Morgunblaðið - 14.11.1987, Page 15

MORGUNBLAÐIÐ, LAUGARDAGUR 14. NÓVEMBER 1987
15
AUGLYSING
g________________Handprjónasambandið 10 ára:
Hlýju gjafirnar, handprjónaðar úr
íslenska lopanum!
A myndinni eru þœr Bryndfs
Eiríksdóttir og Annelene Gunn-
arsson í verslun Handprjónasam-
bandslns.
Viðskiptavinir verslunar
Handprjónasambands ís-
lands á Skólavörðustíg 19
eru fjarriþviað vera er-
lendir ferðamenn ein-
gögnu. Sannleikurinn er
sá, að íslendingareru
langstærsti hluti við-
skiptavinanna, ogþeir
koma tilað kaupa handa
sjálfum séreða tilgjafa.
íslendingar kunna nefnilega
að meta íslenska lopann, svo
einstakur sem hann er til
fatagerðar. Og íslendingar
vilja kaupa sér „gömlu góðu
lopapeysuna" í sauðalitun-
um, ekki „erlendu" litina,
sagði okkur hún Bryndís í
Handprjónasambandinu.
Um þessar mundir er Hand-
prjónasambandiö 10 ára
gamalt. Sambandið er eins
og nafnið bendir til, félag
handprjónafólks um land
allt. Raunar er það merkilegt
á þessum tímum Hong
Kong-klæðaburðar fólks á
Vesturlöndum, að til skuli
vera svo vegleg verslun í
hjarta Reykjavikur þar sem
megnið af vörunni er han-
dunnið af mikilli alúð og
eljusemi. Þetta ber þeim
konum, sem lagt hafa hönd
á flíkurnar, fagurt vitni.
í versluninni á Skólavörðu-
stíg 19 er að finna mikið
úrval af vinnu félagsmanna,
lopapeysum, húfum, vettl-
ingum, sokkum, sjölum og
hyrnum, svo eitthvað sé
nefnt. Þar er einnig boðiö
upp á fjölbreytt úrval af vél-
prjónuðum peysum frá
innlendum framleiðendum,
smærri mokkavörum og
lopa. Félagið rekur einnig
heildsölu með handprjónað-
ar ullarvörur og flytur tölu-
vert út. Þá er einnig póstsent
innanlands og til útlanda.
Margireru ijólagjafahugleiö-
ingum um þessar mundir,
ekki síst þeir, sem ætla að
senda vinum og kunningjum
erlendis glaðning. I verslun
Handprjónasambandsins er
úrval af skemmtilegum og
alíslenskum varningi.
Margt af því er mjög sér-
stakt og persónulegt og því
einkar skemmtilegt til gjafa.
Félagar í Handprjónasam-
bandinu taka einnig að sér
að prjóna sérstaklega fyrir
viðskiptavini, allt eftir því
hvers þeir óska. Margir hafa
komið með skemmtilegar
hugmyndir til úrlausnar og
ekki farið troðnar slóðir og
beðið um hina hefðbundnu
íslensku lopapeysu.
Það er upplagt að líta inn
hjá konunum í Handprjóna-
sambandinu, - sérstaklega
ef verið er að leita að „hlýrri
gjöf“. Mun kannski ekki af
veita, því í hönd fer kaldasti
árstíminn hér á landi, sem
og í Evrópu og Ameríku.
Hvar
finnur þú
Einhver besta jólagjöfin til vina og vandamanna erlendis:
ÍSLENSKUR MA TARPAKKI
FRÁ KJÖTBÚRIPÉTURS
Sendi frá sér 2.400 pakka til útlanda fyrir jólin í fyrra
Pótur í Kjötbúrinu á Laugavegi 2,
- íslenski maturinn er vinaœll er-
lendls.
„ Við höfum fengið ótal
kveðjur, bréfleiðis og
símleiðis, fyrír matarpakk-
ana, sem við höfum sent
víða um heim, m.a. til
Kína, Kenýa, Thailands og
víðar, “ sagði Pétur kaup-
maður í Kjötbúri Péturs,
þegar við hittum hann að
máli að loknum önnum
dagsins. I litlu búðinni í
kjallaranum á Laugavegi
2, þarsem áðurhét Tóm-
as, hefur verið matvöru-
verslun í 85 ár. Verslunin
er minnsti „ stórmarkað-
ur“ borgarinnar og
ómissandi punktur í til-
veru Gamla miðbæjarins;
núna almenn kjörbúð,
sem leggur áherslu á gott
úrval afvillibráð.
