Morgunblaðið - 22.03.1988, Blaðsíða 71
MORGUNBLAÐIÐ, ÞRIÐJUDAGUR 22. MARZ 1988
71
Þessir hringdu ..
Fáránlegar
endursýningar
SB og IR hringdu og voru afar
óhressar með einn þátt í dagskrá
Stöðvar 2, þ.e.a.s. endursýningar
stöðvarinnar á bíomyndum sínum.
„Við erum héma nokkrar saman
sem tókum okkur til og viljum
kvarta yfir þessu. Þessar endursýn-
ingar eru fáránlegar og yfirþyrm-
andi. Algerlega út í hött. Síðasta
vika var t.d. alveg óþolandi, ég tala
nú ekki um þegar afnotagjöldin eru
orðin svona dýr. Hins vegar viljum
við að öðru leyti lýsa ánægju okkar
með dagskrána, sérstaklega baraa-
efnið."
1. flokks sýning
Halldór Torfason sló á þráðinn
og vildi hvetja allt fjölskyldufólk
sem hefði tök á, að sjá sýningu
íslensku óperunnar á „Litla sótar-
anum“. „Þetta er fyrsta flokks fjöl-
skylduskemmtun, sannkölluð
gæðasýning og við hin fullorðnu
skemmtum okkur ekki síður en
smáfólkið," sagði Halldór.
Villkisu
Kona nokkur sló á þráðinn og
bauð upp á heimili fyrir 1—2
mánaða læðu, helst ljósgráa með
hvíta bringu og lappir. Ef einhver
vildi losna við slíkt dýr, góðfúslega
hringið í síma 37396.
Góð þjónusta
Kolbrún hringdi. Hún vildi
koma þökkum á framfæri við
verslunina Héðin, Seljavegi 2. „Ég
vil þakka fyrir mjög góða þjón-
ustu. Þannig er, að ég bý úti á
landi, en keypti flísar í þessari
verslun og voru þær sendar heim
með flutningabíl. Þegar við feng-
um flísamar kom í ljós að það
vantaði nokkuð, þannig að ekki
var hægt að leggja það munstur
sem til stóð. Nú óttaðist ég að
maður þyrfti að fara aftur til
Reylq'avíkur, veifa kvittunum og
standa í alls konar útréttingum.
En það var eitthvað annað. Eftir
að hafa hringt í verslunina var
gengið frá þessu eins og skot og
flísamar vom sendar okkur sam-
dægurs. Þetta kalla ég góða þjón-
ustu og fyrir það vil ég þakka."
Framburður Jóns
Einar Vilhjálmsson hringdi og
var óhress með fréttamann sjón-
varps, Jón Valfells. „Framburður
hans er annarlegur og minnir á
ensku. Við liggur að betur færi
að hann læsi texta sína á ensku.
Þetta er umhugsunarefni og
framburður að mínu mati ekki
minna atriði heldur en orðaval.
Vildi ég að fréttamaðurinn tæki
þetta til athugunar og reyndi að
ná betri tökum á móðurmálinu."
Góðir Vesalingar
IG var nýbúin að sjá Vesaling-
ana í Þjóðleikhúsinu. „Þetta er
fræbær sýning og sérstaklega em
þau Sigrún Waage og Egill Ólafs-
son stórkostleg í sönghlutverkum
sínum. Ættu menn ekki að láta
þessa frábæm sýningu fram hjá
sér fara.
Já, teppin eru
sýklastía
Kristín Sigurðardóttir hringdi
og vildi þakka Gísla Sigurðssyni,
Lesbókarritstjóra, fyrir rabbgrein
í Lesbókinni þar sem fjallað var
um óhollustu og sóðaskap af völd-
um gólfteppa. Kristín sagðist hafa
fundið fyrir þessu sjálf og marg-
séð til ungabama kútveltast á
teppum innan um skítinn og óholl-
ustuna. Málefnið væri því mikil-
svert.
Kristín vildi einnig koma kvört-
un til skila til Strætisvagna
Reykjavíkur. Þannig er, sagði
Kristín, að vagnamir sem aka
niður Laugaveginn virðast fullir
af eigin útblæstri. „Þetta em
gamlir skijóðar og ég hef marg-
hrökklast út úr þeim með höfuð-
verk og verk fyrir bijóstinu,"
sagði Kristín.
Hin ósýnilega „fyrir-
greiðsla“ lögreglunnar
Til Velvakanda.
í Morgunblaðinu þann 5. mars,
birtist furðuleg grein eftir fanga-
vörðinn Guðmundu Helgadóttur þar
sem hún á allan hátt reynir að fegra
störf lögreglunnar. Og virðist það
gert í kjölfarið á þessu óhugnanlega
máli er tveir lögreglumenn limlestu
ungan pilt í fangageymslu lögreglu-
stöðvarinnar við Hverfisgötu.
í þessari grein sinni kemur Guð-
munda víða við í leit að afsökunum
fyrir hrottaskap lögreglunnar. Allt
frá því að opna læsta bfla upp í að
lögreglumenn séu liprir við að klífa
brött húsþök í vondum veðmm. Og
svo það sem mig langar að gera
örlitiar athugasemdir við, þ.e. ýmis
konar fyrirgreiðsla við hina svoköll-
uðu útigangsmenn sem hvergi eiga
höfði sínu að halla, eins og hún
orðar það í grein sinni. Hún segir
að það sé tekið á móti þessum
mönnum', þeir séu baðaðir, gefið
að borða og kæddir í hrein föt.
