Morgunblaðið - 14.06.1988, Side 27
MORGUNBLAÐIÐ, ÞRIÐJUDAGUR 14. JÚNÍ 1988
27
GÖNGUFERÐ
TIL SELVOGS
Þegar við göngum til Selvogs,
gömlu þjóðleiðina um Grindaskörð,
liggur beinast við að hefja gönguna
frá nýja Bláfjallaveginum þar sem
hann sker gömlu Selvogsgötuna neð-
an Grindaskarða, en þar er gamla
gatan mjög greinileg og vel vörðuð.
Við skulum horfa til Grindaskarða
og sjáum þá nokkra hnúka, á milli
þeirra eru skörð, sem nefnast
Grindaskörð. Austasti hnúkurinn er
Stóri Bolli en vestan hans eru tveir
hnúkar saman og voru þeir ýmist
kallaðir Miðbollar eða Tvíbollar og
hefir Tvíbollanafnið meira verið not-
að í seinni tíð. Vestan við Tvíbolla
er Kerlingarskarð, en vestan þess
eru Syðstu Bollar sem einnig eru
nefndir Þríbollar. Við fylgjum gömlu
götunni og stefnum í Kerlingar-
skarð, leiðin er nokkuð á fótinn og
síðasta spölinn upp i skarðið allbr-
ött, en þegar upp er komið blasir
við mikið útsýni til norðurs. I björtu
veðri er sjálfsagt að staldra við og
njóta útsýnisins um leið og mæðinni
er kastað. Eftir góða hvíld höldum
við ferðinni áfram og fylgjum göt-
unni í gegnum hlið á gamalli girð-
ingu, verða þá fljótlega á vegi okkar
tvær vörður og þar eru gatnamót.
Hér greinist leiðin til Selvogs, vest-
ari leiðin liggur milli Austurása og
Vesturása og greinist þar í tvær leið-
ir, Hlíðarveg og Stakkahlíðarveg.
Þessar leiðir eru vel varðaðar og
voru einkum farnar af fótgangandi
mönnum því að erfitt var að fara
með hesta um brött skörðin af fjalls-
brún og niður í Selvog. Við förum
hinsvegar austari leiðina, þá sem
farin var með lestir, og liggur leið
okkar hjá myndarlegum gig sem er
við mikla misgengissprungu sem
heitir Stórkonugjá.Gígur þessi er á
sýslumörkum Ámessýslu og
Grindavíkurkaupstaðar og er merkt-
ur sem Litla Kóngsfell á kortum.
Við förum vestan undir gígnum að
heiðardrögum Heiðarinnar Há og
göngum milli hrauns og hlíðar, kall-
ast þar Grafningur, en eftir nokkum
spöl komum við í grösugan hvamm
sem heitir Stóri Leirdalur. í Stóra
Leirdal var áningarstaður þeirra sem
áður fyrr vom hér í lestarferðum,
og við skulum halda þeim sið, enda
kjörinn staður til þess að setjast nið-
ur og taka til matar síns. Eftir hæfi-
lega hvíld höldum við ferðinni áfram
og úr Stóra Leirdal liggur leiðin upp
allbrattan háls sem er á milli Hval-
hnúks og Hvalhnúks vestari, kallast
þetta Hvalskarð. Sunnanvert við
- 94
-.«. ■■ffyri -.'Spr‘% jqp&' '>
skarðið komum við á hraun úr Heið-
inni Há, þar er allbrött brekka eða
brún í hrauninu og heita þar Hval-
skarðsbrekkur. Þar er gata með
hlíðinni sem tekur örlítið austlæga
stefnu á kafla, síðan tekur gatan
stefnu nær suðri og þá er brátt kom-
ið í Litla Leirdal sem er slakki í
hrauninu með nokkmm gróðri. Þá
er farið að halla suðuraf og Urðar-
fell blasir við, en leið okkar liggur
um Strandadal og Katlabrekkur,
sem em vestan þess, og emm við
þá komin ofan af fjallinu.
Hér úr brekkunum horfum við
yfir byggðina í Selvogi, sem er nú
fámenn og lætur lítið yfir sér en er
einkar vinaleg. Fyrr á öldum, áður
en uppblástur og sandfok eyddu
gróðri, bjuggu hér stórhöfðingjar,
svo sem Erlendur lögmaður Þor-
valdsson, sem var einhver mesti
höfðingi íslendinga á sextándu öld.
Þá má nefna þann merka klerk, séra
Eirík Magnússon í Vogsósum, sem
var uppi 1638—1716. Honum var
svo lýst af samtíðarmanni: „Eiríkur
Áð á leiðinni.
var fom í skapi og fjölkunnugur og
gekk hann mjög í hóla og gerði
marga hluti undarlega." Af fjöl-
kynngi Eiríks em til margar sögur.
Ekki má gleyma að nefna séra Eg-
gert Sigfússon, sem var prestur í
Selvogi frá 1884 til 1908. Séra Eg-
gert þótti nokkuð undarlegur í hátt-
um og em margar bráðskemmtilegar
sögur til af honum.
Héðan úr brekkunum er stutt leið
að eyðibýlinu Hlíð við Hlíðarvatn,
en þar ljúkum við göngunni. í ferða-
lok er rétt að minnast séra Jóns
Vestmanns sem var prestur í Sel-
vogi um 1840, en fluttist síðan á
Kjalames. Hann orti svo um Selvog:
Sakna ég úr Selvogi
sauðagöngu og ánna,
silungsafla og selveiði,
en sárast allra tijánna.
Ferðafélag íslands efnir til göngu
um þessar slóðir sunnudaginn 19.
júní nk. og tekur gangan um sjö
klukkustundir, með góðum hvíldum.
Ólafur Sigurgeirsson
ÞAÐ SEM SKIPTIR MA'
GÆÐI, ÚTLIT, V
Það er...
þægilegt, stílhreint,
ódýrt, endingargott
Það er .—■—
Tegund: BALI 3+2+1
...fyrir þá sem vilja gæði
REYKJAVÍK