Morgunblaðið - 28.03.1995, Page 6

6 ÞRIÐJUDAGUR 28. MAlíZ 1995
MORGUNBLAÐIÐ
Tillaga sáttasemjara felur í sér 1,4 milljarða útgjaldaaukningu
Kennarar fá
nm 19-20%
hækkun
SÁTTATILLAGA ríkissáttasemjara felur í sér um 19-20% hækk-
un launa kennara á tveggja ára samningstíma. Tillagan gerir ráð
fyrir lækkun kennsluskyldu en jafnframt auknu vinnuframlagi
kennara. Þetta þýðir að launaútgjöld ríkisins vegna kennara hækka
um 1,4 milljarða miðað við eitt ár, en þessi útgjöld eru um 7
milljarðar í dag. Þetta eru um 200 milljónum meira en ríkið hafði
boðið í viðræðum við kennara.
Morgunblaðið/Ámi Sæberg
KARPHUSIÐ var lokað í gær en menn komu þó í gættina, eins
og sjá má á Eiríki Jónssyni, formanni KÍ.
Sáttatillagan gerir ráð fyrir að
laun kennara hækki um 3,1% um
næstu mánaðamót og um 3,1% 1.
janúar 1996. Við undirritun samn-
inga fá kennarar sem kennt hafa
í eitt ár hækkun um einn launa-
flokk, en það þýðir 3% hækkun.
Frá 1. mars 1996 hækka laun
kennarar sem kennt hafa í tvö ár
um einn launaflokk, sem einnig
felur i sér 3% hækkun.
Farið að tillögu ríkisins um
launaröðun
Tillagan gerir ráð fyrir að nýtt
launaröðunarkerfi taki gildi 1. ág-
úst 1995, en það leiðir til tæplega
3% hækkunar á heildarlaunum
kennara. í samningaviðræðunum
settu báðir samningsaðilar fram
tillögur urh breytt röðunarkerfí.
Tillaga kennara fól í sér um 7%
hækkun, en tillaga samninga-
nefndar ríkisins um 2,6% hækkun
fyrir kennara í KÍ og 3,6% til kenn-
ara í HÍK. Sáttasemjari tók tillögu
ríkisins upp í sáttatillögu sína með
smávægilegum breytingum.
Samninganefnd ríkisins hafí
boðið allar þessar hækkanir á
grunnkaupi sem að ofan greinir. í
tillögu ríkissáttasemjara eru ald-
urshækkanimar tvær færðar
framar á samningstímann en ríkið
hafði boðið.
Til viðbótar gerir sáttasemjari
tillögu um að skólastjórar og að-
stoðarskólastjórar fái eins launa-
flokks hækkun 1. mars 1996, sem
er hækkun um 3%.
Kennsluskylda Iækkuð um eina
kennslustund
Eitt megindeiluefnið í kennara-
deilunni hefur verið um lækkun
kennsluskyldunnar. Upphafleg
krafa kennara var að hún lækkaði
um 15%, en fyrir fáum dögum lagði
samninganefnd félaganna til að
kennsluskyldan yrði lækkuð ár frá
ári fram til aldamóta. Samninga-
nefnd ríkisins bauðst hins vegar
til að lækka kennsluskylduna um
einn tíma þar sem hún er allramest.
Tillaga ríkissáttasemjara er að
kennsluskyldan verði lækkuð um
einn tíma hjá nær öllum kennurum.
Kennsluskylda í grunnskóla verði
28 tímar á viku, en hún er 29 tímar
í dag. Hins vegar lækki kennslu-
skylda hjá kennurum með 15 ára
kennsluferil um eina stund til við-
bótar. Þetta ákvæði um aldurs-
lækkun er ekki að finna í núgild-
andi kjarasamningi. Með þessu
lækkar kennsluskylda mjög stórs
hóps kennara um tvær stundir.
