Morgunblaðið - 06.05.1986, Side 4

4
MORGUNBLAÐIÐ, ÞRIÐJUDAGUR 6. MAÍ1986
„Vonandi tekst að halda genginu
stöðugu út allt árið en í trausti
þess lækkuðum við gólfteppi um 3
til 8%, gólfdúka um 4 til 5% og
önnur hjálparefni um allt að 10%.
í heildina er hér um 2 til 3% lækkun
að ræða,“ sagði Jón.
Teppaland lækkar
verð um allt að 10%
Komum til móts við ábendingar yfirvalda
- segir Jón Karlsson framkvæmdastjóri
„VIÐ VILDUM verða fyrst inn-
flutningsfyrirtækja til að láta að
okkur kveða og lækka vöruverð-
ið,“ sagði Jón H. Karlsson fram-
kvæmdastjóri Teppalands, sem
auglýst hefur allt að 10% lækkun
á vörum verslunarinnar.
Jón sagði að iðnfyrirtæki hefðu
riðið á vaðið og því hefðu þeir hjá
Teppalandi ákveðið að fylgja á eftir
og lækka vöruverðið þar sem því
væri við komið. „Með því að draga
saman reksturinn, sameina þijár
deildir í eina ásamt endurskipulagn-
ingu hefur tekist að halda vöruverði
niðri og jafnvel lækka það,“ sagði
Jón. „Þar með teljum við okkur
vera að koma til móts við þær
ábendingar sem komið hafa frá rík-
isstjóminni og verðlagsstjóra um
vöruverð." Hann sagði að vaxta-
lækkun hefði dregið úr kostnaði
fyrirtækja og með það í huga færu
þeir þess á leit við erlenda viðskipta-
aðila að þeir kæmu til móts við þá
við gerð nýrra viðskiptasamninga.
Og hefur sú málaleitan fengið góðar
undirtektir.
Leiðrétting
RANGT var farið með tölu í frétt
í laugardagsblaðinu af málefnum
Þýsk-íslenska hf., þar sem greint
var frá álögðum viðbótarsköttum
og sektum á félagið. Þar sagði
að rannsókn rannsóknardeildar
ríkisskattstjóraembættisins
hefði leitt í Ijós að á árinu 1984
hafi Þýsk-íslenska hf. vantalið
tekjur sínar og eignir um rúm-
lega hundrað milljónir króna.
Þetta er rangt. Hins vegar hefur
Morgunblaðinu ekki tekizt að fá
öruggar upplýsingar um það
hver hin rétta tala er, þar sem
upplýsingar heimildarmanna
blaðsins stangast á um það.
Þá er og rétt að taka fram, vegna
ónákvæmrar fyrirsagnar á um-
ræddri frétt, að viðbótarskattar,
sem ríkisskattstjóri hefur lagt á
fyrirtækið, nema alls liðlega 38,8
milljónum króna. Viðurlög og drátt-
arvextir eru að auki tæplega 12,9
milljónir króna, þannig að heildar-
íjárhæðin er alls um 51,7 milljónir.
Beðist er velvirðingar á þessum
mistökum.
Afmælisterta
Morgunblaðið/Bjami.
Bakarameistarar í höfuðborginni eru farnir að undirbúa 200 ára afmæli Reykjavíkur 18. ágúst.
Þeir ætla að baka 200 metra langa tertu í tilefni dagsins og í gær var borgarfulltrúum og helstu
ráðamönnum borgarinnar boðið að smakka sýnishorn af tertunni við Höfða.
Útf ör Helgri
M. Níelsdótt-
ur gerð í gær
ÚTFÖR Helgu M. Níelsdóttur
Ijósmóður, sem lést 28. apríl, var
gerð frá Dómkirkjunni í gær.
Helga fæddist 21. júní 1903 að
Halldórsstöðum í Saurbæjarhreppi,
Eyjafirði. Foreldrar hennar voru
þau Níels Sigurðsson bóndi að
Æsustöðum í Saurbæjarhreppi og
kona hans Sigurlína Rósa Sig-
tryggsdóttir. Helga nam ljós-
mæðrafræði í Reykjavík árin 1923
og 1924 en hélt til framhaldsnáms
á Ríkisspítalanum í Kaupmanna-
höfn 1926 og 1927. Stundaði síðan
ljósmóðurstörf í Reykjavík. Helga
stofnaði Fæðingarheimili Reykja-
víkur við Eiríksgötu 1933 og rak
það til ársins 1939. Hún veitti heim-
ilishjálpinni í Reykjavík forstöðu
frá 1950 til 1976. Stofnaði Ljós-
mæðrafélag Reykjavíkur 1942 og
var gjaldkeri þess frá upphafi og
síðar formaður um langt árabil. Auk
þess sinnti hún ýmsum félagsmál-
um og var sæmd heiðursmerki
Rauða kross íslands árið 1977.
