Morgunblaðið - 01.04.1995, Blaðsíða 24

24 LAUGARDAGUR 1. APRÍL 1995
MORGUNBLAÐIÐ
PÁSKATILBOÐ Á
HREINLÆTISTÆKJUM O.FL.
20% afsláttur
VATNSVIRKINN HF.
Ármúla 21, símar 68 64 55 - 68 59 66
ÚR VERIIMU
Iceland Seafood Limited í Bretlandi
Sala hefur aukizt um 27%
fyrstu þrjá mánuði ársins
SALA Iceland Seafood Ltd., dótt-
urfyritækis íslenzkra sjávarafurða
í Bretlandi, jókst um 27% fyrstu
þijá mánuði þessa árs miðað við
sama tíma í fyrra. Alls seldi fyrir-
tækið sjávarafurðir fyrir um 15,6
milljónir punda eða tæplega 1,6
milljarða króna, á mörkuðunum í
Bretlandi og í gegn um söluskrif-
stofur í Þýzkalandi og Frakklandi.
Söluaukninguna má meðal annars
rekja til vaxandi framleiðslu sér-
pakkninga fyrir smásölumarkað-
inn í Evrópu. Verð á rækju hefur
hækkað mikið frá því í fyrra og
verð á botnfiski fer einnig hækk-
andi.
Höskuldur Ásgeirsson, fram-
rLGI i
K.Qmknllnn
■ ■■m ■■■■■■■
---m b ■ ■ ■-
■ ■ Miniiy nMii
Suðurveri, Stigahlíö 45, sími 34852
> Prí Bjffra
k Arjlúicíirkorc
k Frí JCí'dkkuri
*
II
Ljósmyndastofa
Gunnars Ingimarssonar
kvæmdastjóri Iceland Seafood Ltd.
í Hull í Bretlandi, segir að mikil
aukning hafi verið á framleiðslu
frystihúsa «man vébanda IS í sér-
pakkningar á síðusta ári. „Þær
fara inn á smásölumarkaðinn enda
fullpökkuð vara í frystihúsnum
heima. 26% aukning varð á sölu
þessara afurða milli áranna 1993
og 1994. Til marks um hve ör
vöxturinn í framleiðslu sérpakkn-
inganna er, má benda á að sala
þeirra nam 28% af veltu fyrirtækis-
ins í Evrópu 1994, en árið 1992
var þetta ekki nema 13% veltunn-
ar,“ segir Höskuldur.
51% aukning í rækjusölu
„Þá var mikil aukning í rækju-
sölu í fyrra, 51% talið í verðmætum
milli ára. Síðan stendur einnig upp
úr að samstarf hófst í fyrra við
Seaflower Whitefish Corp. í
Namibíu um sölu á lýsingi, en ís-
lenzkar sjávarafurðir og dótturfyr-
irtæki þeiiTa eiga hlut í því fyrir-
tæki, sem rekur bæði útgerð og
fiskvinnslu.
Fyrstu þijá mánuði þessa árs
er almenn söluaukning uþp á 27%.
Þetta eru beztu sölumánuðir fyrir-
tækisins frá upphafi í Evrópu og
varð aukning á öllum markaðs-
svæðum, Bretlandi, Frakklandi og
Þýzkalandi. Ástæðan er aukin sala
í sérpakkningunum, aukin rækju-
sala, lýsingurinn frá Namibíu og
veruleg aukning í síldarsölu.
Selt fyrir 1,6 milljarða í ár
Fyrstu Þijá mánuðina var selt
fyrir 15,6 milljónir punda í Evrópu
á móti 12,3 milljónum á sama tíma
í fyrra. Hluti þessarar aukningar
er vegna þess að lögð hefur verið
vaxandi áherzla á sölu- og mark-
aðsstarf. Starfsfólki hefur fjölgað
og það hjálpar mikið, en við stefn-
um að því að auka enn sérvinnslu
heima inn á smásölumarkaðinn.
