Morgunblaðið - 28.11.1987, Blaðsíða 34

34
MORGUNBLAÐIÐ, LAUGARDAGUR 28. NÓVEMBER 1987
Morgunblaðið/Bjami
Máiin rædd á þinginu. Guðjón A. Kristjánsson, forseti FFSÍ, Þorsteinn Gíslason, fiskimálastjóri, Andrés
Guðjónsson, skólameistari Vélskólans og Ingólfur Stefánsson, fyrrverandi framkvæmdastjóri FFS I.
FFSÍ gegn hækkun
á „siglingaskatti“
Lagt er til að rækjuveiðar á Dorhnbanka verði frjálsar
ÞING FFSÍ samþykkti tillögur þess efnis, að í megnin dráttum verði
stjórnun fiskveiða sniðin eftir frumvarpsdrögum sjávarútvegsráð-
herra þó með nokkrum breytingum. Lagzt er gegn hækkun á
svokölluðum siglingaskatti, rýmri heimildir til færslu úthlutaðs afla
milli skipa, lagt til að veiðum smábáta verði stjórnað annars vegar
með kvóta, sem miðist við aflareynslu og hins vegar sóknardögum,
munur milli sóknarmarkstogara á norður og suðursvæði verði jafnað-
ur með mishárri úthlutun á hámarksafla af karfa og að veiðar á
rækju á Dorhnbanka verði óheftar.
Af samþykktum þingsins um fi- afla.
kveiðistefnuna má nefna eftirfar-
andi: „Þingið skorar á stjómvöld
að hverfa frá öllum áformum um
hækkun á skerðingarhlutfalli afla-
marks, þegar selt er á erlendum
markaði. Einnig að skerðing verði
eingöngu á þorsk og karfa, en ekki
á aðrar tegundir. A móti komi að
ákveðin yfirstjóm verði á útflutn-
ingi á gámafiski, með tilliti til til
þess að stefnt sé að hæsta verði
hveiju sinni.
Þingið leggur til að sóknar-
marksskip fái að flytja til sín afla
með óbreyttum sóknarmarksdögum
án þess að það hafí áhrif á eigin
aflareynslu eða aukingu á heildar-
Þingið leggur til að þegar seldur
er kvóti frá skipi þriðja árið í röð,
skal sá kvóti, sem seldur er á þriðja
ári skerðast um 50%. Þau 50% legg-
ist síðan inn til ráðuneytis, sem
aftur úthluti honum til þeirra skipa,
sem stunda tilraunaveiðar svo sem
á gullaxi og öðrum vannýttum teg-
undum.
Æingið leggur til að að um veið-
ar báta undir 10 brúttólestum gildi
eftirfarandi reglur: Nýir bátar fái
ekki Véiðileyfí nema sambærilegir
bátar hafí horfíð varanlega úr
rekstri á sama hátt og gildir um
skip stærri en 10 brúttólestir. tak-
mörkun þessi miðist við 1, janúar
1988. Þetta ákvæði miðist við G til
10 tonna báta.
Bátar, sem stunda netaveiðar
skuli velja sér aflamark eða meðal-
aflamark, sem miðast við afla-
reynslu hópsins og hvers báts á
tímabilinu 1. nóvember 1984 til 1
nóvember 1987.
Bátar sem stunda línu- og hand-
færaveiðar sæti almennum sóknar-
takmörkunum.
Þingið leggur til að rækjuveiði-
svæði verði tvö. Annars vegar verði
Dorhnbanki þar sem veiðar verði
með öllu utan kvóta, hins vegar
verði önnur svæði þar sem rækju-
veiðum verði stjórnað með sóknar-
marki og takmörkun á fjölda
veiðiskipa.
Þingið leggur til að lög um stjóm-
un fískveiða gildi fyrir árin 1988
til 1991 með ákvæði um endurskoð-
un ertir tvö ár.“
Guðjón A. Kristjánsson var end-
urkjörinn forsetii sambandsins og
Helgi Laxdal varaforseti þess.
Nefnd stjórnarflokkanna um landbúnað:
Meirihlutinn vill 300 millj. kr.
hækkun í stað 500 millj. kr.
„Samkomulag Páls og Eiðs aðför að bændum,“ segir Egill Jónsson
ÞRIGGJA manna nefnd þing
flokka stjómarflokkanna, til að
samræma sjónarmið þeirra við
afgreiðslu fjárlaga, hefur klofn-
að. Páll Pétursson frá Framsókn-
arflokki og Eiður Guðnason frá
Alþýðuflokki hafa náð samkomu-
lagi um niðurstöðu, en Egill
Jónsson frá Sjálfstæðisflokki
kveður samkomulag þeirra aðför
að bændum í landinu.
