Morgunblaðið - 29.03.1988, Blaðsíða 38
3&.)p
MQRGUNBLAÐIÐ,. ÞRIBJUDAGUR 29ifMARgr 3,988
Greenpeace:
Hvatt til viðskipta-
banns á Flugleiðir
ZUrich, frá Önnu Bjarnadóttur, fréttaritara Morgunblaðsins.
GREENPEACE í Lúxemborg hefur nú hengt 50 auglýsingaspjöld
með mynd af hval og textanum „Boycott Icelandair" upp í höfuð-
borg landsins. Þejtta er fjórda spjald samtakanna í herferð þeirra
gegn hvalveiðum íslendinga. Á fyrri spjöldum var ísland tengt dauð-
a„síðasta hvalsins".
Roger Spautz, talsmaður Green-
peace í Lúxemborg, sagði að sam-
tökin hvettu nú til viðskiptabanns
á Flugleiðir til að auka þrýsting á
Islendinga um að hætta hvalveið-
um. Hann fullyrti að Greenpeace í
Lúxemborg hefði safnað 10.000
undirskriftum gegn hvalveiðum á
undanfömum mánuðum.
Einar Aakrann, framkvæmda-
stjóri Flugleiða í Lúxemborg og
aðalræðismaður íslands í landinu,
sagðist ekki hafa séð nýju auglýs-
ingaspjöldin en vonaði að þau
myndu ekki hafa áhrif á viðskipti
Flugleiða. Hann sagðist ekki búast
við að eiga fund með fulltrúum
Greenpeace um hvalveiðar íslend-
inga. „Þær eru málefni íslenska
ríkisins en ekki Flugleiða," sagði
hann. Aakrann taldi rétt að fara
sem fæstum orðum um baráttu
Greenpeace og vona að hún vekti
litla eftirtekt.
Portúgal:
Fjölmennasta verk-
fall í sögu landsins
Lissabon, Reuter.
UM tvær milljónir manna lögðu
niður störf í Portúgal í gær til að
mótmæla fyrirhuguðum breyting-
um stjórnvalda á verkalýðslögjöf-
inni. Þetta mun vera fjölmennasta
verkfall í sögu landsins.
Boðað var til eins dags allsherjar- •
verkfalls í gær vegna tillögu sem
ríkisstjóm Portúgals hefur lagt fram
og tryggir atvinurekendum aukinn
rétt til að segja starfsmönnum upp
störfum. Ríkisstjómin telur að verka-
lýðslöggjöf sú sem nú er í gildi sé
dragbítur á efnahagsframfarir í
landinu. Breytingartillagan verður
brátt tekin til umflöllunar á þingi og
er talið líklegt að hún verði sam-
þykkt. Anibal Cavaco da Silva, for-
sætisráðhe'rra Portúgals, kvaðst í
gær ekki hafa áhyggjur af mótmæl-
um þessum. „Þetta verkfall hefur
ekki spillt svefnfriði mínum," sagði
hann og bætti við að stjómin hygð-
ist ekki falla frá lagabreytingunum
umdeildu.
„Þátttakan í verkfallinu fór fram
úr okkar björtustu vonum,“ sagði
Manuel Carvahlo da Silva, formaður
Sambands portúgalskra verka-
manna. Þetta er í fyrsta skipti sem
sambandið, sem lýtur stjóm komm-
únista, og Almenna verkamanna-
sambandið, sem sósíalistar ráða,
gangast í sameiningu fyrir verkfalls-
aðgerðum. Rúmlega helmingur
þeirra 4,5 milljóna verkamanna sem
starfa í Portúgal tilheyrir þessum
tveimur verkalýðsfélögum.
Argentína:
Brottför
loftbelgs-
ins frestað
Buenos Aires, Reuter.
FYRIRHUGAÐRI heimsreisu á
loftbelg sem leggja átti í á laug-
ardag frá bænum Mendoza í
Argentínu hefur verið frestað
vegna veðurs.
Tveir Bandaríkjamenn, Rowland
Smith og John Petrehn, sem hugð-
ust reyna að fljúga loftbelg um-
hverfis jörðina og ætluðu að leggja
af stað á laugardag, neyddust til
að fresta förinni vegna þess að
óveður gekk yfir austanverða Arg-
entínu. Félagarnir ætluðu að leggja
upp frá bænum Mendoza í vestan-
verðri Argentínu og fljúga yfir
svæðið þar sem ofsaveður geysaði
um helgina. Mikið rok er á þessum
slóðum og rignt hefur 250 milli-
metrum á síðustu fimm dögum.
