Morgunblaðið - 29.11.1991, Page 60

60
MORGUNBLAÐIÐ FÖSTUDAGUR 29. NÓVEMBER 1991
I minníngu Guð-
mundar Ingólfssonar
Jazzvakning stóð fyrir minning-
artónleikum á Hótel Sögu sl. sunnu-
dagskvöld um Guðfnund Ingólfsson
píanóleikara sem lést síðsumars.
Uppselt var á tónleikana tveimur
tímum áður en þeir hófust. Sá áhugi
sem almenningur sýndi tónleikun-
um lýsir kannski best þeim áhrifum
sern Guðmundur hafði á sína samt-
íð. í Súlnasal var sá harði kjarni
jassáhugamanna sem sækir jafnan
jasstónleika en auk þess þeir sem
kynnst höfðu Guðmundi yfir máls-
verði, kynnst honum á kránum, á
golfvellinum, eða einfaldlega þeir
sem hrifust af goðsögninni um pían-
ósnillinginn sem lifði lífinu hratt og
átti sér engan herra nema listina.
Um 50 tónlistarmenn komu fram
og var dagskráin afar fjölbreytt.
Fyrstir stigu á svið gamlir spilafé-
lagar Guðmundar, Guðmundur
Steingrímsson, Björn Thoroddsen
og Bjarni Sveinbjömsson auk Stef-
áns Stefánssonar. Guðmundur hélt
þessari sveit úti um árabil á
Kringlukránni. Þegar hann féll frá
bættist Stefán í hópinn og leikur
sveitin á hveiju miðvikudagskvöldi
á kránni. Auk þess stigu nokkrar
söngkonur á svið sem höfðu leikið
og lært af Guðmundi, þær Andrea
Gylfadóttir, Linda Gísladóttir og
Björk Guðmundsdóttir, en hún
ásamt hljómsveit Guðmundar Ing-
ólfssonar gerði fyrstu íslensku jass-
plötuna sem hlaut gullsölu, Gling
gló.
Guðmundur var óragur við að
gefa yngri tónlistarmönnum tæki-
færi til að spreyta sig og var að
því leyti ekki ólíkur Art Blakey
sáluga sem aldi upp margan mann-
•^inn. Þrír firnagóðir bassaleikarar
Árni ísleifs afhendir Jazzvakn-
ingu mynd af Guðinundi Ingólfs-
syni.
hófu sinn feril undir handaijaðri
Guðmundar, þeir Skúli Sverrison,
Bjami Sveinbjömsson og Þórður
Högnason. Bjarni og Þórður minnt-
ust meistara síns þetta kvöld. Bjarni
með Bubba Morthens þegar hann
tryllti alla með Burgeisablúsnum.
Bubbi er líklega, af öðrum ólöstuð-
um, sá íslendingur sem best syngur
blús - taumlaus ofsinn og hrá rödd-
in og sú fagmannlega sviðsfram-
koma sem hann sýndi í Burgeisa-
blúsnum er það sem gerir einfalt
blússtef að smágerðu listaverki.
Bubbi framfkitti einnig lag í flam-
enco-anda sem hann samdi í minn-
ingu Guðmundar, Þínir löngu fing-
ur. Frændi hans Haukur blúsaði líka
og steig nokkur létt dansspor við
góðan róm.
„Sveiflan í fótum mér”, Haukur
Morthens.
Guðmundur Steingrímsson, sem
manna lengst lék með Guðmundi
Ingólfssyni, var í stóra hlutverki
þetta kvöld. Auk þess að tromma
með hinum og þessum las hann
hugleiðingu sem Þorsteinn Erlings-
son textahöfundur samdi í minn-
ingu Guðmundar, hugleiðingu um
einfarann í lífinu og listinni, ritsmíð
sem ætti að koma fyrir sjónir al-
mennings. Þá lék hann á bongó-
trommur með syninum Steingrími
sem lék á tabla, og Áskeli Mássyni
tónskáldi, sem barði tyrkneska
bumbu, í verki sem nefndist íris.
Loks er að nefna hljómsveit Árna
ísleifssonar, en góð kynni tókust
með Guðmundi og Árna á jasshátíð-
um sem sá síðarnefndi hefur staðið
fyrir á Egilsstöðum. Árni afhenti
síðan Vernharði Linnet forstjóra
Jazzvakningar ljósmynd sem hann
tók af Guðmundi fyrir austan og
varðveita á í skrifstofu Jazzvakn-
ingar, „sem er í hjörtum jassgeggj-
ara”, eins og Vernharður orðaði
það.
Texti: Guðjón Guðmundsson.
Þrjú prósent í vanda
Kvikmyndir
Arnaldur Indriðason
Lífshlaupið („Defending Your
Life”). Sýnd í Háskólabíói.
Leikstjóri og handritshöfund-
ur: Albert Brooks. Aðalhlut-
verk: Albert Brooks, Meryl
Streep, Rip Torn, Lee Grant.
