Morgunblaðið - 14.06.1988, Page 41
f
<voo* TT/trr »r rci t-» » (Tia«5 <JT1¥ftl^0Wt9M rTGTWJ1
MORGUNBLAÐIÐ, VIÐSKlPll/AIVINNULÍF ÞRIÐJUDAGUR 14. JÖNÍ 1988
41
+
Of f setfj ölritun
Hraðvirk-
ari leið
í útlits-
teiknun
FJÖLRITUNARSTOFAN Stens-
ill hefur fyrir nokkru tekið í
notkun nýtt tölvukerfi, Intelli-
press, sem gerir það kleift að
tölvusetja og útlitsteikna fyrir
offsetfjölritun á miklu hraðvirk-
ari hátt en áður.
Þetta kerfi á að henta vel þeim,
sem vinna texta með ritvinnslu-
kerfi. Stensill tekur við texta frá
ýmsum kerfum, ásamt töflum og
teikningum úr fjölda forrita.
— Þegar einu sinni er búið að
setja upp fréttabréf eða eitthvað,
sem á að koma út reglulega, þá er
uppsetningin til staðar og þó að
komið sé þá með alveg nýtt efni,
þá er unnt að setja það inn í þá
uppsetningu, sem fyrir var, sagði
Þór Sveinsson, kerfisfræðingur hjá
Stensli. - Þá leggjum við áherzlu
á, að fólk skili textanum sem hrein-
ustum. Það skiptir ekki máli, þótt
textinn líti ekki sem bezt út á skján-
um hjá viðkomandi. Textinn á hvort
sem er eftir að breytast í umbrotinu.
Nú starfa 8 manns hjá Stensli.
Fyrirtækið hefur verið til húsa í
Nóatúni 17, en flytur bráðlega að
Suðurlandsbraut 4, þar sem fyrir-
tækið er að kaupa sérhannað hús-
næði fyrir starfsemi sína.
Tölvumennt
dBase III + á íslenzku
TÖLVUFRÆÐSLAN hefur fyrir
skömmu gefið út tvær nýjar
tölvubækur. Er önnur þeirra
kennslubók í gagnasafninu dBase
III Plus, en hin kennslubók í notk-
un töflureiknisins Multiplan.
Mikill fjöldi erlendra bóka er til
um þetta kerfi, en skort hefur að-
gengilegt efni um það á íslenzku.
Bókinni er ætlað að bæta úr þessari
þörf, því hún á einnig að vera að-
gengileg sem uppsláttarrit.
Bókin er rúml. 250 bls. og þar
er kennd notkun kerfisins. Fjalla
fyrstu sex kaflarnir um almenna
notkun en sjöundi kaflinn er um
forritun.
Höfundar eru aðallega þeir Óskar
B. Hauksson verkfr. og Eyþór Ólafs-
son verkfr., en einnig hafa þeir
Gunnar Jacobsen iðntæknir, Björn
Jónsson verkfr. og Guðni B. Guðna-
son tölvunarfr. lagt sitt af mörkum
við samningu bókarinnar.
Aður vai- komin út bókin um
Multiplan. Hún er nær 330 bls. og
er samin af Ellert Ólafssyni. Bókinni
fylgir disklingur með 42 æfingum
og verkefnum, sem leyst eru í bók-
inni.
TOLVUBÆKUR — Tvær nýjar bækur frá Tölvufræðslunni.
Önnur er um gagnasafnskerfið dBase III+, en hin um töfjureikninn
Multiplan.
Verðbréf
A vöxtun sumra verðbréfa-
sjóða gæti lækkað
— vegna efnahagsráðstafana ríkisstjórnarinnar
EFNAHAGSRÁÐSTAFANIR ríkissljórnarinnar gagnvart verðbréfa-
sjóðum felast sem kunnugt er í því, að eftir 1. júlí verður þeim skylt
að kaupa ríkisskuldabréf fyrir a.m.k. 20% af ráðstöfunarfé sjóðanna.
Aðgerðirnar munu hafa þau áhrif að ávöxtun sumra verðbréfasjóða
gæti lækkað, þ.e. þeirra sem ekki hafa haft á stefnuskrá sinni að
kaupa ríkisskuldabréf. Þetta eru almennt sjóðir sem fela í sér meiri
áhættu en gefa jafnframt hærri ávöxtun. Áhrifin verða aftur á móti
minni eða engin hjá sjóðum sem hingað til hafa keypt rikisskuldabréf.
Gunnar Helgi Hálfdánarson,
framkvæmdastjóri Fjárfestingarfé-
lagsins sagði að aðgerðirnar hefðu
lítil áhrif á flesta verðbréfasjóði.
