Morgunblaðið - 01.10.1991, Side 12

12
iogi 5I3£iot)ío .i H’JDAaiaaiíw aig/_iavniOH'
MORGUNBLAÐIÐ ÞRIÐJUDAGUR 1. OKTOBER 1991
EUQO-HAIR
á Islandi
' ■ ihlit’AKPAV.MM
Lausnin er: Enzymor
Nýtt í Evrópu
■ Engin hárígræðsla
■ Engin gerfihár
■ Engin lyfjameðferð
■ Einungis tímabundin notkun
Eigið hár með hjálp lífefha-orku \
091-676331e.ki.i6.oo
SPECK
Lensi-, slor-, skolp-,
sjó-, vatns- og
holræsa-dæiur.
Útvegum einnig dælu-
sett meö raf-, Bensín-
og Diesel vélum.
iíMoteMiMr cJiérD®@®in! & ©@ M.
Vesturgðtu 16 - Sónar 14680-132»
VERIÐ
VELKOMIN
í KRÆSINGARNAR HJÁ
SVÖRTU PÖNNUNNI
tilboð í hverjum mánuði
Októbertilboð
Fiskismellur
Fiskur, franskar
og remolaði 490kr.
Stórir hópar
fá gos og eftirrétt
Stórir hópar 15-50 manns sem
koma og borða hjá Svörtu
pönnunni fá gos og eftirrétt í
kaupbæti.
Konur konur
Myndlist
Bragi Asgeirsson
Menn hafa stundum velt því
fyrir sér, hví myndlistarmenn
sinni konuformum meira en karla.
Skýringin liggur þó í augum uppi
og hér er af grunnhyggni spurt,
einfaldlega eru form konulíka-
mans yfírleitt fjölþættari og mýkri
en form karlmannsins. Og þó
skýtur það skökku við, að líkami
karlmannsins í allri sinni nekt
hefur mun lengur verið dýrkaður
í myndlistinni en konulíkaminn,
en hér var um margt meira um
hetjudýrkun að ræða en form-
ræna, þótt öll hin reiknifræðilegu
lögmál hlutfallanna komi greini-
legar fram í líkama karlmannsins.
Það er í raun og veru broslega
stutt síðan menn tóku að dýrka
konulíkamann í myndlistinni og
helst það að nokkru í hendur með
stofnun listaháskóla en á sér fleiri
orsakir.
Konur mega þess vegna frekar
vera stoltar af þessum staðreynd-
um, en að þær hafi ástæðu til að
kvarta yfír misnotkun kvenlíkam-
ans, því að hér er ekki um neina
misnotkun að ræða nema í augum
fólks sem hefur tamið sér van-
þroskað og ósiðlegt hugarfar.
En auðvitað er allt misnotað
af sumum, en það er allt annað
mál. Þessar línur eru settar á blað
í tilefni sýningar Öldu Ármönnu
Sveinsdóttur í kaffistofu Hafnar-
borgar, Menningár- og listastofn-
un Hafnarfjarðar, en henni fer
senn að ljúka.
Alda sýnir þar 20 málverk, sem
öll eru af konum, en pent hugs-
andi fólki til huggunar þá skal
tekið fram að þær eru flestar í
fötum. Alda er fyrst og fremst
myndmenntakennari og með próf
úr MHI sem slíkur, en bætti svo
við sig lokaáfanga í málun í Mynd-
listaskóla Reykjavíkur.
I eðli sínu kemur fram, að Alda
er ein af þeim, sem þarf skólun
og ef tekið er tillit til þess, þá er
hinn menntunarlegi bakgrunnur
hennar ennþá fullmikið á reiki.
Fram kemur að hún hefur gott
auga fyrir ýmsum sérkennum við-
fangsefna sinna, en þegar því
sleppir þá er uppbygging verk-
anna frekar losaraleg og tilviljun-
arkennd.
Málverkið er harður skóli og
merkilegt er það, að hinir bestu
málarar kvarta oft yfir því hve
erfitt sé að mála og hve þeim
sækist hægt að ná árangri, en
það gera þeir sjaldnast sem láta
málaragleðina ráða og við það
glatast þeim gagnrýnin sýn á eig-
in verk.
