umbera skoðanir annarra og lifa
saman { sátt og samlyndi. Þetta
eru mjög lýðræðisleg samtök —
smækkuð mynd af önn og iðju
þjóðfélagsins — samansafn
þeirra, sem taldir eru verðugir
fulltrúar starfsgreina sinna eða
njóta trúnaðar innan síns sér-
sviðs. Markmiðið er að miðla öðr-
um af reynslu sinni og þekkingu.
Sem sagt; að gefa og þiggja — það
er málið. Þetta kennir manni að
rökræða án þess að rífast og virða
ólík viðhorf," sagði Sigurður. Til
eru menn innan Rótarýklúbbs
Reykjavíkur, sem mætt hafa á
hvern einasta fund sl. 30 ár, og svo
er um fleiri klúbba. Auk hefð-
bundinna fundarstarfa og sam-
skipta á vegum Rotary Internat-
ional gera Rótarýfélagar sér
stundum dagamun, eins og í mörg-
um félögum tíðkast, og þá gjarnan
með þátttöku eiginkvenna sinna.
Starf umdæmisstjóra
Sigurður upplýsti að umdæmis-
stjórastarfið væri krefjandi en
hefði þó jafnframt gefið sér mikið.
„Umdæmisstjóri er starfsmaður
Rotary International og á að gæta
þess að klúbbarnir haldi sér við
efnið — sinni verkefnum þeim,
sem þeir hafa sjálfir valið sér og
fylgi öllum reglum þar að lút-
andi.“
Á því ári sem Sigurður ólafsson
gegndi forystuhlutverki Rótarýs á
lslandi var m.a. unnið að því að
gefa út sögu hreyfingarinnar hér-
lendis svo og stofnun starfsgreina-
sjóðs.
„Peningarnir, sem veittir eru til
þeirra málefna sem við styðjum
eru allt saman frjáls framlög. Við
viljum leyfa mönnum að njóta sín
{ þeim málum, sem þeir hafa
áhuga á. Við beitum engum þving-
unum og ýtum engum út í neitt,
sem hann ekki trúir á sjálfur.
Þörfin er svo víða að þar er svo
sannarlega pláss fyrir alla, sem
vilja leggja hönd á plóginn," sagði
Sigurður. „Fyrst í stað var ég
ákaflega tregur til að taka þetta
að mér, þar sem ég vissi að þetta
fæli í sér mikið starf," sagði hinn
fráfarandi umdæmisstjóri, Sig-
urður Ólafsson, „en ég sá mér fært
að gera þetta, með því að verja til
þess öllum frístundum í eitt ár, og
ví sé ég svo sannarlega ekki eftir.
nafninu „Rótarý", svo og í merki
félagsskaparins, hjólinu, felst
hreyfing og táknar það að enginn
fær starf innan samtakanna til
æviloka. Skipt er um menn í öllum
stöðum árlega og hefur þetta þann
kost að virkja sem flesta. Litlu
tannhjól merkisins minna okkur
líka á snertinguna, sambandið
manna á milli og það að vinsamleg
samskipti allra er eitt af höfuð-
markmiðum Rótarýs," bætti hann
við.
Velvild ríkur þáttur
í fari flestra
Þessu hefur Sigurður kynnst af
eigin raun, því hann sagði: „Eftir
að ég komst á fullorðinsár hef ég
aldrei eignast jafnmarga vini og á
þessu ári, sem ég starfaði sem um-
dæmisstjóri. Þó er sagt, að sína
bestu vini eignist maður á yngri
árum og þá einkanlega í skóla.
Þegar maður fullorðnast eignast
maður bara kunningja, utan nán-
ustu fjölskyldu. Ég hef hins vegar
komist að raun um að þetta er
ekki allskostar rétt. í gegnum
starfið hef ég kynnst fjöldanum
öllum af fólki, sem hefur verið
reiðubúið til að gera allt fyrir mig
og þá sannfærðist ég endanlega
um að velvild og hjálpsemi er rík-
ur þáttur í fari flestra manna,“
sagði Sigurður.
Aðspurður kvaðst hann að sjálf-
sögðu verða áfram í Rótarý, það
sem breyttist væri að pappírs-
vinna, símtöl og skylduferðalög
utanlands og innan lentu nú á eft-
irmanni hans, Húnboga Þorsteins-
syni frá Borgarnesi. „Annars hef
ég nóg fyrir stafni í mínum frí-
stundum," bætti hann við, „enda á
ég óskaplega erfitt með að vera
iðjulaus og það ömurlegasta sem
ég geri er að flatmaga á einhverri
sólarströnd og liggja í leti,“ sagði
Sigurður ólafsson að lokum.