Talsmaður stuðningsfélags loft-
belgsfaranna sagði að að þeir væru
hinir rólegustu og hefðu ákveðið
að bíða nokkra daga þar til veðrið
hefði gengið niður. Þeir ætla að
fljúga umhverfis jörðina án þess að
lenda og notfæra sér háloftavinda
á suðurhveli sem þeir gera ráð fyr-
ir að beri þá á níu til fjórtán dögum
umhverfis jörðina.
Yitzhak Shamir, forsætisráðherra ísraels (til hægri), og Shimon
Perez utanríkisráðherra greinir á um afstöðuna til friðaráætlunar
Bandaríkjastjómar.
Israel:
Þúsundir araba hafa
verið handteknar
Reuter
Farþegar bíða brottfarar í biðsal
portúgalska ríkisflugfélagsins í
gær.
Sökum verkfallsins lágu samgöng-
ur að mestu niðri í landinu. Flug-
áætlanir gengu úr skorðum og ferðir
strætisvagna og jámbrauta lögðust
af. Þátttaka verkamanna í ríkisverk-
smiðjum var mjög mikil og hið sama
gilti um hafnaverkamenn. Verkfallið
hafði hins vegar lítil áhrif í þjónustu-
fyrirtælq'um og fyrirtækjum í einka-
eigu. Margir bankar voru opnir og
flest öll stærri dagblöðin komu út
þó að Jomal de Noticias undanskildu.
Verkfallið fór friðsamlega fram.
Raunar lenti verkfallsmönnum og
lögreglu saman í Lissabon er verka-
menn hugðust koma í veg fyrir vinnu
við dagblað eitt þar í borg en engin
slys urðu á mönnum.
Jerusalem. Reuter.
FJÓRIR Palestínumenn féllu fyrir kúlum ísraelskra hermanna á sunnu-
dag. Þá var einnig fjöldi manna handtekinn. Yitzhak Rabin, varnarmála-
ráðherra ísraels, skýrði frá því á ríkisstjórnarfundi á sunnudaginn, að
nærri 4.000 Palestínumenn hefðu nú verið handteknir af ísraelum.
Palestínumenn og starfsmenn alþjóðlegra hjálparstofnana telja fjölda
hinna handteknu á hinn bóginn á bilinu 5.000 til 8.000. Á fundi ísra-
elsku stjómarinnar kom enn fram, að stjómarflokkana greinir á um
afstöðu til friðaráætlunarinnar, sem er kennd við George Shultz, ut-
anríkisráðherra Bandarikjanna.
George Shultz heldur af stað til
ísraels á páskadag, 3. apríl nk., og
ætlar enn að freista þess að fá ísra-
elsk stjómvöld og aðra til að fallast
á tillögur sínar um alþjóðlega friðar-
ráðstefnu um málefni Mið-Austur-
landa. Yitzhak Shamir, forsætisráð-
herra ísraels, og Likud-flokkur hans
vilja ekki að til slíkrar ráðstefnu
verði boðað. Hinn stjómarflokkurinn,
Verkamannaflokkurinn, undir for-
ystu Shimons Peres, utanríkisráð-
Filippseyjar:
Dauðasveitir kommúmsta
skjóta sjö menn úr launsátri
Manila, Reuter.
SEX menn skutu á borgarstjóra í
útborg Manila höfuðborgar
Filippseyja úr launsátri í gær.
Hann særðist í árásinni og sjö
menn í fylgdarliði hans létu lífið.
Talið er að árásarmennirair séu
í kommúnistasamtökum sem fóru
að láta til sín taka i Manila á
síðasta ári. Nokkrum klukku-
stundum eftir árásina á borgar-
stjórann var bróðir eins af leið-
togum vinstrimanna veginn úr
launsátri.
Prospero Oreta, borgarstjóri Mala-
bon, sem er tengdur Corazon Aquino
forseta Filippseyja flölskyldubönd-
um, særðist alvarlega í árásinni sem
var gerð við heimili hans. Lögregla
telur að dauðasveitir kommúnista
beri ábyrgð á skotárásinni, en sam-
tökin hafa staðið að baki öðrum
viðlíka árásum í Manila frá því á
síðasta ári. Oreta og lífverðir hans
voru á leið til bæjarskrifstofunnar í
tveim bílum þegar sex menn skutu
að bifreiðum þeirra. Oreta og einn
lífvörður særðust hættulega og sjö
Reuter
Sjö menn létu lífið er dauðasveitir kommúnista skutu á borgarstjó-
rann í Malabon i gær.
þeirra sem voru með í bílunum létust.
Á meðan ekki var ljóst hveijir
báru ábyrgð á árásinni á Oreta gerðu
nokkrir hópar hægrimanna og
kommúnista árásir hvorir á aðra með
það fyrir augum að hefna fyrir árás-
ina. Sú er talin ástæða þess að bróð-
ir Jose Castros leiðtoga vinstrimanna
var skotinn til bana átta klukku-
stundum eftir árásina á Oreta.
herra, styður frumkvæði Shultz.
