Morgunblaðið - 06.10.1987, Blaðsíða 16

16
MORGUNBLAÐIÐ, ÞRIÐJUDAGUR 6. OKTÓBER 1987
AF INNLENDUM
VETTVANGI
eftir BENEDIKT STEFÁNSSON
Neyðarbíllinn fimm ára:
Læknar standa neyðarvakt
þótt útköllum sé ekki sinnt
FIMM ÁR eru liðin frá því að
neyðarbíllinn í Reykjavík var
tekinn i notkun. Á daginn er
bíllinn mannaður lækni og hjúkr-
unarfræðingi, en á nóttunni fara
sjúkraflutningamenn einir í
neyðarköll á bilnum. Þjónusta
við þá sem þarfnast neyðarhjálp-
ar er því skert allar nætur,
sunnudaga og helgidaga þótt
Tryggingastofnun hafi undan-
farið ár borgað laun lækna á
neyðarvakt allan sólarhringinn.
Samkvæmt kostnaðaráætlun sem
slökkviliðið vann fyrir borgar-
stjórn í vor hlytist 1-2 milljóna
króna aukakostnaður af því að
manna bílinn á Borgarspítalan-
um allan sólarhringinn. Ekki
reyndist meirihluti fyrir slíkri
fjárveitingu.
Þótt flestir séu sammála um að
nauðsynlegt sé að veita fulla neyð-
arþjónustu 24 tíma á dag, 365 daga
á ári, hefur ekki náðst sátt um lausn
vandans. Hugmyndin sem lögð var
til grundvallar við umræður í borg-
arstjóm í vor var sú að fjölgað yrði
um tvo menn á vakt slökkviliðsins
nætur og helgidaga. Þeir yrðu til
taks á Borgarspítalanum og færi
neyðarbíllinn fullskipaður í útköll
allan sólarhringinn. Stjómendur
slökkviliðsins eru ekki fylgjandi
þessu fyrirkomulagi. Þeir vilja held-
ur veita sjúkraflutningamönnum
aukin réttindi í meðhöndlun sjúkra
og slasaðra. Þá yrði hægt að senda
neyðarbílinn á undan lækninum á
vettvang, eins og lýst verður nánar
hér á eftir.
Þarf að breyta
heildarskipulagi
Hrólfur Jónsson aðstoðarslökkvi-
liðsstjóri bendir á að til þess að
manna neyðarbílinn allan sólar-
hringinn þurfi tveir sjúkraflutn-
ingamenn að vera til taks á
Borgarspítalanum að næturlagi.
Bíllinn væri aðeins sendur í neyðar-
útköll sem eru innan við fimmtung-
ur allra sjúkraflutninga og sjaldgæf
á nóttunni. Þetta væri ekki góð
nýting á mannafla.
„Ef neyðarkall berst á nóttunni
þegar bíllinn er úti getum við ekki
veitt viðkomandi sjúklingum jafn
góða þjónustu og þeim sem fyrstur
bað um aðstoð. Við gætum því eft-
ir sem áður aðeins sinnt hluta
neyðarkalla.
Það leysir ekki vandamálið að
láta sjúkraflutningamenn standa
vaktir á Borgarspítalanum allan
sólarhringinn. Við þurfum að breyta
heíldarskipulagi sjúkraflutninga til
þess að geta mannað allar vaktir
þjálfuðum mönnum. Þannig munu
allir sem þurfa þessa þjónustu sitja
við sama borð,“ sagði Hrólfur.
Slökkviliðið rekur tvo sjúkrabíla
auk neyðarbílsins. Vakt á neyð-
arbílnum lýkur kl. 23.30 og eftir
það er einn bíll hafður til taks við
slökkvistöðina. Sé hann upptekinn
þegar beiðni um aðstoð berst _er
hægt að senda sjúkrabílinn í Ár-
túnsstöð á staðinn. Honum aka
slökkviliðsmenn á vakt. Neyðarbíll-
inn er betur búinn en venjulegir
sjúkrabílar og læknar og hjúkrunar-
fræðingar fara með honum.
Þarf ekki að fjölga
í sjúkraflutningum
Gunnar Sigurðsson yfirlæknir á
lyfjadeild Borgarspítalans dregur í
efa að slökkviliðið þurfi að fjölga í
starfsliði sínu til þess að manna
bílinn allan sólarhringinn.
„Mér vitanlega eru þessir menn
á vakt á slökkviliðsstöðinni á þess-
um tíma og fara í sjúkraflutninga
þaðan. Þegar vaktinni lýkur á Borg-
arspítalanum klukkan hálf tólf á
kvöldin taka aðrir menn við á
slökkvistöðinni," sagði hann.
