Morgunblaðið - 06.06.1987, Blaðsíða 58

58
MORGUNBLAÐIÐ, LAUGARDAGUR 6. JÚNÍ 1987
Hvc oft het ég ekki sagt þérab
húrcjp. ekki i mig 'i vinnuna.?"
ást er...
v.
... að vinna saman
en ekki rífast
TM Reg. ITS. Pat Off.—all rights reserved
© 1986 Los Angeíes Times Syndicate
Þvi er ekki að neita að ég
er sennilega mjög þungnr
í sambúð____
Með
mor^unkaffinu
Spurðu frúna hvemig ban-
anakúrinn gangi ...
HÖGNI HREKKVlSI
í»essir hringdu ..
Afturf ör að
fækka ferð-
um strætisvagna
K.L. hringdi:
„Ég vil taka undir með þeim
sem mótmælt hafa fækkun stræt-
isvagnaferða sem nú hefur komið
til framkvæmda. í stað þess að
fækka ferðum átti að fjölga þeim,
að minnsta kosti á sumum leiðum.
Þessi breyting kemur illa niður á
þeim sem þurfa að nota strætis-
vagnana og er mikil afturför."
Slæm umgengni
— of inikið um
dægurmúsík
íbúi á Selijarnamesi hringdi:
„Vegna umræðu um draslara-
hátt að undanfömu langar mig
til að koma því á framfæri að
kenna þyrfti íslenskum bömum
betri umgengni hvað þetta snert-
ir, en þeim hættir til að kasta
msli frá sér hugsunarlaust. Er-
lendis, t.d. í Svíþjóð þar sem ég
þekki til, sér maður böm ekki
gera þetta. Margir foreldrar
kenna bömum sínum eflaust góða
umgengni að þessu leyti, en því
miður er greinilegt að sumir for-
eldrar gera þetta ekki. Þetta þarf
að sjálfsögðu að kenna bömunum
því þau gera sér kannski ekki ljóst
hversu hvimleiðar afleiðingamar
af þessu háttalagi em. Ef til vill
mætti taka þetta mál upp í skólun-
um.
Þá langar mig til að þakka
Sveini Einarssyni fyrir góða grein
um söngvakeppnina. Nú þegar
svona margar útvarpsstöðvar
hafa tekið til starfa finnst mörg-
um að nóg sé komið af dægurla-
gatónlist. Það getur verið afar
hvimleitt fyrir þá sem hafa góðan
tónlistarsmekk að heyra þessa
músík glymja hvar sem þeir koma.
Nýlega var t.d. farið að útvarpa
þessari tónlist yfir sundlaugina
hér á Selljamamesi. Væri ekki
tímabært að setja á stofn úr-
varpsrás sem útvarpaði einvörð-
ungu klassískri músík eins og
tíðkast erlendis?"
Fleiri bíómyndir
Sjónvarpsáhorfandi hringdi:
„Ég vil taka undir með þeim
sem skrifað hafa í Velvakanda og
hvatt sjónvarpið til að sýna fleiri
bíómyndir og vanda val þeirra.
Úrvalsmyndir, eins og t.d. kvik-
myndina Byltingin á Queimora,
sem sjónvarpið sýndi fyrir
skömmu, ber að þakka fyrir. Nú
segir kannski einhver að þeir sem
ekki séu ánægðir með dagskrá
RÚV geti bara horft á Stöð 2, sem
sýnir fulit af góðum bíómyndum.
En þetta er ekki raunhæfur val-
kostur þar sem ellilífeyrisþegar
og annað efnalítið fólk hefur ekki
efni á því að greiða afnotagjald
af tveimur sjónvarpsstöðvum. All-
ir sjónvarpseigendur eru skyldug-
ir til að greiða afnotagjald til
RÚV. Ef til vill væri hægt að
gefa fólki kost að ve^ja milli stöðv-
anna í framtíðinni og greiða
aðeins aftiotagjald af annarri.
Þannig væri ef til vill hægt að
leysa þetta mál.“
„Úrvalsmyndir, eins og t.d. kvikmyndina Byltingin á Queimora,
sem sjónvarpið sýndi fyrir skömmu, ber að þakka fyrir.“
Yíkveiji skrifar
Flugleiðamenn hafa nú gert
stærsta kaupsamning sem
íslenskt einkafyrirtæki hefur gert
með kaupunum á nýju Boeing
727-400 þotunum. Við undirritun
samningsins lét forstjóri Evrópu-
söludeildar Boeing, Borge Boeskov,
þau orð falla í samtali við Morgun-
blaðið að í þróun alþjóða flugmála
sæi hann fyrir sér að risaflugfélög
myndu halda velli og síðan þau flug-
félög sem sérhæfðu sig líkt og
Flugleiðir gerðu. Sigurður Helga-
son, forstjóri, tók undir þessi orð
en bætti við að á næstu árum sæi
hann fram á það að Flugleiðir
myndu eiga aukna samvinnu við
erlenda aðila.
Allt kemur þetta heim og saman
við það sem Víkverji heyrði á flug-
málafólki úti í Brussel á dögunum.
