Morgunblaðið - 12.11.1986, Qupperneq 54

MORGUNBLAÐIÐ, MIÐVIKUDAGUR 12. NÓVEMBER 1986
J*4
Heldur Boston titlinum?
"S'TRAX AÐ hornaboltatímabilinu loknu fara menn að huga að körfu-
boltanum hór vestanhafs. Á dögunum tryggði lið New York Nets sór
sigur í hornaboltanum, eftir úrslitaleik við Boston Red Sox. Það þötti
okkur í New York gott því ef lið fró Boston hefðu unnið bœði körfu-
boltann og hornaboltann hefði fólk í Boston orðið hreint óþolandi
af monti. Ibúar Boston eru mjög hreyknir af sínum körfubolta, eins
og vera ber, en að vinna bœði körfu- og hornabolta hefði verið of
mikið af því góða fyrir þá.
Þegar litið er á körfuboltann hér
í Bandaríkjunum er sjálfsagt að
minnast fyrst á Los Angeles La-
kers, þar sem „okkar maður",
Pétur Guðmundsson, væri að berj-
ast fyrir sæti í aðalliði ef hann
hefði ekki þurft að fara í uppskurð.
Undirritaður sá Pótur leika í fyrra
og verður ekki annað sagt en að
hann eigi góða möguleika á að
standa sig í þessari erfiðu deild.
Pétur á eftir að ná meiri hraða og
snerpu en hann hefur örugglega
leiknina til þess. Keppnisreynslan
verður að skera úr um það hvort
hann kemst i aðalliðið þegar fram
líða stundir.
Það verður spennandi að fylgjast
með Pétri, vegna þess að Kareem
Abdul-Jabbar er hluti af „elliheimil-
inu" í deildinni. Elliheimilið
samanstendur af þeim Moses
Malone, sem nú leikur með Wash-
ington Bullets. Malone er með 894
leiki að baki og er 31 árs gamall.
Abdul-Jabbar er 39 ára og með
1.328 leiki, Julius Erving hjá Phila-
delpia 76ers er 36 ára með 1.183
leiki, Artis Gilmor er 37 ára með
1.176 leiki, Caldwell Jones er 36
ára með 998 leiki. Allt er þetta
Pétri í hag því bráðlega opnast hér
stöður fyrir stóra menn.
Stóra spurningin fyrir keppnis-
tímabilið nú er sú hvort Boston
Celtics verður meistari annað árið
í röð. Engu liði hefur tekist slíkt
síðan 1969. Boston-liðið er óbreytt
♦á í fyrra, með Larry Bird í farar-
broddi. Öll hin félögin í deildinni
hafa tekið þá stefnu að breyta lið-
um sínum í þeim tilgangi að eiga
möguleika gegn Boston Celtics.
Aldrei hafa jafn margir leikmenn
færst á milli liða og í sumar - 44
leikmenn frá 18 liðum skiptu um
félag. Þjálfaraskipti áttu sér einnig
stað hjá mörgum liðum. Lenny
Wilkens, áður hjá Seattie Super-
sonics er nú hjá Cleveland Cavali-
ers. Jack Ramsey, áður hjá
Portland Trailblazers, er nú hjá
Indiana Pacers. Doug Collins tók
við af Stan Albeck hjá Chicago.
Helstu leikmannaskipti urðu
milli Washington Bullets og Philad-
elphia 76ers. Moses Malone og
Terry Catledge fóru til Bullets fyrir
Jeff Ruland og Cliff Robinson. Se-
attle Supersonics og Milwaukee
Bucks skiptu á Jack Sikma og Al-
ton Lister. Milwaukee Bucks verða
örugglega mjög sterkir með hinn
þekkta Sikma um borð og spáir
undirritaður þeim sæti í úrslita-
keppninni.
Hér í New York er ekki búist við
miklu af New York Knicks. Aðal-
menn liðsins, þeir Bill Cartwright
og Bernard King, eru enn hálfslas-
aðir og án þeirra er liðið hvorki
fugl né fiskur. New Jersey Nets,
eru hins vegar nokkuð sterkir.