Heimildir herma, að á ríkisstjóm-
arfundi í ísrael á sunnudag, hafi
verið hart deilt um afstöðuna til til-
lagna Shultz. Ekki hafí verið gengið
til atkvæða um málið í stjóminni en
forsætisráðherrann hafí látið þau orð
falla, að bandarísku tillögumar væru
aðeins settar fram til að kanna við-
brögð deiluaðila og það væri unnt
að vísa þeim á bug „án þess að stór-
vandræði hlytust af því“.
Eldflaugar Saudi-Araba
í fréttum frá ríkisstjómarfundin-
um segir, að Moshe Shahal, úr
Verkamannaflokknum, hafí krafist
þess að Shamir ræki ritara ríkis-
stjómarinnar, Yossef Ben Aharon.
Ritarinn gaf það til kynna í síðustu
viku, að Israelar kynnu að ráðast á
skotpalla undir meðaldrægar kínver-
skar eldflaugar, sem Saudi-Arabar
hafa verið að koma fyrir í landi sínu.
Segja heimildarmenn, að Shamir
hafí svarað þessari kröfu með þeim
hætti að hún væri „fáránleg". Um-
mæli Aharons leiddu til þess^ að
stjómvöld í Washington vöruðu Isra-
ela við öllum slíkum ráðagerðum.
Þá lýstu arabaríki, þeirra á meðal
Egyptar, yfír því, að þau myndu
styðja Saudi-Araba ef ísraelar fram-
kvæmdu slíkar hótanir.
í því skyni að draga úr áhyggjum
Egypta sendi Shamir orðsendingu til
Hosnis Mubaraks, forseta Egypta-
lands, vegna eldflaugamálsins, en
Egyptaland er eina arabaríkið, sem
hefur gert friðarsamning við ísraela.
í orðsendingunni segir, að ísraelar
hafí ekki gert annað en látið í Ijós
áhyggjur vegna eldflauganna í
Saudi-Arabíu. Þeir væm ekki með
neinar stríðsaðgerðir í hyggju.
Fjöldahandtökur
Næstkomandi miðvikudag er svo-
kallaður Dagur landsins í ísrael.
Arabar í ísrael hafa undanfarin ár
minnst þess 30. mars, að 1976 voru
sex arabískir mótmælendur drepnir
í átökum við stjómvöld vegna upp-
töku á landi í Galíleu.
Er talið að fjöldahandtökur á aröb-
um í ísrael undanfama daga eigi
meðal annars rætur að rekja til ótta
stjómvalda við, að mótmælin á morg-
un verði ákafari en áður vegna þess
hættuástands, sem ríkt hefur á her-
teknu svæðunum í landinu síðan 9.
desember. En með þeim sem féllu
um siðustu helgi hafa samtals 115
Palestínumenn týnt lífí í átökum við
ísraelska hermenn á þeim mánuðum,
sem síðan eru liðnir. Einn ísraelskur
hennaður hefur fallið.
í ritskoðuðu skeyti frá Reuters-
fréttastofunni segir, að líkur séu
taldar á því, að ísraelsstjóm grípi til
þeirra óvenjulegu aðgerða að banna
fréttamönnum að vera á herteknu
svæðunum, vesturbakka Jórdanár og
Gaza-svæðinu, á morgun. Þá verða
ísraelskir hermenn sendir til Galíleu
til að aðstoða 4.000 manna lögreglu-
lið þar.
Pravda vill
leyfa bjarn-
dýraveiðar
Moskvu. Reuter.
PRAVDA, málgagn sovézka
kommúnistaflokksins, hvatti f
gær til þess að fsbjöraum yrði
fækkað. Sagði blaðið að björa-
um hefði fjölgað stórlega og
ógnuðu þeir nú byggð á stórum
landssvæðum.
Blaðið lagði til að ísbjamaveið-
ar yrðu leyfðar í heimskautahér-
uðum Sovétríkjanna en að haft
yrði strangt eftirlit með veiðinni.
Sagði Pravda að vemdun ísbjam-
arins hefði haft í för með sér að
fjöldi þeirra hefði fjórfaldast á
30 árum og væru nú um 40.000
ísbimir í Sovétríkjunum. Væri að
þeim talsverð truflun, þeir ynnu
skemmdir á mannvirkjum og réð-
ust að fólki.
Blaðið skellti einnig skuldinni
á íbúa heimskautasvæðanna, sem
það sagði tæla bimina til sín með
því að leggja út fyrir þá æti til
þess að geta ljósmyndað þá.