Morgunblaðið - 09.05.1995, Blaðsíða 23
MORGUNBLAÐIÐ
ÞRIÐJUDAGUR 9. MAÍ1995 2i
LISTIR
Kærkominn Beethoven
lÓNLISi
Víðistaöakirkja
EINSÖNGSTÓNLEIKAR
Lög eftir Beethoven, Grieg, Sigfús
Einarsson, Schubert og Schumann.
Kolbeinn Ketilsson tenór, Jónas
Ingimundarsson, píanó. Sunnudag-
inn 7. maí.
BEETHOVEN þykir sjaldnast
hafa skrifað vel fyrir mannsrödd-
ina. Nægir að vitna í kverkverkj-
andi reynslu þeirra sem hafa sung-
ið sópran í An derFreude, kórkafl-
anum í Níunni, þar sem spangólað
er á háu A-i nærfellt mínútum
saman af einskærri elýskri gleði.
Þrátt fyrir þó nokkur afköst Bett-
hovens í ljóðasöngvagerð eru
söngvar hans hverfandi lítið fluttir
í dag miðað við sönglög Schuberts
og Schumanns.
Sem stendur er Beethoven í
tízku. Hollywood hefur tekið hann
upp á sína arma og segja verður
Beethoven til málsbóta, að 6 laga
sönglagabálkurinn An die ferne
geliebte frá miðju eyðimerkur-
gönguskeiði tónskáldsins (1816)
mætti heyrast miklu oftar, því þar
er ekki að sjá að hann ofbjóði
mannsröddinni. Lögin sex, sem
samtengd eru með örstuttum milli-
spilum, eru þvert á móti látlaus
og þokkafull í nýrómantískri
angurværð sinni og skyld þjóðlag-
inu í anda, enda var Beethoven á
þessum árum að dunda við fjölda
þjóðlagaútsetninga fýrir forleggj-
arann Thomson í Edinborg. Kol-
beinn Ketilsson og Jónas Ingi-
mundarson fluttu bálkinn allvel,
þó að ekki verkaði beint traust-
vekjandi að sjá söngvarann syngja
þetta klassíska efni eftir nótum.
Hefði söngvaranum gefizt tími til
að læra lögin utan að, hefði túlkun
hans vafalitið orðið svipmeiri.
Kolbeinn var smám saman að
hitna í fyrstu þrem lögum af 6
eftir Edvard Grieg, en í fjórða lag-
inu, litlu perlunni Jeg elsker dig,
fór hann að ná sér á strik, og í
síðustu tveim, Fra Monte Pincio
og En Drem tók dramatíska óperu-
röddin að blómstra á viðeigandi
stöðum. Kolbeinn hefur hljóm-
mikla og ögn barítonleita tenór-
rödd, sem virðist tímastillt fyrir
Heldentenor — hlutverk í fyrirsjá-
anlegri framtíð. Hér var hún aftur
á móti lofsamlega laus við þann
óþarfa belging sem stundum vill
einkenna óperuskólaðar söngradd-
ir á vettvangi ljóðsins. Þó mætti
Kolbeinn hugsa meira um textann,
í inntakstúlkun og einkum i fram-
burði — herða samhljóðana betur,
ekki sízt í enda orðs. Einnig mætti
hann hugsa ögn meira upp í tón-
inn, því stundum, einkum framan
af, virtist hann hafa tilhneigingu
til að byija að lafa, þó að minna
bæri á því eftir hlé.
íslenzku lögin fjögur voru öll
eftir Sigfús Einarsson, Drauma-
landið, Gígjan, Sofnar lóa og Aug-
un bláu og tókst Kolbeini þar enn
betur upp, þó að Gígjan væri hlut-
fallslega dauft túlkuð. Lóukvæðið
bauð upp á pianissimo-söng og
sannfærði Kolbeinn þar hlustend-
ur um að ekki vantaði heldur þenn-
an þarfa streng á hörpu hans.
Jöfn og þétt stígandi var yfir
tónleikunum og alltaf jókst breidd
og dýpt í túlkuninni, svosem í
Schubert-laginu An die Leier (Til
lýrunnar) og hinu fræga lagi
Schumanns við ljóð Heines um
Sprengjuverplana tvo (Die beiden
Grenadiere), þar sem getur að
heyra fallbyssuskot og jódyn í
undirleiknum, auk þess sem vitnað
er í La Marseillaise. Einnig hér
hefði harðari textaframburður tví-
mælalaust aukið á dramatíkina.
Aðsókn var í tæpu meðallagi,
fremur fámennt en góðmennt.
Undirtektirnar voru hins vegar
með ágætum, því þeir Kolbeinn
og Jónas uppskáru ekki aðeins
fimm aukalög, heldur einnig
„standandi lófatak". Kolbeinn
virðist sem sé á réttri leið og seint
ætlar Jónas að versna í meðleik-
arafaginu. Staða hans jaðrar við
fákeppni.
