Morgunblaðið - 13.12.1990, Qupperneq 73

MORGUNBLAÐIÐ FIMMTUDAGUR 13. DESEMBER 1990
73
IngveldurF. Olafs-
dóttír - Minning
Fædd 10. janúar 1915
Dáin 1. desember 1990
Með fáum orðum vil ég kveðja
mágkonu mína Ingveldi Fjeldsted
Ólafsdóttur. Inga, eins og hún var
ávallt kölluð, fæddist 10. janúar
1915 á Snæfellsnesi. Hún ólst upp
Irjá foreldrum sínum, Elísabetu og
Olafi, á Hellissandi í litlu húsi sem
hét Hvammur, ásamt systkinum
sínum sem nú eru öll látin. Tvö
þeirra dóu í bernsku. Systkinin
voru: Inga, Sigríður, dáin 1975,
tvíburarnir Oddur, dáinn 1980, og
Eggert, dáinn 1943, Jóhann, dáinn
1981, var hann eiginmaður minn,
og yngstur var Sigurður, dáinn
1985. Svo áttu þau einn hálfbróð-
ur, Finnboga Pétursson, sem var
elstur, dáinn 1974.
Öllum systkinum sínum var Inga
sem önnur móðir, sérstaklega var
hún Jóhanni góð. Hann kom ungur
til hennar og átti sitt heimili hjá
henni þar til við giftum okkur árið
1945. Inga giftist Hannesi Sigur-
jónssyni húsgagnabólstrara árið
1935 og áttu þau ávallt sitt heimili
í Hafnarfirði og lengst af á Hellis-
götu 18. Þau eignuðust fjögur börn,
Elísabetu, Siguijón, Eggert-og Auð-
björgu sem eru öll gift og eiga börn
og barnabörn svo að hópurinn er
orðinn stór.
Hannes sinn missti Inga í sept-
ember 1985 og var það henni stórt
áfall og fannst mér hún aldrei ná
sér eftir það. Hún seldi hús sitt og .
flutti að Hjallabraut 33 og bjó þar
eftir það. Það var. alveg sama hvar
Inga bjó, heimili hennar var alltaf
huggulegt og yfir henni sjálfri Var
sérstakt yfirbragð og reisn.
Ég á bágt með að sætta mig við
að hitta ekki Ingu mína næst þegar
ég kem heim til íslands því hún var
mér svo sérstaklega kær. Alltaf gat
ég leitað til Ingu og var hún mér
eins og stóra systir, alltaf boðin og
búin til að hjálpa og margt lærði
ég af henni.
Margt rennur í gegnum hugann
þegar Inga er kvödd. Langar mig
að nefna eitt dæmi um hjálpsemi
hennar. Þann 10. janúar 1949 eign-
uðumst við hjónin son sem hún
sagði að væri afmælisgjöf sín. Dag
þennan snjóaði mikið og allt var
ófært, raímagnið fór af og allt var
dimmt. Ekki lét Inga það á sig fá
og þau Hannes komu með mat og
kökur til okkar, hún átti jú afmæli
og var búin að baka og elda áður
en óveðrið skall á svo henni fannst
að við ættum að njóta þess saman
en það var löng leið frá Hellisgötu
og suður á Suðurgötu þar sem við
bjuggum. Þetta var bara eitt dæmi
um hugulsemi hennar og þannig
var hún, ef einhver átti bágt þá
reyndi hún alltaf að hjálpa þeim
eftir bestu getu.
Inga var ekki hraust um ævina
og var oft á spítala en alltaf náði
hún sér upp aftur. Eftir að hún
missti Hannes var eins og hún
gæfist upp og hefði ekki kraft til
að lifa eins og hún gjarnan vildi.
Inga mín kom fjórum sinnum í
heimsókn til okkar í Danmörku og
fyrir hálfum mánuði talaði ég við
hana í síma og sagði hún þá að hún
mldi svo gjarnan koma til mín og
sagði svo að lokum „ég kem í heim-
sókn en hvernig og hvenær veit ég
ekki“. En nú er hún Inga mín horf-
in héðan úr þessum heimi og veit
ég að vel er tekið á móti henni af
öllum sem á undan henni eru farnir
í annan heim.
Bið ég góðan Guð að vera með
Ingu og börnum hennar og þeirra
stóra hóp og styrkja þau í þeirra
sorg. Ég kveð mín kæru mágkonu
og þakka henni fyrir allt sem hún
hefur verið mér og mínum börnum.
Soffía Valborg Björnsdóttir
Broager, Danmörku.
Þegar við fengum fréttina um lát
ömmu, Ingveldar Fjeldsted Ólafs-
dóttur, kom það eins og reiðarslag.
