Morgunblaðið - 12.11.1994, Blaðsíða 45

MORGUNBLAÐIÐ
LAUGARDAGUR 12. NÓVEMBER 1994 45
BRÉF TIL BLAÐSINS
Stór hugmynd og
verðug allrar athygli
Frá Pétri Sigurgeirssyni:
í BLAÐINU í gær (fimmtudag) er
sagt frá því, að fram er komin á
Alþingi tillaga um, að ríkisstjórnin
athugi möguleika á að halda fund
helstu þjóðar- og trúarleiðtoga
heims á Þingvöllum árið 2000. Þessi
tillaga er vissulega mjög athyglis-
verð, enda efni hennar brýnt úr-
/ lausnarefni eins og heimsmálum er
háttað í dag.
Þar sem Þingvellir koma hér til
greina sem æskilegur samkomu-
; staður til slíkrar friðarráðstefnu,
lagnar mig til að vitna í'málsgrein,
er birtist í hirðisbréfi mínu 1986,
sem undirstrikar þýðingu þessa
staðar, ekki aðeins fyrir ísland,
heldur heimsbyggðina:
„Mér verður æ ljósari þýðing
Þingvalla fyrir þjóðlíf íslendinga.
Staðurinn helgast öðrum fremur af
sögu og trú þjóðarinnar. Á Þingvöll-
um hófst elsta þjóðþing veraldar,
þegar íslendingar stofnuðu lög-
bundið samfélag.
Átökum milli heiðinna manna
( og kristinna lyktaði með kristnitök-
unni á þann veg, að til fyrirmyndar
er öllum þjóðum, er vilja leysa deilu-
mál sín á mannsæmandi átt. Þing-
vellir geyma friðhelgi, sem líkja
mætti við jörðina, þar sem Móse
fann anda helgan til sín streyma:
„Drag skó þína af fótum þér, því
að sá staður, sem þú stendur á, er
heilög jörð.“
Það eru þessi hughrif, sem grípa
menn, innlenda sem erlenda, við
komuna til Þingvalla. Fyrir slíkum
áhrifum varð Dufferin lávarður:
„Loks hef ég séð hinn fræga Geysi,
en allir hafa heyrt mikið af honum
látið. En ég hef einnig séð Þing-
völl, sem enginn kannast við. Hver-
ir eru sannarlega dásamlegt nátt-
úruundur, en Þingvöllur er miklu
indælli og unaðslegri. Og sé það
ómaksins vert að sigla yfír Spán-
arsjó til þess að sjá Geysi, þá borg-
ar sig að fara kringum jörðina til
þess að sjá Þingvöll.““
Vegna tillögunnar á Alþingi
langar mig til að hvetja alla, sem
um málið eiga að fjalla, að reyna
til þrautar að láta þessa hugmynd,
er varðar heim allan, ná fram að
ganga, svo sem aðstæður og mögu-
leikar' leyfa. Ég hef lengi verið
þeirrar skoðunar, að vegna sérstöðu
sinnar hafi Island hlutverki að
gegna meðal þjóða heims i átt til
friðar
Reykjavík 10. nóvember 1994
PÉTUR SIGURGEIRSSON, biskup
Hjálmholti 12, Reykjavík.
„Kveðja heimanað“
Frá Margréti Sigurðardóttur:
MÉR BARST í hendur geisladiskur
um daginn og það reyndist svo
sannarlega vera geisla-diskur. Þar
eru söngperlur, hver annarri feg-
urri eins og t.d. lagið „Smávinir
fagrir" eftir Jón Nordal við kvæði
Jónasar Hallgrímssonar, ein af
allra fegurstu söngperlum sem við,
íslenska þjóðin, eigum, lag sem
fyllir hugann heilögum friði og
þakklæti, við það eitt að hlusta á
það.
Þarna á söngstjóri Skagfirsku
söngsveitarinnar, Björgvin Þ.
Valdimarsson, 7 lög sem er hvert
öðru fallegra og vel unnin.
