Morgunblaðið - 09.05.1995, Blaðsíða 25
MORGUNBLAÐIÐ
ÞRIÐJUDAGUR 9. MAÍ1995 25
LISTIR
Menning og
sjálfstæði
FYRR í vetur kom út bókin Menning
og sjálfstæði eftir Pál Skúlason pró-
fessor í heimspeki. í bókinni ræðir
Páll ýmsar áleitnar spurningar um
menningu og sjálfstæði.
I inngangsorðum bókarinnar segir
"'höfundur meðal annars: „í hugum Is-
lendinga haldast menning og sjálfstæði
í hendur. Skilningur þeirra á menningu
sinni og menningararfi er samofinn
vitundinni um sérstöðu þjóðarinnar og
baráttu hennar fyrir sjálfstæði. Þessi
skilningur og þessi barátta eru jafn-
frámt óijúfanlega tengd leit manna að
tilgangi og gildi, fegurð og merkingu
mannlífsins. Slík leit er meginþáttur
■ allrar menningar og menningarviðleitni
hvers og eins. Hún er hornsteinninn
og bindiefnið, hvatinn og stefnumarkið.
Þess vegna þarfnast menningin stöð-
ugrar yfirvegunar og íhygli, gagnrýni,
umræðu og ástundunar sem flestra og
sem oftast."
Bókin er gefin út af Háskólaútgáf-
unni og er til sölu íflestum bókaverslun-
um. Hún er 103 bls. og kostar 1.490 kr.
LEIKLISTARKLÚBBUR SÁÁ frumsýnir
Dyraverðiiia í kvöld
Leiklistarklúbb-
ur SAA frumsýnir
Dyraverðina
LEIKLISTARKLÚBBUR SÁÁ frum-
sýnir leikritið Dyraverðina eftir John
Godber í Tjarnarbíói kl. 20.30 í kvöld.
Dyraverðirnir er gráglettin lýsing á
föstudagskvöldi í lífi nokkurra ung-
menna. Leikendur eru Arnar Heimir
Jónsson, Björgvin Stefánsson, Valgerð-
ur Stefánsdóttir, Skúli Friðriksson,
Svavar Björgvinsson, Thelma Björk
Brynjólfsdóttir, Ellen Guðmundsdóttir
og Stefanía Thors og skipta þau með
sér hátt á þriðja tug hlutverka.
Leikstjóri sýningarinnar er Hávar
Siguijónsson, hljóðmeistari er Gísli
Sveinn Loftsson og lýsing er í höndum
Kára Gíslasonar. Þýðing verksins var
unnin í samvinnu hópsins og leikstjóra.
Önnur sýning verður miðvikudaginn
10. maí kl. 20.30, þriðja sýning fimmtu-
daginn 11. maí kl. 20.30 og fjórða og
síðasta sýning föstudaginn 12. maí kl.
20.30.
Síðasta
sögrikvöld
vetrarins
FIMMTA og síðasta sögukvöld
vetrarins í Kaffileikhúsinu verður
miðvikudaginn 10. maí í Hlað-
varpanum.
Sögumenn og -konur fimmta
sögukyöldsins verða: Guðrún Pét-
ursdóttir, forstöðumaður sjávarút-
vegsstofnunar Háskóla íslands,
Jón Thoroddsen þýðandi, Jónas
Kristjánsson forstöðumaður hand-
ritastofnunar, Ólafur Hannibals-
son blaðamaður, Sigríður Hall-
dórsdóttir frá Jónstóft í Mosfellsd-
al, Sveinn Kristinsson kennari óg
Valgarður Egilsson læknir og rit-
höfundur.
Boðið er upp á kaffiveitingar.
Sögukvöldið hefst kl. 21 en húsið
verður opnað kl. 20. Kvöldin halda
áfram í haust.
Voces Mirabilae
TONLIST
Langhol tskirkja
KVENNAKÓR
REYKJAVÍKUR
Islensk leikhúslög, negrasálmar,
lög eftir Schubert, Schuymann,
Liszt, Stolz og Lehár, syrpa úr
Showboat eftir Kern. Kvennakór
Reykjavíkur, Signý Sæmundsdóttir
sópran, Svana Víkingsdóttir píanó
og Tríó Aðalheiður Þorsteinsdóttur
(A.Þ. pianó, Ágeir óskarsson
slagverk og Gunnar Hrafnsson
kontrabassi.) Stjórnandi: Margrét
Pálmadóttir. Fimmtudaginn 4. maí.
ÞAÐ setti að manni nokkurn ugg
á tónleikum Kvennakórs Reykjavík-
ur í Langholtskirkju sl. fimmtu-
dagskvöld.
Tilefnið var áhyggjur af framtíð
blandaðra kóra hér á mölinni. Með
sama framhaldi gæti nefnilega farið
að saxast svo á ijómann af sópran-
og altliði hinna höfuðborgarkór-
anna, að spyija má hvort þurfí ekki
senn að setja kvóta á KKR, áður
en hann sogar til sín fleiri úrvals-
kvenraddir.
Nema — og hér kemur vonar-
glætan gagnvart yfirvofandi svart-
nætti — skýringin á hinum framúr-
skarandi góða hljómi kvennakórsins
felist í hnitmiðaðri raddþjálfun og
skilvirkri ögun hins drifmikla
stjórnanda Margrétar Pálmadóttur.
