Morgunblaðið - 14.06.1988, Side 20

20
ipa r ÍMÖlJit fflWft.WWTJÍlgCWIt
MORGUNBLAÐIÐ, ÞRIÐJUDAGUR 14. JUNI 1988
(I
málning*

FYR,R GLUGGA, huboir
0ftR, QBINDVEPK. TtMBURHU**
w
Kjörvari og Þekjukjörvari
veija viðinn vel og lengi
Góð viðarvöm fyrir okkar aðstæður er
vandfundin. Kjörvari og Þekjukjörvari er
fádæma góð íslensk viðarvörn, sem þróuð
er fyrir hin verstu veðurskilyrði
hérlendis.
Kjörvari verndar viðinn án þess að hann tapi
einkennum sínum. Þekjukjörvari gefur hyljandi
áferð án þess að viðarmynstrið tapist.
Kjörvari og Þekjukjön/ari fæst í miklu litavali.
Vandaðu valið ef þú vilt vernda viðinn vel
og lengi.
málning'f
AUMA - Auglýs & markaösmál hf.
JMfógmtMafrlfr
Áskríftarsíminn er 83033
Mál Pólarpijóns í Bandaríkjunum:
Fallist á vaxta-
kröfur að fullu
Óvenjulegt að
dæmdir séu
vextir í
bandarísk-
um rétti
RÍKISDÓMSTÓLL Kaliforníu
dæmdi nýlega vaxtakröfu Pól-
arprjóns á Blönduósi gegn Ice-
lander Inc. í Bandaríkjunum
verksmiðjunni að fullu i hag.
Mjög óvanalegt er að dæmdir
séu vextir í bandarískum rétti
og því síður að fallist sé á vax-
takröfu að fullu. Með þessu er
dómur endanlega fallinn í einu
umfangsmestu málaferlum sem
íslenskir aðilar hafa átt í erlend-
is, en þau hafa staðið yfir allt
frá miðju ári 1984.
í lok maí var kveðinn upp dóm-
ur í málinu þar sem allar efniskröf-
ur voru dæmdar Pólarpijóni í hag,
en úrskurði um vaxtakröfu fre-
stað. Sá úrskurður lá loks fyrir í
þessari viku og þá var ljóst að
fallist hafði verið á allar kröfur
verksmiðjunnar. Nemur heildar-
krafan tæpum 11 milljónum
króna. Hins vegar er kostnaður
við málarekstur orðinn svo mikill
að ekki er endanlega ljóst hver
fjárhagslegur ávinningur af mál-
inu verður að lokum.
Mál þetta átti upphaflega að
vera einfalt innheimtumál að hálfu
Pólarpijóns en varð áður en yfir
lauk að afar flóknum og kostnað-
arsömum málarekstri, sem átti
þátt í því að verksmiðjan varð að
leggja upp laupana í desember
síðast liðnum. Málferlin hafa stað-
ið í fjögur ár en eðlilegur afgreiðsl-
utími innheimtumála í Banda-
ríkjunum er að jafnaði innan við
hálft ár.
Forsaga málsins er á þá lund
að um mitt ár 1984 sendi Pólar-
prjón utan ullarvörur að verðmæti
um 200 þúsund dollara til Iceland-
er Inc. í Bandaríkjunum. Fyrirtæki
þetta, sem er í eigu hjónanna
Dorette og Áma Egilssonar, rekur
verslanir víða í Bandaríkjunum og
hefur selt meðal annars íslenskar
ullarvörur. Pólarpijón krafðist
ekki tryggingar fyrir sendingunni
og svo fór að hún fékkst aldrei
greidd.
Er vanskil urðu ákváðu forráða-
menn Pólarpijóns að leita til Út-
flutningsmiðstöðvar iðnaðarins
um milligöngu við reksturs inn-
heimtumáls í Bandaríkjunum. Út-
flutningmiðstöðin fól ræðismann
íslands í Chicago að sjá um málið
en svo óhönduglega vildi til að því
var blandað saman við annað
óskylt mál, þar sem Icelander fyr-
irtækinu var stefnt fyrir ólömæta
viðskiptahætti. Þetta var gert án
þess að Pólarpijón vissi hve flókinn
málarekstur verið var að leggja
út í.
í kjölfar málhöfðunarinnar í
Chicago stefndi Icelander Inc.
fjölda íslenskra fyrirtækja fyrir
hringamyndun. Þeirra á meðal
voru öll stærstu ullarvörufyrirtæk-
in , Álafoss, Hilda og Sambandið.
Hér var um margra milljóna doll-
ara kröfu að ræða.
Eftir að mistekist hafði að leita
sátta seint á árinu 1985 réði Pólar-
pijón þekkta bandaríska lögfræði-
stofu til þess að annast málarekst-
ur fyrir sig. Málið var orðið óhemju
flókið og vandasamt og störfuðu
10 til 20 lögfræðingar að jafnaði
við það, bæði í Chicago og Los
Angeles.
Eftir að Álafoss og Sambandið
höfðu verið sýknuð af samsæris-
ákærunni varð að samkomulagi
að sameina bæði málin í eitt fyrir
fylkisdómsstóli Kaliforníu. Þá
stóðu fyrirtækin Pólarpijón og
Hilda^ein enn í málafelunum.
í byijun þessa árs kvað dómar-
inn í Kalifomíu upp þann úrskurð
að kviðdómur skyldi dæma í sam-
særismálinu og þegar það væri til
lykta leitt yrði innheimtumál Pól-
arpijóns tekið fyrir. Þetta þýddi
tveggja ára málarekstur í viðbót
við þau þijú og hálft ár sem málið
hafði þegar tekið. Ljóst var að
þetta hefði mikinn aukakostnað í
för með sér og ólíklegt að málsaðil-
ar réðu við þann málarekstur. Þá
hafði bússtjóri þrotabús Pólar-
pijóns tekið við málinu eftir að
stjórn þess sá sig tilneydda að lýsa
fyrirtækið gjaldþrota í desember
síðast liðnum.
Það varð því að samkomulagi á
milli málsaðila að afgreiða sam-
særismálið með samkomulagi og
var þá loksins hægt að taka inn-
heimtumál Pólarpijóns til dóms.
Það var því stuttu fyrir páska
að hið upphaflega innheimtumál
Pólarpijóns kom fyrir rétt. Eins
og áður sagði var í lok síðasta
mánaðar kveðinn upp dómur í
málinu þar sem fallist var á allar
efniskröfur Pólarpijóns. Með tilliti
til íslenskra lagavenja var jafn-
framt fallist á sanngimi vaxtakr-
öfu. Úrskurður um að fallist hefði
verið á vaxtakröfu Pólarpijóns að
fullu var svo kveðinn upp í vik-
unni. Nema vextir á kröfuna 7%
á ári frá afhendingu vörusending-
arinnar til uppkvaðningar dóms
en 10% frá dómskvaðningu til
greiðsludags.
Fjöldi manna hafa farið héðan
utan til að bera vitni auk þess sem
skjalagerð í málinu nemur þúsund-
um blaðsíðna. Heimir Hannesson
hdl hefur farið með þessi mál á
íslandi fyrir Álafoss frá upphafi
og einnig mál Pólarpijóns eftir að
það kom fyrir dóm í Kalifomíu.
Hann hefur jafnframt séð um sam-
vinnu við bandarísku lögmennina
sem farið hafa með mál þessara
fyrirtækja þar í landi.
FATASKÁPAR
FRÁOKKUR ERU LAUSNIN
Smiðjuvegi 9, Kópavogi,
sími (91)43500