Morgunblaðið - 06.05.1986, Page 22

22
MORGUNBLADID, ÞRIÐJUDAGUR 6. MAÍ1986
Landsþing Slysavarnafélags íslands:
Uppbygging á slysa-
varnaskóla sjómanna
og rekstur Þórs aðal-
umræðuefni þingsins
LANDSÞING Slysavarnaf élags
Islands var haldið dagana 2.-4.
maí sl. í félagsheimilinu á Sel-
tjarnarnesi, en þingið er haldið
annað hvert ár. Um 220 manns
tóku þátt í þinginu.
Að sögn Haralds Henrýssonar,
forseta félagsins, var aðalumræðu-
efni þingsins uppbygging slysa-
vamaskóla sjómanna og rekstur
varðskipsins Þórs, sem félagið fékk
sem framlag frá ríkinu. Ætlunin
er að nota skipið til námskeiðahalda
um öryggismál fyrir sjómenn. Fé-
lagið hefur að undanfömu haldið
nokkur slík námskeið um landið,
en nú með tilkomu Þórs hefur skip-
inu verið breytt þannig að hægt
verði að halda námskeiðin um borð.
Búið er að innrétta kennslusal í
skipinu og er ætlunin að sigla hafna
á milli til námskeiðahalds. Fyrstu
námskeiðin verða væntanlega nú f
maímánuði, að sögn Haralds.
„Rekstur Þórs er ekki komin í
fastar skorður fjárhagslega. Við
þurfum væntanlega að leita til út-
gerða og sjómannasamtaka, ríkisins Forseti Slysavamafélags íslands,
og almennings varðandi Qármögn- Haraldur Henrýsson, og Hannes
un á öryggisnámskeiðunum svo Hafstein, forstjóri félagsins.
Fulltrúar á landsþingi slysavarnafélagsins skoðuðu varðskipið Þór,
sem nú er í eigu félagsins.
hægt sé að byggja þau upp á sóma-
samlegan hátt," sagði Haraldur.
Á þinginu var rætt um breytta
skipulagshætti í höfuðstöðvum fé-
lagsins vegna aukins umfangs þess.
Þá var m.a. ályktað að setja þyrfti
ákveðnari reglur um öryggiskröfur
í höfnum landsins, auka þyrfti fjár-
framlög til umferðarslysavama og
koma þyrfti upp æfíngasvæði fyrir
verðandi ökumenn við erfið skilyrði
svo sem í möl og hálku.
Tveir heiðursfélagar voru kosnir
í tengslum við þingið, Ásgrímur
Bjömsson fyrrverandi erindreki
Slysavamafélags Islands og for-
maður sjóbjörgunarsveitarinnar
Ingólfs um langa hríð og Ingólfur
Stefánsson fyrrverandi fram-
kvæmdastjóri Farmanna- og fiski-
mannasambands íslands, en hann
var lengi vel fulltrúi þess í Rann-
sóknanefnd sjóslysa. Þeim vom
afhent heiðursskjöl sl. sunnudag um
borð í Þór og Albert Guðmundsson
var sæmdur þjónustumerki úr gulli,
en hann beitti sér sem fjármálaráð-
herra fyrir því að slysavamafélagið
fengi varðskipið Þór til eignar.
Ný landstjóm félagsins var kosin.
Auk Haralds eiga sæti í stjóminni:
Ester Kláusdóttir varaforseti Hafn-
arfirði, Örlygur Halfdánarson
Reykjavík, Eggert Vigfússon Sel-
tjamamesi, Einar Siguijónsson
Hafnarfírði, Sigurður Guðjónsson
Sandgerði og Gunnar Tómasson
Grindavík. Þá voru kosnir fulltrúar
landshluta í stjómina. Fulltrúi
Vesturlands er Jón Þórisson Reyk-
holti, fulltrúi Vestfjarða er Halldór
Magnússon Hnífsdal, fulltrúi Norð-
urlands er Þóranna Hansen Dalvík,
fulltrúi Austfjarða er Gunnar
Hjaltason Reyðarfirði og fulltrúi
Suðurlands er Ólafur íshólm Jóns-
son Selfossi.