Þar hvetur nú Evrópubandalagið
óspart til þess að reglur um milli-
landaflug í áflunni verði sveigjan-
legri og fijálslegri og samkeppni
aukin milli flugfélaga. Það er at-
hyglisvert að SAS sem löngum var
helsti málsvari strangra reglna og
gagnkvæmra samninga varðandi
millilandaflugið, hefur nú snúið við
blaðinu og gerst helsti formælandi
frjálsræðis í þessu efni. Reyndar
hefur SAS þegar hafíð undirbúning
undir hina nýja fijálsræðistíma sem
forsvarsmenn félagsins þykjast sjá
í augsýn og eru þeir samningar sem
staðið yfir um aukna samvinnu og
hugsanlegan samruna SAS og
belgíska flugfélagsins SABENA
e.t.v. geggsta dæmið um það. En
flugmálamenn í Belgíu halda því
fram að þetta sé aðeins byijunin
og þykjast til dæmis greina að eitt-
hvert tilhugalíf sé í aðsigi milli SAS
og finnska flugfélagsins Finnair.
Það verður fróðlegt að fylgjast
með því hvaða samstarfsaðila þeir
Flugleiðamenn velja sér, ef til þess
kemur að þeir telja hag flugfélags-
ins best borgið með samstarfí eða
samvinnu af þessu tagi, en eins og
Sigurður Helgason, forstjóri, sagði
í samtali í Morgunblaðið er félagið
þegar orðið þátttakandi í all
víðtæku samstarfi evrópskra flug-
félaga um krítarkortið Air-Plus.
XXX
Fyrir viku síðan gerði Víkveiji
að umtalsefni ástand grasvall-
arins í Laugardalnum og í sama
pistli var lýst ánægju með þjónustu
og aðstöðu í Seltjamameslauginni.
Af því tilefni hefur Ómar Einarsson
framkvæmdastjóri hjá íþrótta- og
tómstundaráði Reykjavíkurborgar
skrifað þessum dálki eftirfarandi:
„Borgaryfirvöldum er ljós sú
staðreynd að ástand Laugardal-
svallar er þannig að ekki verður við
það unað öllu lengur. Vandamálin
vegna umhirðu vallarins em m.a.
þau að snemma á vorin og seint á
haustin fara þar oft á tíðum fram
margir mikilvægir leikir sem ekki
geta farið fram annarsstaðar. En
einmitt á þessum tímum er völlurinn
hvað viðicvæmastur og enn verra
væri ástand vallarins nú vegna
tveggja landsleikja ef við hefðum
ekki verið einstaklega heppin með
veður sl. daga og vikur.
íþrótta- og tómstundaráð hefur
látið gera úttekt á ástandi vallarins
og tillögur til úrbóta liggja nú fyr-
ir, en ljóst er að í endurbætur verður
ekki farið fyrr en í fyrsta lagi í lok
þessa keppnistímabils. Hins vegar
er ljóst að vegna mikilvægis vallar-
ins í sambandi við landsleiki og
fleiri stórleiki getur verið erfiðleik-
um bundið að standa þannig að
framkvæmdinni að 100% árangur
náist, þ.e.a.s. að völlurinn standi
ónotaður í eitt ár eftir að viðgerð
lýkur. En nú er unnið að tillögum
sem miða að einfaldari og fljótvirk-
ari endurbótum.
Reykjavíkurborg hefur á sl. árum
stutt við íþróttafélögin í borginni
til að koma sér upp keppnisaðstöðu
á félagasvæðunum og á þessu ári
er framlagið 20 m. kr. og hefur
aldrei verið hærra.
Það að félögin geta leikið sína
leiki á heimaslóðum og tilkoma
gervigrasvallarins léttir vissulega
álagið á aðalleikvellinum í Laugard-
al og vonandi verða þær aðgerðir
sem fyrirhugaðar eru á vellinum til
þess að hann standi undir nafni sem
aðalknattspymuvöllur landsmanna.
En fleira þarf til en gott gras.
Nú er unnið að endurbótum á stúku-
byggingunni annað árið í röð og
bætt hefur verið aðstaða áhorfenda
og blaðamanna og tillögur eru uppi
um enn frekari endurbætur.
Á þessu ári er einnig unnið að
breytingum og endurbótum í öllum
sundstöðum borgarinnar en breyt-
ingar þessar miða að því að bæta
aðstöðu fyrir gesti og starfsmenn.
Vonandi verða þessar endurbætur
til þess að á sundstöðunum í
Reykjavík skapist þannig andrúms-
loft að Víkveiji telji að þar sé um
góða þjónustu að ræða.
Hjálagt sendi ég kort sem gildir
í sundstöðum borgarinnar þannig
að Víkveiji geti heimsótt þá og
kynnt sér aðstöðuna og þjónustuna
enn betur og ánægjulegt væri fyrir
íþrótta- og tómstundaráð að heyra
skoðanir Víkveija eftir heimsókn-
imar.
Að lokum vil ég þakka Víkveija
fyrir skemmtilega pistla, þar sem
tekið er á ýmsum málum á annan
hátt heldur en í harðri frétta-
mennsku," segir Omar Einarsson í
bréfi sínu.
Víkveiji þakkar upplýsingamar
og sundkortið sem verður áreiðan-
lega notað. Rétt er þó að koma því
á framfæri að hann hefur ekki lát-
ið sundstaði Reykjavíkurborgar
alveg afskipta, því að fyrir um ári
síðan lýsti Víkveiji einmitt yfir
ánægju sinni með það hversu vel
hefði tekist til með nýja pottinn í
Laugardalslauginni og búningsað-
staðan þar er um margt til fyrir-
myndar.