Kórinn er mjög vel æfður og
agaður svo segja má að hann skili
I hverju lagi með glæsibrag, og ein-
. söngvararnir skila einnig sínu með
sóma undir öruggri stjórn Björg-
vins Þ. Valdimarssonar.Þegar ég
hlustaði á lag Björgvins við ljóð
Jóns frá Ljárskógum, „Kvæði til
konunnar minnnar" rifjaðist upp
fyrir mér löngu liðið atvik.
Það var veturinn 1940-41 á Stað-
arfelli í Dölum, sem þá var húsmæð-
raskólasetur og skólastýran var Ingi-
björg Jóhannsdóttir frá Löngumýri
í Skagafirði, að haldin var skemmtun
í húsmæðraskólanum.
Meðal skemmtikrafta þar var
Jón frá Ljárskógum sem las
frumsmain ljóð.
Fyrsta kvæðið sem hann las
nefndi hann „Kveðið til konunnar
rninnar", en þetta kvæði var þá ný
ort, en tildrög þess voru þau að
snemma vetrar 1940 hélt ung-
mennafélagið Dögun á Fellsströnd
skemmtun og sýndi meðal annars
leikritið „Bilaðir bekkir“ og ung og
glæsileg stúlka frá Isafírði, sem
þá var nemandi í húsmæðraskólan-
um, söng einsöng og beinlínis söng
sig inn í hug og hjarta Jóns frá
Ljárskógum.
Til hennar, sem seinna varð svo
eiginkona hans, orti hann þetta
ljóð, sem er no. 8 á geisladiskinum.
Og lagið hans Björgvins og ljóðið
hans Jóns mynda saman heilsteypt
listaverk sem unun er á að hlýða,
svo vel fellur lagið að ljóðinu og
undirstrikar þær tilfínningar, sem
ljóðið túlkar í orðum. Skagfirska
söngsveitin í Reykjavík, Björgvin
Þ. Valdimarsson og allir þeir sem
góðri tónlist unna — til hamingju ,
með diskinn.
MARGRÉT SIGURÐARDÓTTIR,
Bárugötu 12,101 Reykjavík.
Leikskólar eru ekki bara hús
Frá írisi Arnardóttur:
DAGVIST barna í Reykjavík hefur
látið kanna óskir foreldra í borginni
um vistun barna þeirra. Komið hef-
ur í ljós að byggja þyrfti 15-20
nýja leikskóla til þess að mæta
þörfinni, og þyrftu að vera 3-4
deildir á hverjum þeirra (sjá Mbl.
28. 10. sl.). Það var eitt af baráttu-
málum R-listans í borgarstjórnar-
kosningum í vor að öll börn á leik-
skólaaldri í Reykjavík fengju vistun
á leikskólum borgarinnar. Segja
má að með þessari könnun sé niður-
staða fengin um þörfina fyrir vist-
un. Þrátt fyrir að aukning hafi orð-
ið á leikskólarýmum undanfarin ár
hefur ekki verið nóg að gert enn.
í umræðunni undanfarið hefur
áherslan verið á framkvæmdarþátt
málsins, þ.e. þann sem lýtur að
húsnæðinu sem mun hýsa starfsemi
leikskólanna. Eitthvað hefur verið
reynt að slá á hver kostnaðurinn
yrði við að hrinda þessu réttlætis-
máli í framkvæmd og mun hann
hlaupa á nokkrum milljörðum. En
eins og fyrrverandi borgarstjórnar-
meirihluti sýndi svo glögglega fram
á skal aðgát höfð í nærveru talna.
Tölur af þessu tagi eru algerlega
út í bláinn meðan menn hafa ekki
lagt heildardæmið niður fyrir sér.
Þetta er ekki bara spurning um
að byggja eða breyta eldra húsnæði
þannig að það henti til leikskóla-
starfsemi. Málið snýst ekki aðeins
um að meirihlutinn í borgarstjórn
ákveði að veita einhverja tiltekna
fjárhæð árlega til byggingar leik-
skóla. Leikskólar eru ekki bara
hús. Á leikskólum fer fram gífur-
lega þýðingarmikið uppeldisstarf.
