Morgunblaðið - 06.05.1986, Page 20
20
MORGUNBLAÐIÐ, ÞRIÐJUDAGUR 6. MAÍ1986
BETRI
ÁRANGUR MEÐ
ATLAS COPCO
Öruggur búnaöur fyrir:
1. Mannvirkjagerð
2. Verktakastarfsemi
3. Þungaöiönaö
4. Léttan iðnað
ATLAS COPCO er stærsti framleiðandi í heimi á loftþjöppum
og tækjabúnaöi fyrir þrýstiloft. Fyrirtækiö þekkir hvernig
minnka má framleiðslukostnað meö notkun á loft- og gas-
þjöppum, þurrkurum, síum, kælum, iönaöarverkfærum og
tækjum til yfirborðsmeðhöndlunar.
■■■■■■■ Fyrirtæki með framleiðslu er ■■■■■■■
JltlasCopcc trygg'r Þér bæt,a arðsemi og JUlasCopco
góða þjónustu.
DIESELDRIFNAR LOFTPRESSUR
Afköst 30-565 l/s
Vinnuþrýstingur 6-20 bar
Allar nánari upplýsingar gefur
LANDSSMIÐJAN HF.
“PSÖLVHÓLSGÖTU 13-101 REYKJAVÍK
' SÍMI (91) 20680
VERSLUN: ÁRMÚLA 23.
Vovka Ashkenazy
Tónlist
Egill Friðleifsson
Austurbæjarbíó 3.5. '86.
Flytjandi: Vovka Ashkenazy,
píanó.
Efnisskrá: Sónötur eftir Beet-
hoven, Mozart og Schubert.
Vovka Ashkenazy píanóleikari
efndi til tónleika á vegum Tónlist-
arfélagsins í Austurbæjarbíói sl.
laugardag. Svo sem flestum er
kunnugt er Vovka sonur Vladi-
mirs Ashkenazy og konu hans,
Þórunnar Jóhannsdóttur, svo ekki
hefur eplið fallið langt frá eikinni
í það sinn. Vovka ólst upp hérlend-
is að mestu frá sjö ára aldri og
hóf hér tónlistamám, þar sem
Rögnvaldur Siguijónsson var
kennari hans. Það hefui- verið
ánægjulegt að fylgjast með ferli
Vovka. Hann lauk framhaldsnámi
við Konunglega Tónlistarskólann
í Manchester fyrir fáum árum, og
er nú óðum að hasla sér völl á
hálli braut listarinnar og hefur
þegar haldið tónleika víða um
lönd.
Það hefur sjálfsagt tvær hliðar
að vera sonur heimsfrægs lista-
manns. Nafnið eitt vekur strax
athygli, en kallar um leið gjaman
á samanburð sem getur verið
annað en þægilegt, þar sem faðir-
inn er óumdeilanlega í hópi hinna
útvöldu. Hér í blaðinu verður ekki
gerð tilraun til að bera þá feðga
saman (þó freistandi sé). Vovka
stendur og fellur með sínum eigin
leik burt séð frá afrekum föðurins.
Annað gildir ekki í harðri sam-
keppni á hinum alþjóðlega lista-
markaði. Margir muna er Vovka
kom hér fram á listahátíð 1984
og lék þá Tsjækofsky-konsertinn
undir stjóm föður síns. í dag er
leikur hans ömggari og yfirveg-
aðri. Hann býr yfir ágætri tækni.
Stíll hans er tær og skýr. Hann
ætlar sér hvergi um of í tempói
og hefur allt sitt á þurru.
Tónleikamir hófust á Beet-
hoven-sónötu í e-moll op. 90, sem
er ein af átakaminni sónötum
meistarans. Hún er í tveimur þátt-
um, sem báðir hafa yfir sér ljóð-
rænan blæ, þó ólíkir séu, og gerði
Vovka henni allgóð skil.
Á eftir fylgdi hin stórkostlega
sónata í Ás-dúr op. 110 eftir
Beethoven, sem er sú næst síðasta
af þeim 32 er hann samdi, og eitt
af hans allra bestu verkum. Þessi
sónata býr yfir slíkri fegurð og
göfgi að ekki verður með orðum
lýst. Það er mál sumra, að varla
sé á færi nema reyndra og þrosk-
aðra listamanna að skila þessu
verki svo vel sé. Og þó Vovka
hafí gert margt vel, ekki síst í
lokaþættinum, skortir hann enn
þá dýpt i túlkun, sem þarf til að
skila öllu því sem í þessu stór-
brotna verki býr. Eftir hlé lék
hann svo sónötu í F-dúr K.332
mjög frísklega og létt, og sömu-
leiðis hljómaði Schubert-sónatan
í A-dúr op. 120 vel í höndum
hans. Tónleikarnir voru vel sóttir
og hinum unga listamanni hlýlega
tekið.
Vovka Ashkenazy ásamt konu sinni Bodil.
JTRÖNNING SSffiSSc,
Flúorsöfnun í gróðri frá álveri við Eyjafjörð:
Skaðleg búfénaði á
innra mengunarsvæði
Akureyri.
LÍKIJR eru á því að flúorsöfn-
un í gróðri á innra mengunar-
svæði frá 130 þúsund tonna
álveri við Dysnes við Eyja-
fjörð verði skaðleg búfénaði.
Þetta kemur fram í skýrslu
Rannsóknarstofnunar land-
búnaðarins sem Iögð hefur
verið fram.
Helstu niðurstöður skýrslunnar
eru þær að næst verksmiðju, innan
markalínu sem miðast við 0,4
míkrógrömm af flúor í rúmmetra
lofts að meðaltali (svokallað innra
mengunarsvæði) sé ekki útilokað
að fram komi einkenni flúoreitrun-
ar á gróðri, einkum næmustu teg-
undum, og jafnframt geti dregið úr
vexti sumra plöntutegunda. Þar
geta einnig orðið gróðurfarsbreyt-
ingar vegna breyttra samkeppnis-
skilyrða einstakra tegunda.
Síðan segir: „Búast má við að
lægstu þolmörkum búfjár, 30 hlut-
um flúors af milljón í gróðri, sé
náð þar sem mengun fer yfir
umrædd míkrógrammamörk. Því
eru líkur á að flúorsöfnun í gróðri
á innra mengunarsvæði verði skað-
leg búfénaði.
Hugsanlegt er að búið sé við
nautgripi og sauðfé þar sem flú-
ormengunar gætir í einhveijum
mæli, t.d. á því landi þar sem flúor
í lofti er 0,2—0,4 míkrógrömm í
rúmmetra lofts að meðaltali (ytra
mengunarsvæði). Sjálfsagt er að
fylgjast þar með flúor í gróðri. Auk
þess kæmi þar til álita að grípa
til tiltækra ráða til þess að draga
úr áhrifum flúormengunar."
í tilkynningu frá iðnaðarráðu-
neytinu segir síðan: „Þessar niður-
stöður ásamt öðrum athugunum á
umfangi og dreifingu mengunar-
efna frá álveri geta orðið til þess
að hægt er að taka ákvarðanir
með minni óvissu um afleiðingar
en áðurvar."