Morgunblaðið - 29.03.1988, Blaðsíða 55
MORGUNBLAÐIÐ, ÞRIÐJUDAGUR 29. MARZ 1988
55-
Morgunblaðið/Sverrir
Þór Magnússon þjóðminjavörður og Bryndís Sverrisdóttir safnkennari afhenda verðlaun og viður-
kenningur.
Verðlaunasamkeppni Þjóðminjasafnsins:
Grunnskólanemar
teikna og minnast
þj óðarsögimnar
NÍU börn og unglingar hlutu
verðlaun i teiknisamkeppni sem
efnt var til meðal barna og ungl-
inga á grunnskólaaldri. Þjóð
minjasafnið gekkst fyrir keppn-
inni f tilefni af 125 ára afmæli
safnsins. Verðlaunin og viður-
kenningarnar voru afhentar
laugardaginn 26. mars. Samtfm-
is var opnuð sýning á hluta
þeirra mynda sem safninu bár-
ust.
Samkeppninni var skipt i þrjá
aldursflokka. Auk verðlauna-
myndanna níu var þrjátíu öðrum
myndum veitt viðurkenning.
Safninu bárust um 1500 myndir.
Gaman að teikna
fallega hluti
Grímur Hjörleifsson hlaut fyrstu
verðlaun í flokki 6-9 ára bama,
Grímur er fimm ára en vegna þess
að hann er nemandi í forskóladeild
Austurbæjarskólans tók hann þátt
í keppninni.
Foreldrar Gríms sögðu honum
frá teiknisamkeppni Þjóðminja-
safnsins og hann hafði áhuga á
þátttöku. Grímur sagði að hann
hefði oftast gaman af því að teikna.
Grímur var því spurður um, hvað
honum þætti leiðinlegt að teikna.
„Eitthvað ljótt."
Verðlaunamynd Gríms sýnir
fomleifafræðing grafa upp kuml.
Hann var inntur eftir því hvort
hann hefði haft gaman af því að
teikna myndina. Hann sagði að það
hefði verið gaman. „Fyrst rissaði
ég hana upp og svo teiknaði ég
fyrir alvöru.“ Grímur var spurður,
hvort það hefði líka verið gaman
að teikna beinagrindina. „Ja, ég
reyndi og reyndi að gera hana fall-
egri og að lokum tókst mér það.“
„Var ekki erfitt að gera beingrind
fallega?" „Jú, ég var margar mínút-
ur að teikna hana.“
Fulltrúi Morgunblaðsins spurði
Grím, hvort það væri erfitt að
teikna. „Sumt er erfitt, en ég er
góður í að teikna skrýtnar vélar.“
Blaðamaður innti Grím eftir því
hvort teikning væri það skemmti-
legasta sem hann gerði. „Kannski
ekki það skemmtilegasta, það er
gaman að synda. Það eina sem
mér finnst auðvelt að læra er bak-
sund.“
Grímur sagði Morgunblaðsfull-
trúanum að hann lærði teikningu
annan hvem fímmtudag í Austur-
bæjarskólanum og hann væri líka
að læra á fiðlu.
Morgunblaðið/Sverrir
Grímur Hjörleifsson.
Vantar teiknikennarann
Dagur Kári Pétursson er flórtán
ára og er nemandi við Hlíðaskóla
Morgunblaðið/Sverrir
Dagur Kári Pétursson.
í Reykjavík. Hann vann fyrstu
verðlaun í flokki 13-16 ára ungl-
inga.
Dagur var inntur eftir því hven-
ær hann hefði byijað að teikna.
Hann sagðist ekki teikna af neinni
sérstakri alvöm, hann teiknaði
ánægjunnar vegna en hann hefði
alla tíð teiknað frekar mikið.
Aðspurður sagði hann blaða-
manni að hann hefði ekki mikið
myndlistamám að baki, hefði þó
farið á námskeið í Myndlista- og
handiðaskólanum fyrir fimm eða
sex ámm. Dagur var því .næst
spurður hvaða teiknikennara hann
hefði í Hlíðaskóla. „í Hlíðaskóla
er bara yngri krökkunum kennd
teikning, það vantar kennara til
að kenna okkur."
Dagur sagði að hann hefði séð
auglýsingu um keppnina þegar
hann hefði verið að skoða Þjóð-
minjasafnið með vinum sínum.
Hann langaði strax til að taka þátt
í keppninni. Nokkmm dögum
seinna gerði hann uppkast að
myndinni og endurteiknaði hana
svo daginn eftir. Þessu næst aflaði
hann sér nánari upplýsinga um
hvar og hvenær ætti að skila mynd-
inni.