Nýliðinn Dwayne Washington frá
háskólanum í Syracuse er af mörg-
um álitinn lykillinn að kröftugum
sóknarleik, með hinn stóra og
þunga James Bailey sér við hlið.
Þegar við bætast góðkunnir leik-
menn eins og Mike Gminski, Darryl
Dawkins og Orlando Woolridge
virkar liðið sterkt á pappírnum.
Lítil leikreynsla gæti hins vegar
orðið vandamál fyrir þá.
• Þeir kunna að verja akot þesslr karlar. Hór er það Erwing sem
„blokkar" skot mótherjanna. Elns gott að reka höfuðið ekki í spjald-
brúninal
NBA-deildin skiptist í Austurrið-
il og Vesturriðil. I Austurriðlinum
má búast við að Celtics, Bucks,
76ers, Bullets, Hawks, Pistons og
Nets (jafnvel Knicks ef Bernard
King er ómeiddur) komist í úrslita-
keppnina. í Vesturriðlinum má
búast við að Lakers, Rockets,
Nuggets, Jazz, Mavericks, Trail
Blazers, Suns og Warriors komist
áfram í úrslitakeppnina.
Getur eitthvert lið unnið Boston
Celtics?
Los Angeles Lakers eru líklegir
til alls. Bob McAdoo er farinn og
Maurice Lucas er einnig hættur.
Liðið er skipað ungum leikmönnum
að undanskildum Abdul-Jabbar.
Þegar hinn stórkostlegi Earvin
„Magic" Johnson, Byron Scott og
Michael Cooper bætast við snýst
spurningin frekar um það hvort
Los Angeles Lakers geti tapað?
Abdul-Jabbar, þó gamall sé, er enn
stjörnuleikmaður. Hann hefur alls
ekki gleymt hinu fræga „Sky-
Hook" sveifluskoti og meðalskorið
hans á síðasta keppnistímabili,
23,4 stig í leik, er hans besta í fjög-
ur ár
Undirritaður yrði ekki hissa ef
Pétur og félagar yrðu meistarar
þetta árið. Boston Celtics eru bún-
ir að vinna sinn skammt í bili. Það
hefur reynst liðunum hér geysilega
erfitt að endurtaka sigur strax á
næsta ári á eftir og ég hef þá trú
að leikmenn Boston muni ekki
hafa þann metnaö sem til þarf.
NBA-deildarspáin lítur því þann-
ig út: Austurriðill: Boston leikur
gegn Bullets og sigrar. Vesturrið-
ill: Lakers leikur gegn Houston og
sigrar. Lakers sigra síðan Boston
i 7. leiknum í úrslitakeppninni
sjálfri.
Baldvin Berndsen, New York.
Morgunblaðið/Kr.Ben.
• UMFG róð f haust til sfn bandarfskan körfuknattleiksþálfara Dlck Ross að nafni. Hér er hann að
leggja leikkerfi fyrir stúlkurnar en þær hafa tekið miklum framförum undir hans stjórn.
Naumt hjá Haukum
gegn nýliðunum úr Grindavík
Grindavík.
í SÍÐUSTU viku sóttu Haukastúlk-
urnar heim nýliðana í Grindavík í
1. deild kvenna í körfuknattleik
og máttu þakka fyrir að vinna f
miklum baráttuleik, 51—49, eftir
að staðan f leikhléi var 35—26
þeim f vil.
Haukastúlkurnar skoruðu fyrstu
2 stigin en UMFG jafnaði. Síðan
sigu Haukarnir framúr og höfðu
náð 10 stiga forustu eftir 7 mín.
leik. UMFG-stúlkurnar söxuðu á
forskotið og var Marta Guðmunds-
dóttir drýgst í að skora og var
munurinn orðinn 4 stig eftir 14
mínútna leik.
Þá fór Sóley Indriðadóttir í gang
hjá Haukunum og skoraði hverja
körfuna af annarri svo munurinn
varð aftur 10 stig.
í seinni hálfleik tóku UMFG-
stúlkurnar að vinna upp forskotiö
og var Marta óstöðvandi auk þess
sem Svanhildur Káradóttir var
mjög sterk og tókst þeim að jafna
leikinn á 12. mínútu.
