Morgunblaðið - 09.05.1995, Blaðsíða 6

6 ÞRIÐJUDAGUR 9. MAÍ 1995
MORGUNBLAÐIÐ
FRÉTTIR
Borgarstjóri um gagnrýni þingkonu
Kvennalistans á sig
Greiningu á vanda
Kvennalista áfátt
INGIBJÖRG Sólrún Gísladóttir
segir að fundir sem hún sat sem
borgarstjóri á vegum annarra
stjórnmálaflokka en kvennalistans
í nýafstaðinni kosningabaráttu
skipti engu máli þegar skilgreina
eigi þann vanda sem Kvennalistinn
standi frammi fyrir.
Kristín Ástgeirsdóttir þingmaður
Kvennalista fjallaði um kosningaúr-
slitin í grein í tímaritinu Veru og
spurði þar m.a. hvort þátttaka
Kvennalistans í Reykjavíkurlistan-
um hefði breytt ímynd flokksins
þannig að með henni virtust
kvennalistakonur vera að segja að
þær þyrftu ekki að veia sérstakt
afl og gætu vel sameinast hinum
flokkunum. Ingibjörg Sólrún hefði
undirstrikað ákveðið hlutleysi með
því að mæta á stjórnmálafundum
hjá Alþýðuflokki og Þjóðvaka,
helstu andstæðingum Kvennalist-
ans, meðan á kosningabaráttunni
stóð. „Hvaða skilaboð voru þar á
ferð til fólks?“ spurði Kristín.
Vantar í myndina
Ingibjörg Sólrún sagði að í grein-
inni væri Kristin að gera tilraun til
að greina vanda Kvennalistans.
„Mér fínnst vanta ansi mikið inn í
þá mynd og ef fara á í ærlega skoð-
un á því þarf að skoða fleiri þætti.
Það verður ekki komist hjá því að
horfa á starf Kvennalistans á Al-
þingi, framboðslistana og stefnuna.
Ég held að í þessu stóra samhengi
skipti engu máli þeir fundir sem
ég fór á hjá öðrum flokkum sem
standa að Reykjavíkurlistanum,"
sagði Ingibjörg Sólrún.
Þegar Ingibjörg Sólrún tók við
embætti borgarstjóra lýsti hún því
yfir að hún ætlaði að verða borgar-
stjóri allra Reykvíkinga. „Kvenna-
listakonur vissu það eins og aðrir
að ég myndi ekki skorast undan
því að fara á fundi sem borgar-
stjóri til að tala um málefni Reykja-
víkurborgar. En ég tók ekki þátt í
pólitískri umræðu af öðru tagi nema
fyrir hönd Kvennalistans," sagði
Ingibjörg Sólrún.
Þegar hún var spurð hvort hún
teldi það viðhorf sem kom fram í
grein Kristínar samræmast nútíma-
viðhorfum í stjórnmálum svaraði
hún að það væri algerlega útilokað
að halda þessu viðhorfi á lofti mið-
að við það hvemig Reykjavíkurlist-
inn væri tilkominn.
„Það er orðið nokkuð viðtekið í
stjórnmálum að einstaklingar mæta
á fundi hjá stórnmálaflokkum til
að ræða málefni og í því felst ekki
pólitísk yfirlýsing e_f umræðuefnið
er vel afmarkað. Ég mætti einu
sinni á fundi hjá Sjálfstæðisflokkn-
um og ræddi um EES-mál en í því
fólst auðvitað engin pólitísk yfirlýs-
ing,“ sagði Ingibjörg Sólrún.
Morgunblaðið/Ámi Sæbcrg
Benóný Ásgrímsson og Kristín I.
Gunnarsdóttir gengu í það heilaga
Þyrlan aldrei
langt undan
ÞAÐ leyndi sér ekki hver var
brúðguminn í brúðkaupi í
Skarðskirkju í Landsveit á
laugardag. Hann mætti til at-
hafnarinnar á þyrlu, enda var
enginn annar en Benóný Ás-
grímsson, flugstjóri hjá land-
helgisgæslunni, á ferð.