Ekki er hins vegar í tillögunni að
fínna kröfu kennara um sams kon-
ar lækkun fyrir kennara sem kennt
hafa í 10 ár. Kennsluskylda grunn-
skólakennara sem er orðinn 55 ára
verður samkvæmt sáttatillögunni
24 stundir enda hafi hann 10 ára
kennsluferil. Kennsluskylda kenn-
ara sem eru orðnir 60 ára verður
19 stundir enda hafi þeir 10 ára
kennsluferil.
Samkvæmt sáttatillögunni skal
almenn kennsluskylda í framhalds-
skólum vera 25 stundir en hún er
26 stundir í dag. Lækkunin nær
til kennara sem kennt hafa í 10
ár og Í5 ár, en ekki til kennara
sem náð hafa 55 cg 60 ára aldri.
Vinnutíma breytt
Tillagan hefur í för með sér
nokkrar breytingar á vinnutíma
kennara. Kennslu- og prófdögum
í framhaldsskóla verður fjölgað úr
170 dögum í 175. Starfsdögum
kennara á skólatíma verður fækk-
að úr 12 niður í 5. Þetta felur í
sér aukna vinnu kennara. Hluti af
launahækkun þeirra er hugsuð til
að greiða fyrir þetta aukna vinnu-
framlag. Þá gerir sáttatillagan ráð
fyrir að árlegur vinnutími kennara
að frádregnu orlofi reiknist 1.800
klukkustundir og að bundnir
vinnudagar reiknist 8 klukku-
stundir hver dagur.
Samkvæmt sáttatillögunni á að
vísa öðrum efnisatriðum sem
ágreiningurinn er um til samstarfs-
nefnda KÍ, HÍK og ríkisins. Þar
er um að ræða atriði eins og
greiðsla fyrir dagpeninga á nám-
skeiðum, hámark yfirvinnu, álag í
öldungardeildum, meistaraskóla
og sambærilegu námi, kennslu-
skylda og yfirvinna skólastjóm-
enda, málefni sérhópa og tilrauna-
og þróunarstörf í skólum, þar með
talin vandamál við einsetningu
grunnskólans.
Samstarfsnefndirnar eiga að
hafa afgreitt ágreiningsefni sín
fyrir 15. maí 1995. Ef ekki tekst
að leysa ágreiningsmálin á að vísa
þeim til úrskurðarnefndar sem
skal vera skipuð tveimur frá hvor-
um deiluaðila. Formaður úr-
skurðarnefndar skal skipaður af
ríkissáttasemjara. Nefndirnar
eiga að ljúka störfum eigi síðar
en 15. júní 1995.
Sameining
við Stykk-
ishólm
verði ógild
HARALDUR Blöndal hæstaréttar-
lögmaður hefur fyrir hönd Hólm-
fríðar J. Hauksdóttur, Amarstöðum
í Helgafellssveit, ákveðið að stefna
félagsmálaráðherra, bæjarstjórn
Stykkishólmsbæjar og hreppsnefnd
Helgafellssveitar fyrir Héraðsdóm
Vesturlands til ógildingar á samein-
ingu Helgafellssveitar og Stykkis-'
hólmsbæjar.
Hólmfríður sættir sig ekki þá til-
kynningu félagsmálaráðuneytisins
að ógilda ekki sameininguna í kjöl-
far Hæstaréttardóms frá 8. desem-
ber sl. þar sem kosningar þær sem
sameining sveitarfélaganna byggir
á var dæmd ógild. „Ráðuneytið neit-
ar að sætta sig við hæstaréttardóm-
inn og því er eina leiðin að fara með
málið fyrir dómstólana," sagði Har-
aldur Blöndal í samtali við Morgun-
blaðið í gær. Hann sagðist mundu
óska eftir því við héraðsdómara að
málið yrði tekið til flýtimeðferðar.