Var nú leikurinn orðinn æsi-
spennandi og náðu nýliðarnir aö
ná eins stigs forustu, 48—47, með
góðri körfu frá Ragnheiði Guðjóns-
dóttur. En er tvær mínútur voru
eftir skoraöi Sóley sigurkörfu
Haukastúlknanna og endaði leikur-
inn 51—49.
í liði Haukanna var Sóley Ind-
riðadóttir langatkvæðamest og
skoraði 18 stig, en hjá UMFG var
Marta stigahæst, skoraði 22 stig
en Svanhildur Káradóttir skoraði
14 stig.
Þá vann ÍBK Njarðvík 38:32 og
KR fór létt með ÍR, 56:25, á sunnu-
daginn.
Kr.Ben.
1. deild kvenna:
Létt hjá Val
— en KR í erfiðleikum
FYRSTI leikurinn í 1. deild kvenna
eftir þriggja vikna frí fór fram á
mánudagskvöldið milli Ármanns
og Vals. Ármann stóð lengi vel í
Valsliðinu og það var ekki fyrr en
undir lok hálfleiksins, sem Valur
náði fimm marka forskoti, en
staðan í hálfleik var 15—10 fyrir
Val.
í seinni hálfleik juku síðan Vals-
stelpurnar forustu sína og unnu
stóran sigur en lokatölur ieiksins
voru 29 mörk Vals gegn 17 mörk-
um Ármanns.
Guðrún Kristjánsdóttir skoraði
flest mörk Vals eða 8, Katrín Fred-
riksen 6, Soffía Hreinsdóttir 5,
Rósbjörg Jónsdóttir 4, Harpa Sig-
urðardóttir 3, Erna Lúðvíksdóttir 2
og Ásta B. Sveinsdóttir 1. Margrét
Hafsteinsdóttir og Ellen M. Einars-
dóttir skoruöu báðar sex mörk fyrir
Ármann, Elísabet Albertsdóttir 3,
Guðrún Ágústsdóttir og Bryndís
Guðmundsdóttir eitt mark hvor.
Staðan
STAÐAN í 1. deitd
leik er nú þessi:
ÍS
KR
ÍBK
UMFN
ÍR
Haukar
Grindavfk
kvenna í körfuknatt-
5 4 1 205:157 8
4 3 1 187:149 6
4 3 1 206:188 6
4 1 3 148:147 2
3 1 2 100:160 2
4 1 3 150:168 2
4 13 151:188 2
Vfkingur-KR 18:19
Það stefndi allt í stórsigur
Víkings eftir stöðunni í hálfleik að
dæma en þá höfðu þær sjö marka
forystu, höfðu skorað 13 mörk
gegn 6 mörkum KR. Vörn Víkings-
liðsins var góö á meðan allt lak í
gegnum KR-vörnina. Sömuleiðis
var markvarsla Víkings góð.
í seinni hálfleik snerist leikurinn
algjörlega við. Vörn KR-liðsins varð
mjög góð og liöinu tókst að vinna
upp muninn sem var á liðunum í
hálfleik. Munaði þar mest um hrað-
upphlaupin hjá KR-liðinu sem
komu eftir slæmar sendingar t
sókn Víkings.
Þegar 15 mínútur voru eftir af
leiknum munaði aðeins einu marki.
Þá komu tvö Víkingsmörk i röð og
munurinn orðinn þrjú mörk Víking
í vil. En á lokamínútum leiksins
tókst KR-liðinu að skora sigur-
markið. Mjög spennandi fyrir
Víkings-liðið sem hafði verið yfir
allan leikinn.
Svava Baldvinsdóttir skoraði 8
mörk fyrir Víking, Inga Lára Þóris-
dóttir 4, Jóna H. Bjarnadóttir 2,
Eiríka Ásgrímsdóttir og Sigurrós
Björnsdóttir eitt mark hvor. Elsa
Ævarsdóttir skoraði 7 mörk fyrir
KR öll í seinni hálfleik, Sigurbjörg
Sigþórsdóttir 3, Aldís Arthúsdóttir
3, Snjólaug Benjamínsdóttir 2,
Valgerður Skúladóttir 2, Arna
Garöarsdóttir og Karólína Jóns-
dóttir eitt mark hvor.
KMJ