Morgunblaðið - 12.11.1986, Side 52

MORGUNBLAÐIÐ, MIÐVIKUDAGUR 12. NÓVEMBER 1986
• Ib Frodriksen
• Michael KJeldsen
• Mark Christiansen
• Morten Frosí!
Norðurlandamótið í Badminton:
Bestu badmintonmenn Norð-
urlanda íHöllinni um helgina
NORÐURLANDAMÓTIÐ í bad-
rninton verður haldiö í Laugar-
dalshöllinni um næstu helgi. Á
laugardaginn kl. 9 hefjast undan-
rásir í einliðaleik en sjálft mótið
kl. 12. Sfðustu leikirnir á laugar-
daginn verða kl. 18. Undanúrslit
byrja kl. 9 á sunnudaginn en úr-
slitaleikirnir hefjast kl. 14.
Af þessu tilefni verður hór fjall-
að um badminton sem keppnisf-
þrótt og keppendur kynntir.
Badminton sem
keppnisíþrótt
Þegar miðað er við árangur á
heimsmælikvarða er badminton
talin vera erfiðasta spaðaíþróttin.
Sá einfaldi leikur a<- koma boltan-
um í gólfið hjá andstæðingnum
getur orðið ótrúlega margþættur.
Eiginleikar badmintonboltans eru
einstakir. Hægt er að slá hann
ofurlétt þannig aö hann svífur á
fjöðrunum eða smassa hann af
feikna afli og þá getur hann náð
hraða sem jafngildir 250 km/klst.
Þetta gefur möguleiku á mjög fjöl-
breyttum leik sem sífellt er að
þróast.
Það getur veriö erfitt fyrir
íþróttaáhugamenn sem ekki
þekkja badminton að gera sér
grein fyrir þvílík átök felast í einum
leik. Flestir hafa aðeins séð gott
badminton í sjónvarpi en það gefur
því miður alls ekki rétta mynd af
leiknum. Það þykir gefa besta sjón-
arhornið að sjónvarpsmyndavélun-
um sé stillt upp við annan enda
vallarins í nokkurri hæð. Við það
--/iregst myndin mikið saman og
hreyfingar ieikmannanna fram og
aftur á vellinum sjást illa. Á Norð-
urlandamótinu gefst fólki því gott
tækifæri til að sjá lifandi badmin-
ton eins og þaö gerist best í
heiminum.
Erv til þess að átta sig betur á
hvað gengur á í einum badminton-
leik er einmitt athyglisvert að
skoða tölfræðilegan samanburð
sem gerður var í Bandaríkjunum,
á tveimur íþróttaleikjum sem hátt
bar á síöastliðnu ári. Þar er annars-
vegar úrslitaleikurinn í Wimbledon
tenniskeppninni á milli þeirra Boris
Becker og Kevin Curren og hins-
vegar úrslitaleikurinn í heims-
meistarakeppninni í badminton í
Kanada á milli þeirra Morten Frost
og Han Jian.
Það tók Becker 3 klukkustundir
og 18 mínútur að sigra tennisleik-
inn, 6—3, 6—7, 7—6, 6—4. Han
Jian sigraði Morten Frost hins veg-
ar á 1 klukkstund og 16 mínútum,
14—18, 15—10, 15—8. Það mætti
halda að tenniskeppendurnir
hefðu erfiðað meira en lítum nánar
á þetta. Athugunin sýndi að af
þeim 198 mínútum sem Wimble-
don leikurinn stóð var boltinn í leik
í innan við 18 mínútur. í HM-
keppninni var boltinn í leik í 37
mínútur af þeim 76 sem leikurinn
varði. Það þýðir að virkur tími í
tennis er aðeins 9% en 48% í
badminton.
Ef við köllum það seríu þegar
boltinn gengur viðstöðulaust á
milli leikmanna, þá voru leiknar
229 séríur í Becker—Curren leikn-
um. í þeim var boltinn sleginn
samtals 1004 sinnum og þá eru
misheppnaðar uppgjafir taldar
með. í Frost—Jian leiknum voru
146 seríur en í þeim var boltinn
sleginn 1972 sinnum. Þetta þýðir
að í hverri badminton-seríu gengur
boltinn á milli leikmanna 13,5 sinn-
um án þess að vera úr leik en í
tennis-seríunni aöeins 4,4 sinnum.
