Morgunblaðið - 06.05.1986, Blaðsíða 32

32
MORGUNBLAÐIÐ, ÞRIÐJUDAGUR 6. MAÍ1986
Viðbrögð við úrslitum Evro vision -s öngvukeppninimr
Reynir Siguijónsson
Morgunblaðið/Emilía
Sólveig Mikaelsdóttir
lenda í fimmta sæti. Þetta var
besta ísienska lagið sem til greina
kom að senda.
En það var gaman, að ísland
skyldi vera með í keppninni og
vonandi verður það áfram. Þá er
ég viss um, að við eigum eftir að
ná betri árangri.“
„Ofsalega spæid“
„Ég varð alveg ofsalega spæld,
ég bjóst við svo miklu meira að
við yrðum að minnsta kosti fyrir
ofan miðju," sagði Sólveig Mika-
elsdóttir. „Mér fannst Icy-hópur-
inn standa sig með miklum ágæt-
um og koma vel fyrir.
Þrátt fyrir rýra uppskeru, var
virkilega gaman að íslendingar
voru með í keppninni og við eigum
tvimælalaust að halda því áfram.
Að mínu mati var sænska lagið
best — kröftugt og líflega flutt.
Vinningslagið fannst mér aftur á
móti ekkert sérstakt. Það sem
skipti sköpum var söngur stelp-
unnar og ég tel að hún hafi ráðið
meiru um úrslitin en lagið sjálft,"
sagði Sólveig.
„Hinar þjóðirnar
kunnu ekki
að meta okkur“
„Æ, þetta fór nú ekki vel. Mér
fannst lagið okkar verðskulda
meira en sextánda sætið. En hinar
þjóðirnar hafa líklega ekki kunnað
að meta það,“ sagði Jakob Gunn-
laugsson.
„Eg hafði gaman af því að
horfa á keppnina samt sem áður.
Fulltrúar okkar voru skemmtilega
klæddir og komu vel fram. Lögin
eru sjálfsagt öll góð ef vel er með
þau farið og þá var gaman að
sjá tilburðina hjá fólkinu — um-
gjörðin hefur víst heilmikið að
segja í svona keppni.
Æ, biddu mig ekki að nefna
neitt sérstakt lag. Það kann ég
ekki. En þetta var allt saman
skemmtilegt og við verðum bara
að reyna aftur,“ sagði Jakob
Gunnlaugsson að lokum.
„Bjuggumst við
betra gengi“
— segja viðmælendur Morgunblaðsins um árangur Gleðibankans
Torfey Steinsdóttir
Þröstur Jensson
Unnur Siguijónsdóttir
ÞAÐ ER ekki ofsagt, að íslenska þjóðin hafi fylgst með
þvi, sem var að gerast á sviði Grieg-tónlistarhallarinnar
í Björgvin í Noregi að kvöldi laugardagsins 3. mai sl. í
Reykjavík sást varla sála á ferli frá klukkan sjö að
kvöldi fram til klukkan að verða tíu og gera má ráð
fyrir, að líka sögu sé að segja úr öðrum byggðarlögum,
svo miklu létu Islendingar sig varða gengi framlags
landans til Söngvakeppni sjónvarpsstöðva í Evrópu,
Gleðibanka Magnúsar Eirikssonar, i flutningi Eiríks
Haukssonar, Helgu Möller og Pálma Gunnarssonar.
Mikið hafði verið spáð og spjallað um væntanlega vel-
gengni framlagsins og spekingar í öðrum löndum bomir
fyrir því, að lagið væri sigurstranglegt. Því meiri urðu
vonbrigðin þegar líða tók á atkvæðatalninguna og ljóst
varð, að Gleðibankinn yrði jafnvel neðar en svartsýnustu
menn höfðu spáð. Og sextánda sætið varð raunin.
Morgunblaðið spurði nokkra
vegfarendur í gær, hvort úrslitin
hefðu komið þeim á óvart og fara
svörin hér á eftir.
„Áttum skilið að
verða ofar“
„Ég varð fyrir vonbrigðum með
úrslitin. íslenska lagið átti skilið
að verða miklu ofar,“ sagði Torf-
ey Steinsdóttir. „Annars fannst
mér erfitt að gera upp á milli
laganna í keppninni. Mér fannst
belgíska stúlkan vel að sigrinum
komin — hún söng skemmtilega
og lagið var í heild vel flutt.
Hvað varðar frekari þátttöku
okkar í keppninni, þá finnst mér
við þurfa að gera upp við okkur
hvort við ætlum að halda keppn-
ina ef svo færi að við ynnum. Við
núverandi aðstæður finnst mér
hæpið að við höfum bolmagn til
þess.“
„Vorum full-
sigurreifir“
„Ég er ekki frá því, að íslend-
ingar hafi verið fullsigurreifír
fyrir keppnina og vonbrigðin því
sárari," sagði Þröstur Jensson.