„Við höfum stefnt að því að
bíllinn verði notaður allan sólar-
hringinn og teljum mjög brýnt að
svo verði. A Borgarspítalanum hafa
verið gerðar þær ráðstafanir sem
þarf til að sinna þessari þjónustu.
Samvinna við slökkviliðið hefur ver-
ið góð og ég sé enga meinbugi á
að hún geti aukist."
Aðstoðarslökkviliðsstjóri segir að
málið sé mun flóknara en margir
vilji vera að láta. „Málið snýst ekki
um það hvort neyðarbíllinn er til
taks eða ekki. Við þurfum að skoða
það í samhengi, hvemig hægt er
að veita fullnægjandi þjónustu á
öllum tímum dagsins," sagði hann.
Komið á stefnumóti
læknis og sjúkrabíis
Ein ábendinga Hrólfs er að koma
á „stefnumóti" neyðarlæknis og
sjúkrabíls. Þegar neyðarkall kæmi
færi læknir af Borgarspítalanum til
móts við sjúkrabílinn af slökkviliðs-
stöðinni. Neyðarbílnum ækju
sjúkraflutningamenn á vakt
slökkvistöðvarinnar.
Hugmynd Hrólfs er að hópur
slökkviliðsmanna verði sérþjálfaður
í því að fást við neyðartilvik og
öðlist aukin réttindi til þess að veita
sjúklingum aðstoð þar til læknir
kemur á staðinn. Með góðri skipu-
lagningu ætti læknirinn að vera
laus í næsta útkall mun fyrr en nú
er, að mati hans.
Aðstoðarslökkviliðstjóri taldi
einnig mögulegt að sameina bak-
vakt lækna vegna þyrlu Landhelgis-
gæslunnar og neyðarvaktina í
Reykjavík. Þyrluvaktin hefði
byggst á frumkvæði og sjálfboða-
vinnu ungra lækna og væri ekki
um framtíðarlausn að ræða. Með
betra skipulagi og nýtingu íjár
mætti sennilega veita betri þjónustu
á öllum sviðum.
„Stefnummótin" eiga hljóm-
grunn meðal þeirra lækna sem
starfa við neyðarþjónustuna. í
Kaupmannahöfn er komin löng
reynsla á þessa aðferð og þykir hún
hafa gefið góða raun.
Aðferðin myndi
ekki borg-a sig
Gunnar Sigurðsson sagði að
stefnumótin gætu vissulega átt rétt
á sér, en hér hefði einfaldlega verið
þróað annað kerfi. „Stefnumótaað-

HAÞRÝSTIDÆLA
Vandað, sérlega handhægt
vestur-þýskt tæki fyrír atvinnumenn.
HEFUR:
• þrískiptan stút
• handfang með snúanlegri
slöngu
• 10 metra háþrýstislöngu
Vinnuvistfræðileg hönnun,
góð ending, tímasparnaður.
SKEIFUNNI3E, SÍMAR 82415 & 82117
Gódan daginn!
Morgunblaðið/Bjöm Blöndal
Frá undirritun samningsins í Glóðinni í Keflavík í vikunni. Það er
Skúli Skúlason, formaður körfuknattleiksdeildar ÍBK sitjandi lengst
til hægri, sem er að skrifa undir, en honum á hægri hönd er Arni
Þór Árnason, forstjóri, Austurbakka. Sitjandi lengst til vinstri er
Stefán Kristjánsson í stjórn ÍBK og fyrir aftan þá má sjá tvo leik-
menn ÍBK í nýju búningunum.
Keflavík:
Körfuboltamenn með 2ja
ára auglýsingasamning
Keflavík.
KÖRFUBOLTAMENN í ÍBK
hafa gert auglýsingasamning við
Austurbakka í Reykjavík um að
auglýsa Nike-fyrirtækið á
keppnisbúningum félagsins.
Samkomulagið er til 2ja ára.
Skúli Skúlason formaður körfú-
knattleiksdeildarinnar sagði að
menn væru ákaflega ánægðir með
þennan samning. Ekki væru bein-
harðir peningar í spilinu, en
Austurbakki leggði úrvalsdeildar-
liðinu til allan keppnisbúnað auk
þess sem aðrir flokkar fengju álit-
legan afslátt af Nike-vörum. Þá
mætti nefna að ákvæði um sér-
stakan bónus ef liðið ynni bikar eða
íslandsmeistara titil.
- BB.