Að lokum var athugaö hvaða
vegalengdir leikmennirnir hlupu á
meðan leikurinn stóð og komu
tennismennirnir út með 3,7 km á
198 leikmínútum en badminton-
mennirnir með 7,3 km á 76
leikmínútum.
Þetta ætti að gefa vísbendingu
um þau átök sem felast í einum
badmintonleik. Úthaldið er talið
það mikilvægt í leiknum að það
þykir nánast útilokað að leikmaður
sem er eldri en 28 ára geti orðið
heimsmeistari í einliðaleik. ( mál-
gagni Alþjóða badmintonsam-
bandsins (IBF) hefur sú tillaga
komið fram í alvöru að breyta leik-
reglunum þannig að keppendur fái
að hvílast í 2—3 mínútur í hvert
sinn sem hægt er að deila með
fimm í samanlagða stigastöðu.
Það þýðir að í einni Iptu sem færi
í upphækkun yrði hvílt 6 sinnum.
Nú er meira áberandi en áður
að leikmenn í fremstu röð í heimin-
um einbeiti sér að einni grein. Það
þekkist að vísu að tvíliðaleiksmenn
leiki tvenndarleik og öfugt en þeir
sem leika einliðaleik koma ekki
nálægt öðru í neinni alvöru.
Badminton á
heimsmælikvarða
. íþróttin er nú stunduð í sífellt
fleiri löndum og keppendur sem
ná heimsklassa koma nú víða að.
Það fer þó ekki hjá því að ákveðin
svæði haldi meira upp á íþróttina
en önnur. Allir sem hafa dvalið í
Danmörku vita hvernig Danir láta
með sitt badminton sem er auðvit-
að í fremstu röð í heiminum. Svíar
íslensku þátttakendurnir
Það land sem heldur Norðurlandamótið nýtur þeirra forréttinda
að það má fyllla upp þau sæti sem hinar þjóðirnar nýta ekki. Það
verða því 17 keppendur sem taka þátt í mótinu fyrir íslands hönd
og þarna fá því margir kærkomið tækifæri til að taka þátt í móti á
heimsmælikvarða.
Ármann Þorvaldsson (17)
Unglingalandsliðsmaður sl.
vetur og hefur leikið 7 unglinga-
landsleiki. Fer stöðugt fram og
er nú farinn að ógna mörgum af
okkar sterkustu leikmönnum.
Keppir í tvíliðaleik ásamt Gunn-
ari.
Árnl Þór Hallgrímsson (18)
11 landsleikir
Er alinn upp í hinu öfluga ungl-
ingastarfi Skagamanna og nú
einn af okkar bestu mönnum í
öllum greinum. Margfaldur ungl-
ingameistari og sterkasta vopn
okkar í unglingalandsliðinu á
undanförnum árum. Náði mjög
góðum árangri í Evrópukeppn-
inni síðastliðiö vor. Hefur óborg-
anlegan stíl sem gaman er að
sjá. Keppir í öllum greinum á NM,
í tvíliðaleik með Jóhanni og
tvenndarleik með Elísabetu.
Ása Pálsdóttir (17)
4 landsleikir
Kemur frá Akranesi eins og
Árni Þór. Upprennandi leikmaður
sem er að komast í fremstu röð
og líkleg til að ná langt. Margfald-
ur unglingameistari. Keppir í
einliöaleik og tvíliðaleik með
Guðrúnu.
Broddi Kristjónsson (25)
61 landsleikur
Fremsti leikmaður landsliðsins
um árabil. Hefur unnið 17 ís-
landsmeistaratitla í einliða-
tvíliða- og tvenndarleik. Er mjög
tekniskur og agaður leikmaður
sem sífellt stefnir hærra. Keppir
í öllum greinum á NM, í tvíiiöa-
leik með Þorsteini Páli og
tvenndarleik með Kristínu.
Elísabet Þórðardóttir (20)
25 landsleikir
íslandsmeistari f tyíliðaleik
1984—86. Núverandi íslands-
meistari í einliöaleik. Er í stöðugri
framför og á hennar bestu dög-
um erlendis hefur hún unnið
mjög glæsilega sigra. Keppir í
öllum greinum á NM, í tviliðaleik
með Þórdísi og tvenndarleik með
Árna Þór.
