Morgunblaðið - 09.05.1995, Blaðsíða 41

MORGUNBLAÐIÐ
ÞRIÐJUDAGUR 9. MAÍ 1995 41
FRÉTTIR
Kynningarkvöld
Minjanefndar skáta
MINJANEFND skáta verður með
opið kynningarkvöld miðvikudag-
inn 10. maí í Skátahúsinu við
Snorrabraut og hefst dagskráin kl.
20.
Nefndin hefur nú starfað í tæp
3 ár. Skátaminjar er víða að finna
og er það hlutverk nefndarinnar
að hafa forystu um skráningu á
munum, myndum og rituðum heim-
ildum sem telja má sögulega mikil-
væga. Þetta er gert í samráði við
skátafélög, hópa og einstaklinga.
Gert er ráð fyrir að talsverður hluti
þess sem skráð er varðveitist áfram
þar sem það hefur verið, séu að-
stæður fyrir hendi.
Á kynningarfundi Minjanefndar
verður athygli beint að tvennu. Þau
Áslaug Friðriksdóttir, fyrrverandi
formaður Skátasambands Reykja-
víkur, og Páll Gíslason, fyrrverandi
skátahöfðingi, munu rifja upp sam-
einingu kvenskáta og drengjaskáta
í eitt bandalag, Bandalag íslenskra
skáta, en á síðasta ári voru 50 ár
liðin síðan það varð. ísland var
fyrsta landið í heiminum til að sam-
eina stafið á þennan hátt.
Einnig verður á kynningarfund-
inum fjaliað um ferðir skáta á al-
þjóðamót, World Jamboree í Hol-
landi. Þeir Ólafur Alexandersson
og Sveinn Elíasson, sem fóru á
Jamboree í Hollandi árið 1937,
munu rifja upp ýmislegt eftirminni-
legt úr þeirri ferð og fararstjórar
skáta sem fara á Jamboree í Hol-
landi nú í sumar munu segja frá
því hvernig ferðin nú er skipulögð.
Kynningarkvöldið er opið öllum
skátum og velunnurum.
ROBERT E. Pedersen, sendiherra Kanada á íslandi og Nor-
egi, afhendir Kristbjörgu viðurkenningu í viðurvist Jóns H.
Bergs, aðalræðismanns Kanada.
Viðurkenning
fyrir störf í
þágu Kanada
NÝLEGA veitti ráðuneytisstjóri
utanríkisráðuneytis Kanada í
Ottawa Kristbjörgu Ágústsdóttur,
aðalræðisskrifstofu Kanada, viður-
kenningu fyrir frábær störf í þágu
Kanada.
Slíkar viðurkenningar eru veittar
árlega og var Kristbjörg ein af fjór-
um sem hlutu viðurkenningu ráðu-
neytisstjórans á þessu ári.
------» » ■«----
Þumalína í nýtt
húsnæði
BARNA- og
heilsuvöruverslun-
in Þumalína, sem
hefur verið til húsa
á Leifsgötu 32 í
15 ár, hefur nú
flutt starfsemi sína
í Pósthússtræti 13
sem er næsta hús
við Hótel Borg. Hulda Jensdóttir
Þumalína hefur eieandi Þuma’
sérhæft sig í þjón-
ustu við barnshafandi konur og
minnstu bömin, einnig sérhæft sig
í fyrirburaþjónustu.
Eigandi Þumalínu er Hulda Jens-
dóttir, fyrrverandi forstöðukona
Fæðingarheimilis Reykjavíkur.
■ VERSLUNIN EMÍR, Hring-
braut 121 (JL-húsinu) var opnuð
8. apríl sl. Verslunin sérhæfir sig
í sölu handhnýttra teppa og hand-
gerðra skrautmuna frá Austurlönd-
um sem hún flytur inn milliliða-
laust frá framleiðendum.
■ KARL Helgi
Jónsson, fram-
reiðslumaður, tók í
febrúar sl. við
rekstri Skálafells
Dansbars í Mos-
fellsbæ. Karl réðst
fljótlega í breyt-
ingar á staðnum
og rúmar hann nú
110 manns. Ýmsar
uppákomur eru í boði á veitinga-
staðnum t.a.m. lifandi tónlist,
tískusýningar o.fl. Einnig er í boði
karaoke-kerfi.
Ur dagbók lögreglunnar
Alsæla, amfetamín
og hass gert upptækt
5. til 8. maí
BÓKFÆRÐ eru 384 tilvik um
helgina. Af þeim eru t.d. 4 um-
ferðarslys í 21 umferðaróhappi,
31 mál vegna hávaða og ónæðis,
7 innbrot, 9 þjófnaðir, 7 skemmd-
arverk, 9 rúðubrot og 61 kæra
eða áminning vegna ýmiss konar
umferðarlagabrota.
Á föstudag höfðu starfsmenn
fíkniefnadeildar lögreglunnar af-
skipti af manni á götu í Kópa-
vogi. Á honum voru 16 grömm
af amfetamíni. Við húsleit á
heimili hans fundust síðan 4
grömm af amfetamíni til viðbót-
ar.
Ólöglega framleitt áfengi á
vínveitingastað
Síðar um daginn lögðu þeir
hald á tæki til ólöglegrar áfengis-
framleiðslu í húsi í Grafarvogi.
Um kvöldið fundust 5 töflur af
alsælu og lítilræði af hassi og
amfetamíni á tveimur mönnum á
skemmtistað í miðborginni. Á
föstudagsnótt lögðu starfsmenn
fíkniefnadeildar hald á tvo stóra
plastbrúsa með áfengi á einum
vínveitingastað nálægt miðborg-
inni. Grunur er um að um ólög-
lega framleitt áfengi sé að ræða.