Það vill svo til, að ég undirritað-
ur, var um tíma í hópi svokallaðra
útigangsmanna. Og af þeim sökum
var ég tíðum fluttur í fangsgeymsl-
ur. Aldrei þó samkvæmt eigin ósk.
Þá var ekki boðið upp á baðferðir
og aldrei varð ég var við að fataút-
hlutun ætti sér stað. Hins vegar
kom það nokkuð oft fyrir að klæði
mfn rifnuðu þegar verið var að
færa mig úr þeim eða þegar beitt
var harðneskjulegum aðferðum við
að koma mér í klefann. Ekki minn-
ist ég þess heldur að mér hafí ver-
ið borinn matur þó stundum hafi
teygst úr dvöl minni á annan sólar-
hring. Er það löglegt?
Og þá komum við að enn einu
atriði sem Guðmunda nefnir, en það
er að ákveðinn aðili hlutast til um
að koma mönnum í áfengismeðferð.
Þær aðferðir sem hann beitir eru
oft á tfðum að neita að hleypa
mönnum út þar til þeir hafa skrifað
undir plagg þar sem þeir svipta sig
frelsinu og lofa að dvelja ákveðinn
tíma á einhverri tilgreindri stofnun.
Það heitir, samkvæmt mínum skiln-
ingi, að neyða menn í meðferð.
Það gat einnig kostað töluverða
fyrirhöfn að fá vatnssopa að drekka
svo ég tali nú ekki um að fá að
fara á salemi og stundum var það
ekki leyft. Þá kastaði ég af mér
vatni í eitt hom klefans. Og þú
mátt trúa því, Guðmunda, að gott
hefði mér þótt að fara í bað eftir
að hafa átt slíka nótt í klefanum
þínum.
Reynsla mín er ekkert sérstök.
Fjöldinn allur af kunningjum
mínum getur sagt svipaða sögu.
Einum man ég t.d. eftir sem rif-
beinsbrotnaði í höndum lögreglunn-
ar við það að vera hent harkalega
inn f klefannn þar sem hann lenti
með bringuna á brún fletisins —
en flet fangageymslu lögreglu-
stöðvarinnar em steypt! Þar lá hann
alla nóttina ánn þess að njóta lækn-
ishjálpar.
Þar sem ég varð mjög hissa við
að lesa þessi skrif Guðmundu, ák-
vað ég að bera málið undir kunn-
ingja minn sem var mér um tíma
samferða í utangarðsgöngunni og
bað hann að upplýsa mig um hvort
hann hefði orðið aðnjótandi ein-
hverra fyrrgreindra gæða í fanga-
geymslum lögreglunnar. Hann varð
furðu lostinn yfir spumingunni.
Reynsla hans er mjög áþekk minni,
en eitt dæmi nefndi hann sérstak-
lega. Þá hafði hann, einu sinni sem
oftar, verið færður í fangageymslu.
Er hann var spurður að nafni svar-
aði hann eitthvað á þá leið: „Hva’
muniði ekki hvað ég heiti, ég er
alltaf héma?“ Þá gripu hann tveir
lögregluþjónar. Annar sneri upp á
handlegg hans og sveigði hann aft-
ur fyrir bak. Þegar hann kveinkaði
sér, greip hinn í hárið á honum og
barði andliti hans þrisvar niður í
borðplötu. Þá missti kunningi minn
meðvitund og rankaði við sér ein-
hvem tíma um nóttina f fangaklef-
anum, alblóðugur.
Mér að meinlausu má Guðmunda
lofa störf lögreglunnar eins og hún
vill ef hún reynir ekki að telja al-
menningi trú um að útigangsmenn
njóti aðhlynningar sem þeir ekki fá.
Meðferð lögreglunnar á utangarðs-
mönnum er engin rós í hnappagat
þeirra, persónuleg reynsla mín og
annarra sem ég þekki, vitnar um
annað.
Óskar Hilmarsson
Samkeppní
og Flugleiðir
Tíl Velvakanda.
Það kemur úr harðri átt, þegar
Flugleiðamenn vilja ekki sam-
keppni. Hveijir hafa verið að aug-
lýsa ferðir til ódýrra innkaupa er-
lendis? Þar með stuðlað að þvf að
flytja verzlunina úr landinu og
vinna gegn verzlunarmönnum? Svo
auglýsa Flugleiðamenn flugfragt til
landsins og gera mikið til að fá
fragtina. Hveijum á þá að selja
vöruna? Ekki þeim, væntanlega,
sem Flugleiðir bjóða betri viðskipta-
kjör erlendis. Þvflíkur tvískinnung-
ur.
V er zlunarmaður
Opið í kvöld
Breska hljómsveitin
skemmtir.
Miðaverð kr. 400,-
NYRVALKOSTUR
VANDLATRA
NORÐURSALUR
HÓTEL ÍSLANDS
Flugleiðaskutlan gengur allan daginn frá
kl. 7-17 gestum okkar að kostnaðarlausu.
Z»5
ÚTEL
LOFTL0ÐIR
FLUGLEIDA
HÓTEL
, Heimur út a f fyrlr sig ‘
HÉR ER DÆMIUM FERÐA-
ÁÆTLUN SKUTLUNNAR:
Njóttuþess
aðbúaá
hótelisem
eranntum
gestisína.
HOTEL ESJA............10.00
KRINGLAN..............10.05
BÍLALEIGA FLUGLEIDA...10.10
HÓTEL LOFTLEIÐIR.......10.15
MIÐBÆR.................10.20
INNANLANDSFLUG.........10.30
BÍLALEIGA FLUGLEIÐA....10.35
HÓTEL LOFTLEiÐIR.......10.45
KRINGLAN...............10.50
HÓTEL ESJA.............11.00