Af hveiju núna? var spurningin sem
kom upp í huga mér, þegar aðeins
voru tvær vikur þar til að við mynd-
um hitta hana eftir ársdvöl í Dan-
mörku.
Nú verður ekki hægt að banka
upp á hjá ömmu og segja „hæ við
erum komin“ og sjá brosið hennar
þegar hún tæki á móti okkur.
En vegir Guðs eru órannsakan-
legir og rétti tíminn ekki til í huga
okkar sem eftir sitjum og syrgjum.
Amma missti mikið þegar afi,
Hannes Siguijónsson, lést árið
1985. Þau voru samheldin og yndis-
leg hjón sem alltaf var gott að vera
hjá.
Þegar við barnabörnin vorum lítil
voru engin jól nema farið væri í
boð til ömmu og afa á jóladag. Þar
sat öll stórfjölskyldan saman, börn
og barnabörn og voru það bestu
stundirnar hjá okkur öllum.
Það leið ekki svo sumar að þau
færu ekki í ferðalög og margar
veiðiferðir voru farnar og riijast upp
minningarnar er við fórum með
ömmu og afa í einhveija ferðina.
Eftir lát afa fluttist amma að
Hjallabraut 33 í Hafnarfirði. Amma
var félagslynd kona og íbúar húss-
ins, sem allir eru eftirlaunaþegar,
hittust oft til að spila eða spjalla.
Amma var komin í skemmtinefnd
hjá íbúunum svo það var í miklu
að stússast en þannig leið henni
best.
Hún var fljót að taka ákvarðanir
og minnti á táningsstelpu þegar hún
ákvað með tveggja daga fyrirvara
að skella sér í fimm vikna ferð til
Spánar í apríl 1989. Þetta var ferð
sem amma fékk mikið útúr og varð
hún dökkbrún að vanda og sælleg.
Amma og afi eignuðust fjögur
börn, fjórtán barnabörn og barna-
barnabörnin eru nú orðin níu. Þótt
flest þeirra séu ung að árum og
kynnin við ömmu hafi því verið stutt
er víst að við þau sem eldri erum
höldum minningu ömmu og afa á
lofti.
Það situr ofarlega í huga mér
að þegar ég tilkynnti ömmu að ég
ætti von á barni sagði hún ,já, það
gengur svona lífið“ og það er eins
og það er því gangur lífsins er
fæðing og dauði.
Nú er röðin komin að ömmu að
fara sína síðustu ferð og ég veit
að afi tók á móti henni á miklu
betri stað. Nú eru elsku amma og
afi saman á ný.
Þóra, Guðmundur og
- Atli Freyr
+
Eiginkona mín, móðir okkar, tengdamóðir, amma og langamma,
ÞÓREY BÖÐVARSDÓTTIR,
Urðarholti 7,
Mosfellsbæ,
verður jarðsungin frá Dómkirkjunni fimmtudaginn 13. desember
kl. 13.30.
Guðmundur Björnsson,
börn, tengdabörn,
barnabörn og barnabarnabörn.
Útför eiginmanns míns, föður, tengdaföður og afa,
KRISTJÁNS B. G. JÓNSSONAR,
Blönduhlíð 5,
verður gerð frá Dómkirkjunni föstudaginn 14. desember kl. 10.30.
Eva Kristjánsdóttir,
Jón Gauti Kristjánsson,
Kristjana Kristjánsdóttir, Stefán Magnússon,
Þórdís Anna Kristjánsdóttir,
Guðbjörg Eva Kristjánsdóttir, Óskar Karlsson
og barnabörn.
+
Móðir okkar, tengdamóðir, amma og langamma,
SIGRÍÐUR EINARSDÓTTIR,
Laugateig 14,
lést í Landsspítalanum, 11. desember.
Helga Gunnarsdóttir, Birna Eybjörg Gunnarsdóttir,
Sigurgeir Steingrímsson, Jóhannes Reykdal,
Steingrímur Sigurgeirsson, Helga Margrét Reykdal,
Gunnur Sif Sigurgeirsdóttir, Sigríður María Reykdal,
Solveig Ýr Sigurgeirsdóttir, Jóhannes Reykdal,
Embla Sigurgeirsdóttir, , Gunnar Þór Reykdal,
Iðunn Arna Björgvinsdóttir.
+
Hjartans þakkir fyrir auðsýnda samúð og hlýhug við andlát og
útför eiginmanns míns, föður okkar, tengdaföður og afa,
ODDS GUÐBJÖRNSSONAR
bónda,
Rauðsgili, Hálsasveit.
Ingibjörg Jónsdóttir,
Björn Oddsson,
Steinunn Oddsdóttir, Sigurvin Jónsson,
Jón Aðalsteinn Jónsson, Salóme Högnadóttir
og barnabörn.