Ríkarður Ö. Pálsson
Leikárið 1995-1996 í Covent Garden kynnt
Verdi o g 20. aldar verk
Þá verða endurfluttar uppsetningar á Aidu og La
Traviata og síðasti hlekkurinn í Niflungahringnum,
Götterdámmerung, settur á svið auk Hérodiade eftir
Massenet.
Ballet í fjársvelti
Konunglegi ballettinn mun sýna 109 sinnum en
óperan 140 sinnum á næsta leikári. Segir Jeremy
Isaacs, forstjóri Covent Garden, að vegna fjárhags-
örðugleika, lélegrar æfingaaðstöðu og fárra dansara
sé nánast útilokað að semja og setja á svið nýja
balletta. Það ballettverk sem mesta eftirvæntingu
vekur er sýning sem Twyla Tharp setur upp.
Nú liggur fyrir bæjarráði Westminster tillaga um
hvort reisa eigi nýtt óperuhús, sem kostar um 18
milljarða ísl. kr. Er búist við að niðurstaða liggi fyrir
í næsta mánuði.
ÓPERUR verða allsráðandi á næsta leikári í Covent
Garden í London. Ástæðan er bág fjárhagsstaða en
óperur skila mun meiru í kassann er ballettsýning-
ar. Hápunktar leikársins eru tveir, fjórar uppfærslur
á Verdi-óperum og fjórar óperur frá þessari öld.
20. aldar verkin eru Arianna eftir Álexander Go-
ehr en hún er samin við libretto frá árinu 1608;
Mathis der Maler eftir Hindemith sem Peter Sellars
leikstýrir en Esa Pekka Salonen stýrir hljómsveit-
inni; The Midsummer Marriage eftir Tippett og The
Duenna eftir Gerhard.
Verdióperunar eru allar settar upp í samvinnu við
önnur óperuhús. Fyrsta er að telja Don Carlos í
samvinnu við Parísaróperuna, Nabucco í samvinnu
við velsku þjóðaróperuna, II corsaro sem einnig verð-
ur flutt í Tórínó og Giovanna d’arco sem er sett upp
í samvinnu við Opera North.
V ortónleikar Tónlist-
arskóla Borgarfjarðar
VORTONLEIKAR nemenda Tónlist-
arskóla Borgarfjarðar verða haldnir
í vikunni. Á tónleikunum verður nem-
endum jafnframt afhent prófskír-
teini. Fyrstu tónleikarnir verða í
Borgarneskirkju í dag, þriðjudaginn
9. maí, kl. 20.30 og miðvikudaginn
10. maí kl. 18. Síðan verða haldnir
tónleikar í Logalandi, Reykholtsdal,
föstudaginn 12. maí kl. 20.30.
Söngdeildartónleikar skólans
verða haldnir í Borgarneskirkju laug-
ardaginn 13. maí kl. 16 og eru það
jafnframt síðustu tónleikarnir í þess-
ari tónleikaröð. Aðgangur að þessum
tónleikum er ókeypis og eru allir
velkomnir meðan húsrúm leyfír.
I vetur hafa 180 nemendur stund-
að nám við Tónlistarskóla Borgar-
fjarðar. Kennarar við skólann eru
10 og fer kennslan fram í fjórum
grunnskólum í Borgarfjarðarhéraði:
Borgarnesi, Hvanneyri, Kleppjárns-
reykjum og Varmalandi. Skólastjóri
tónlistarskólans er Theódóra Þor-
steinsdóttir.
SUMAR
1995
og aðrir sem fást við ferðaþjónustu!
Við viljum minna á alþjóðlegt
úrval okkar af rúmdýnum sem
henta vel fyrir innlenda sem
erlenda ferðalanga.
1995
Hafið samband sem fyrst við
sölumenn okkar í dýnum og
fáið upplýsingar um okkar
góðu og þægilegu dýnur.
Húsgagnahollln
BÍLDSHÖFÐA 20 - 112 REYKJAVÍK - SÍMI 5871199
Lánareglur okkar eru einfaldar og
óþarfa biö vegna umsókna þekkist ekki.
Ef öll gögn liggja fyrir af þinni
hálfu, er umsóknin því
afgreidd innan sólarhrings.
Fáðu ítarlegan upplýsingabækling í næsta
útibúi Landsbanka Islands, Búnaðarbanka
Islands eða hringdu beint í okkur.
Kynntu þér þá margvíslegu möguleika
sem fjármögnunarleiga hefur umfram
aðra kosti á lánamarkaðinum.
ar y
i / i
» ' S'ti
SUÐURLANDSBRAUT 22, 108 REYKJAVÍK
SÍMl 568 9050, FAX 581 2929