Morgunblaðið - 29.03.1988, Blaðsíða 12
12
MORGUNBLAÐIÐ, ÞRIÐJUDAGUR 29. MARZ 1988
Eddie Skoller:
Aukasýning í kvöld
DANSKI grinistinn Eddie Skoller
skemmtir i Gamla Biói í kvöld,
þriðjudagskvöld, á vegum Lions-
klúbbsins Njarðar og hefst
skemmtunin klukkan 20. Skoller
skemmti einnig i Gamla Bíói sl.
sunnudagskvöld og í gærkvöldi
og var uppselt bæði kvöldin, að
sögn Steinars Petersens, eins af
félögum Njarðar. Allur ágóði af
starfi Njarðar fer til líknarmála.
Eddie Skoller sagði í samtali við
Morgunblaðið í gær að hann hefði
það á tilfínningunni að íslenskir
áheyrendur þekktu hann og þeir
hefðu jákvætt hugarfar gagnvart
honum. Sala aðgöngumiða á
skemmtunina hefst í Gamla Bíói
klukkan 15.
Morgunblaðid/Júlíus
Eddie Skoller
Fundur Steingríms og Makhloufs:
Eitthvað virðist hafa
skort á formlegheitin
- segir Þorsteinn Pálsson forsætisráðherra
„ÞEGAR menn geta haft jafn
gagnstæðar skoðanir á þvi sem
fram fór og yfirlýsingar þeirra
bera vitni um, þá hefur nú eitt-
hvað skort á formlegheitin," sagði
Þorsteinn Pálsson forsætisráð-
herra þegar undir hann voru bor-
in ummæli Steingríms Hermanns-
sonar utanrikisráðherra um að
hann hefði átt formlegar viðræð-
ur við PLO með því að ræða við
dr. Eugene Makhlouf, fulltrúa
PLO í Stokkhólmi.
Þorsteinn og Steingrímur áttu sér-
stakan fund í gær, og að sögn Þor-
steins var þar fyrst og fremst rædd-
ur sá ágreiningur sem á milli þeirra
er um afskipti íslenskra stjómvalda
af PLO og viðræður við þá. Hann
sagði aðspurður að ekki væri hægt
að segja að niðurstaða hefði fengist
á þessum fundi en málið yrði rætt á
ríkisstjómarfundi í dag.
Á fundi utanríkismálanefndar Al-
þingis í gær var rætt um viðræður
Steingríms og fulltrúa PLO og gerði
Steingrímur þar sérstaka grein fyrir
ferðum sínum og fundum í Svíþjóð
og Noregi. Eyjólfur Konráð Jónsson
formaður nefndarinnar sagði við
Morgunblaðið að ákveðið hefði verið
að ef hann sæi tilefni til þess, eftir
ríkisstjómarfundinn í dag, myndi
hann boða annan fund í nefndinni.
Leitað að manni um helgina:
Fannst látinn í gær
MAÐUR, sem leitað var að á Álfta-
nesi frá þvi á sunnudag, fannst
látinn í fjörunni neðan við Dysjar
síðdegis i gær. Hann hét Steinþór
Stefánsson, til heimilis að Vatn-
sendabletti 90 í Kópavogi.
Leit hófst að Steinþóri síðdegis á
sunnudag, en hann sást síðast um
kl. 2.30 nóttina áður. Þá fór hann
fótgangandi frá samkomuhúsinu
Garðsholti á Álftanesi. Aðfaranótt
mánudags leituðu 55 manns og á
mánudagsmorgun var leitarmönnum
flölgað í 96. Þá var þyrla Landhelgis-
gæslunnar fengin til aðstoðar. Um
kl. 15.30 í gær fannst Steinþór látinn
í Qörunni niður af Dysjum.
Steinþór heitinn var 27 ára gam-
all. Hann lætur eftir sig sambýlis-
konu og 3 mánaða bam.
Steinþór Stefánsson
’ \
Laugateigur
Falleg 130 fm efri hæð. Góðar stofur. 3 svefnherb. Sameig-
inl. inngangur m/risi. Gott veðdeildarlán áhv. Verð 6,5 millj.
Túngata
Góð 170 fm skrifstofuhæð efsta (3.) hæð. Hægt að
hafa sem lúxus íbúð.