Dómsdagsborg er ekki slæmur
staður. Þar getur þú t.d borðað
eins mikið af feitum og óhollum
og um leið auðvitað ljúffengum
mat og þú vilt án þess að fitna
hið minnsta. Þar era fínustu hótel
og túristaþjónusta á heimsmæli-
kvarða. Dómsdagsborg er e.k.
himnaríki. Þar era allir látnir.
Borgin er staður þar sem líf þitt
er tekið til nákvæmrar skoðunar
áður en ákveðið er hvort senda
eigi þig aftur til jarðar í öðru lífi
eða áfram til meiri þroska. Þetta
er dreifíngarkerfi karmans.
Dómsdagsborgin er sögusvið
gamanmyndar Albert Brooks,
Lífshlaupið, en auk þess að skrifa
handritið og leikstýra fer Brooks
með aðalhlutverk auglýsinga-
manns sem lendir í bílslysi í upp-
hafí myndarinnar og fer til Dóms-
dagsborgar þar sem framhaldslíf-
ið skal ákveðið. Borginni virðist
stjórnað af mönnum sem nota
meira en 50 prósent heilans en
Brooks notar ekki nema þijú pró-
sent eins og hver annar aumur
jarðlingur, svo leikurinn er ójafn.
Kemur enda í ljós að hann hefur
lifað lífi sínu þannig að næsta
víst er að hann verður sendur
aftur til jarðar - í tuttugasta
skiptið. Hann er fallkandídat
framhaldslífsins.
Eins og sjá má er Brooks
háðskur mjög og stundum mein-
fyndinn og hugmyndin að baki
Lífshlaupsins er bráðsnjöll, eins
og myndin sjálf þegar best lætur.
Hún er fyndin og skemmtileg og
oft grátbrosleg þegar verri stund-
ir Brooks í lífinu eru afhjúpaðar
frammi fyrir dómurum borgarinn-
ar. Brooks tekur sjálfan sig og
efnið mátulega alvarlega til að
maður geti hlegið að allri saman
fantasíunni. Hún er smekklega
gerð og rennur ljúflega oní mann
sem skondið léttmeti með boðskap
í stíl. Það er aldrei of seint að
bæta sig, ekki einu sinni eftir að
maður er dauður.
Lífsþroskinn er mældur eftir
óttanum við eigin takmarkanir í
fyrra lífí nú eða bara hreinni
heimsku. Þeir látnu fá að veija
líf sitt áður en ákvöðun um fram-
haldslíf er tekin og það kemur í
ljós að auglýsingamaðurinn var
gunga að flestu leyti og lítt skarp-
ur í þokkabót. Lee Grant leikur
sækjandann í máli hans og opin-
berar veikleika hans grimmilega
en Rip Thorn leikur veijanda
hans, sem reynir að lappa upp á
lífsferilinn. Meryl Streep leikur
konuna sem Brooks verður ást-
fangin af í Dómsdagsborginni.
Hún reynist fullkomin og víst er
að Streep er fullkomin í hlutverk-
inu.
Brooks er líka góður gaman-
leikari, lágstemmdur og hnyttinn.
Fyndinn er hann og gerir margt
grínið að karmanu m.a. með
innanhúsbrandara eins og Shirley
MacLean og dásamlegri senu þar
sem hann fær að sjá hveijir hann
hefur verið í fyrri lífum.
A morgun, laugardag, verður stórsýning
ÖNNU VILHJÁLMS
í allra, allra síðasta sinn.
Miða- og borðapantanir í símum 685090 og 670051.
Aðgöngumiðaverð:
Á sýningu kr 2000,-
écshí Á dansleik kr. 800.- Icd
MOULIN ROUGE
BREIÐDALSSYSTUR
FÖSTUDAGS OG LAUGARDAGSKVÖLD
KL. 01:00
I vemig væri að líta inn í Naustið um
| helgina, láta dekra við sig í mat og drykk,
fá sér ef til vill lítinn snúning á dansgólfinu
undir ljúfum tónum Hauks Morthens og
hljómsveitar.
Dansað fram á nótt
Laugavegi 45 - s. 21 255
DUNDURDANSLEIKUR
í KVÖLD:
SÍDAN
SKEIN
SÖL
Björgvin Gísla, Svenni Guðjóns, Halli Olgeirs,
og Siggj Björgvins halda uppi fjörí til kl. 3
iBOGQA - BÍBÍ - BAPDÝI
Haukur Morthens og hljóm-
sveit laða fram ljúfa tóna við
dansgólfið fram eftir nóttu.
Dýrðlegur kvöldverður
Dásamleg skemmtun
úJöj'JööLfyú'J
DANSBARINN
Grensásvegi 7, símar 33311-688311
Vesturgötu 6-8 . Reykjavík • Borðapantanir í síma 17759