Benóný gekk í það heilaga
með Kristínu Ingibjörgu Gunn-
arsdóttur á laugardag. Hann
kom til kirkjunnar á þyrlu,
ásamt svaramanninum. „Eftir
athöfnina fór eiginkonan með
mér í þyrlunni. Við flugum upp
á Skarðsfjall og höfðum dálitla
viðdvöl þar, en flugum svo aft-
ur af stað og lentum við sumar-
bústað, þar sem brúðkaups-
veislan var haldin," sagði Ben-
óný í samtali við Morgunblaðið
í gær.
Hjónin nýgþftu ætla til út-
landa í brúðkaupsferð, en þar
kemur þyrla einnig við sögu.
„Við förum í brúðkaupsferð en
ég þarf einnig að fara í þjálfun
til að læra að fara með nýja
björgunarþyrlu Landhelgis-
gæslunnar. Ég kem vonandi á
henni heim frá Frakklandi.
Það má segja að þyrlan sé aldr-
ei langt undan,“ sagði Benóný
Ásgrímsson flugsljóri.
Fyrsta
æfingin í
Dublin
Dublin. Morgunblaðið.
BJÖRGVIN Halldórsson ásamt
bakraddasöngvurunum Ernu Þórar-
insdóttur, Berglindi Jónasdóttur,
Stefáni Hilmarssyni og Eyjólfi
Kistjánssyni hélt fyrstu æfínguna í
gær í The Point Theatre í Dublin,
þar sem Eurovisionkeppnin fer fram
laugardaginn 13. maí nk.
Æfingin heppnaðist að öllu leyti
vel, hljómur góður og hljómsveitin
kunni greinilega vel við lajgið Núna,
sem er framlag okkar Islendinga
þetta árið, en svo skemmtilega vildi
til að útsetjarinn og hljómsveitar-
stjórinn Frank Mcnamara notaði
lagið til að æfa hljómsveitina þegar
hún kom fýrst saman.
Strax að lokinni æfingu var upp-
taka af henni skoðuð og athuga-
semdir gerðar við nokkur atriði
hvað varðar hljóð og mynd. Fjöl-
mennur blaðamannafundur var
haldinn að þessu loknu þar sem
Björgvin ásamt lagahöfundi, útsetj-
ara og fararstjóra ferðarinnar, Rún-
ari Gunnassyni frá Sjónvarpinu,
svaraði spurningum fréttamanna
frá ýmsum löndum og veitti viðtöl.
Það verður í nógu að snúast fyr-
ir íslensku þátttakendurna á næstu
dögum en á hveijum degi fram að
keppninni er þaulskipulögð dag-
skrá.
í dag, þriðjudag, verður gert sk.
póstkort, en það er kynningarmynd-
in sem birtist á skjánum áður en
íslensku söngvararnir stíga á sviðið.
Morgunblaðið/Þorkell
Laugarferð
til flár
MILUÓNASTA heimsóknin í
Sundlaug Kópavogs var farin
rétt fyrir lokun á laugardaginn
var. Sá heppni heitir Páll Arnór
Pálsson lögfræðingur og fékk
fjölda gjafa af tilefninu. „Mér brá
nokkuð því það beið eftir mér
heil hersing fólks þegar ég kom
inn,“ segir Páll Arnór sem hefur
heimsótt Kópavogslaug um ára-
bil. „Þótt ég hafi vitað að til stæði
að verðlauna fyrir milljónustu
heimsóknina var ég ekkert að
hugsa um það á því augnabliki.
Að vísu kom ég þangað á fimmtu-
dagskvöldið og spurði að gamni
hvort ég væri sá miiljónasti,"
segir verðlaunahafinn og bætir
við að ákvörðunin um sundferð-
ina hafi verið tekin i skyndi.
„Það var bara tilviljun að ég
skyldi fara á þessum tíma. Eg
var á leiðinni annað en sneri við
og var kominn á staðinn tveimur
mínútum fyrir lokun,“ segir hann
loks og neitar því ekki að laugar-
ferðin hafi verið til fjár.
Guðmundur Harðarson for-
stöðumaður Kópavogslaugar
segir að gesturinn hafi fengið
að launum flugfar fyrir tvo til
Dublinar með Samvinnuferð-
um/Landsýn, blómvönd frá
Blómahöllinni, fritt í laugina til
áramóta, vöruúttekt í Sportbúð
Kópavogs og sjampó og hárnær-
ingu sem sérstaklega eru til að
þvo klór úr hári.