í varastjóm eiga sæti: Gréta
María Sigurðardóttir Reykjavík,
Snæbjöm Ásgeirsson Seltjamar-
nesi, Jóhannes Briem Reykjavík,
Engelhart Bjömsson Reykjavík,
Ragnar Bjömsson Mosfellssveit,
Erlingur Olafsson Mosfellssveit,
Reynir Gústafsson Grundarfírði
varafulltrúi Vesturlands, Öm Gísla-
son Bfldudal varafulltrúi Vest-
fjarða, Gunnar Sigurðsson Blöndu-
ósi varafulltrúi Norðurlands, Ellen
Þórarinsdóttir Höfn varafulltrúi
Austurlands og Viktoría Andersen
Vestmannaeyjum varafulltrúi Suð-
urlands.
Morgu nblaðið/Ami Sœberg
Davíð Oddsson, borgarstjóri, spjallar við starfsfólk Sláturfélags Suðurlands við Skúlagötu í gær.
Kosningabaráttan í
Reykjavík að hefjast
Kosningabaráttan í Reykja-
vík er nú að hefjast af fullum
krafti, en kosið verður til borg-
arstjórnar, sem og flestra sveit-
arstjórna á landinu, eftir þijár
og hálfa viku.
Frambjóðendur Sjálfstæðis-
flokksins fóru á sjö vinnustaði í
Reykjavík í gær og í dag sækja
þeir m.a. heim starfsfólk Kassa-
gerðar Reykjavíkur, Sanitas, Lýs-
is, Skattstofunnar og Tollstofunn-
ar, Sjóvá og Skeljungs og einnig
koma þeir á Hrafnistu, dvalar-
heimili aldraðra.
Alþýðuflokkurinn byijaði
vinnustaðafundi einnig í gær og
í kvöld verður almennur kjósenda-
fundur á veitingahúsinu Gauki á
Stöng. Þá fara frambjóðendur
flokksins í Kassagerðina í dag og
í Granda á morgun.
Að sögn Steinars Harðarsonar,
kosningastjóra Alþýðubandalags-
ins í Reykjavík, hófust vinnu-
staðafundir flokksins fyrir um það
bil mánuði og verður framhaldið
næstu daga. Gefin hafa verið út
dreifirit og frekari útgáfa er fyrir-
huguð.
Framsóknarflokkurinn í
Reykjavík hyggur einnig á vinnu-
staðafundi á næstunni, en flokk-
urinn hefur þegar haldið almenn-
an kjósendafund. Það var 1. maí
sl. og tókst hann vel og var fjöl-
sóttur að sögn Sigrúnar Sturlu-
dóttur á kosningaskrifstofu
flokksins.
Kvennalistinn er einnig að
leggja síðustu hönd á skipulagn-
ingu vinnustaðafunda í Reykjavík.
Að sögn Sigrúnar Ámadóttur,
kosningastjóra listans, hefur tals-
vert verið unnið að undirbúningi
kosningastarfsins, s.s. að útgáfu
stefnuskrár o.fl. Þá hefur vegg-
spjald með myndum af frambjóð-
endum verið gefið út. Stefnt er
að því að kosningahátið Kvenna-
listans verði í Laugardalshöll
sunnudaginn fyrir kjördag.
Magnús L. Sveinsson, forseti borgarstjórnar, og Guðmundur Hallvarðsson, frambjóðandi Sjálfstæð-
isflokksins, ræða við starfsfólk Flugleiða í gær.
Um 1.500 manns komu f afmæliskafi sem bæjarstjórn Garðabæjar bauð til sl. sunnudag.
Morgunblaðid/Ámi Sæberg
Garðabær 10 ára:
Fimmtán hundruð 1 afmæliskaffi
Á sunnudaginn var öllum
bæjarbúum Garðabæjar boðið í
kaffi í Garðalundi í tilefni 10 ára
afmælis bæjarins.
Um 1500 manns komu í kaffíð,
en á boðstólum var meðal annars
8 metra löng kaka, auk fjölmargra
annarra kræsinga. Kvenfélagið sá
um vöfflubakstur og skemmtiatriði
voru flutt. Nemendur Tónlistaskól-
ans fluttu nokkur lög, Blásarakvint-
ett Reykjavíkur lék, skólakór
Garðabæjar söng og Ingibjörg
Guðjónsdóttir söng nokkur lög.
Kaffiboðið í Garðalundi var síð-
asta atriði afmælisdagskrár Garða-
bæjar, sem stóð yfir alla síðustu
viku. Afmælishátíðin var vel sótt
og þótti takast mjög vel.