Kópavogur:
Tónleikar á
menningarviku
í KVÖLD klukkan 20.30 verða
tónleikar í Kópavogskirkju og
eru þeir liður f menningarviku
Kópavogs, sem hófst um helg-
ina.
Á tónleikunum í kvöld verða
leikin verk eftir mörg erlend tón-
skáld, Bach, Beethoven, Elling-
ton og fleiri. Þá verða á dag-
skránni verk eftir þijú íslenzk
tónskáld, Fjölni Stefánsson, Árna
Harðarson og Snorra S. Birgis-
son.
Málarekstur umhverfissinna fyrir Hæstarétti Bandaríkjanna:
Vilja refsiaðgerðir
gegn hvalveiðiþjóðum
Hafa unnið málið fyrir tveimur dómstigum
MUNNLEGUR málflutningur fór fram fyrir helgi í Hæstarétti í
Bandarikjunum í máli bandarískra umhverfissinna gegn þarlendum
stjórnvöldum. Málið höfðuðu umhverfissinnar á sinum tíma vegna
samninga, sem Bandaríkjastjórn gerði við Japani, um að falla frá
refsiaðgerðum gegn þeim fyrir að virða ekki hvalveiðibann Alþjóða-
hvalveiðiráðsins gegn því að Japanir lofuðu að hætta hvalveiðum
1988. Slika samninga telja umhverfissinnar ólöglega, þar eð fram-
kvæmdavaldið sé með þeim að „semja um lög“, og fara þannig inn
á svið löggjafarvaldsins. Umhverfissinnar hafa unnið þetta mál á
tveimur dómstigum og er málið nú komið til kasta hæstaréttar.
Niðurstöðu hæstaréttar er ekki að vænta fyrr en í ágúst i fyrsta lagi.
Magnús Gústafsson fram-
kvæmdastjóri Coldwater Seafood
Corporation, fisksölufyrirtækis
Sölumiðstöðvar hraðfrystihúsanna
í Bandaríkjunum, hefur fylgst
grannt með þessu máli, enda snertir
það óbeint mjög hagsmuni íslend-
inga. „Það hefur þótt tíðindum
sæta að hæstiréttur skyldi taka
málið upp, því hann er afskaplega
Verðið er of hátt
og engnm tii góðs
- segir Peter Rose framkvæmdasijóri Glenrose-frystihússins í Hull
„VERÐIÐ i dag er of hátt og
engum til góðs. Við ráðum við
að borga 45 til 50 krónur fyrir
hvert kiló af fiski til frystingar.
Við vitum að það er meira en
islenzku frystihúsin borga, en við
erum með betri nýtingu, meiri
sérhæfingu og minni fjármagns-
kostnað en þau. Með öðrum orð-
Seðlabankinn:
Minnispeningur-
inn að seljast upp
ÞEIR 5 ÞÚSUND silfurpening-
ar í sérstakri gjafaöskju, sem
Seðlabanki íslands lét slá til að
minnast þess að 100 ár eru liðin
frá þvi seðlaútgáfa hófst hér á
landi, eru að verða uppseldir.
Samkvæmt upplýsingum frá
Seðlabankanum er hér um „fínni“
sláttu minnispeningsins að ræða,
sem sleginn var í 5 þúsund eintök-
um en alls voru 20 þúsund minnis-
peningar slegnir. Hinir 15 þúsund
sem slegnir voru með „venjulegri"
sláttu og minna silfurmagni er
enn hægt að fá hjá bönkum spari-
sjóðum og helstu myntsölum um
land allt.
um er reksturinn hjá okkur betri.
Þess vegna getum við borgað
hærra verð en islendingar,“
sagði Peter Rose, eigandi og
framkvæmdastjóri frystihússins
Glenrose i Hull, i samtali við
Morgunblaðið.
Glenrose vinnur nánast allan
fiskinn í blokkir en lausfrystir flök
einnig. Ifyrirtækið framleiðir meira
af blokk, mest þorskblokk, en nokk-
uð annað fyrirtæki í Bretlandi eða
um 8.000 lestir á ári. Peter Rose
segir þá fá sama verð fyrir blokkina
og íslendingar um 1,35 dali á hvert
pund. Hráefniskostnaður sé um
75% af söiuverðinu að meðaltali,
vinnulaun 10 til 15% og annar
kostnaður svipaður.
