Morgunblaðið - 06.05.1986, Side 33
MORGUNBLAÐIÐ, ÞRIÐJUDAGUR 6. MAÍ 1986
33
r/MFLUGLEIDJR
Morgunblaðið/Olafur Bragason
Sveit frá Fokker-verksmiðjunum hefur rifið hann sundur svo hægt sé að setja hann um borð í
flutningaflugvél sem kemur til Reykjavíkur í næstu viku. Stél, vængur, hreyflar og hjólabúnaður
er allt tekið af skrokknum.
Flutningaflugvél sækir
Arfara í næstu viku
UNDANFARINN hálfan mánuð
hefur 6 manna sveit frá Fokk-
er-verksmiðjunum unnið sleitu-
laust við að taka Flugleiðavél-
ina Arfara í sundur og búa til
flutnings til Hollands þar sem
fullnaðarviðgerð fer fram.
Risastór flutningaflugvél mun
lenda á Reykjavíkurflugvelli
12.—15. maí nk. til að sækja
Árfara.
Flutningavélin sem hingað
kemur er frá breska flugfélaginu
Heavy Lift sem, eins og nafnið
gefur til kynna, sérhæfir sig í
þungaflutningum. Vélin er af
gerðinni Short Belfast C 5/10,
fjögurra hreyfla. Af þessari flug-
vélagerð voru einungis smíðaðar
10 vélar fyrir breska flugherinn
og flaug sú fyrsta árið 1964. Af
vélunum 10 á Heavy Lift 5, 1 er
á flugminjasafni breska flughers-
ins og 4 fékk Rolls Royce hreyfla-
framleiðandinn til niðurrifs.
Heavy Lift er með 3 vélar í notkun
en 2 eru í geymslu. Verkefni fyrir
þessar flugvélar virðast næg, því
hver vél flýgur að meðaltali 1800
stundir á ári og eru 40% af verk-
efnunum fyrir fyrirtæki er tengj-
ast flugvélaviðgerðum eða -fram-
leiðslu.
Fyrir þá sem hafa gaman að
tölum birtast hér smá upplýsingar
um Belfast-vélina og innan svig-
anna eru sambærilegar tölur fyrir
Arfara svona til að gefa saman-
burð. Hreyflar 4x5730 hestöfl
(2x2030) — Vænghaf 48,4 m (29)
— Lengd 41,6 m (23,6) — Hæð
14,3 m (8,5) — Tómaþyngd 57
tonn (11,8) — Hámarksþyngd 104
tonn (19,7) — Burðargeta 35 tonn
(5,7) - Flugþol 8500 km (2000).
Árfari jafn góð vél
eftir viðgerðina
Að sögn Kristins Halldórsson-
ar, forstöðumanns viðhalds- og
verkfræðideildar Flugleiða, þótti
hagkvæmast að taka viðgerðatil-
boði Fokker ekki síst vegna
reynslu þeirra í stórviðgerðum og
eins vegna þess að verksmiðjumar
ráða yfír sérstökum framleiðslu-
mótum sem þarf að setja Árfara
í svo burðargrindin verði rétt.
Tilboð Fokker nemur tæpum
tveimur milljónum dollara eða sem
svarar um 82 milljónum íslenskra
króna.
Um þessar mundir er markaðs-
verð notaðra Fokker F-27 flugvéla
nálaegt því sem viðgerðin kostar.
„Árfari er burðarmesta F-27-
200 vél Flugleiða,“ sagði Kristinn
Halldórsson í samtali við Morgun-
blaðið. „Vélin er nýkomin úr stór-
skoðun, henni hefur verið flogið
minnst af okkar Fokkerum og síð-
ast en ekki síst ber hún um einu
tonni meira en aðrar vélar okkar
af sömu stærð. Eftir meðhöndlun
Fokker-verksmiðjanna verður Ár-
fari jafn góð flugvél og fyrir
óhappið." Kristinn sagði að aðal-
viðgerðin fælist í að skipta um
miðvænginn, þ.e. vænghlutann
milli hreyflanna, en hann verður
fenginn úr annarri lítið notaðri
vél. Þá verður skipt um nefið fyrir
framan stjómklefann og margt
annað smávægilegra.
Fokker-menn vanir að
„hressa“ flug'vélar við
Starfsemi Fokker í Hollandi er
ífimm verksmiðjum og fer viðgerð
Árfara fram í Ypenburg, rétt fyrir
utan Haag, þar sem aðal viðgerða-
og viðhaldsdeild fyrirtækisins er
til húsa í stærsta Fokker-flugskýli
í heimi. Á viku hverri er að meðal-
tali ein F-27 vél um hendur starfs-
liðsins í Ypenburg. Flestar koma
þær til reglubundins viðhalds en
stundum koma þó vélar sem eins
er ástatt fyrir og Árfara, og þarfn-
ast „hressingar" við. Sérstök sveit
annast viðgerð hverrar vélar frá
upphafí til enda og þannig mun
Fokker-sveitin sem hefur verið að
rífa Árfara í sundur halda verkinu
áfram þegar heim er komið. Þessi
sama sveit hefur sex sinnum áður
sótt óflughæfar Fokker-vélar út í
heim, tekið í sundur, og flutt heim
í verksmiðjur.
Viðgerðin á Árfara tekur átta
mánuði. „Það verður ánægjulegt
að fá vélina jafngóða til baka eftir
þessa umfangsmiklu viðgerð.
Fokker-verksmiðjumar ábyrgjast
verkið og segjast ætla að afhenda
okkur vélina 6. desember nk. svo
hún verður komin í tæka tíð fyrir
jólaannimar í innanlandsfluginu,"
sagði Kristinn Halldórsson að
lokum.
Morgunblaðið/Gunnar Þoreteinsson
Short Belfast-flutningaflugvélin sem lendir á Reykjavíkurflugvelli og tekur Árfara f sinn belgviða
skrokk. Fullhlaðin vegur hún 104 tonn.
Skemmtikvöld Félags"
eldri borgara í Sigtúni
FÉLAG eldri borgara í Reykja-
vík og nágrenni' heldur skemmti-
kvöld í Sigtúni fimmtudaginn 8.
maí og hefst það klukkan 20.
Hljómsveitin Danssporið leikur
fyrir dansi.
Hljómsveitin Danssporið leggur
áherslu á að leika eldri danslög. _
Þá leika Aðalheiður og Ámi
saman á gítar og munnhörpu og^
gamanmál verða höfð í frammi.
Miðasala hefst klukkan 19.30 á
fímmtudag og á sama tíma verður
húsið opnað.
Morgunbladið/Bjonu
Frá sumarfagnaði Félags eldri borgara, sem haldinn var að kvöldi
sumardagsins fyrsta.
Skeljungsbúðin <
ÍSSKÁPAR
FYRIR 12V, 220V, OG GAS
ERU FYRIRLIGGJAIMDi
SíÖumúla33
Símar 681722 og 38125
Kaffipokinn
ódúri oq sterki
P&Ó/SlA