Eiður Guðnason alþingismað-
ur sagði í samtali við Morgun-
blaðið að samkomulag þeirra
Páls fæli það í sér að tekið væri
tillit tii breyttra aðstæðna varð-
andi niðurskurð á fé og breyt-
ingu í sambandi við útflutnings-
bætur sem einnig yrðu meiri en
gert var ráð fyrir í fjárlagafrum-
varpinu. Eiður sagði að fyrir
iægju beiðnir frá ýmsum aðilum
innan landbúnaðarkerfisins um
hækkun fjárlaga sem nemur nær
500 milljónum króna. „Við Páll,“
sagði Eiður, „erum að tala um
hækkun sem nemur 300 milljón-
um króna, en þar af eru 208
milljónir vegna riðuniðurskurðar
og bóta vegna afurðatjóns og
hækkunar á útflutningsbótum.
Afgangurinn varðar jarðræktar-
lögin og breytingar í þeim efnum
auk fleiri þátta.“ Af þeim 500
millj. kr. sem um er beðið eru
80 miiy. kr. til Áburðarverk-
smiðjunnar, en þeir Eiður og
Páll mæla ekki með neinum pen-
ingum í það.
I samtali við Morgunblaðið sagði
Egill, að ekki væri nokkur leið að
hans mati fyrir sjálfstæðismenn að
vera aðilar að því samkomulagi sem
Páll og Eiður hefðu gert með sér.
„Ástæðurnar eru tvíþættar,"
sagði Egill, „annars vegar hefur
ekki fengist lagfæring á þeim niður-
skurði, sem var í málefnum land-
búnaðarins í fjárlagafrumvarpinu,
og er það einstæð afgreiðsla þegar
litið er til afgreiðslu flárlaga, algjör-
lega siglt á bændur.
í öðru lagi, sem er enn alvar-
legra mál, er að niðurstaða þeirra
félaga, Páls og Eiðs, leiðir til mik-
illa brigða af hendi ríkisvaldsins í
garð bændastéttarinnar og leiðir til
trúnaðarbrests ef hún nær fram að
ganga. Ég vek í þessu sambandi
sérstaklega athygli á að mikil sam-
skipti eiga sér nú stað milli ríkis-
valdsins og bænda í landinu vegna
mikilla breytinga sem eiga sér stað
í landbúnaði. Niðurstaðan í þeim
efnum hlýtur m.a. að velta á því,
að sæmilegt traust ríki á milli þess-
ara aðila, en þessar ákvarðanir
myndu ganga í þveröfuga átt. Enn
er ekki ljóst hver verður niðurstaða
þessa máls á Alþingi, m.a. vegna
þess að umfjöllun er ekki lokið í
ríkisstjóminni og kannski vill hún
losna við slagsmál í þingsölum sem
eru óumflýjanleg ef ekki fæst þol-
anleg niðurstaða í málinu.“
Hljómtækin lækka o g
húsgögnin hækka
f frétt um verðbreytingar á
ýmsum innfluttum vörum sem
birtist á blaðsíðu 2 i Morgun-
blaðinu í gær var ranglega sagt
frá áhrifum tollkerfisbreyting-
arinnar á nokkrar vörutegundir
og skai það leiðrétt.
Hið rétta er að hljómtæki lækka
í verði um 16%, sjónvörp lækka
um 12% og frystiskápar og þurrk-
arar lækka um 6%. Aftur á móti
munu saumavélar hækka um 35%
og húsgögn, kæliskápar og þvotta-
vélar hækka um 17%.
Alþýðuflokki og Borgara-
flokki hefur haldist verst
á fylgi sínu frá því
í kosningunum í apríl
í þjóðmálakönnun, sem Félags-
visindastofnun Háskóla íslands
gerði dagana 14. til 24. nóvem-
ber, var gerð sérstök könnun
fyrir Morgunblaðið um fylgi
stjórnmálaflokka og flæði milli
flokka siðan í alþingiskosningum
í apríl 1987. Umsjón með könnun-
inni höfðu Stefán Ólafsson og
Ólafur Þ. Harðarson. Leitað var
til 1.500 manna á aldrinum 18
til 75 ára, af öllu landinu. Alls
fengust svör frá 1.004 og er það
67% svörun. Nettósvörun, þegar
frá upphaflegu úrtaki hafa verið
dregnir þeir sem eru nýlega látn-
ir, veikir, erlendir ríkisborgarar
og fólk sem dvelur erlendis eða
er að heiman, er 72%. Úrtakið
er stórt og gefur því mikla mögu-
leika til greiningar á niðurstöð-
um. Fullnægjandi samræmi er
milli skiptingar úrtaksins og
þjóðarinnar allrar eftir aldri,
kyni og búsetu. Því má ætla að
úrtakið endurspegli þjóðina, 18
til 75 ára, allvel. Helstu niður-
stöður könnunarinnar eru
þessar:
Alþingiskosningar
Taflan, sem sýnir hvað svarendur myndu kjósa ef alþingiskosningar
væru haldnar á morgun, er byggð á svörum þeirra við tveimur spuming-
um. Fyrst voru allir svarendur spurðir: Ef alþingiskosningar væru haldnar
á morgun, hvaða flokk eða lista heldurðu að þú myndir kjósa? Þeir sem
sögðu „veit ekki“ við þessari spumingu voru spurðir áfram: En hvaða
flokk eða lista heldurðu að líklegast sé að þú myndir kjósa? Taflan sýnir
niðurstöðumar sem fengust úr þessum tveimur spumingum samanlögðum.