Kosið var um sameiningu Stykk-
ishólms og Helgafellssveitar þann
16. apríl, en Hæstiréttur dæmdi
þær kosningar ólögmætar 8. des-
ember 1994 í máli, sem Hólmfríður
höfðaði til að fá sameiningunni
hnekkt. 16. maí hafði ráðherra gef-
ið út auglýsingu um sameiningu
sveitarfélaganna og á grundvelli
hennar fóru fram almennar sveitar-
stjómarkosningar í sameinaða
sveitarfélaginu 28. maí, en þmr
voru felldar úr gildi og endurteknar
1. október.
Eftir dóm Hæstaréttar, þar sem
upphaflegu kosningarnar um sam-
eininguna voru dæmdar ógildar, til-
kynnti félagsmálaráðherra að dóm-
urinn leiddi ekki til þess að samein-
ingin í heild sinni yrði ógild.
Að sögn Haralds Blöndal sættir
Hólmfríður J. Hauksdóttir sig ekki
við yfirlýsingu ráðherrans þar sem
hún telur að fyrst kosningin um
sameininguna var ólögleg hafi allir
gjörningar byggðir á þeirri kosn-
ingu einnig verið ólöglegir, þar með
talin sameiningin. Því sé hún knúin
til að höfða mál.
Slökkviliðsmenn og stjórn Brunamálastofnunar segja stofnunina óstarfhæfa vegna deilna
Sljórnarfundum líkt við
kaffisamsæti þar sem
ekkert þokast áleiðis
ING Landssambands
slökkviliðsmanna samþykkti
um helgina ályktun þar sem
átalin eru vinnubrögð brunamála-
stjóra undanfarin ár varðandi al-
menn samskipti við stjóm stofnun-
arinnar. Þingið telur fullreynt að
branamálastjóri geti ekki starfað
heill að branamálum í landinu og
telur að persónulegir hagsmunir
hans verði að víkja fyrir heildar-
hagsmunum branamálanna.
Formaður stjómar Brunamála-
stofnunar, Hulda Finnbogadóttir,
sagði í ávarpi við setningu þingsins
að verði ekki breyting á samskipt-
um stjórnarinnar og brunamála-
stjóra á næstunni neyðist hún til
að segja af sér. Branamálastjóri
hafi þráast við að framfylgja reglu-
gerð félagsmálaráðuneytisins um
Branamálaskóla og að stjómar-
fundir stofnunarinnar séu við nú-
verandi aðstæður ekki annað en
mánaðarleg kaffísamsæti þar sem
ekki sé hægt að taka neinar
ákvarðanir. Stjórnin sé einhuga í
þessari afstöðu til málsins.
Gert ráð fyrir stofnun
Brunamálaskóla
Hulda Finnbogadóttir sagði í
samtali við Morgunblaðið að
undanfarna mánuði hefði stjórn
stofnunarinnar verið að reyna að
hrinda í framkvæmd reglugerð
um menntun og réttindi slökkvil-
iðsmanna sem félagsmálaráð-
herra hefði sett í apríl á grund-
velli laga um brunavarnir og
branamál.
Þar sé gert ráð fyrir stofnun
Brunamálaskóla sem sé ætlað að
sinna menntunarmálum allra
slökkviliðsmanna í landinu. Skól-
inn hefur verið stofnaður og skóla-
nefnd skipuð en brunamálastjóri
hefur að sögn Huldu neitað öllu
samstarfí við skólanefndina.
„Branamálastjóri segir að þessi
reglugerð sé vitlaus og að hann sé
á móti henni en meðan reglugerðin
er í gildi verðum við að vinna eftir
henni. Hann virðist vera á móti því
að stofnunin leggi eitthvað í þennan
skóla eða til menntunarmála
slökkviliðsmanna yfirleitt," sagði
Hulda. „Ástandið er orðið þannig
að það gengur hvorki né rekur í
einu einasta máli. Branamálastofn-
un er óstarfhæf og það gengur
ekki lengur að branamál í landinu
líði fyrir þetta ósamkomulag."