Verslunarpláss og heilar húseignir, bygg-
ingalóðir og fyrirtæki í verslun og iðnaði.
Kvöld- og helgarsími
672621.
‘2:621600
B Borgartún 29
H BHH Ragnar Tómasson hdi
IHUSAKAUP
Morgunblaðið/Sverrir
Forseti íslands, Vigdís Finnbogadóttir spjallar við Grænlendingana í Listasafni ASÍ.
Forseti heilsar upp á grænlenska gesti
FORSETI íslands, Vigdís Finnbogadóttir hitti á
laugardag að máli 30 manna hóp frá Lýðhá-
skóla grænlensku verkalýðshreyfingarinnar i
Julianehaab. Grænlensku gestirnir hittu forseta
að máli í Listasafni ASÍ og léku og sungu græn-
lenska söngva fyrir hana.
Tæplega tveggja vikna heimsókn hópsins lauk í
morgun en ASÍ hefur skipulagt dvöl þeirra hér. Að
sögn Raghildar Ingólfsdóttur hjá ASI eru þau afar
ánægð með dvölina en þau hafa kynnt sér atvinn-
ulíf hérlendis. Fóm þau meðal annars til Akraness
og Selfoss í því skyni. Þá hafa þau einnig heimsótt
Alþingi, útvarp, sjónvarp og blöðin, svo fátt eitt sé
nefnt.
Utanríkisráðherra á blaðamannafundi um viðræðurnar við PLO:
Hver ráðherra ábyrg-
ur fyrir sínum málum
STEINGRÍMUR Hermannsson segist verða að viðurkenna að hann
hafi rætt formlega við PLO, með því að ræða við Dr. Eugene
Makhlouf, fulltrúa PLO í Stokkhólmi. Hann segir að íslenska ríkis-
stjórnin sé ekki fjölskipað stjórnvald heldur beri hver ráðherra
ábyrgð á sínum málum. Hann sagðist láta samvisku sína ráða við
hvern hann tali en hann muni ekki ganga gegn samþykktum ríkis-
stjórnarinnar eða Alþingis og hafi ekki gert það með fundi sínum
og dr. Makhlouf.
Utanríkisráðherra hélt frétta-
mannafund í gær þar sem hann
skýrði frá heimsóknum sínum til
Svíþjóðar og Noregs, fundi ut-
anríkisráðherra Norðurlandanna
og viðræðum sínum og fulltrúa
PLO. Einnig skýrði Steingrímur
frá fundi sínum með sendiherra
ísraels á íslandi, en hann hefur
aðsetur í Osló.
Steingrímur var á fundinum
spurður hvernig hann myndi
bregðast við ef á ríkisstjómar-
fundi, sem haldinn verður í dag,
komi fram eindregin tilmæli um
að ekki yrði um frekari viðræður
við PLO að ræða af hans hálfu.
Steingrímur sagðist vilja taka það
fram að íslensk ríkisstjóm er ekki
fjölskipað stjómvald. „Hver ráð-
herra fer með ábyrgð sinna mála
en forsætisráðherra er fijálst að
biðja um lausn fyrir ráðherra ef
honum líkar ekki framganga
þeirra," sagði Steingrímur.
Þegar hann var spurður hvort
hann ætlaði þá að halda fram sinni
stefnu og skoðunum í þessu máli
burtséð frá því hvað ríkisstjómin
segir, sagðist hann myndi láta
samvisku sína ráða við hvem hann
talar. „Ég færi hinsvegar ekki í
opinbera heimsókn til PLO því þá
væri ég að koma fyrir hönd
íslensku þjóðarinnar og íslensku
ríkisstjómarinhar. En eins og ég
svaraði í öðru sjónvarpinu: Ef
Arafat vildi koma upp á hótel-
herbergi til mín og rabba við mig
þá myndi ég ekki neita því.“
—En værir þú ekki alltaf að
koma fram fyrir hönd íslensku
ríkisstjómarinnar?
„Eins og ég sagði áðan er
íslenska ríkisstjómin ekki fjölskip-
að stjómvald. Þetta er grundvall-
aratriði í okkar stjómarfari. Vitan-
lega verð ég að gæta þess þegar
ég kem fram að ég gangi ekki
gegn samþykktri stefnu t.d. Al-
þingis og ríkisstjórnar. Við höfum
gert með okkur stjómarsáttmála
sem ég að sjálfsögðu held og
gæti þess vandlega að bijóta ekki.
