Morgunblaðið - 25.04.1995, Blaðsíða 4

4 ÞRIÐJUDAGUR 25. APRÍL 1995
MORGUNBLAÐIÐ
5 manna
fjölskylda
vann 8,4
milljónir
EINN miði kom fram með all-
ar fimm tölur réttar í Lottói
5/38 á laugardaginn en þá var
potturinn þrefaldur. Miðinn
var seldur í Hlíðakjöri í Eski-
hlíð og var vinningsupphæðin
rúmar 8,4 milljónir króna.
Vinningurinn fór til fimm
manna fjölskyldu í Reykjavík
og kom sér mjög vel sam-
kvæmt upplýsingum frá ís-
lenskri getspá.
Sex miðar voru með fjórar
tölur réttar og bónustölu og
fékk hver þeirra rúmar 113
þúsund krónur í sinn hlut.
Heildarupphæð vinninga á
laugardag var tæplega 13
milljónir króna.
I gæsluvarð-
hald í viku
EINN maður var á föstudag
úrskurðaður í gæsluvarðhald í
viku vegna tengsla við innbrot
í þrjá gáma við húsgagnaversl-
un við Ármúla fyrir um það
bil viku.
Leðurhúsgögnum að verð-
mæti hátt á aðra milljón króna
var stolið úr gámunum. Sam-
kvæmt upplýsingum frá Rann-
sóknarlögreglu ríkisins er
stærstur hluti þýfisins kominn
fram.
Lægsta tilboð
42% af kostn-
aðaráætlun
SNÆBJÖRN Guðmundssön
og Þórður Hansen áttu lægsta
tilboð í gerð malarslitlaga á
Norðurlandi vestra. Tilboð
þeirra hljóðaði upp á tæplega
3,7 milljónir króna og var það
42% af kostnaðaráætlun, sem
var tæplega 8,8 milljónir
króna.
Alls bárust Vegagerðinni
níu tilboð í gerð malarslitlaga
á Norðurlandi vestra. Næst-
lægsta tilboðið var frá Uppfyll-
ingu sf. og hljóðaði það upp á
3,9 milljónir króna, og þriðja
lægsta tilboðið var frá Rögn-
valdi Árnasyni, tæplega 4,4
milljónir króna. Hæsta tilboðið
í verkið var frá Firði sf., rúm-
lega 6,2 milljónir króna.
Mjölnir meö
lægsta tilboð
VÖRUBÍLSTJÓRAFÉLAGIÐ
Mjölnir var með lægst tilboð í
gerð Þingvallavegar frá Heið-
ará að Steingrímsstöð. Tilboð-
ið hljóðaði upp á 20,9 milljónir
og er það 66% af kostnaðar-
áætlun, sem var tæplega 31,7
milljónir króna.
Næstlægsta tilboðið í gerð
vegarkaflans var frá Ingileifi
Jónssyni, tæplega 21,9 millj-
ónir króna^ og þriðja lægsta
tilboðið var frá Vélgröfunni
hf. á Selfossi, rúmlega 23,1
milljón. Hæsta tilboðið átti
Suðurverk hf. á Hvolsvelli og
hljóðaði það upp á tæplega
29,6 milljónir króna. Alls bár-
ust Vegagerðinni tíu tilboð í
verkið.
FRÉTTIR
Formaður Sérfræðingafélags lækna
Uppsagnir gilda uns
ljóst er hvað tekur við
*
Ibúðarhús forseta rís á
grunni Ráðsmannshúss
„REGLUGERÐ um tilvísanakerfí
tekur gildi eftir viku og á því hefur
;nn engin formleg breyting orðið.
'íýr heilbrigðisráðherra hefur nú
lýst því yfir að gildistöku tilvísana-
kerfis verði frestað og það endur-
skoðað, en uppsagnir rúmlega 300
sérfræðinga á samningum við
Tryggingastofnun standa þar til við
vitum hvað tekur við,“ sagði Sigurð-
ur Bjömsson, formaður Sérfræð-
ingafélags íslenskra lækna, í sam-
tali við Morgunblaðið í gær.