„Þetta mun hafa hverfandi lítil áhrif
á verðbréfasjóði framan af. Það er
spurning um þá sjóði sem hafa ekki
á stefnuskrá sinni að fjárfesta í ríkis-
skuldabréfum. Eitthvað mun draga
úr ávöxtun þeirra en jafnframt verða
þeir traustari," sagði Gunnar.
Davíð Björhsson, deildarstjóri
verðbréfadeildar Kaupþings, sagði
aðgerðírnar hafa þau áhrif að ávöxt-
un á Einingabréfum 3 myndi lækka
til lengri tíma litið. Áhrifin yrðu aft-
ur á móti engin á ávöxtun
Skammtímabréfa eða Einingabréfa
2. Taldi Davíð að með aðgerðunum
væri ríkisvaldið að neyða minni
áhættu inn á sparifjáreigendur sem
vildu taka áhættu.
Að sögn Vilborgar Lofts, hjá
Verðbréfamarkaði Iðnaðarbankáns,
er stefnt að því að lögin hafi ekki
áhrif á ávöxtun Sjóðsbréfa 1 og 2.
Sagði Vilborg að tiltölulega mikið
af ríkisskuldabréfum væri í sjóðun-
um.
Packard gefur
til góðgerðarmála
DAVID Packard, stjómarform-
aður Hewlett-Packard-fyrirtæk-
isins, hefur ákveðið að gefa tvo
milljarða dollara, rúmlega 80
milljarða ísl. kr., til góðgerðar-
mála. Er það í samræmi við gam-
alt lieit hans, konunnar hans
heitinnar og barnanna þeirra
fjögurra.
A næstu árum munu öll hluta-
bréf Packards í Hewlett-Packard
Co. ganga til Davids og Lucile Pack-
ard-sjóðsins, sem verður þá einn
af fimm eða sex stærstu sjóðum
sinnar tegundar í Bandaríkjunum.
Auðugastur þeirra er Ford-sjóður-
inn, en hann ræður yfir 4,7 milljörð-
um dollara.
“Við ákváðum snemma, að það
væri þetta, sem við vildum, og unn-
um að því í 25 ár að geta hrint því
í framkvæmd," sagði Packard, en
hann er nú hálfáttræður að aldri.
“Ef við gerum ráð fyrir, að markað-
urinn verði áfram sterkur verða
hlutabréfin jafnvel enn meira virði
og sjóðurinn mun þá geta ráðstafað
100 milljónum dollara árlega."
Sjóðurinn, sem var stofnaður og
skráður árið 1964, ræður nú yfir
145 milljónum dollara og ráðstafar
til ýmissa framfaramála um 10
milljónum dollara á ári. Skrifstofa
sjóðsins er skammt frá Stanford-
háskóla þar sem fundum þeirra
verkfræðistúdentanna, Packards og
Williams Hewletts, bar fyrst saman
fyrir 49 árum, en samstarfið hófu
þeir í litlum bílskúr.
Packard, sem eins og fyrr segir
er stjórnarformaður Hewlett-Pack-
ards, var aðstoðarvarnarmálaráð-
herra á árunum 1969-71 og nýlega
gegndi hann formennsku í nefnd,
sem Ronald Reagan forseti skipaði
til að leggja á ráðin um breytingar
á stjómun Pentagons, bandaríska
hermálaráðuneytisins.
Lucile Packard, sem lést í maí
fyrir ári, hafði mikinn áhuga á vel-
ferðarmálum bama og mun drjúgur
David Packard
hluti af ráðstöfunarfé sjóðsins
renna til þeirra mála. Þá mun á ári
hveiju verða varið 10 milljónum
dollara til hjálparstarfs og fjöl-
skylduáætlana í þriðja heiminum.
Sérstök áhugamál Packards end-
urspeglast einnig í framlögum
sjóðsins og því verður 10 milljónum
dollara varið í námsstyrki til ungra
prófessora í verkfræði og vísindum.
Eiga þeir að auðvelda þeim að halda
áfram rannsóknar- og kennslustörf-
um.
Tuttugu milljónum dollara verður
ráðstafað til menntunarmála og til
að aðstoða fjölskyldur og unglinga,
sem eiga í einhveijum erfiðleikum.
Hefur þetta starf ekki verið fullmót-
að enn, en til þess má meðal ann-
ars telja umönnun ungra barna,
starfsþjálfun, framlög til mennta-
stofnana blökkumanna og áætlanir
um að vinna gegn eiturlyfjanotkun
og ótímabærum barneignum ungl-
ingsstúlkna.
KENWOOD
ÞAÐ VERÐUR ENGINN FYRIR VONBRIGÐUM MEO KENWOOD HEIMILISTÆKIN
TAUÞURRKARAR
2 STÆRÐIR
3 KG. VERÐ KR. 20.660
4 KG. VERÐ KR. 21.950
Viðgerda- og
varahlutaþjónus ta