Selfoss:
Rækjuveisla
Stór skál af rækjum, nokkrir valið í sumarbústaðnum, úti i
góðir ostar og sumarlegur garði, eða bara inni í stofu. Það
eftirréttur. Einfalt, létt og lyst- fer að sjálfsögðu allt eftir veðri
ugt. Því ekki að hóa saman 6—8 og aðstæðum. En fyrst bjóðum
manns á fallegu síðsumarkvöldi við upp á „bollu“.
og bjóða upp á þetta? Alveg til-
fyrir 6
'k agúrka
1 sítróna
1 flaska hvítvín, þurrt
2 matsk. koníak
Um 50 gr. sykur
1 flaska freyðivín
2 flöskur sódavatn
ísmolar
Þvoið agúrkuna og sítrónuna og skerið í þunnar sneiöar. Sett í
glerskál eða stóra glerkönnu. Koníaki og hvítvíni hellt yfir og
sykurinn hrærður saman við. Sett í ísskáp í 2—3 tíma. Freyðivín-
inu, vel kældu, bætt út í rétt áður en bollan er borin fram, einnig
nokkrum ísmolum og sódavatninu.
Agúrku-bolla,
Rækjurnar má bera fram í stórri skál, eða búa til „rækjurönd".
Sé fyrri kosturinn valinn er gott að hafa sítrónusneiðar, ristað
brauð og smjör með, og eitthvað af ídýfum. Séu rækjurnar bornar
fram í skelinni má reikna með um 200 grömmum á mann, en ef
þær eru pillaðar ættu 125 grömm á mann að duga. Hér koma
uppskriftir sem nota má í ídýfur.
Paprikuídýfa
1 box sýrður rjómi (2dl),
'k rauð papríka smátt söxuð,
1 matsk. sítrónusafi,
2 matsk. tómatkraftur (puré),
salt og pipar,
1 tesk. fint saxaður laukur,
1 Vi dl rómi (þeyttur)
Hrærið papríkuna og laukinn út í sýrða rjómann, bætið tóm-
atkraftinum út i og sítrónusafanum, og bragöbætið með salti og
pipar eftir smekk. Að lokum er þeytta rjómanum bætt út í.
Sinnepsídýfa
1 box sýrður rjómi (2 dl)
1 matsk. púðursykur
2 matsk. franskt sinnep
1 matsk. edik
'k tsk. karrý
2 matsk. saxaður graslaukur eða dill
Salt og pipar
Hrærið sinnepið með púðursykri, ediki og karrýi. Bætið sýrða
rjómanum saman við, síðan graslauk og dilli, og bragðbætið með
salti og pipar eftir smekk.
Jógúrtídýfa
1 box jógúrt (2 dl)
2 dl majones
4 perlulaukar (smátt saxaðir)
1 búnt dill (eða annað grænt)
'k rif hvitlaukur
salt og pipar.
Saxið dill og hvítlauk smátt.
Blandið svo öllu saman og
bragðbætið með salti og pipar.
Melóna meö ávöxtum
Ferskjur og jarðarber ný eða úr
dós í melónu-umgerð eru bæði
fljótlegur og girnilegur eftirrétt-
Ný verzlun í byggingu sem þjóna
á byggðinni syðst í kaupstaðnum
Seirossi, 31. júlí.
í BYGGINGU er ný verslun á
horni Tryggvagötu og Foss-
heiðar á Selfossi. Verslun
þessi mun þjóna byggðinni
syðst í kaupstaðnum þar sem
búa um 2000 manns.
Eigendur þessarar nýju
verslunar eru Gunnar B.
Guðmundsson og Þórður G.
Árnason. Þeir sögðu að í
þessari verslun yrðu allar
almennar heimilisvörur til
sölu og opnunartíminn yrði
lengri en í almennum versl-
unum.
Þessi verslun er sú fyrsta
sem rís sunnan aðalgötunn-
ar, Austurvegarins, sem all-
ar verslanir bæjarins eru
staðsettar við. Þessi verslun
mun því stytta íbúum spor-
in að einhverju leyti, ekki
síst þeim sem næst búa.
Sig. Jóns.
Fyrir 4:
1 melóna
400 gr. jarðarber
'k dós ferskur
1—2 matsk. flórsykur
1 matsk. sitrónusafi
3—4 matsk. gin
Ská-skerið lok af melónunni með beittum hnif. Skafið kjarnana
úr með skeið, og einnig meirihlutann af melónukjötinu. Fyllið svo
upp með jarðarberjum, melónubitum og niðursneiddum ferskjum.
Stráið flórsykrinum og hellið sítrónusafanum yfir. Siðast er gin-
inu og/eða ferskjusafanum hellt út á. Setjið lokið á og látið þetta
„trekkja" í um það bil tvo tíma.
... Og gleymið svo ekki nokkrum góðum ostum á borðið!