En ég get ekki séð að ég gangi
gegn stjómarsáttmála eða sam-
þykktum Alþingis þótt ég ræði við
fulltrúa PLO eins og ég gerði í
Stokkhólmi. Og dr. Mahklouf er
opinber fulltrúi PLO þannig að ég
er þegar búinn að ræða við opin-
beran fulltrúa PLO. Ég sé ekki
að ég hafí brotið gegn nokkrum
sáttmála. Ég fór þar eftir bestu
sannfæringu minni, hafði sendi-
herrann með og ég myndi aldrei
ræða við fulltrúa svo umdeildra
samtaka nema hafa aðra menn
með,“ sagði Steingrímur.
Þegar hann var spurður hvort
líta mætti svo á að hann hefði
hafíð formlegar viðræður við PLO
með því að hitta fulltrúa PLO að
viðstöddum sendiherra, svaraði
hann játandi. „Ég verð að viður-
kenna að með þessum fundi er
formlega rætt við PLO því hann
er þeirra fulltrúi. Ég get ekki dreg-
ið það til baka.“
Steingrímur sagði að þessi
fundur hefði verið mjög fróðlegur
og það hefði komið sér sérstaklega
á óvart þegar Dr. Makhlouf svar-
aði þeirri spumingu sinni játandi
hvort PLO væri tilbúið að viður-
kenna tilvemrétt Ísraelsríkis.
Steingrímur sagðist hafa spurt
hann hvort samtökin væru tilbúin
til að gera það stax en svarið hefði
verið að það væri erfítt en samtök-
in vildu gera það sem niðurstöðu
af ráðstefnu.
Steingrímur hitti einnig sendi-
herra ísrael á íslandi, á Fomebou-
flugvelli í Osló en sendiherrann
óskaði eftir fundinum. „Sá fundur
var að mínu mati mjög gagnlegur
og þar lagði ég áherslu á að við
viljum tryggja framtíð Ísraelsríkis
en ég lýsti því einnig að við teldum
það ástand, sem nú er á herteknu
svæðinum, óþolandi og að því yrði
að linna og lagði mikla áherslu á
að samþykktir Oryggisráðs Sam-
einuðu þjóðanna yrðu fram-
kvæmdar. Ég sagðist telja að við-
urkenna yrði sjálfsákvörðunarrétt
Palestínumanna, til hvers sem það
leiddi. Þó að það leiddi til þess að
þeir velji PLO sem sína fomstu á
ráðstefnu eða það leiddi til sjálf-
stæðs ríkis Palestínumanna. Hann
lýsti andstöðu við þessu og sagði
að ísraelsmenn gætu ekki sætt sig
við sjálfstætt ríki Palestínumanna
á herteknu svæðunum," sagði
Steingrímur.
Utanríkisráðherra sagði á fund-
inum að sumir teldu að íslending-
ar ættu ekki að skipta sér af deil-
um sem þessum en hann væri
mjög ósammála þeirri skoðun. „Ég
er ekki tilbúinn að sitja og horfa
í gaupnir mér á slíkum fundum
sem þessum og tel það skyldu
mína að fræðast um þessi mál,
eins og ég get. Og ég fínn van-
mátt minn í því að allir hinir ut-
anríkisráðherramir hafa til dæmis
átt viðræður við annaðhvort
Yasser Arafat eða fulltrúa PLO á
einum vettvangi eða öðrum.
Ég ætla mér þó ekki að þeytast
um heiminn þveran og endilangan
til að kynnast vandræðastöðunum
en ég tel það ástand sem ríkir í
Mið-Austurlöndum varða okkur
vegna þess að við höfum verið einn
harðasti stuðningsmaður ísrael.
Við viðurkenndum fyrstir þeirra
sjálfstæði og höfum stutt þá ein-
dregið hjá Sameinuðu þjóðunum
og ég vil gera það áfram. En ég
vil ekki gera það í blindni og vil
geta metið ástandið þama. Þess-
vegna fínnst mér að það mál eigi
meira erindi við okkur en önnur,“
sagði Steingrímur Hermannsson.