Morgunblaðið - 29.03.1988, Blaðsíða 57
MORGUNBLAÐIÐ, ÞRIÐJUDAGUR 29. MARZ 1988
57
Ingólfur Hannesson
Fyrsta sjálfvirka bíla-
þvottastöðin endurreist
NÝ OG endurreist sjálfvirk bíla-
þvottastöð hefur tekið til starfa
á Laugavegi 180, en fyrsta sjálf-
virka bílaþvottastöð iandsins var
sett á laggimar í þessu sama
húsnæði árið 1965. Skeljungur
hf. á og rekur þvottastöðina á lóð
sinni við bensinstöð félagsins á
sama stað.
Bílaþvottastöðin er alsjálfvirk og
tölvustýrð en engu að síður mun
starfsmaður vera viðskiptavinum til
halds og trausts á opnunartíma
stöðvarinnar.
Hægt er að velja um fjögur mis-
munandi þvottakerfi en sameigin-
legt þeim öllum er forþvottur, hjóla-
og felguþvottur og þurrkun. Auk
þessa er hægt að velja um heitan
sápuþvott, undirvagnsþvott og
heita bónmeðhöndlun. Þvottakerfin
taka um 6—8 mínútur.
Aðstaða er fyrir viðskiptavini að
fylgjast með þvottinum í gegnum
gler, eða njóta kaffíveitinga meðan
beðið er.
Hin nýja þvottastöð Skeljungs hf. við Laugaveg 180.
Ríkisútvarpið:
Ingólfur
Hannesson
yfirmaður
íþróttadeildar
INGÓLFUR Hannesson var á
föstudag ráðinn dagskrárstjóri
iþróttadeildar Ríkisútvarpsins frá
og með 1. mai næstkomandi.
íþróttadeild Ríkisútvarpsins var
stofnuð í lok síðasta árs með
samruna íþróttadeilda útvarps og
sjónvarps. Deildin hefur umsjón
með íþróttaþáttum og íþrótta-
fréttum í sjónvarpi og útvarpi.
Rúnar Gunnarsson, dagskrár-
gerðarmaður, skipulagði og undirbjó
stofnun deildarinnar og tók að sér
að veita henni forstöðu fyrsta misse-
rið á meðan hún var í mótun. Hann
snýr sér nú aftur að innlendri dag-
skrárgerð.
Ingólfur Hannesson er íþrótta-
kennari að mennt og er cand. mag.
í uppeldis- og félagsfræðum frá há-
skólanum í Osló. Hann var um fjög-
urra ára skeið íþróttafréttamaður
útvarps og sjónvarps.
Síðastliðið ár hefur Ingólfur verið
starfsmannastjóri Hf. Eimskipafé-
lags íslands.
Jósef Ka-Cheung Fung
Gítartónlist
á Háskóla-
tónleikum
Á TÍUNDU Háskólatónleikunum,
sem haldnir verða í Norræna
húsinu á morgun, miðvikudaginn
30. mars, kl. 12.30 leikur Jósef
Ka-Cheung Fung á gítar. Á efnis-
skránni verður spænsk tónlist;
verk eftir Isaac Albeniz, Fran-
cisco Tárrega, Manuel de Falla
og Enrique Granados.
Jósef Ka-Cheung fæddist f Hong
Kong en hlaut tónlistarmenntun í
Englandi, Hollandi og Austurríki. í
fjögur ár stundaði hann kennslu við
Tónskóla Sigursveins D. Kristins-
sonar, en hefur frá 1984 starfað
jöfnum höndum sem gítarleikari og
tónskáld. Hann hefur meðal annars
samið tvo gítarkonserta og verður
sá síðari frumfluttur í Gautaborg í
næsta mánuði.
(Fréttatilkynniiif;)
REYNDU
EKKl AÐ
KYNNAST
RITVÉLAR
REIKNIVÉLAR
PRENTARAR
TÖLVUHÚSGÖGN