A sýningunni bregður fýrir
góðum tilþrifum í sumum verk-
anna svo sem nr. 6 „Kona í græn-
um stól“, „Kona í Kimono“ (15),
sem minnir um margt á Munch
og „Lesefni dagsins" (19). í öllum
þessum myndum nær Alda Ár-
manna sérstæðu myndrænu yfir-
bragði er bendir á vissa hæfileika.
Og einmitt þetta sýnir að Alda á
margt inni og getur miklu betur.
Yatnslitamyndir
Svo sem margur veit þá mun
leit að slyngari vatnslitamálara
en Torfa Jónssyni hér á landi.
Síðast sýndi hann fyrir tveim
árum í Listhúsinu Borg og vakti
sýningin dijúga athygli. Myndir
hans þá voru fremur þoku- eða
móðukenndar eins og margar
fyrri mynda hans, sem gerðar eru
með ^sérstakri tækni sem hann
hafði tileinkað sér.
Undanfarið hefur hann verið
með tvær sýningar í borginni,
annars vegar í húsakynnum
SPRON á Alfabakka 14, en hins
vegar í óformlegu listhúsi Gunn-
ars Gunnarssonar í Þernunesi 4,
Garðabæ.
Á báðum þessum sýningum
kemur í ljós að Torfí styðst nú
meira við hina sígildu tækni og
gerir sér í auknum mæli far um
að draga upp mynd af umhverfí
sínu hverju sinni. Hann hefur víða
farið, m.a. dvalið á Ítalíu og mál-
að á ýmsum sögufrægum slóðum
svo sem hinn forna byggðarkjarna
Fiesole, sem telja má móður Flór-
enzborgar, en einnig Róm og
Pompei. Þá hefur hann gert víð-
reist um ísland og er meginkjarni
sýninga hans afrakstur þeirra
ferðalaga. Maður verður fljótlega
var við að þetta eru um margt
annars konar myndir en hann
hefur sýnt áður og að stemmning-
in og andblær umhverfisins hefur
vikið fyrir sannverðugri lýsingu
ytri byrði þess. Segja má að lista-
maðurinn standi í miðri deiglu,
sé að kanna og þreifa fyrir sér á
nýju tæknisviði og gjalda báðar
sýningarnar þess að nokkru.
Þegar Torfi er á mörkum hins
óhlutlæga og hughrifin ein ráða
ferðinni njóta hæfíleikar hans sín
best. Ekki er hægt að líkja saman
sértækum litaheildum og sann-
Torfi Jónsson vatnslitamálari.
verðugri lýsingu umhverfísins, en
þegar hvort tveggja er gert með
miklum listrænum- tilþrifum er
vont að gera upp á milli.
Torfi er nefnilega ekki eins
hnitmiðaður á þessum nýja vett-
vangi og þeim eldri og þær mynd-
ir sem hann vinnur í eldri tækni,
eða henni bregður fyrir, þykja
mér langsamlega skilvirkastar.
Hinar bera á köflum svip nokkurs
óöryggis á tæknisviði sem krefst
allt annarra vinnubragða.
Þar sem sýnirígunni á Þórunesi
mun lokið, en hún var einungis
opin í þrjá daga yfir tvær helgar,
sleppi ég að geta hennar. Hins
vegar mun sýningin í SPRON
standa fram í október og ber að
vekja athygli á henni.
Hér er það ferskleikinn í með-
ferð vatnslitanna, sem er sterk-
asta hlið listamannsins, svo sem
í myndinni „Morgunbirta" (1) og
„Víðsýni“ (8), en báðar eru úr
myndaflokknum „Orustuhóll."
Aðrar myndir er sérstaka athygli
mína vöktu fyrir svipaða eigin-
leika voru myndirnar „Bæjargilið
í miðnætursólsól" (9), „Harpan“
í Víkurbjargi" (14), „Jökulbirta.