Um nóttina var farið að hús-
næði við Höfðatún þar sem
skemmtanahald hafði verið helg-
ina áður. Þar voru teknar fjórar
og hálf alsælutafla af þremur
mönnum sem biðu fyrir utan.
Inni fundust 11 alsælutöflur og
lítilræði af amfetamíni.
Afrakstur dagsins var því rúm-
lega 20 töflur af alsælu, 20
grömm af amfetamíni, lítil
bruggverksmiðja, tveir brúsar
með líklega ólöglegu áfengi og
lítilræði af hassi. Undir morgun
á laugardag stóðu lögreglumenn
í deildinni menn að innbroti í
fyrirtæki við Mýrargötu.
Kvéikt í vörubíl
Síðdegis á föstudag var til-
kynnt um slys á Gufuneshöfða
við Dofra. Þar hafði 9 ára gam-
all drengur fallið um 7 metra
niður kletta. Drengurinn var
fluttur á slysadeild með sjúkra-
bifreið en meiðsli hans eru talin
minniháttar.
Á föstudagsnótt varð stúlka á
reiðhjóli fyrir bifreið á Miklubraut
við Lönguhlíð. Stúlkan var flutt
á slysadeild en meiðsli hennar
voru talin minniháttar. Hún fékk
að fara heim að skoðun lokinni.
Skömmu síðar var tilkynnt um
eld í vörubifreið á Langholtsvegi.
Slökkvilið réð niðurlögum eldsins,
en talið er að um íkveikju hafi
verið að ræða.
Kom óboðinn inn af
svölunum
Aðfaranótt laugardags til-
kynnti kona að hún hefði vaknað
við að maður væri kominn inn í
íbúð hennar frá svölum. Lögregl-
an handtók manninn, sem virtist
litla hugmynd hafa um erindi sitt
í íbúðina. Maðurinn var vistaður
í fangageymslu það sem eftir lifði
nætur en að því loknu var hann
færður til yfirheyrslu.
Á laugardagsmorgun var mað-
ur handtekinn eftir innbrot í hús-
næði í Skeifunni. Maðurinn var
búinn að færa sjónvarpstæki og
eitthvert magn af bjór í bíl sinn
þegar lögreglumenn komu þar
að. Hann var færður á lögreglu-
stöðina og síðan vistaður í fanga-
geymslu.
Um morguninn fjarlægðu lög-
reglumenn nokkra menn úr ibúð
við Laugaveg. Tilkynnt hafði ver-
ið um hávaða og slagsmál í íbúð-
inni, en við nánari athugun komu
í ljós tæki og áhöld til fíkniefna-
neyslu svo og líkleg fíkniefni.
Aðfaranótt laugardags bar
svolítið á unglingum í miðborg-
inni. Þeir voru færðir í athvarfið
og sóttir þangað af foreldrum
sínum. Unglingar hafa sótt í mið-
borgina á þessum árstíma og
hefur lögregla og starfsfólk fé-
lagsmálayfirvalda sérstakan við-
búnað vegna þess. Rétt er að
minna á að enn eru í gildi ákvæði
um bann við útivist unglinga
undir 16 ára aldri.
Brutust inn í skóla
Á sunnudagskvöld voru tveir
15 ára piltar handteknir eftir inn-
brot í Breiðholtsskóla. Starfs-
maður öryggisgæslufyrirtækis
hafði komið að piltunum í
geymslukjallara skólans. Þeir
voru færðir á lögreglustöðina
þangað sem foreldrar þeirra sóttu
þá.
Fundur um mis-
þroska barnið
og skólann
FORELDRAFÉLAG misþroska
barna verður með félagsfund í
Æfíngaskóla Kennaraháskóla ís-
lands miðvikudaginn 10. maí kl.
20.30. Starfsfólk Austurbæjar-
skóla segir frá vinnu sinni með
misþroska börn.
Á fundinn koma þau Eiríkur
Ellertsson sérkennari, Soffía Unn-
ur Björnsdóttir almennur kennari
og sérkennari, Vilborg Guðnadóttir
hjúkrunarfræðingur og Þór Bjöms-
son íþróttakennari.
Hvert um sig heldur stutta kynn-
ingu. Á eftir gefa þau kost á um-
ræðum og spurningum. Fundurinn
er öllum opinn og aðgangur er
ókeypis.
♦ ♦ ♦------
K&S á Kaffi
Reykjavík
DÚETTINN K&S, _sem saman-
stendur af Kristján Óskarssyni og
Sigurði Dagbjartssyni, leikur
þriðjudags- og miðvikudagskvöld á
Kaffi Reykjavík.
Á efnisskránni eru róleg og róm-
antísk lög, salsatónlist og rokk.
Þú munt njðta þess
- frá og með 12. maí n.k
VINNINGSTOLUR
LAUGARDAGINN
06.05.1995

FJÖLDI
VINNINGAR VINNINGSHAFA
UPPHÆÐ Á HVERN
VINNINGSHAFA
1.5
4.585.257
220.810
3. 4al5
158
4.820
3.958
440
Helldarvinnlngsupphæö:
7.529.957
BIRTMEÐ FYRIRVARAUM PRENTVILtUR
MEG frá ABET
UTANÁHÚS
Þ.Þ0RGRÍMSS0N & C0
Ármúla 29 - Reykjavík - sími 38640
Fylgstu meb í
Kaupmannahöfn
Morgunblabib
fæst á Kastrupflugvelli
og Rábhústorginu
-kjami málsins!