Morgunblaðið - 06.06.1987, Blaðsíða 33

Morgunblaðið - 06.06.1987, Blaðsíða 33
MORGUNBLAÐIÐ, LAUGARDAGUR 6. JÚNÍ 1987 33 Núverandi stjói-n FFSÍ. F.v.: Höskuldur Skarphéðinsson, Guðlaugur Gíslason, Matthias Nóason, Reynir Björnsson, Freysteinn Bjarnason, Þorbjörn Sigurðsson, Guðjón A. Krisljánsson forseti, Helgi Laxdal, Ragnar G.D. Hermannsson, Kristján Ingibergsson, Ari Leifsson, Guð- bjartur Gunnarsson, Skafti Skúlason og Birgir Stefánsson. Myndirnar eru fengnar úr sérstakri hátíðarútgáfu Sjómannablaðsins Víkings, sem FFSÍ gefur út. Hálfrar aldar afmæli Farmanna- og fiski- mannasambands Islands Farmanna- og fiskimannasam- band íslands á 50 ára afmæli í vikunni. Sérstakur hátíðarfundur var haldinn í tilefni afmælisins sl. þriðjudag í húsakynnum sam- bandsins, en stofnun þess miðast við vikuna 2. til 8. júní fyrir hálfri öld, en þá daga stóð yfír fundur stofnaðila sem leiddi til þess að sambandið var stofnað. Hvatarnir að stofnun Far- manna- og fiskimannasambands- ins voru auðvitað ýmsir, en fáeinir höfðu þó meira vægi en aðrir. í samtali Morgunblaðsins við Har- ald Holsvik, framkvæmdastjóra sambandsins, kom fram, að eftir- taldir þættir hafi vegið þungt: 1) Launamál þeirra sem skipa stétt- irnar innan sambandsins. „Það var erfitt að fá nokkuð skriflegt í þá daga, helst að munnlegt sam- komulag væri gert og svo var undir hælinn lagt hvernig það var túlkað. Kerfíð bauð upp á mistúlk- un og ágreining og þegar sam- bandið var stofnað var mælirinn orðinn fullur," segir Harald. 2) Hlutaðeigandi aðilum þótti byrði óbeinna skatta á útgerðinni vera orðin hrikaleg og þess eðlis að hún stæði útgerð í landinu fyr- ir þrifum. Gerði sambandið það- að einu af baráttumálum sínum að aflétta skattafargi af útgerð- inni tií þess að hægt væri að verja meira fé til kaupa á fískiskipum. Varð sambandinu vel ágengt á þessu sviði. 3) Sambandið gerði það að baráttumáli að reist yrði skólabygging til handa þeim á sjónum sem þyrftu sérnám. Farmanna- og fiskimannasam- band íslands er að sjálfsögðu hagsmunahópur sem lætur öll mál til sín taka sem varða aðila innan þess og á mörgum sviðum hefur mikil vinna verið innt af hendi og gagnlegar hugmyndir sprottið úr jarðveginum- Má í því sambandi Harald Holsvik framkvæmda- stjóri FFSÍ. geta þess, að 25 árum fyrir tíma skuttogara var Farmanna- og fiskimannasambandið að leggja fram hugmyndir um hönnun á nýrri tegund fiskiskipa, skipa, sem væru yfirbyggð og tækju vörpuna inn að aftan! Annað dæmi mætti nefna. FFSÍ hvatti til þess að land- helgi íslands yrði færð út í 12 mílur allmörgum árum áður en slagkraftur komst í þá baráttu og hvert mannsbam veit nú hvaða árangur hefur náðst, hversu stórt skref var stigið á sínum tíma. Og enn má lengur telja, sambandið hvatti til og vann mikið að því, að koma skipaviðgerðum hérlendis á góðan grunn. Var markmiðið að slík þjónusta yrði sambærileg hér á landi og hún er erlendis. Takmarkinu var náð, en afstætt að nefna ártöl og dagsetningar í þeim efhum. Nú er stefnan að halda í horfinu og heldur bæta ástaridið ef það er þá hægt á ann- að borð. Hverfum aðeins aftur til ársins 1937. Það er 2. júní og mættir eru 20 fulltrúar 8 stéttarfélaga. Fáeinir, sem höfðu ætlað sér að vera með, drógu sig í hlé, en það breytti engu um þörfina, hún knúði á um að fundurinn skyldi haldinn og séð til hver útkoman yrði. Kos- in hafði verið bráðabirgðastjórn til að annast undirbúningsvinnu og til að halda fyrsta fundinn. Lög voru samin á þessum degi og þeim næstu og Farmanna- og fiski- mannasamband íslands stofnað. Það er fátt sem Farmanna- og fiskimannasambandinu er óvið- komandi í málefnum þessara þjóðfélagshópa. Sambandið hefur látið til sín taka varðandi sam- göngumál, öryggismál, landhelgis- mál, físveiðilögsögu og verndun fiskistofna, hafnarmál, vitamáh fræðslumál hvers kyns og tilkynn- ingaskylduna svo eitthvað sé nefnt og Harald Holsvik framkvæmda- stjóri efast ekki þegar hann er spurður um árangur sambandsins: „Það hefur mikið og gott starf verið unnið. Það sannaðist fljótt að sambandið átti fyllilega rétt á sér og þótt aldrei hafi verið tiltak- anlega fjölmennt á skrifstofunni hjá sambandinu hefur ótrúlega miklu verið áorkað, ýmist með beinum áðgerðum, með stuðningi við starf annarra, svo og með ráð- gjöf og þrýstingi á þá aðila, sem hafa farið með framkvæmdavaldið í hinum ýmsu málefnum sem sam- bandið varðar. Starf þess hefur verið þjóðarbætandi og giftusam- legt, það er engin spurning um það," segir Harald. Sem fyrr segir, var haldinn sér- stakur hátíðaraðalfundur í húsa- kynnum sambandsins í Borgartúni á þriðjudaginn og var þar saman- komið margt góðra gesta. I tilefrii af áfanganum færði FFSÍ Slysa- varnafélagi íslands 10 gúmbáta að gjöf með því skilyrði að þeir yrðu eingöngu notaðir til þess að æfa björgun skipshafna vftt og breitt um.landið, en FFSÍ og SVFI hafa löngum átt gott samstarf. Tveir menn voru heiðraðir við þetta tækifæri, Konráð Gíslason kompássmiður og Ingólfur Stef- ánsson fyrrum framkvæmdastjóri. Margra ára gifturíkt starf þeirra í þágu FFSÍ varð til þess að þeir voru valdir til að þiggja viðurkenn- ingarskjal frá sambandinu. - GG. FFSÍ færði Slysavarnafélagi íslands höfðinglega gjðf í tilefni eigin afmælis og hér tekur fulltrúi SVFÍ, Ester Kláusdóttir við, gjafa- bréfi þar að lútandi úr hendi Guðjóns A. Kristjánssonar forseta FFSÍ. Guðjón A. Kristjánsson forseti FFSÍ afhendir Ingólfi Stefánssyni viðurkenningarskjal og blómvönd. Konráð Gíslason t.v. var heiðraður á hátiðaraðalfundinum. T.h. er Harald llolsvik framkvæmdastjóri FFSÍ.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.