Verð á botnfiski fer hækkandi
Verðþróun síðustu mánuði hefur
sú að alaskaufsi hefur verið að
hækka í verði vegna minnkandi
framboðs. Þessi ufsi hefur sett
verðgrunninn fyrir aðar botnfisk-
tegundir. Því spá flestir því að
verð á botnfiski verði almennt
hærra í ár en í fyrra. Við höfum
orðið varir við ágætis verðhækkan-
ir á ufsa síðustu mánuði og verð
á þorski er að styrkjast. Sömu
sögu er að segja af lýsingi.
Það virðist á hinn bóginn vera
mikið framboð á ýsu, einkum frá
Noregi, þannig að ýsuverð er und-
ir þrýstingi. Þá hefur verð á rækju
hækkað mikið, en er nú komið í
hámark og ekki gert ráð fyri'r frek-
ari hækkunum. Spurning hvort
framboð og eftirspurn er ekki að
komast í jafnvægi, en verðið á
rækjunni hefur verið að hækka frá
því í maí í fyrra,“ segir Höskuldur
Ásgeirsson.
Vinnslustöðin
kominí 51.500
tonn af loðnu
Líður að lokum loðnuvertíðarinnar
LOÐNUVERTÍÐIN er nú langt
komin eða að ljúka. Bræla geysar
á miðunum og hvort einhveijir
halda áfram veiði, þegar veðrið
gengur niður er ekki Ijóst. Afli ís-
lenzkra skipa er nú orðinn um
690.000 tonn, en erlend skip lönd-
uðu alls 33.500 tonnum hér. Alls
hafa íslenzkar verksmiðjur því tek-
ið á móti um 723.000 tonnum til
vinnslu.
Upphaflegum kvóta náð
Upphaflegur kvóti okkar var
636.000 tonn, en með kvótakaup-
um frá Grænlandi og eftirstöðvum
Grænlendinga og Norðmanna var
heimill heildarafli nú 838.000 tonn.
Enn eru því óveidd nær 150.000
tonn.
Síðustu daga hefur það verið nær
eingöngu hængur, sem hefur
veiðzt. Hann er fremur horaður og
því fæst nánast ekkert lýsi úr hon-
um, en mjölið er talið gott.
Mestu landað í Eyjum
Vinnslustöðin í Vestmannaeyj-
um hefur tekfð á móti mestu af
loðnu til bræðslu, 51.500 tonnum.
Eftirfarandi verksmiðjur hafa tekið
á móti 10.000 tonnum eða meiru:
Hraðfrystihús Eskiijarðar 48.500,
SR Mjöl, Seyðisfirði, 42.900, Síld-
arvinnslan í Neskaupstað, 41.000
tonn, ísfélag Vestmannaeyja
36.900, Fiskimjöl og Lýsi, Grinda-
vík, 35.300 tonn, SR Mjöl í Siglu-
firði, 28.200 tonn, H. B. Akranesi
25.100 tonn, Ósland, Höfn, 20.300,
SR Mjöl, Reyðarfirði 19.200, Hrað-
frystistöð Þórshafnar 17.600 tonn,
Krossanes, Akureyri 16.800 tonn,
Gná, Bolungarvík, 12.200 tonn,
Vestdalsmjöl, Seyðisfirði 11.400 og
Njörður, Sandgerði, 10.000.
Sýning í Höfðaborg
NÆSTA vetur eða frá 30. nóvem-
ber til 2. desember verður haldin í
Höfðaborg í Suður-Afríku sjávarút-
vegssýningin „FISH AFRICA ’95“.
Er búist við mikilli þátttöku og
Danir, Norðmenn og Svíar hafa
þegar ákveðið að vera þar með þjóð-
arbás.
Ofveiði og hrun margra fisk-
stofna er einkenriandi fyrir ástandið
í sjávarútvegsmálum víða um heim
og í það sama stefndi einnig í Suð-
ur-Afríku og Namibíu. I þessum
löndum báðum hefur þó tekist að
snúa þróuninni við og fiskstofnar
þar í góðum vexti. Sjávarútvegur-
inn er því í sókn á þessum slóðum
og fisksölur, til dæmis inn á Evr-
ópumarkað, aukast stöðugt. Það fer
því ekkert á milli mála, að í þessum
heimshluta verður á næstu árum
mikill og vaxandi markaður fyrir
vélar og veiðarfæri og annað það,
sem tengist sjávarútvegi.