Hulda sagði að á fundum stjórn-
arinnar hefði brunamálastjóri verið
víttur og bókanir gengið á víxl sem
lýstu því ósamkomulagi sem uppi
væri. Stjómarfundir stofnunarinn-
ar væru við núverandi aðstæður
einungis mánaðarleg kaffisamsæti
þar sem ekki tækist að þoka neinu
áleiðis.
Hulda sagði að tíð ráðherra-
skipti í félagsmálaráðuneytinu
undanfarin misseri væru sennilega
skýringin á því að ekki hefði enn
tekist að höggva á þann hnút sem
þessi samskipti væru í.
Gengið á fund þriggja
ráðherra
Stjórnin hefði gengið á fund
þriggja ráðherra til að knýja á um
úrbætur og hefði fengið í ráðuneyt-
inu staðfestingu á hugmyndum
stjórnarinnar um hlutverk sitt, þar
á meðal að stjórninni bæri að hafa
eftirlit með fjárreiðum. Ótvírætt
væri að túlkun stjórnarinnar og
ráðherra á reglugerðinni og lögun-
um væri samhljóða og þvert á
vinnubrögð branamálastjóra, sem
kysi að túlka lögin þannig að fjár-
reiður stofnunarinnar væru ekki á
verksviði stjórnarinnar og hefði
gert stjórninni ókleift að rækja þær
skyldur sínar.
Núverandi félagsmálaráðherra
hefði sett nefnd til að setja reglu-
gerð um starfssvið stjórnar og
brunamálastjóra og ráðherra hefði
einnig falið ríkisendurskoðun að
kanna ákveðna þætti í starfsemi
stofnunarinnar að ósk stjórnarinn-
ar.
Hulda sagði að í ávarpinu á þingi
slökkviliðsmanna hefði hún lýst því
yfir að ef ekki yrði breyting á þess-
um samskiptum vildi hún frekar
biðjast lausnar en að verða til þess
að engar framfarir yrðu í bruna-
málum. Hún vildi ekki lengur
Ieggja það á sína samvisku að
vinna að þessum málum við núver-
andi aðstæður. Stjórn stofnunar-
innar, skólanefnd Brunamálaskól-
ans og Landssamband slökkviliðs-
manna hefðu öll ályktað á sama
veg í þessu máli.
Stjórn Brunamálastofnunar
skipa, auk Huldu Finnbogadóttur,
sem er ráðherraskipuð, Gísli Lor-
enzson, tilnefndur af Landssam-
bandi slökkviliðsmanna, Siguijón
Pétursson, tilnefndur af Sambandi
tryggingafélaga, Guðfinnur Sigur-
vinsson, tilnefndur af Sambandi
sveitarfélaga, og Snorri Ingimars-
son, tilnefndur af Brunatæknifé-
lagi íslands.
Stuðningur við stjórnina
í ályktun þings Landssambands
slökkviliðsmanna er lýst yfir
fyllsta stuðningi við formann og
stjörn Brunamálastofnunar. Konri
til afsagnar stjórnarinnar sé til-
gangslaust að landssambandið til-
nefni að óbreyttu nýjan fulltrúa í
stjórn stofnunarinnar. Fullreynt
megi telja að brunamálastjóri get>
ekki starfað heill að brunarnálum
í landinu en persónulegir hags-
munir hans verði að víkja fyrir
heildarhagsmunum málaflokks-
ins. Vinnubrögð brunamálastjóra
hafi veikt eða seinkað framþróun
brunamála hérlendis verulega og
skapað úlfúð og ágreining innan
stéttarinnar og víðar. „Er nú svo
komið að stjórn Brunamálastofn-
unar hefur ekki möguleika á að
sinna störfum sínum samkvæmt
lögum,“ segir í ályktun þingsins,
þar sem þess er einnig krafist að
ráðherra höggvi þegar á hnútinn.