Ef svo er verður aðsteðjandi usli
kannski minni en óttast mætti að
fyrra bragði.
Samt sem áður er erfitt að losa
sig alveg við þá tilfinningu, að söng-
fuglum KKR sé raddprýðin í blóð
borin. Því ekkert kemur úr engu.
Alltjent var deginum ljósara, að
Kvennakór Reykjavíkur hefur nú
sett nýjan viðmiðunarstaðal fyrir
íslenska kvennakóra og gott ef ekki
samkynja kóra yfirleitt — hvað
varðar raddfegurð, jafnvægi og
hreinleika. Við höfum eignazt nýtt
og glæsilegt hljóðfæri.
Nú vantar bara metnaðarfyllra
viðfangsefni. Dagskrá KKR um-
rædd fimmtudagskvöld var a.m.k.
að mestu fislétt sumarprógramm,
þar sem tvö númer úr Gesánge Ftir
Frauenstimmenn eftir Schumann
og Stándchen eftir Schubert mynd-
uðu klassískasta kjarnann og jafn-
framt hartnær eina efnið sem upp-
haflega var samið fyrir kvennakór.
Ein af undirdeildum KKR söng Die
Capelle úr áðurnefndum Schu-
mann-bálki undir nafninu „Vox
[ætti sennilega að vera Voces (flt.)]
Feminae" mjög snoturlega, en jafn-
aðist þó ekki að fullu á við kraft,
og einkum hæðaröryggi, stórkórs-
ins.
Nýr útsetjari KKR, Aðalheiður
Þorsteinsdóttir, kvaddi sér hljóðs
með ákaflega velhljómandi radd-
setningum, m.a. á lögum Atla
Heimis Sveinssonar, Afmælisdikt-
um og „madrigalettóinu" úr Dans-
leik Odds Björnssonar, Við svala
lind, þar sem hún afrekaði að
þrengja saman blandaðan kórsatz
í samkynja án þess að þrengsla
yrði vart. Þegar kom að negra-
sálmalögunum, átti Aðalheiður
einnig heiðurinn af ágætri radd-
setningu á Sometimes I feel líke
að motherless child og Exodus (úr
samnefndri kvikmynd sem má að
vísu varla heita negrasálmurj fyrir
aðra undirdeild KKR, „Gospel-syst-
ur Möggu Pálma“ við undirleik
hryntríós, sem bauð upp á (full-lág-
væran) trommuleik Ásgeirs Óskars-
sonar og (ögn háværan) kontra-
bassaleik Gunnars Hrafnssonar
[,,úlfur“ Langholtskirkju kallaði
fram leiðinda búm á fáeinum tónt-
íðnum], auk þokkalegs píanóleiks
Aðalheiðar, sem jafnaðist þó ekki á
við öruggt slaghörpuspil fastapían-
istans, Svönu Víkingsdóttur, í öðr-
um lögum dagskrárinnar. Svana
brilleraði í lýsingu píanósins á cimb-
alom-slætti tatara í Die drei Zigeun-
er eftir Franz Liszt.
Hinar prýðilegu raddsetningar
Egils R. Friðleifssonar á My Lord,
what a morning og Joshua fit the
battle of Jericho nutu sín mjög vel
fyrir Gospel-systur er fóru þó alvar-
lega (og líklega með réttu) í að
„swinga“ þeldökku sveifluna. Af
áðurgengnum íslenzkum leikhús-
lögum bar annars hinn gullfallegi
Söngur Sólveigar Hjálmars H.
Ragnarssonar úr Pétri Gaut, en tón-
leikaskráin gaf því miður ekki upp
hvort lagið væri frumsamið fyrir
kvennakór eða útsett síðar meir og
hefði mátt vera greinarbetri í fleiri
atriðum, þrátt fyrir fallegt útlit.
Einsöngvari kvöldsins, Signý
Sæmundsdóttir, gerði góða lukku
með eða án undirsöngs kórsins,
ekki sízt í þýzku óperettulögunum,
þó að undirrituðum fyndist ung-
versku czardas-„tiktúrur“ hennar
ívið yfirdrifnar. Leynigestur kórs-
ins, Szymon Kuran, vakti og mikla
ánægju með fiðluleik sínum í Spiel
af deine Geige eftir Robert Stolz.
Tónleikunum lauk með syrpu af
hinum ódauðlegu lögum Jeromes
Kerns úr Showboat (1927), sem
kórinn söng af mikilli innlifun.
Kvennakór Reykjavíkur er komin
að næsta þrepi. Nú er að sækja í
sig veðrið! Nýtt og stórfenglegt
hljóðfæri hefur fest sig í sessi, svo
ekki verður um villzt. Þá er bara
að vona að íslenzku tónskáldin fari
senn að vitja, því engin syfjumerki
eru á þessum meyjum.
Ríkharður Ö. Pálsson
Blómleg ávöxtun!
Nú fœröu hœrrí ávöxtun á sparifé þitt í íslandsbanka.
Verbtryggb Sparileib 48
Öbundin Sparileib
Taktu markvissa stefnu ísparnaöi.
Þaö borgar sig aö spara á Sparileiöum íslandsbanka.
ISLANDSBANKI
- / takt viö nýja tíma!