Þar taka yngstu þegnar samfélags-
ins fyrstu skref sín út í lífið og þar
fá þeir fyrstu skammtana af því
veganesti sem þeir búa að alla tíð
síðan. Ég tel að öll viðleitni til þess
að bæta-líðan og hag þegna samfé-
lagsins verði að taka mið af þeirri
miklu ábyrgð sem hvílir á leikskóla-
kennurum og öðru starfsfólki leik-
skóla. Augu okkar munu beinast í
æ ríkari mæli að þessum mikilvægu
mótunarárum og hvernig bæta
megi aðstæður barna þannig að þau
njóti bestu hugsanlegu uppvaxtar-
skilyrða á hveijum tíma. M.ö.o.
snýst málið um meginreglur: er
hægt að afgreiða spurninguna um
fjölda dagvistarrýma án þess að
hugleiða gæðin?
Framkvæma verður framhalds-
könnun þar sem reynt yrði að kom-
ast að því hver kostnaður hlytist
af því að manna þessa 15-20 leik-
skóla sem þörf virðist vera fyrir í
borginni. Hefur meirihluti borgar-
stjórnar metnað til þess að manna
þá menntuðum leikskólakennurum?
Ef svo er, hvaða úrræða verður
gripið til í þeirri viðleitni að ná í
fólk sem mjög erfitt hefur reynst
að ná í síðustu misserin? Iæikskóla-
kennurum verður ekki fjölgað á
leikskólum borgarinnar nema kjör
þeirra verði bætt til muna. Er tekið
mið af því við áætlun á kostnaði?
Ekki er heldur ósennilegt að efla
verði starfsemi Fósturskólans svo
að hann geti mætt hinni auknu
þörf fyrir menntað vinnuafl á leik-
skólunum.
Ég tel framtak nýja meirihlutans
í borgarstjórn vera lofsvert og nauð-
synlegt fyrsta skref til þess að gefa
öllum börnum í borginni kost á
þroskavænlegum aðstæðum og ör-
uggu umhverfi í uppvexti sínum.
En ég vil aðeins benda á að að fleiru
er að hyggja en því einu að byggja
litla kassa.
ÍRIS ARNARDÓTTIR,
leikskólastjóri á Fálkaborg.
COREGA
í gervitönnum leynast hvers kyns afkimar og glufur sem eru
grófirarstía fyrir gerla (bakteriur). Tannsteinn hleöst upp og
þegar fram líöa stundir myndast andremma.
Best er aö eyöa gerlum (bakteríum) af gervitönnum meö
Corega freyöitöflu. Um leiö losnar þú viö óhreinindi, bletti
og mislitunátönnunum.
Svona einfall er þaö!
Taktu út úr þér gervitennurnar og burstaöu þær meö Corega
tannbursta. Leggöu þær í glas meö volgu vatni og einni
Corega freyöitöflu. löandi loftbólurnar smjúga alls staöar
þar sem burstinn nær ekki til! Á meöan burstar þú góminn
meö mjúkum tannbursta.
Geröu þetta daglega. Þannig kemur þú í veg fyrir aö gerlar
(bakteríur) nái aö þrífast og þú losnar viö tannsteininn og
andardrátturinn
veröur frísklegur
og þægilegur.
Corega freyöi-
töflur - frfsklegur
andardráttur og
þú ert áhyggju-
laus i návist
annarra.
r£ W B
Corega töflur haldagerlum og tannsteini á
gervitönnum í skejjum
K
8
HLUTAVELTA - HLUTAVELTA - HLUTAVELTA
Fjölskylduhlutavelta í Sigtúni 9 á morgun, sunnudag kl. 14. ENGIN NULL.
Glæsilegir vinningar: Flugferðir, matvörur, bækur, rafmagnsvörur - allt fyrir fjölskylduna.
Komið og styrkið gott málefni Kvennadeild Slysavarnafélags íslands í Reykjavík