Guðmundur Adolfsson (25)
47 landsleikir
Einn traustasti leikmaður okk-
ar á undanförnum árum. Hefur
stöðugt haldið hinum bestu við
efnið og varð íslandsmeistari í
einliðaleik 1985 og í tvíliðaleik
1982. Keppir í einliöaleik og
tvíliðaleik með Pétri.
Guðrún Júlfusdóttir (18)
Helsti máttarstólpi okkar í
unglingalandsliðinu á undanförn-
um árum og hefur leikið 23
unglingalandsleiki. Keppir í ein-
iiðaleik og tvíliðaleik með Ásu.
Gunnar Björgvinsson (17)
Er að komast í fremstu röð
leikmanna okkar, einkum sterkur
ítvíliðaleik. Hefur unnið unglinga-
meistaratitla í tvíliðaleik og er nú
í unglingalandsliðshópnum.
Keppir í tvíliðaleik með Ármanni.
Indrlði Björnsson (21)
Var um árabil í unglingalands-
liðinu og lék með því 13 lands-
leiki. Hefur enn ekki alveg náð á
toppinn en er harður leikmaður
sem gefst aldrei upp. Keppir í
einliðaleik sem er hans sterkasta
grein.
Inga Kjartansdóttir (21)
10 landsleikir
Er margfaldur unglingameist-
ari og heldur nú hinum stúlkun-
um stöðugt við efnið. Mikil
baráttukona og einkum sterk í
tvíiiða- og tvenndarleik. Keppir í
tviliðaleik með Kristínu og
tvenndarleik með Þorsteini Páli.
Jóhann Kjartansson (27)
36 landsleikir
Einn af fremstu leikmönnum
okkar sl. 10 ár. Fyrrum margfald-
ur íslandsmeistari en nú einkum
sterkur í tvíliðaleik. Hefur mikla
tækni og fallegan stíl sem gaman
er að horfa á. Er þjálfari TBR.
Keppir í öllum greinum á NM, í
tvíliðaleik með Árna Þór og
tvenndarleik með Þórdísi.
Kristín Magnúsdóttir (24)
52 landsleikir
Fremsti leikmaður okkar i
kvennaflokki um árabil. Hefur
náð 16 íslandsmeistaratitlum.
Mjög leikreynd og traust. Leikur
í öllum greinum á NM, í tvíliða-
leik með Ingu og tvenndarleik
með Brodda.
Pétur Hjálmtýsson (21)
Margfaldur únglingameistari.
Var í unglingalandsliðinu og lék
með því 5 landsleiki. Er einkum
sterkur i tvíliðaleik og leikur með
Guðmundi á NM.
Sigfús Ægir Árnason (32)
51 landsleikur.
í hópi landsliðsmanna frá
1975. Hefur náð bestum árangri
í tvíliðaleik og varð íslandsmeist-
ari 1979 og 1983. Hefur alltaf
náð góðum árangri og sennilega
unnið fleiri silfurverðlaun en
nokkur annar. Keppir í tvíliðaleik
á NM með Snorra.
Snorri Ingvarsson (19)
1 landsleikur.
Einn af bestu unglingaleik-
mönnum okkar, einkum í tvíliða-
leik. Margfaldur unglingameist-
ari. Á örugglega eftir að verða
einn af okkar bestu mönnum.
Keppir í tvíliðaleik með Sigfúsi.
Þórdís Edwald (20)
41 landsleikur.
Margfaldur íslandsmeistari í
einliða- og tvíliðakeik. Hefur verið
í fremstu röð hér á landi sl. 5
ár. Nær ávallt stöðugum og góð-
um leik. Leikur í öllum greinum
á NM, í tvíliöaleik með Elísabetu
og tvenndarleik með Jóhanni.
Þorsteinn Páll Hængsson
(22)
28 landsleikir.
íslandsmeistari í tvíliðaleik
1984 og einn af fremstu leik-
mönnum okkar í einliðaleik og
tvenndarleik. Leikmaður sem ör-
ugglega á eftir að ná enn lengra.
Leikur í öllum greinum á NM, í
tvíliðaleik með Brodda og
tvenndarleik með Ingu.