„Lagið er gott og átti betra skilið.
Að mínu mati var hljómsveitin,
sem spilaði undir, slöpp og ég er
þess fullviss, að Icy-hópurinn galt
fyrir það og náði varla að sýna
sitt besta. Það getur svo sem
verið, að hljómsveitin hafí háð
öðrum flytjendum líka, en ég tók
sérstaklega eftir þessu með Gleði-
bankann, maður er farinn að
þekkja lagið svo vel.
Annars fannst mér sænska
lagið best og tel að það hefði átt
að vinna.
íslendingar eiga tvímælalaust
að vera með í samstarfi sem þessu
og við hefðum raunar átt að vera
löngu byijaðir að keppa. En við
erum reynslunni ríkari og það
gengur áreiðanlega betur næst.“
„Norska hljóm-
sveitin brást“
Unnur Siguijónsdóttir var
ekki sátt við gengi Gleðibankans
í keppninni. „Ég verð að segja,
að ég bjóst við betri byr. Mér
datt ekki í hug, að lagið yrði neðar
en í tíunda sæti. Það var búið að
láta svo mikið með það hér heima
og láta í það skína, að öðrum þjóð-
um þætti mikið til koma, en það
virðist ekki hafa verið mikið að
marka. Ég fer samt ekki ofan af
því, að þetta var besta lagið, sem
við áttum völ á að senda í keppn-
ina.
Ég varð fyrir svolitlum von-
brigðum með, hvemig Icy tókst
upp á sviðinu og tel að norska
híjómsveitin eigi dálitla sök á því
— hún brást. Það vantaði kraftinn,
sem er í laginu bæði á mynd-
bandinu og plötunni.
En það er engin ástæða til að
örvænta þó illa gengi núna. Við
eigum að halda áfram að vera
með og auglýsa land og þjóð og
þá munum við vinna okkur sess
í keppninni.
Annars fannst mér mörg lögin
góð og erfitt að gera upp á milli,
en því er ekki að neita að Sandra
Kim var vel að sigrinum komin."
Jakob Gunnlaugsson
„Vöndum okkur
betur næst“
„Þetta voru ömurleg úrslit — ég
bjóst við miklu betri árangri,"
sagði Bjarni Hermundarson.
„Ég var farinn að venjast Gleði-
bankanum og fannst hann bara
nokkur góður. En að mínu mati
átti Ef meira erindi í keppnina —
og þá ekki síst ef Björgvin Hall-
dórsson hefði fengið að syngja
það.
Mér finnst sjálfsagt að við
höldum þátttöku áfram í þessari
keppni. Við þurfum bara að vanda
okkur betur næst og þá verður
útkoman örugglega betri.
Að þessu sinni fannst mér
sænska lagið best — það höfðaði
mest til mín,“ sagði Bjami.
„Hörmung’ frá upp-
haf i til enda“
Reynir Siguijónsson var
ómyrkur í máli þegar söngva-
keppnina bar á góma. „Hún var
hörmung frá upphafi til enda,“
sagði hann. „Lögin voru hvert
öðru lélegra, flutningur afleitur
og þetta hefur farið versnandi ár
frá ári. Neðar er varla hægt að
komast.
Hvað varðar frammistöðu ís-
Bjarni Hermundarson
Fanney Halldórsdóttir
lendinga er best að gleyma henni
sem fyrst. Gleðibankinn er ekkert
dúndurlag, en útsetningin gerði
endanlega út af við hann. Hún
hefði átt að vera í höndum höfund-
arins en ekki einhverra manna
sem sjónvarpið ræður.
Við ættum þó að vera með í
keppninni áfram og reyna að
hressa eitthvað upp á hana. Það
er ekkert vafamál að við getum
unnið ef við sendum almennilegt
lag — ekki er framlag hinna þjóð-
anna svo burðugt — og það gerum
við næst.“
Reynir tók það fram, að að
þessu sinni hefði sér þótt írska
lagið illskást.
„Icy voru stressuð“
„Ég var að flestu leyti sátt við
úrslit söngvakeppninnar," sagði
Fanney Halldórsdóttir. „Mér
finnst sigurlagið stórskemmtilegt
þó ég hefði kannski heldur kosið
að sænska lagið ynni.
Það sem mér fannst leiðinleg-
ast var, að Gleðibankinn náði ekki
lengra. Það fór greinilega eitthvað
úr skorðum hjá Icy í Björgvin —
mér sýndist helst, að þau væru
svolítið stressuð. Flutningurinn er
miklu betri á myndbandinu. Og
miðað við hann hefði lagið átt að