Morgunblaðið - 07.03.1987, Page 46

46
•4——
MORGUNBLAÐIÐ, LAUGARDAGUR 7. MARZ 1987
ANTHCXDGY OF THE ICELANDIC INDEPENDENT MUSIC SCENE OF THE EIGHTIES
p BUBBI & DAS KAPITAL
ÞEYR
Z MEGAS & ÍKARUS
HOH
SVEINBJORN BEINTEINSSON
JONEE JONEE
PURRKUR PILLNIKK
STANYA
VONBRIGÐI
MICKEY DEAN & DE VUNDERFOOLZ
Paul Weller
Mick Talbot
Vince Neil, Nikki Sixx og
Tommy Lee í Mötley Criie.
BUBBIOG
MOLARIMIR
Plötudómur
Árni Matthíason
Tónlistin úr kvikmynd Frið-
riks Þórs Skytturnar er smám
saman að sjá dagsins Ijó, fyrst
Ornamentals með Stavinsky-
diskóið og nú síðast Bubbi og
Sykurmolarnir.
Bubbalagið á varla eftir að
koma neinum á óvart, það hefur
verið mikið spilað í útvarpi und-
anfarið og hafa menn heyrt að
það það er eitt hans besta lag
frá upphafi. Hljófæraleikurinn er
áberandi góður, og Steini sker
sig úr eins og svo oft áður. Text-
inn er líka fyrsta flokks og vel
það, en engin nýjung.
Meiri athygli á kannski eftir
að vekja tónlist Sykurmolanna,
en hún á einkar vel heima í kvik-
myndinni, hæfilega mystísk með
spennu undir niðri. Verður eftir-
væntingin eftir stóru plötunni æ
meiri, altént hjá yfirrituðum.
Farið í Vesturvíking
Spurnir bárust af því að fyrir dyrum stæði
að gefa út þrjár íslenskar hljómplötur í Banda-
ríkjunum, á vegum bandarískra aðila. Það er
Grammið sem á útgáfurétt á efni því sem á
piötunum verður og því var leitað til Ása í
Gramminu og hann beðinn að segja aðeins
frá útgáfunni.
Hvernig fór þetta allt af stað?
Eigandi Enigma, sem gefur plöturnar út ytra,
kom hingað til lands 1982 og hreifst mjög af
gróskunni sem var þá í tónlistinni. Þó hreifst
hann einna mest af Þey. Hann er búinn að ganga
með þetta í maganum síðan. Þess má geta hér
að Enigma er með dreifingarsamning við EMI/
Capitol í Bandaríkjunum sem tryggir það að
platan verður til um öll Bandaríkin.
Hvað heitir platan, hvað er á henni og hve-
nær kemur hún út?
Platan heitir eina alþjóðlega íslenska orðinu,
Geysir, og á henni eru lög frá Rokk í Reykjavík
tímanum og nýrra efni. Hljómsveitirnar sem lög
eiga á plötunni eru Þeyr, Purrkur Pillnikk, Das
Kapital, Vonbrigði, Jonee Jonee, Kukl, Vunder-
foolz, sem á áður óútgefið lag á henni, og síðan
á Hilmar Örn eitt lag og eitt lag er af plötunni
Lif eftir Þorstein Magnússon. Útgáfudagur verð-
ur 20. apríl.
Er eitthvað meira í vændum hjá Gramminu
og Enigma?
Já, í maí/júní kemur síðan út safnplata með
Þey og Kuklplatan Holidays in Europe, e.t.v.
með einhverju áður óútgefnu efni því tii viðbótar.
Nú eru hljómsveitirnar Þeyr og Kukl ekki
lengur til, hvernig verður þessu fylgt eftir?
Plötunum verður fylgt eftir með myndbönd-
um, m.a. úr Rokk í Reykjavík og upptökum af
tónleikum. Einnig mun hópurinn sem stóð að
bæði Þey og Kuklinu, sem nú mynda m.a. Sykur-
molana, fylgja þessu eftir með nýrra efni.
Er stefnt á Biliboard-listann?
Það er alltaf stefnt á hann. Fyrst var það
Independent-listinn (óháði listinn), nú Billboard.
Árni Matt.
Umslag plötunnar er þjóðlegt mjög eins og sjá
má. Myndin er verðlaunamynd úr Surtseyjar-
gosinu.
Quo Vadis?
Plötudómur
Árui Matthiasson
Ekki getur verið þörf á að
rekja sögu Paul Weller og
þeirra sveita sem hann hefur
staðið fyrir í gegn um tíðina,
The Jam og The Style Coun-
cil.
Flestir töldu það óðs manns
æði þegar hann ákvað að leysa
The Jam upp á hátindi frægð-
arinnar og stofnaði The Style
Council með Mick Talbot.
Fyrsta breiðskífa The Style
Council, Cafe Bleu, sýndi þó
að hann vissi vel hvað hann
var að gera. Eða svo virtist
vera a.m.k.
Ekki var dampurinn eins
mikill á Our Favorite Shop,
Wellér virtist vera að tapa átt-
um i nostaigiu og ekki batnaði
það á Home and Abroad. Nýj-
asta plata The Style Council
(eða plötur, í stað einnar 33
snúninga eru tvæ 45 snún-
inga), The Cost of Loving, er
því marki brennd að Weller
hefur ekki gert það upp við sig
hvert hann ætlar, hvort hann
ætlar stíga skrefið til fulls í átt
að soultónlistinni, eða hvort
hann ætlar að halda sig við
poppið.
Barnalegur texti í Right to
Go er til vansa. Annað á plöt-
unni (plötunum) er venjulegt.
Titillagið er það eina sem sker
sig úr.
rofck§íðan
MÖTLEY CRUE í
STARTHOLUIMUM
HIN kaliforníska þungarokk-
sveit, Mötley Criie, er nú að
leggja lokahönd á næstu plötu
sína, „Girls, Girls, Girls“, en
gert er ráð fyrir að hún komi á
markað um mánaðamótin
mars-apríl. Miðað við hraða í
plötuinnflutningi hér gæti hún
hæglega orðið jólaplatan í ár.
Grínlaust er hermt að hér
verði um töluvert fjörlegri afurð
að ræða en fyrri plötur, sem þó
voru ekki beinlínis dauðyflisleg-
ar. „Þetta er letileg, ógeðsleg
rokkplata, sem gerir litlar sem
engar kröfur til áheyrenda, og
með góðri keyrslu", er haft eftir
Nikki Sixx, foringja og bassaleik-
ara hljómsveitarinnar. „Þetta er
eins og ef þú blandaðir saman
því besta frá Led Zeppelin,
Aerosmith og Rolling Stones,
nema töluvert betra!" Sama
gamla hógværðin.