Ingibjörg Pálmadóttir, heilbrigð-
isráðherra, sagði þegar hún tók við
embætti um helgina að tilvísana-
kerfið yrði endurskoðað frá grunni
og það tæki ekki gildi 1. maí, eins
og fyrrverandi heilbrigðisráðherra,
Sighvatur Björgvinsson, hafði
ákveðið.
„Ég er mjög ánægður með af-
stöðu ráðherra," sagði Sigurður.
„Þar sem aðeins er vika til stefnu
þarf að hafa snör handtök. Við
munum funda með heilbrigðisráð-
herra nú í vikunni, líklegast á mið-
vikudag, og ég er bjartsýnn á að
málið leysist á farsælan hátt. Enn
er ekki ljóst hvað ráðherra hefur í
huga, hvort gildistökunni verður
frestað um einhveijar vikur, mán-
uði eða ár.“
Samningar lausir í 2 ár
Sigurður var inntur eftir því
hvort sérfræðingar myndu standa
við fýrri yfirlýsingar um að þeir
væru fúsir til viðræðna um aðrar
leiðir til sparnaðar í heilbrigðiskerf-
inu. „Annars vegar þarf að semja
við sérfræðinga, því samningar
þeirra hafa verið lausir í tvö ár.
Hins vegar þarf að finna sparnaðar-
leiðir í kerfinu. Talað var um að
skera niður sérfræðikostnaðinn úr
500 milljónum í 300 milljónir, en
auka kostnað við heilsugæslu um
100 miHjónir og ná þannig 100
milljóna nettóspamaði. Við höfum
sýnt fram á með gildum rökum að
þessi útreikningur var rangur. Þetta
var því ekki spuminmg um að
spara, heldur breyta kerfinu. Við
þurfum að heyra hvaða stefnu nýr
ráðherra hefur í þessu máli. Fyrr
getum við ekki sagt hvað við ger-
um.“
HAFNAR eru framkvæmdir við
byggjngu íbúðarhúss fyrir for-
seta íslands á Bessastöðum. Hús-
ið verður byggt á grunni svokall-
aðs Ráðsmannshúss sem byggt
var árið 1941 en í gær var byijað
að rífa húsið sem er mikið
skemmt og hefur verið dæmt
ónýtt.
Ráðsmannshúsið stendur aust-
an og sunnan til í bæjarhólnum
á Bessastöðum. Húsið er tvílyft
með háu risi og stendur á tæp-
lega 150 fermetra grunni.
Jarðhæð hússins, sem er niður-
grafin norðanmegin, er stein-
steypt, en efri hæðir hússins eru
úr timbri, forskalaðar að utan.
Húsið er nú mjög illa farið, timb-
urgrind mikið fúin og múrhúðun
sprungin af.
Samningsupphæð 65,6 millj.
Bygging nýs íbúðarhúss fyrir
forseta íslands á grunni Ráðs-
mannshússins var boðin út I síð-
astliðnum mánuði og bárust sjö
tilboð. Samið var við Grindina
hf. sem átti næstlægsta tilboðið
og er samningsupphæðin 65,6
miiyónir kr.
í verksamningnum eru aðrar
framkvæmdir á staðnum sem
ekki tilheyra íbúðarhúsinu að
upphæð 7,8 milljónir kr. Áætlun
hönnuða, Garðars Halldórssonar
húsameistara ríkisins og Þor-
steins Gunnarssonar arkitekts,
var 69 milljónir kr.
Ráðsmannshúsið er friðað
samkvæmt svokallaðri B-friðun
og til að vernda ásýnd staðarins
verður nýtt íbúðarhús forsetans
af svipaðri stærð og ytra útliti.
Húsið verður steypt í hólf og
gólf og verður það í sama stíl
og önnur hús staðarins. Á þaki
þess verður sams konar steinn
og á öðrum húsum staðarins.
Það verður tvær hæðir og hátt
ris, jarðhæð niðurgrafin að
norðanverðu, alls 415 gólffer-
metrar að meðtaldri bíla-
geymslu. Á aðalhæð er gert ráð
fyrir þrem stofum og eldhúsi
auk snyrtiherbergis en á rishæð
eru svefnherbergi. Á jarðhæð
eru nokkur íveruherbergi,
geymslur og bílageymslur. í
verksamningi er gert ráð fyrir
að húsinu verði skilað fullbúnu
23. maí 1996.