„Við nýtum fiskinn betur, fáum
um 50 til 52% af flökum af hveijum
físki, við nýtum allan úrgang og
fjármagnskostnaður er minni en á
Islandi. Á hinn bóginn erum við
bundnir við samninga um sölu, sem
við verðum sð standa við og við
getum ekki sent fólkið heim, þegar
við fáum ekki fisk. Þess vegna
borgum við stundum meira, allt að
65 krónum á kíló. Við kaupum
einnig talsvert af heilfrystum fiski,
sem við vinnum, þegar skortur er
á ferskum físki. Með því móti jöfn-
um við vinnsluna okkur til hags-
bótar. Við erum í beinum tengslum
við markaðinn, við tökum aðeins,
það sem við vitum að kaupendur
vilja, aðeins eina til tvær tegundir
af físki að mestu leyti. Við seljum
blokkina á sama verði og þið og
borgum meira fyrir hráefnið vegna
betri aðstæðna til rekstar. Við
þurfum ekki að taka hvað sem er
hvenær sem er, heldur tökum við
það, sem okkur hentar hveiju sinni.
Sú aðstaða skiptir megin máli.
Á hinn bóginn hefði markaðurinn
hér, bæði fyrir frystingu og frekari
sölu á á ferskum fiski hrunið, ef
við hefðum ekki fengið fískinn frá
íslandi. Þess vegna eigum við þeim
mikið að þakka. Stefna okkar er
einnig sú að fara aldrei niður fyrir
það verð, sem við vitum að útgerðin
þar þarf, þó við gætum það f ein-
stökum tilfellum. Það þýddi aðeins
óánægju og að við fengjum ekki
nóg,“ sagði Peter Rose.
spar á tíma sinn og ljær ekki máls
á hveiju sem er. En fulltrúar fram-
kvæmdavaldsins, sem í þessu tilfelli
eru utanríkis- og viðskiptaráðu-
neytið, telja að hér sé um prófmál
að ræða sem snýst um grundvallar-
atriði, nefnilega hugsanlega skerð-
ingu á valdi forsetans. Er litið svo
á að slík valdskerðing geti stórlega
skaðað samskipti Bandaríkjanna
við aðrar þjóðir," sagði Magnús.
Magnús sagði að samkvæmt
bandarískum dýravemdunarlögum
frá 1971 megi beita þá aðila þving-
unum, sem ekki samþykkja lög og
alþjóðasamþykktir um dýravemd.
„Á þessum lögum var hert frekar
árið 1979, sem gerir það að verkum
að nú er heimilt að skerða til dæmis
fiskveiðiréttindi þjóða, sem ekki
virða hvalveiðibannið, um allt að
helming. Þannig gætu Japanir
misst fískveiðiréttindi við strendur
Bandaríkjanna, sem gefa þeim 500
milljónir dollara í aðra hönd á ári
fyrir að mótmæla hvalveiðibanninu.
Málið snýst sem sé um það að
umhverfíssinnar telja að Banda-
ríkjastjóm hefði átt að framfylgja
þessum dýraverndunarlögum strax,
í stað þess að.semja við Japani um
hvalveiðar til ársins 1988,“ sagði
Magnús.
Magnús sagði að niðurstaða
þessa máls hefði að sjálfsögðu mikla
þýðingu fyrir íslendinga. „Almenn-
ingur í Bandaríkjunum ætlar sér
greinilega að vernda hvalina og ef
hæstiréttur staðfestir niðurstöðu
undirréttanna tveggja, blasir við að
Japanir hljóta að taka afstöðu sína
til hvalveiða til rækilegrar endur-
skoðunar," sagði Magnús Gústafs-
son að lokum.
Leiðrétting
MEINLEG villa var í frétt blaðsins
sl. sunnudag um menningarviku í
Kópavogi.
Þar stóð að í svokölluðu „Gerðar-
kaffi“ nk. sunnudag myndi Helgi
Pálsson, faðir Gerðar, syngja 6 lög.
Hið rétta er að flutt verða sex ís-
lenzk þjóðlög op. 6 eftir Helga Páls-
son við undirleik Þórhalls Birgisson-
ar á fíðlu og Kristins Gestssonar á
píanó. Helgi Pálsson samdi allmörg
lög. Hann lést 1964.
Morgunbiaðið biðst afsökunar á
þessum mistökum.