Minning:
Ove Abildgaard
Fæddur 17. september 1917
Dáinn 11. október 1990
Ove fæddist í Lenvig á Jótlandi.
Hann lagði ungur stund á lögfræði
og bókmenntir við Kaupmanna-
hafnarháskóla. Æviverk hans voru
unnin á vettvahgi bókmennta og
lista. Hann haslaði sér völl sem ljóð-
skáld árið 1946 þegar hann gaf út
kvæðabókina „Uglegylp". Hand-
bragð snillingsins og fagurkerans á
Ijóðunum vöktu þá þegar athygli
og aðdáun. Og víst er það að ný
ljóðmæli frá hans hendi þóttu ætíð
bókmenntaviðburður hjá dönskum
ljóðaunnendum.
Ove Abildgaard voru veittar
margvíslegar viðurkenningar um
ævina fyrir ritstörf sín. Síðast fyrir
tveimur árum hlaut hann „Holger
Drachmanns Legat“. Skáldið náði
ekki að sjá sína síðustu ljóðabók
„Det Bli’r Hængende“ en hún kom
út hjá Gyldendal nokkrum dögum
eftir lát Ove.
Ove Abildgaard kvæntist árið
1948 Unni Skúladóttur Thorodd-
sen. Þau áttu mikilli heimilisham-
ingju að fagna. Þar ríkti einhugur,
samheldni og hjartahlýja. Barnalán
hlotnaðist þeim, eignuðust þau þijú
elskleg börn: Rúnu Kvaran, Claus
og Ulver Skúla.
Það er liðinn hartnær aldarfjórð-
ungur síðan ég kom fyrst á heimili
þeirra hjóna á Friðriksbergi í Kaup-
mannahöfn. Margar góðar stundir
hef ég átt með þeim, notið gestrisni
þeirra, velvildar og vinsemdar.
Unnur og Ove voru veitandi í
fleiri en einum skilningi. Hann var
rneð afbrigðum málsnjall, allra
manna skemmtilegastur, hnyttinn
í orðum og kíminn og frásögn hans
öll gædd lífi og lit. Röddin lág, djúp
og viðfelldin. Unnur skáld augna-
bliksins, fjöreggið hans Ove. Fáar
konur hef ég þekkt sem eru eins
rammíslenskar og hún. Þó hefur
Unnur verið fjarri fóstuijörðinni í
hálfa öld.
Á sólbjörtum maídegi síðastljðið
vor heimsótti ég þau hjónin. Vor-
blærinn bar angan af nývöknuðum
gróðri. Nú þegar skáldið er horfið
sjónum okkar, hefur haustað að og
blöð bjarkarinnar á Friðriksbergi
eru fallin og sölnuð.
Innilegar samúðarkveðjur send-
um við Bolli til Unnar og barnanna.
Ragnhildur Helgadóttir
Útför
GUÐRÚNAR ÓLAFSDÓTTUR,
Hringbraut 102,,
fer fram frá Dómkirkjunni föstudaginn 14. desember kl. 13.30.
Óskar Lárusson, Þórhalla Guðnadóttir,
Lárus Ýmir Óskarsson, Heiga Guðrún Óskarsdóttir.
+
Áskær bróðir okkar og vinur,
KÁRI KRISTJÁNSSON
frá Kárastöðum,
Skagaströnd,
er lést á Héraðshælinu, Blönduósi, 11. desember, verður jarðs-
unginn frá Hólaneskirkju, Skagaströnd, laugardaginn 15. desemb-
er kl. 14.00.
Systkini og aðstandendur.
+
Útför föður okkar, tengdaföður, afa og langafa,
EIRÍKS MARINÓS BERGSSONAR,
Yrsufelli 15,
Reykjavfk,
er lést 20. nóvember, hefur farið fram.
Fyrir hönd aðstandenda, ....
Þor Nielsen,
— Katla Níelsen.
+
Innilegar þakkir fyrir auðsýnda samúð og hlýhug við andlát og
útför systur minnar,
SIGRÚNAR HELGADÓTTUR
frá Grímsey,
Hátúni 10 A, Reykjavík.
Guðlaug Helgadóttir,
Jaðarsbraut 11,
Akranesi.
+
Hjartanlegar þakkir fyrir samúð og vinarhug við andlát og útför
eiginkonu minnar, dóttur, móður og ömmu,
GUÐMUNDU JÓNU BENEDIKTSDÓTTUR,
Hnifsdal.
Ólafur Friðbjarnarson, Ingibjörg Guðmundsdóttir,
Smári Ólafsson, Ingibjörg Jóna Benediktsdóttir,
Benedikt Ólafsson, Ásdís Kristjánsdóttir,
Andrea Benediktsdóttir.