Morgunblaðið - 06.10.1987, Blaðsíða 57
MORGUNBLAÐIÐ, ÞRIÐJUDAGUR 6. OKTÓBER 1987
57
Kurigei og Matthías fluttu rússnesk þjóðlög fyrir matargesti.
Morgunblaðið/BAR Morgunblaðið/BAR
Það var greinilegt að fólki líkaði vel krásirnar þeirra Alevtínu og
Lenu, enda ekki á hverjum degi sem boðið er upp á rússneska rauð-
rófusúpu og kavíar og kampavín í Reykjavík.
<
Rússnesk stemmning
í Reykjavík
Alþjóðleg matargerðarlist hefur
blómstrað í Reykjavík nú á
síðustu árum, og geta borgarbúar
nú gætt sér á ítölskum, indverskum,
thailenskum, og mexíkönskum rétt-
um, svo að dæmi séu nefnd. Veit-
ingahúsið Ópera hefur tekið upp á
þeirri nýbreytni að hafa gestakokka
einstök kvöld, og á fimmtudags-
kvöldið síðasta hélt Ópera Rúss-
neskt kvöld, þar sem boðið var upp
á hlaðborð með rússneskum réttum
sem þær Alevtína Drúzína og Lena
Bergmann áttu heiðurinn af.
Til að ná rússneskri stemningu
enn betur, söng Kurigei Alexandra
rússnesk lög fyrir gesti við undir-
leik Matthíasar Kristiansens.
Kurigei söng fyrst þrælasöng frá
16. öld, en hún söng síðan nokkur
lög sem hljómuðu kunnuglega í
eyrum matargesta, sem klöppuðu
með.
A hlaðborðinu gat meðal annars
að líta reyktan fisk, kjötsnúða,
margskonar grænmeti og salöt, og
svo auðvitað kavíar, svartan og
rauðan, sem menn snæddu með
pönnukökum og sýrðum ijóma. Þá
má ekki gleyma súpunum, sem
Rússar eru frægir fyrir, og var að
sjálfsögðu boðið upp á rauðrófu-
súpu, eða „borsh“, sem var alveg
sérlega ljúffeng, og fallega eldrauð
á litinn.
Önnur gestakokkanna sagði að
rússneskur matur væri mjög ein-
faldur og hollur, hann væri lítið
krvddaður, en þó væri mun meira
i nann íagt en í isienskan mat. Pað
ætti ekki síst við súpurnar, sem eru
uppistaðan í hverri rússneskri
máltíð - pakkasúpur væru óþekkt
fyrirbæri í Sovétríkjunum.
Blaðamaður þóttist sjá „alvöru"
Rússa á einu borðanna, þar sem
þeir sungu „Kalinka" með Kurigei,
og settist hjá þeim og spjallaði við
þá. Þeir sögðust vera mjög hrifnir
af þessu framtaki hjá Operu, því
það væri ýmislegt hægt að læra
um menningu þjóða út frá matar-
gerðarlist þeirra, og ekki spillti það
fyrir að maturinn væri afbragðs-
góður, og gott sýnishom af rúss-
neskum réttum. Þeir sögðust vona
til þess að svona rússneskt matar-
kvöld yrði endurtekið, ef til vill í
sambandi við Sovéska daga, sem
haldnir verða um næstu mánaða-
mót. Áhugi íslendinga á Sovétríkj-
unum hefði aukist eftir leiðtoga-
fundinn í fyrra, og þekking og
skilningur manna á menningu
landsins þá einnig.
Þeir sögðu íslendinga hins vegar
enn vaða í villu hvað vodkadrykkju
snerti, það mætti alls ekki blanda
þennan þjóðardrykk Rússa með
kóki eða einhverju öðru, heldur
ætti að drekka hann óblandaðan
og vel kældan, aðeins þannig fengi
bragðið af góðu vodka að njóta sín.
Blaðamaður og ljósmyndari gátu
þó ekki kynnt sér þennan þátt rúss-
neskrar menningar í þetta skiptið,
því þeir voru báðir í vinnunni.
Notaðu FIRMAIfg&
og fitan fer!(jjjffi|
Fæst í anótekinu
Getum bœtt við
okkur góðum
söngmönnum
Haföu samband viÖ GuÖmund í síma
40911 eÖa Bjarna í síma 26102.
Karlakór
Reykjavíkur