Auk þess að þjóna vegfar-
endum og nágrönnum sér
Kjötbúr Péturs um að ganga
frá matarpökkum til íslend-
inga erlendis — og til útlend-
inga, sem kunna að meta
íslenskar afuröir, og þeir eru
ófáir. Þessi þjónusta er í
gangi allt árið en þó lang-
mest vikurnar fyrir jól.
Viöskiptavinir, sem vilja
senda matargjöf til útlanda,
kaupa vöruna hjá Pétri og
afgreiðslufólkiö annast um
framhaldið og sparar með
þvi mikil hlaup. Gengið er frá
pakkanum á tryggilegan
hátt, vottorðs aflað hjá yfir-
dýralæknisembættinu, og
gengið frá tollskýrslu og
fylgibréfi. Loks er farið með
pakkann á póststofuna, en
hún sendir hann með næstu
flugvél áleiðis til móttak-
anda. Mikilvægt er að koma
með heimilisfang móttak-
anda, skýrt og greinilega
skrifað eða vélritað, og heim-
ilisfangið þarf að vera sem
allra nákvæmast. Þannig
kemst pakkinn snurðulaust á
áfangastað. Fyrir þessa
þjónustu Péturs og hans
fólks borga menn aöeins 200
krónur, sem er ódýrt.
Valið í pakkana er mjög ein-
staklingsbundið, þar ræður
smekkur viðtakandans. Það
er ekki ráðlegt aö senda
ýmsa matvöru í pósti, t.d.
ekki nýtt eða frosiö kjöt né
heldur fisk. Skyr getur orkað
tvímælis. Hinsvegar velja
menn i pakkana ótrúlegustu
matvæli, innlend og jafnvel
innflutt. íslendingar erlendis
sækjast mjög eftir hangikjöt-
inu, en það er frá Reykhúsi
S(S, verkað eftir gömlu og
viðurkenndu aðferðinni og
rýrnar ekki við suðu. Þá er
London lamb vinsælt til
sendinga, jafnvel pylsupakki
frá SS, harðfiskur, reyktur
lax eða reyktur sjóbirtingur.
Margir senda ORA-svið í
dósum og þá rófustöppu í
dós með. Þá eru fiskibollurn-
ar í dósum eftirsóttar, kavíar
í glerkrukkum, jafnvel súr
hvalur.
Og það merkilega: Margir
vilja láta senda sér Cocoa
Puffs eða Cheerios; sakna
þess að heiman. Enn aðrir
vilja fá Opal eða Tópas með
matarpakkanum!
Matarpakkarnir hjá Kjötbúri
Péturs stoppa aldrei. Þegar
leyfi dýralæknis er fengið,
er pakkað vandlega, gengið
frá skjölum, og haldið beint
á pósthús. Hver pakki er
sérstaklega tekinn fyrir og
afgreiðslan fer fram að kaup-
anda viðstöddum.
„Við fáum mikið hrós fyrir
þessa þjónustu, ekki sist er-
lendis frá. Það er greinilegt
að þetta er einhver besta
gjöf sem (slendingar á er-
lendri grund geta óskaö sér.
Ég legg áherslu á að menn
skili skýrum og greinilegum
utanáskriftum, og að fólk
komi tímanlega. Senn fer í
hönd mikill annatími pósts-
ins víða um heim og þá er
hraði afhendingarinnar ekki
sá sami og þegar minna er
að gera,“ sagði Pétur að lok-
um.
800 verslanir og
þjónustufyrirtæki sem
öll eru tilbúin að þjóna
þér sem best?
ALLIR í BÆSNN ALLA DAGA
í miðbænum
VEKJUM ATHYGLIÁ AÐÁ LAUGARDÖGUM
ERU NÓG BÍLASTÆÐI í MIÐBÆNUM.