Yfir 20.000 tonn hafa
aflazt í Síldarsmugxinni
VEIÐAR hafa gengið vel í Síldar-
smugunni undanfama daga. ís-
lenzku skipin hafa verið að fylla
sig á einum degi að meðaltali, en
eitthvað er um að menn hafi kastað
á stórar torfur og rifið næturnar,
sem hefur tafið fyrir þeim. Viðmæ-
lendur Morgunblaðsins áætluðu í
gær að íslenzku skipin hefðu þegar
veitt um og yfir 20.000 tonn af síld.
Að sögn Jóhanns A. Jónssonar,
útgerðarmanns Júpiters, sem hefur
stundað síldveiðamar, er síldin nú
út um alla Síldarsmugu og langt
suður í færeysku lögsöguna. Jó-
hann sagðist í gær hafa frétt af
færeyskum bát, Kristjáni í Gijót-
inu, sem hefði verið að veiða stutt
frá Færeyjum, á 62. breiddargráðu.
Síldarbátunum hefur enn farið
fjölgandi og em nú 28 eða 29 bát-
ar bytjaðir á veiðunum samkvæmt
uþplýsingum frá Tilkynningaskyld-
unni. Jóhann segir það kost að
bátunum fjölgi, því að þar með
verði auðveldara að finna veiðan-
lega síld.
14-15.000 tonnum hefur
verið landað
Síld er nú landað á Seyðisfirði,
Raufarhöfn og Reyðarfirði og
hyggst SR-mjöl einnig setja verk-
smiðju sína á Siglufirði af stað
vegna þess hve góður gangur er í
veiðunum. Einnig hefur verið land-
að til bræðslu á Þórshöfn og Vopna-
firði.
Áætlað var að í gær hefði 14-
15.000 tonnum verið landað á ís-
landi og þrjú til fjögur þúsund tonn
til viðbótar gætu verið á leiðinni.
Með því, sem skipin á miðunum
hafa þegar fengið, gæti afli ís-
lenzku skipanna því verið kominn
um og yfir 20.000 tonn.
Verðið, sem íslenzku bræðslum-
ar hafa verið að greiða, er að
meðaltali um 5.000 krónur á tonn-
ið, að sögn Jóhanns. Norskar og
færeyskar bræðslur hafa boðið eitt-
hvað hærra verð. Þá var í gær vit-
að um að minnsta kosti einn bát,
Kap frá Vestmannaeyjum, sem
landað hafði í Færeyjum.
„Ég vona að menn skilji þessa
baráttu umfram það að láta sér
detta í hug að landa í Noregi,“
sagði Jóhann A. Jónsson. Hann
sagðist telja eðlilegt, miðað við
samkomulag íslands og Færeyja,
að síldinni yrði landað í öðru hvoru
landinu. Jóhann sagði síldina á
vesturleið og ísland lægi því æ
betur við.
Jóhann segir að síldin sé nú kom-
in svo langt út úr norsku lögsög-
unni að svo virðist, sem íslenzki
flotinn hafi ekki verið of snemma
á ferðinni þegar þeir fyrstu lögðu
af stað í Síldarsmuguna 24. apríl.
Hann sagði að enn væri síldin hins
vegar nokkuð mögur og færi hún
væntanlega að fitna upp úr miðjum
mánuðinum.
Síldin fer ekki til manneldis
Að sögn Gests Valgarðssonar,
verkefnisstjóra hjá SR-mjöli á
Seyðifirði, er síldin, sem komið
hefur á land þar, ekki eins gott
hráefni og sú sem komið hefði úr
Síldarsmugunni í fyrrasumar. Inni
á milli væri smásíld og síldin væri
líka frekar mögur. í henni væri
mikil rauðáta, sem gerði hana
óhæfa til manneldis.
Ólíklegt er að mikið af síldinni,
sem nú veiðist, fari til manneldis,
þar sem skipin eru almennt ekki
með sjókælibúnað og þurfa að sigla
nokkuð langt með aflann. Eina
skipið, sem stundað getur síldveið-
arnar og hefur sjókælitanka, er
Jóna Eðvalds frá Hornafirði.
SÍLDINNI landað á Seyðisfirði.
Morgunblaðið/Pétur Kristjánsson
GÍGJA VE kemur með fullfermi af síld til Seyðisfjarðar. Hjá
SR-mjöli á Siglufirði hafði í gær verið landað um 4.500 tonnum.
í
»
\
*
>
\
>
>
\
h
>
>
I
>
I