Morgunblaðið/Rax
NYTT íbúðarhús forseta Islands rís á grunni gamla Ráðsmannshússins. Myndin er tekin í gær þegar byrjað var að rífa Ráðsmannshúsið.
Tvö íslensk skip eru á leiðinni til síldveiða í Síidarsmugunni
Eftir miklu að slægjast
TVÖ skip héldu úr höfn í gær til síldveiða í Síldar-
smugunni svokölluðu og heyrst hefur að fleiri
skip séu að búa sig undir að fara þangað. Eiríkur
Sigurðsson, 1. stýrimaður á Júpiter RE, sagði að
í raun væru menn að renna blint í sjóinn með
þessar veiðar en þó hefðu borist fregnir af norsku
rannsóknarskipi sem hefði fundið eitthvað af síld.
Jakob Jakobsson, forstjóri Hafrannsóknastofnun-
ar, segir þessar fregnir benda til þess að síldin sé
að koma á svipaðar slóðir og hún var í fyrra.
Jakob segir að norskt hafrannsóknaskip hafí
fundið síld í Síldarsmugunni um helgina á 66
gráðum norður og frá 0-1 gráðu vestur. Síldin
hefði legið á 300-400 metra dýpi á daginn, komið
upp um miðnætti og dreift sér. Síldin var frá 27
sm upp í 39 sm ög mikil áta var í henni. Jakob
sé|jr of snemmt að ákveða hvort síldin sé veiðan-
leg og sennilega sé hægt að kasta á síldina áður
en hún dreifir sér á kvöldin.
í gangi eru sameiginlegar rannsóknir íslend-
inga, Norðmanna, Færeyinga og Rússa á þessu
hafsvæði og er rannsóknaskipið Bjarni Sæmunds-
son nú á leiðinni í Síldarsmuguna. Samningavið-
ræður hefjast milli íslendinga og Norðmanna í
Ósló í næstu viku um nýtingu norsk-íslenska síld-
arstofnsins.
Júpiter hélt úr höfn í Vestmannaeyjum í gær
þar sem skipveijar tóku stærri og dýpri nót um
borð. „Það er ekki að neinu öðru að hverfa fyrir
okkur og að öðrum kosti væri þetta dauður tími
fyrir okkur,“ sagði Eiríkur.
Gott að fá veiðireynslu
Hann sagði að meðan ósamið væri um nýtingu
síldarstofnsins á þessu hafsvæði litu menn þannig
á málið að gott væri að ná sér í veiðireynslu og
svo væri eftir miklu að slægjast ef veiðin yrði
mikil. „Það verður veiði þarna, hvort sem það
verður alveg strax eða hvort við þurfum að bíða
einhveija daga.“
Siglingin frá Eyjum á miðin er um 500 sjómílur
sem tekur nálægt 2l/i sólarhring að sigla. Eiríkur
taldi líklegt að landað yrði einhvers staðar á Aust-
urlandi en einnig væru aðrir möguleikar í stöð-
unni, eins og t.a.m. Færeyjar. Eiríkur kvaðst hafa
heyrt af nokkrum bátum sem væru í startholunum,
þar á meðal Guðrún Þorkelsdóttir, Börkur, Sunnu-
bergið og Kap. Eiríkur átti von á því að íslensku
bátamir flykktust á miðin ef fréttist af mikilli veiði.
Emil Thorarensen hjá Hraðfrystihúsi Eskifjarð-
ar sagði að Guðrún Þorkelsdóttir væri að leggja
úr höfn. Hann sagði að ef fréttir um að Norð-
menn hefðu fundið þarna síld á 300-500 metra
dýpi væru réttar þá væri sú síld ekki veiðanleg í
nót Guðrúnar Þorkelsdóttur. Hann átti von á því
að fleiri bátar Hraðfrystihússins færu í Síldar-
smuguna ef veiði yrði góð.
Isak Valdimarsson skipstjóri á Guðrúnu Þor-
kelsdóttur tók undir það að mikil óvissa væri með
framgang þessara veiða. „Við vonum að þetta
verði betra en að gera ekki neitt,“ sagði Isak.
Hann átti von á -því að aflanum yrði landað í
heimahöfn á Eskifirði.
i