Dagur sagist lítið fara á mynd-
listarsýningar og það væri orðið
nokkuð um liðið síðan hann hefði
síðast farið.
Hann sagði það vel hugsanlegt
að í framtíðinni færi hann á teikni-
eða myndlistamámskeið en í
augnablikinu hefði hann frekar
lftinn tíma, hann spilaði á píanó,
hefði áhuga á ljósmyndun og þar
að auki stundaði hann nokkuð
knattspymu.
Mynd Dags er af Hrafna- Flóka.
Dagur sagði blaðamanni Morgun-
blaðsins að frásögnin af Hrafna-
Flóka væri sér einna minnisstæðust
úr íslandssögunni. Að endingu var
Dagur inntur eftir áliti á sýning-
unni. Hann sagði að margar mynd-
imar væm góðar, ekki síðri en sfn
mynd.
Morgunblaðið/Sverrir
Ólafur Amar Friðbjörnsson.
Teiknaði Miðgarðsorminn
Ólafur Amar Friðbjömsson er
tíu ára og stundar nám í Breiða-
gerðisskóla, Reykjavík. Mynd hans
hlaut önnur verðlaun í flokki 10-12
ára.
Ólafur sagði að hann teiknaði
nokkuð mikið. Nemendum í skólan-
um var sagt frá keppninni og þeir
höfðu töluverðan áhuga á þátttöku.
Auk þess að teikna myndir er
skrautskrift eitt af áhugamálum
Ólafar. Hann ætlar ekki að fara á
teikni- eða myndlistamámskeið á
næstunni. Hann sagði blaðamanni
að honum þætti margar myndimar
á sýningunni mjög góðar.
Mynd Ólafs er af Miðgarðsorm-
inum. Ólafur sagði að sér hefði
dott-ið ormurinn skyndilega í hug,
sennilega hefði hann orðið fyrir
áhrifum frá teiknimyndabókum
sem sækja efnivið í norræna goða-
fræði.
Fer stundum á sýningar
Marín Manda MagnúsdÓttir er
átta ára og nemandi við Kársnes-
skóla í Kópavogi. Mynd hennar
hlaut þriðju verðlaun í flokki 6-9
ára bama.
Marín sagði að teiknikennarinn
sinn, Kolbrún Lilja, hefði sagt
krökkunum frá keppninni og hún
hefði líka sagt þeim frá því hvem-
ig fólk hefði haft það í gamla daga;
þess vegna hefði hún teiknað
sveitabæ og fólk að mjólka kindur.
Aðspurð sagði Marín olaðamanni
Morgunblaðsins að hún færi stund-
um á myndlistarsýningar með
pabba og mömmu. Marín skoðar
einnig stundum listaverk eftir
frænda sinn Hrein Friðfinnsson.
Marín ætlar að halda áfram að
teikna en hún taldi ólíklegt að hún
færi á teikninámskeið alveg á
næstunni en hennar helsta áhuga-
mál er dans.
Þátttaka framar vonum
Bryndís Sverrisdóttir safnkenn-
ari Þjóðminjasafnsins sagði í sam-
tali við Morgunblaðið, að safnið
hefði farið þess á leit að þátttak-
Morgunblaðið/Sverrir
Marín Manda Magnúsdóttir.
endur teiknuðu myndir sem tengd-
ust fortíðinni, atburðum úr íslands-
sögunni eða söfnun og varðveislu
menningarminja. Einnig hefði mátt
teikna myndir af söfnum framtíð-
arinnar; hvað yrði sýnt á Þjóð-
minjasafninu eftir 300 ár? í dóm-
nefnd sátu Þór Magnússon þjóð-
minjavörður, Rakel Pétursdóttir
safnkennari Listasafns íslands og
Þóra Kristjánsdóttir listfræðingur.
Verðlaunagripimir voru silfuraf-
steypur af Þórshamri.
Við opnun sýningarinnar flutti
þjóðminjavörður ávarp. í máli hans
kom m.a. fram, að þátttaka í
keppninni hefði verið framar öllum
vonum, sérstaklega hefði verið
ánægjulegt hve böm og unglingar
í skólum á landsbyggðinni hefðu
verið dugleg að teikna og senda
safninu mjmdir.
Fjórir af níu verðlaunahöfum
voru frá Vestmannaeyjum en þvf
miður áttu þeir ekki heimangengt
til að vera við opnun sýningarinn-
ar. Bamaskólinn í Vestmannaeyj-
um og Varmalandsskóii í Mýra-
sýslu fengu sérstaka viðurkenn-
ingu fyrir góðar myndir og vandað-
an frágang.