Morgunblaðið - 27.06.1987, Blaðsíða 25

MORGUNBLAÐIÐ, LAUGARDAGUR 27. JÚNÍ 1987
25
Horft ofan af Reynivallahálsi utan Grímsstaða.
lauginni notað til baða og þvotta.
Hér er fallegur hvammur og kjörið
að setjast niður og taka upp nestið
og njóta útsýnisins um leið og hvílst
er um stund. Hér er mikil nátt-
úrufegurð. Brynjudalurinn endar í
þrengslum eða allmiklu gljúfri, sem
sannarlega er skoðunar vert. Héðan
sér inn á Leggjabijótsleið, gamla
þjóðleið, sem lá milli Hvalíjarðar
og Þingvalla og var fjölfarin áur
fyrr, enn er þessi leið mikið farin
af ferðafólki, sem hefur yndi af að
feta í fótspor feðranna.
Hríshálsinn er austasti hluti
Múlafjallsins og greiðfær gangandi
fólki. Heppilegast er að halda að-
eins til hægri yfir hálsinn og er þá
komið á götuslóða, sem liggur upp
úr Botnsdalnum. Botnsdalurinn er
gróinn og grösugur eins og Brynju-
dalurinn. Hér hefur landeigandi
gróðursett allmikið af trjáplöntum
og eru víða komnir fallegir lundir.
Ætíð skyldi fara með gát þar sem
gengið er um land, sem gróðursett
hefur verið í og engin ástæða til
að ganga þar sem gróður er við-
kvæmur. Hvalfellið gnæfir yfir
er Geirshólmi, sem kunnur er úr
Harðar sögu Hólmveija, en þaðan
er sagt að Helga Haraldsdóttir hafi
synt með syni sína tvo, þegar
byggðarmenn höfðu drepið bónda
hennar og félaga hans.
Lítum okkur nær, leiðin niður
með Fossánni er falleg og í ánni
eru smáfossar og flúðir, neðst niður
undir vegi er fallegur foss, sem
Sjávarfoss heitir. í Fossárdal er
gömul fjárrétt um 250 m frá steypta
veginum. Neðar er svo önnur fjár-
rétt í svonefndum Kálfadal,
skemmtilega hlaðin og mun vera
friðlýst. Jörðin Fossá er nú í eyði
og er í eigu skógræktarfélaga
Kópavogs og KJósarsýslu. Þar hef-
ur verið gróðursett mikið af tijá-
plöntum.
Leiðin liggur áfram eftir svo-
nefndum Reiðhjalia, fram hjá
Þrándarstöðum og inn í Brynjudal,
breiðan og grösugan dal, eftir daln-
um miðjum rennur Brynjudalsá,
sem á upptök sín í hálendinu austan
við Kjölinn. Þrír bæir eru í Brynju-
dalnum, Þrándarstaðir, sem áður
er nefndur, Skorhagi og Ingunnar-
staðir innst. Áður var búið í
Hrísakoti, sem var innan við Ing-
unnarstaði, en nú er þar aðeins
sumarbústaður. Landgræðslusjóður
á 3/4 hluta af Ingunnarstöðum og
hefur plantað þar um 80 þúsund
tijáplöntum.
Við Ingunnarstaði hefjum við
gönguna á ný og göngum inn grasi-
grónar áreyrar. Fyrir botni dalsins
rísa Botnssúlumar tignarlegar og
er vel þess virði að ganga á þær,
en til þess gefst ekki tími að þessu
sinni. Þegar komið er inn fýrir skóg-
ræktargirðinguna liggur leiðin upp
á Hríshálsinn, upp með litlum læk,
Laugalæk, sem dregur nafn af
HlllÍ
volgri laug, sem er ofarlega í
hlíðinni. Vatnið í henni er um 33
stiga heitt. Áður fyrr var vatnið í
botni dalsins og bak við það leynist
Hvalvatnið, næstdýpsta vatn lands-
ins, 160 m á dýpt.
Skarðið milli Hvalfellsins og
Botnssúlna nefnist Hvalskarð og
þaðan kemur Hvalskarðsá, lítil á
sem sameinast Botnsánni neðar í
dalnum. Botnsáin kemur úr Hval-
vatni og fellur niður með Hvalfellinu
að vestanverðu, í henni er hæsti
foss landsins, „Glymur", 198 m
hár. Fellur hann niður í afar þröngt
og djúpt gljúfur og er illmögulegt
að sjá hann allan í einu, þó er það
hægt af klettsyllu austan við gljúfr-
ið, en ekki er það fyrir lofthrædda
eins og segir í vísunni, sem Sig-
valdi skáldi Jónsson kvað.
„Á hinn himinháa Glym,
hver sem kimar lengi,
fær í limu sundl og svim,
sem á rimum héngi.“
Heim undir túni á Stóra-Botni
er göngubrú á ánni og er sjálfsagt
að fara þar yfir. Tveir bæir voru í
Botnsdalnum, Stóri-Botn og Litli-
Botn. Mörg ár eru síðan Litli-Botn
fór í eyði, en ekki nema nokkur ár
síðan Stóri-Botn var í byggð. Hér
við Botnsána eru sýslumörk Kjósar
og Borgarfjarðarsýslu og hér eru
einnig fjórðungaskil.
Hér hefur verið stiklað á stóru
og farið fljótt yfir sögu. Reynt hef-
ur verið að lýsa leið, sem forfeður
okkar fóru meðan ferðast var fót-
gangandi eða á hestum. Þettta eru
léttar gönguleiðir, sem vel flestir
geta gengið ef rólega er farið og
enginn kynnnist landinu betur en
sá, sem leggur land undir fót og
öðlast þannig hlutdeild í náttúrunni
og þeim margbreytileik, sem hún
er svo auðug af. Sá, sem einu sinni
hefur gegnið í fótspor feðranna á
gömlum þjoðleiðum og skynjað
þannig söguna, kann betur að meta
landið eftir það og leitast við að
kynnast fleirum af gömlu leiðunum
sem gengnar voru meðan ferðast
var fótgangandi og á hestum.
Höfundur er framkvæmdastjóri
Ferðafélags íslands.
Fyrir 11.780 krónur
geturðu skellt þér til LUX
<
I
Vegna mikillar ásóknar á LUX-leiðinni
höfum við ákveðið að auka sætaframboð á SUPER APEX
fargjöldum og bjóðum þér farið, fram og til baka,
fyrir aðeins 11.780 krónur.
Við höfum náð afar hagstæðum samningum
við bílaleigu þar í borg og getum útvegað þér Ford Fiesta,
Fiat Uno eða Opel Corsa fyrir
6.540 krónur
Þetta er ekki prentvilla, verðið er 6.540 krónur
og miðast við heila viku.
Hringdu sem fyrst - ferðirnar eru fljótar að fyllast.
FLUGLEIDIR
Nánari upplýsingar hjá söluskrifstofum Flugleiða, umboðsmönnum og ferðaskrifstofum.
Upplýsingasími 25100