Hvað hyggjast menn kjósa?
Fjöldi Allir Kjósa flokk Kosn.
% % 1987
Alþýðuflokkur 90 9,0 12,4 15,2
Framsóknarflokkur 169 16,8 23,2 18,9
Sjálfstæðisflokkur 208 20,7 28,6 27,2
Alþýðubandalag 72 7,2 9,9 13,4
Kvennalisti 126 12,5 17,3 10,1
Borgaraflokkur 47 4,7 6,5 10,9
Flokkur mannsins 5 0,5 0,7 1,6
Samt. um jafnrétti og félagsh. 1 0,1 0,1 1,2
Þjóðarflokkur 9 0,9 1,2 1,3
Verkamannaflokkur 1 0,1 0,1
Kýs ekki 59 5,9 —
Skilar auðu eða ógildu 32 3,2 ' —
Neitar að svara 65 6,5 —
Veit ekki 120 12,0 —
Samtals 1004 100% 100%
Flæði milli flokka síðan í
alþingiskosningnm í apríl
í þjóðmálakönnuninni vom menn einnig spurðir hvaða flokk eða lista
þeir hefðu kosið í síðustu alþingiskosningum. Taflan sýnir hvað kjósendur
þingflokkanna frá því í apríl myndu gera ef alþingiskosningar væm haldn-
ar á morgun.
Hvað myndu kjósendur þingf lokkanna í apríl kjósa nú? (%)
Kysu nú A B D G V S
Alþýðuflokk 52 1 2 3 3 1
Framsóknarflokk 3 83 2 1 4 4
Sjálfstæðisflokk 5 2 75 3 ■ 2 16
Alþýðubandalag 1 0 0 56 2 4
Kvennalista 11 3 5 17 71 1
Borgaraflokk 2 0 0 2 0 49
Aðra flokka 1 1 1 0 0 0
Kysu ekki 4 1 5 6 1 6
Skiluðu auðu, ógildu 4 1 1 2 4 1
Neita að svara 4 1 2 4 0 1
Veit ekki 14 6 7 7 11 15
Samtals 101% 99% 100% 101% 98% 98%
Fjöldi 133 163 224 105 90 73
Vegna þess að hlutfallstölumar í þessari töflu era byggðar á kjósenda-
hópum flokkanna, en ekki svarendahópnum öllum, em skeklqumörkin
stærri en í töflu 1. Eigi að síður má líta á tölumar sem grófar vísbendingar.
Framsóknarflokkurinn heldur kjósendum sínum frá því í apríl sýnu
best; 83% þeirra er kusu flokkinn þá segjast einnig myndu kjósa hann
nú. Flokkurinn hefur misst fáa kjósendur til annarra flokka, en 6% kjós-
enda flokksins frá því í apríl segjast ekki vita hvað þeir myndu kjósa nú.
75% þeirra sem kusu Sjálfstæðisflokkinn f apríl myndu einnig kjósa
hann nú. Flokkurinn hefur misst 10% fylgisins til annarra flokka (þar af
5% til Kvennalista) og 5% kjósenda flokksins í apríl segjast myndu sitja
heima nú.
71% kjósenda Kvennalistans í aprfl segjast einnig myndu kjósa flokkinn
nú, en 11% þeirra segjast ekki vita hvað þeir kysu nú. Kvennalistinn
hefur misst lítilsháttar fylgi til allra flokka nema Borgaraflokksins.
Alþýðubandalagið heldur fylgi 56% þeirra sem kusu flokkinn í apríl
og hefur einkum misst fylgi til Kvennalistans, en 17% kjósenda flokksins
í apríl segjast nú myndu kjósa Kvennalistann.
Alþýðuflokki og Borgaraflokki hefur haldist verst á fylgi sínu frá því
í aprfl; einungis helmingur lqósenda þessara flokka segist myndu kjósa
þá nú. Alþýðuflokkur hefur einkum misst fylgi til Kvennalista (11%), en
Borgaraflokkur til Sjálfstæðisflokks (16%). Hins vegar ber að hafa í huga
að fleiri era óráðnir í lqósendahópum þessara tveggja flokka en hinna;
14% þeirra sem kusu Alþýðuflokkinn í apríl segjast ekki vita hvað þeir
myndu kjósa nú og sambærileg tala fyrir Borgaraflokkinn er 15%.