(19) „Á fomum slóðum" (23) og
„Fjöll og fyrirbæri“ (25), sem
sker sig úr fyrir einfalda og ótv-
íræða myndbyggingu. Þótt báðar
sýningarnar hafi sitthvað til síns
ágætis er það vissa mín að úrval
frá báðum sýningunum hefði
kynnt Torfa mun betur sem lista-
mann.
21. umdæmisþing Kiwanis:
Styrkir Kiwanismanna 14 milljónir
Frá afhendingu viðurkenninga fyrir athyglisverðasta styrktarverk-
efnið. Frá vinstri: Hermann Þórðarson umdæmisstjóri, Eyjólfur Sig-
urðsson fulltrúi í heimsstjórn, Nicolina Jacobsen ritari Kiwanis-
klúbbsins Rósan, Færeyjum, Björghéðin Jacobsen kjörforseti Kiwan-
isklúbbsins Thorshavn, Georges Pallvat Evrópuforseti og Alfred
Provasi fulltrúi alheimsforseta.
KIWANISMENN hér á íslandi
og í Færeyjum, en þeir starfa
saman í sama umdæmi, héldu
umdæmisþing að Hótel Sögu
dagana 29. ágúst til 1. septem-
ber. Til þings mættu fuUtrúar frá
44 klúbbum ásamt embættis-
mönnum umdæmisins, ails 160
talsins.
Dagskrá þingsins var fjölbreytt
að venju, en samhliða þinghaldinu
fór fram umfangsmikil fræðsla
þeirra sem taka við stjórn klúbb-
anna.
Kiwanishreyfíngin í heiminum
hefur sett sér þau markmið fyrir
árin 1990-1993 að einbeita kröftum
sínum að verkefnum er lúta að vel-
ferð bama og unglinga. Hefur ver-
ið unnið undir kjörorðinu „Bömin
fyrst og fremst". Á þinginu voru
fluttar skýrslur um starfið á síðasta
starfári og kom þar í Ijos að klúbb-
amir höfðu unnið ötullega að þess-
um markmiðum og unnið að velferð
bama, bæði með gjöfum og fjár-
framlögum og eins vinnuframlagi.
Samtals nema styrkveitingar Kiw-
anismanna tæpum 14 milljónum
króna og vinnuframlag er um 9.700
stundir.
Sérstaka viðurkenningu hlaut
verkefni Kiwanisklúbbsins í Þórs-
höfn í Færeyjum en þeir fengu öll
skólabörn í Færeyjum til þess að
teikna mynd á jólakort sem síðan
var safnað saman og seld. Ágóðan-
um var varið til að styrkja ferð
Færeyskra bama sem þjást af psor-
iasis til íslands þar sem þau leituðu
sér lækninga m.a. með þöðum í
Bláa lóninu. Islenskir Kiwanismenn
studdu einnig við framkvæmd
þessa. Þess má geta að þetta fram-
tak komst í heimsmetabók Guinn-
ess, sem umfangsmesta hóplista-
verk sem unnið hefur verið.
Talsverðar breytingar hafa orðið
á yfírbragði og starfí Kiwanishreyf-
ingarinnar eftir að konur gengu til
liðs við hreyfínguna fyrir nokkrum
ámm. Stofnaðir hafa verið 2 kvenn-
aklúbbar, annar í Reykjavík og hinn
í Færeyjum. Einnig hafa konur
gengið í allmarga eldri klúbba.
Hefur þessi breyting leitt til mikill-
ar fjölgunar í heimshreyfíngunni.
Unnið er að stofnun klúbba í
A-Evrópu og hafa þegar verið
stofnaðir Kiwanisklúbbar í Ung-
verjalandi og Tekkóslóvakíu og
fleiri eru væntanlegir í A-Evrópu
og Sovétríkjunum.
Á þinginu lét af störfum umdæm-
isstjórn undir forsæti Hermanns
Þórðarsonar og við tók ný stjórn
undir forsæti Steindór Hjörleifsson-
ar. Voru Hermanni og stjórn hans
færðar þakkir fyrir vel unnin störf
í þágu Kiwanismanna.
(Úr fréttatilkynningu)